முள்ளிவாய்க்கால்நினைவேந்தலிற்கு நீதிமன்ற அனுமதி கிடைத்ததை தொடர்ந்து, அந்த பகுதிக்கு சென்றவர்களையும் பொலிசார், இராணுவம் தடுத்து நிறுத்தி வருகின்றனர்.

முள்ளிவாய்க்கால் நினைவேந்தலை நடத்த அனுமதிக்கக் கூடாதென தடைவிதிக்க கோரி 27 பேரின் பெயர் குறிப்பிட்டு பொலிசார் மனு தாக்கல் செய்திருந்தனர்.அதற்கமைவாக  கடந்த 13 ஆம் திகதி நீதிமன்று நினைவேந்தலில் ஈடுபட தடையுத்தரவு வழங்கியிருந்தது.

இந்த தடையுத்தரவுக்கு எதிராக இன்று நகர்த்தல் பத்திரங்கள் தாக்கல் செய்யப்பட்டு, வழக்கு விசாரணை நடைபெற்றது.

இதில், சுகாதார விதிமுறைகளை மீறாமலும், பயங்கரவாத  நடவடிக்கைகளை அனுசரிக்காது   அஞ்சலியை நடத்த நீதிமன்றம் அனுமதித்தது. அத்துடன், ஏற்கனவே வழங்கிய தீர்ப்பிலும் முள்ளிவாய்க்கால் அஞ்சலிக்கு தடை விதிக்கவில்லையென்பதை நீதிமன்றம் சுட்டிக்காட்டியது.

இதையடுத்து, பொலிசாரினால் தடையுத்தரவு பெறப்பட்டவர்கள், அரசியல் பிரமுகர்கள் என சிலர் முள்ளிவாய்க்கால் நினைவு முற்றத்திற்கு சென்றனர்.

அவர்களை பொலிசார், இராணுவத்தினர் வழிமறித்து, நினைவாலயத்திற்குள் நுழையக் கூடாதென வழிமறித்தனர். பொலிசாரும் சம்பவ இடத்திற்கு வந்தனர்.

நீதிமன்ற உத்தரவு தமக்கு இன்னும் கிடைக்கவில்லையென பொலிசார் கூறி எவரும் இங்கு வர அனுமதி இல்லை என திருப்பி அனுப்பியுள்ளனர். நினைவுத்தூபிக்கு செல்லும் அனைத்து பாதைகளிலும் இராணுவம் நிறுத்தப்பட்டுள்ளதுடன் நினைவேந்தல் தூபிக்கு அண்மையாகவும் இராணுவம் நிறுத்தபப்பட்டுள்ளனர்.

நீதிமன்ற தீர்ப்புக்கு பின்னரும் முள்ளிவாய்க்கால் நினைவேந்தல் முற்றத்துக்குள் நுழைய முடியாத படி பாதுகாப்பு பலப்படுத்தல் | Virakesari.lk

நீதிமன்றங்களையும், சட்டங்களையும் வளைத்துப்போட்டு பேயாட்டம் ஆடுபவர்கள் கொரோனாவையும்,  தடையுத்தரவையும் வைத்து வீம்பு பண்ணி, பழியை நீதிமன்றத்தின்மேல் போட்டு தாம் நல்ல பிள்ளைகளாக நாடகமாட போட்ட வேஷம் கலைந்து, உண்மையை ஏற்க மறுத்து, நீதிமன்ற உத்தரவு கிடைக்கவில்லையாம். தடையுத்தரவு கேட்டவர்களுக்கு அறிவிக்காமல் வேறு யாருக்கு நீதிமன்றம் தீர்ப்பை அறிவித்திருக்கும்? வர வர நீதிமன்றங்கள் குற்றவாளிக்கூண்டில் ஏறவேண்டிய நிலையில் போய்க்கொண்டிருக்கிறது. 

இலங்கையில், மாவீர் நினைவேந்தலுக்கு உரிய இடங்கள் எங்கெங்கு உள்ளன என்பதை, எமக்கு அடுத்தடுத்து வரும் சந்ததியினரும் தடுமாற்றமின்றி அறியும் வகையில் சிங்கள அரசின் படைகள் பேருதவிபுரிந்து வருகின்றன.