(செ.தேன்மொழி)

20 ஆவது அரசியலமைப்பு திருத்தத்தில் உள்ளடக்கப்பட்டுள்ள அதிகூடிய அதிகாரம், இராணுவ பின்னணியை கொண்ட ஜனாதிபதி கோதாபய ராஜபக்ஷ போன்ற ஒருவர் கையில் கிடைக்கப் பெற்றால் அது பாரிய நெருக்கடிகளை தோற்றுவிக்கும் என்று ஐக்கிய மக்கள் சக்தியின் பாராளுமன்ற உறுப்பினர் ராஜித்த சேனாரத்ன தெரிவித்தார்.

எதிர்க்கட்சி தலைவர் அலுவலகத்தில் இன்று வியாழக்கிழமை 20 ஆவது அரசியலமைப்பு திருத்தம் தொடர்பில் ஊடகவியலாளர்களுக்கு விளக்கத்தை ஏற்படுத்தும் செயற்திட்டமொன்று இடம்பெற்றது. 

இதன்போது கருத்துரைக்கும் போது இவ்வாறு தெரிவித்த அவர் மேலும் கூறியதாவது ,

இதேவேளை, பிரதமர் மஹிந்த ராஜபக்ஷவை பொறுத்தமட்டில் அவர் பல போராட்டங்களுக்கு மத்தியில் அரசியலில் முன்னேறி வந்தவர்.  நீண்டகால அரசியல் அனுபவத்தை கொண்டுள்ள இவர் மக்கள் தொடர்பில் தெளிவான விளக்கத்தை கொண்டு செயற்படுபவர். 

இந்நிலையில் எவ்வாறு மக்களின் விருப்பத்தை வெற்றிக் கொள்வது , எந்த சந்தர்ப்பத்தில் மக்கள் நாட்டின் தலைமைத்துவத்தின் மீது வெறுப்புக் கொள்வார்கள் என்ற விடயங்கள் தொடர்பில் நன்கு அறிந்துக் கொண்டுள்ளவர். 

அதனால், இவருக்கு இத்தகைய அதிகாரங்கள் கிடைக்கப் பெற்றால் , அதில் பாரதூரமான பாதிப்புகள் ஏற்படாவிட்டாலும் , ஜனாதிபதி கோதாபய ராஜபக்ஷவின் கையில் கிடைக்கப் பெற்றால் அது எவ்வாறான விளைவுகளை ஏற்படுத்தும் என்பதை கூறமுடியாது என்றார்.

https://www.virakesari.lk/article/90135

தெரிந்துதானே சிங்களவர்கள் ஆட்சியை கையில் கொடுத்துள்ளார்கள், இனி நாடு இந்தியாவிடமா சீனாவிடமா என் சில வருடங்களில் தெரியும் 

16 hours ago, செண்பகம் said:

தெரிந்துதானே சிங்களவர்கள் ஆட்சியை கையில் கொடுத்துள்ளார்கள், இனி நாடு இந்தியாவிடமா சீனாவிடமா என் சில வருடங்களில் தெரியும் 

இதில் என்ன சந்தேகம் சீனாவிடம் தான்

உங்களுக்கு கிடைத்த 4வருடங்களை பயன்படுத்தி நேர்மையாக வேலை செய்திருந்தால் இந்த இழி நிலை மீண்டும் வந்திருக்குமா? ஊழல் அற்ற ஆட்சி நடத்தி; ராஜபக்‌ஷக்கள் மீது ஒழுங்கான சட்ட நடவடிக்கை எடுத்திருந்தால் இப்ப முழு குடும்பமும் உள்ளுக்க இருந்திருக்கும்.

 

11 hours ago, Dash said:

ராஜபக்‌ஷக்கள் மீது ஒழுங்கான சட்ட நடவடிக்கை எடுத்திருந்தால் இப்ப முழு குடும்பமும் உள்ளுக்க இருந்திருக்கும்.

 

இவர்கள் செய்ய வேண்டியதை செய்யாமல் விட்டதால்,  அவர்களை விட இவர்களே கூடிய ஊழல் வாதிகள் அதனாற்தான் நடவடிக்கை எடுக்க தயங்குகிறார்கள் என மக்கள் நினைத்து,  தெரியாத தேவதையை விட தெரிந்த வேதாளமே சிறந்ததென  தெரிந்து விட்டிருக்கிறார்கள். கொஞ்சம் பொறுங்கள், லபோ... லபோ என்று வாயிலும், வயித்திலும் அடித்துக்கொண்டு கதறுவார்கள்.