மனித உரிமை கண்காணிப்பாளர்கள் நியமனத்தை தடுத்த நோர்வே

சிறிலங்காவிற்கு மனித உரிமை கண்காணிப்பாளர்களை அனுப்புவதற்கு ஐரோப்பிய ஒன்றியம் எடுத்த முயற்சிக்கு நோர்வே, ஜப்பான், அமெரிக்கா போன்ற நாடுகள் ஆதரவளிக்காது விட்டதன் மூலம் அதனை தடுத்து நிறுத்தியுள்ளதாக இராஜதந்திர வட்டாரங்கள் தெரிவித்துள்ளன.

அவை மேலும் தெரிவித்துள்ளதாவது:

சிறிலங்காவிற்கான உதவிகளை தொடர்ந்து வழங்குவதற்கு இணைத்தலைமை நாடுகள் தீர்மானித்துள்ளன. கடந்த மாதம் 25 ஆம் நாள் ஒஸ்லோவில் நடைபெற்ற இணைத்தலைமை நாடுகளின் செயற்குழு கூட்டத்தின் போது அதற்கான திட்டத்தை ஐரோப்பிய ஒன்றியத்தின் பிரதிநிதியான ஜேர்மன் தூதுவர் தயாரித்திருந்தார்.

அனைத்துலகத்தின் தலையீடுகள் இன்றி சிறிலங்கா அரசு தனது பிரச்சனைகளை தானே தீர்க்க வேண்டும் என்ற அவரது திட்டத்தை இணைத்தலைமை நாடுகளில் உள்ள ஏனைய மூன்று நாடுகளும் ஏற்றுக்கொள்ளவில்லை.

மனித உரிமை கண்காணிப்பாளர்களை சிறிலங்காவிற்கு அனுப்ப வேண்டும் என்ற நடவடிக்கைகளையும் புறந்தள்ளி சிறிலங்காவிற்கான தமது உதவிகளை வழங்குவதற்கு இணைத்தலைமை நாடுகள் இணங்கியுள்ளன.

சிறிலங்கா அரச தலைவர் மகிந்த ராஜபக்சவினால் அமைக்கப்பட்ட அனைத்துலக நிபுணர் குழுவிற்கு தமது ஆதரவை வழங்குவதற்கும், சிறிலங்காவிற்கான உதவிகளை நிறுத்துமாறு பல நாடுகளிடம் இருந்து எழுந்த அழுத்தங்களுக்கு மத்தியிலும் அதற்கான உதவிகளை வழங்குவதற்கும் அவை இணங்கியுள்ளன.

இந்த கூட்டத்தில் கலந்து கொண்ட அமைதி முயற்சிகளுக்கான ஜப்பானின் சிறப்புப் பிரதிநிதி யசூசி அகாசி அமைதியான வழிகளில் தீர்வைக் காண்பதற்கு சிறிலங்கா அரசு மற்றும் விடுதலைப் புலிகள் மீது இணைத்தலைமை நாடுகள் நிர்ப்பந்தங்களை பிரயோகிக்க வேண்டும் என கேட்டிருந்தார் என அவை தெரிவித்தன.

-புதினம்

சிறிலங்காவிற்கு மனித உரிமை கண்காணிப்பாளர்களை அனுப்புவதற்கு ஐரோப்பிய ஒன்றியம் எடுத்த முயற்சிக்கு நோர்வே, ஜப்பான், அமெரிக்கா போன்ற நாடுகள் ஆதரவளிக்காது விட்டதன் மூலம் அதனை தடுத்து நிறுத்தியுள்ளதாக இராஜதந்திர வட்டாரங்கள் தெரிவித்துள்ளன.

அவை மேலும் தெரிவித்துள்ளதாவது:

சிறிலங்காவிற்கான உதவிகளை தொடர்ந்து வழங்குவதற்கு இணைத்தலைமை நாடுகள் தீர்மானித்துள்ளன. கடந்த மாதம் 25 ஆம் நாள் ஒஸ்லோவில் நடைபெற்ற இணைத்தலைமை நாடுகளின் செயற்குழு கூட்டத்தின் போது அதற்கான திட்டத்தை ஐரோப்பிய ஒன்றியத்தின் பிரதிநிதியான ஜேர்மன் தூதுவர் தயாரித்திருந்தார்.

அனைத்துலகத்தின் தலையீடுகள் இன்றி சிறிலங்கா அரசு தனது பிரச்சனைகளை தானே தீர்க்க வேண்டும் என்ற அவரது திட்டத்தை இணைத்தலைமை நாடுகளில் உள்ள ஏனைய மூன்று நாடுகளும் ஏற்றுக்கொள்ளவில்லை.

மனித உரிமை கண்காணிப்பாளர்களை சிறிலங்காவிற்கு அனுப்ப வேண்டும் என்ற நடவடிக்கைகளையும் புறந்தள்ளி சிறிலங்காவிற்கான தமது உதவிகளை வழங்குவதற்கு இணைத்தலைமை நாடுகள் இணங்கியுள்ளன.

சிறிலங்கா அரச தலைவர் மகிந்த ராஜபக்சவினால் அமைக்கப்பட்ட அனைத்துலக நிபுணர் குழுவிற்கு தமது ஆதரவை வழங்குவதற்கும், சிறிலங்காவிற்கான உதவிகளை நிறுத்துமாறு பல நாடுகளிடம் இருந்து எழுந்த அழுத்தங்களுக்கு மத்தியிலும் அதற்கான உதவிகளை வழங்குவதற்கும் அவை இணங்கியுள்ளன.

இந்த கூட்டத்தில் கலந்து கொண்ட அமைதி முயற்சிகளுக்கான ஜப்பானின் சிறப்புப் பிரதிநிதி யசூசி அகாசி அமைதியான வழிகளில் தீர்வைக் காண்பதற்கு சிறிலங்கா அரசு மற்றும் விடுதலைப் புலிகள் மீது இணைத்தலைமை நாடுகள் நிர்ப்பந்தங்களை பிரயோகிக்க வேண்டும் என கேட்டிருந்தார் என அவை தெரிவித்தன.