யாழ். பல்கலைக்கழகத்தில்.. மீள அமைக்கப்பட்டுள்ள, முள்ளிவாய்க்கால் நினைவுத் தூபி திறக்கப்படுகிறது!

யாழ்ப்பாணம் பல்கலைக்கழக வளாகத்தில் மீள அமைக்கப்பட்டுள்ள முள்ளிவாய்க்கால் நினைவுத்தூபி எதிர்வரும் ஏப்ரல் 23ஆம் திகதி வெள்ளிக்கிழமை திறந்து வைக்கப்படவுள்ளது.

தமது அழைப்பின் பேரில், யாழ். பல்கலைக்கழக துணைவேந்தர், பேராசிரியர் எஸ்.ஸ்ரீசற்குணராசா திறந்துவைப்பார் என பல்கலை மாணவர் தரப்பில் தெரிவிக்கப்பட்டுள்ளது.

யாழ். பல்கலைக்கழக வளாகத்தில் அமைக்கப்பட்டிருந்த முள்ளிவாய்க்கால் நினைவுத் தூபி பல்கலைக்கழக நிர்வாகத்தினால் கடந்த ஜனவரி எட்டாம் திகதி இடித்தழிக்கப்பட்டது.

இதையடுத்து, அதனைக் கண்டித்து மாணவர்கள் போராட்டங்களை முன்னெடுத்ததுடன், மக்களின் எழுச்சி மற்றும் பன்னாட்டு ரீதியிலான கண்டனங்களைத் தொடர்ந்து முள்ளிவாய்க்கால் நினைவுத் தூபியை மீள அமைக்க பல்கலைக்கழக நிர்வாகம் இணங்கியது.

அத்துடன், பல்கலைக்கழக துணைவேந்தரினால் அடிக்கல் நாட்டப்பட்டதுடன் முள்ளிவாய்க்கால் நினைவு முற்றம் எனக் குறிப்பிடப்பட்ட பதாகை காட்சிப்படுத்தப்பட்டு நினைவுத் தூபியை மீள அமைக்கும் பணிகள் மாணவர்களின் பங்களிப்புடன் ஜனவரி 15ஆம் திகதி ஆரம்பமானது.

இந்நிலையில், அதன் கட்டுமானப் பணிகள் நிறைவுக்கு வந்துள்ள நிலையில், எதிர்வரும் 23ஆம் திகதி அதனைத் திறந்து வைப்பதற்கான ஏற்பாடுகள் முன்னெடுக்கப்பட்டுள்ளன.

https://athavannews.com/2021/1210632

எந்தத் தடை ஏற்படினும் நாளை முள்ளிவாய்க்கால் நினைவு தூபி திறக்கப்படும் – யாழ். பல்கலைக்கழக மாணவர் ஒன்றியம்

 

 72 Views

கடந்த ஜனவரி மாதம் 8ஆம் திகதி யாழ். பல்கலைக்கழக வளாகத்தில் அமைக்கப் பட்டிருந்த முள்ளிவாய்க்கால் நினைவு தூபி  பல்கலைக்கழக நிர்வாகத்தினரால் இடித் தளிக்கப்பட்டது. பின்னர் மீண்டும் அதே இடத்தில் நிறுவப்பட்ட தூபியானது நாளை திறந்து வைக்கப்படவுள்ளது.

பல்கலைக்கழக நிர்வாகத்தினர் நினைவுத்தூபியை இடித்ததையடுத்து  மாணவர்கள், தமிழ் உணர்வாளர்கள் அரசியல் தலைவர்கள் கண்டனம் வெளியிட்டதுடன், மாணவர்கள் உண்ணாவிரதப் போராட்டத்தை மேற் கொண்டு அழுத்தம் கொடுத்த காரணத்தினால் மீண்டும் அதே இடத்தில் நினைவுத் தூபியை அமைப்பதற்கு பல்கலைக்கழக நிர்வாகத்தினரால் ஜனவரி 11அதிகாலை அடிக்கல் நாட்டப்பட்டது.

யாழ்.பல்கலைக்கழக உப வேந்தரின் அனுமதிக்கு அமைய, இந்த அடிக்கல் நாட்டப்பட்டு நினைவுத் தூபி கட்டுமானம் நிறைவுக்கு வந்தது. இத்தூபி நாளை திறந்து வைக்கப்படுவதாக தெரிவிக்கப்பட்டுள்ளது. இந்நிலையில் யாழ். பல்கலைக் கழக துணைவேந்தர் மாரடைப்பு காரணமாக யாழ். போதான வைத்தியசாலையில் அனுமதிக்கப்பட்டுள்ளதாக தெரிவிக்கப்பட்டுள்ளது.

இதேவேளை எது நடந்தாலும் நாளைய தினம் திட்டமிட்டபடி முள்ளி வாய்க்கால் நினைவு தூபி திறந்து வைக்கப்படுமென யாழ். பல்கலைக்கழக மாணவர் ஒன்றியம் தெரிவித்துள்ளதாக கூறப்படுகின்றது

 

https://www.ilakku.org/?p=48056