மலைநாட்டு திருமணம் மற்றும் விவாகரத்து சட்டத்தை திருத்தம் செய்ய அனுமதி

மலைநாட்டு திருமணம் மற்றும் விவாகரத்து சட்டத்தில் முரண்பாடுகளை இரத்து செய்து சட்டமூலத்தை தயாரிப்பதற்காக அமைச்சரவை அங்கீகாரம் வழங்கியுள்ளது.

1997 ஆம் ஆண்டு திருமணப் பதிவு செய்தல் கட்டளைச் சட்டத்தின் பிரகாரம் சிறுவயதுத் திருமணங்களுக்கு பெற்றோரின் ஒப்புதல் தேவை என்ற நிபந்தனை காணப்படுகின்றது.

பதிவாளர் நாயகத்திற்கு எதிரான குணரத்தினம் வழக்கின் தீர்ப்பின்படி, 18 வயதுக்குக் குறைவானவர்களுக்கு இலங்கையில் சட்டபூர்வ திருமணத்தைப் பதிவு செய்வதற்கு இயலாது என தெரிவிக்கப்பட்டுள்ளது.

குறித்த தீர்ப்புக்கமைவாக அத்தகைய திருமணத்திற்கு பெற்றோரின் அனுமதி அல்லது ஒப்புதல் சட்டத்தின் முன் செல்லுபடியற்றது.

அந்த தீர்ப்பின் படி, தகுதி வாய்ந்த அதிகாரம் படைத்தவர் ஒருவருடைய உடன்பாட்டுடன் 18 வயதுக்குக் குறைவானவர்களின் திருமணத்திற்கு அதிகாரம் வழங்கும் சட்டங்களுக்கு ஏற்புடைய உறுப்புரைகளை இரத்து செய்யப்பட வேண்டும்.

அதற்கமைய, தற்போது முஸ்லிம் திருமண மற்றும் விவாகரத்து சட்டத்தை திருத்தம் செய்வதற்கான சட்டமூலத்தை தயாரிப்பதற்காக நடவடிக்கை எடுக்கப்பட்டுள்ளது.

அதற்கு இணையாக மலைநாட்டு திருமணம் மற்றும் விவாகரத்து சட்டத்தில் ஏற்புடைய இசைவுகளை நீக்குவதற்கும், அதற்கான சட்டமூலத்தை தயாரிப்பதற்கும் சட்ட வரைஞருக்கு ஆலோசனை வழங்குவதற்கும் நீதி அமைச்சர் சமர்ப்பித்த யோசனைக்கு அமைச்சரவை அங்கீகாரம் வழங்கியுள்ளது.

https://athavannews.com/2021/1245703

3 hours ago, தமிழ் சிறி said:

நாயகத்திற்கு எதிரான குணரத்தினம் வழக்கின் தீர்ப்பின்படி, 18 வயதுக்குக் குறைவானவர்களுக்கு இலங்கையில் சட்டபூர்வ திருமணத்தைப் பதிவு செய்வதற்கு இயலாது என தெரிவிக்கப்பட்டுள்ளது.

நாடு முழுவதும் உள்ள திருமணச் சடடந்தானே, இது என்ன புதுசா மலைநாட்டுத் திருமணம் என்று குறிப்பிடுகிறார்கள்? எதையோ மறைக்க முயலுகிறார்கள்.

On 20/10/2021 at 18:58, satan said:

நாடு முழுவதும் உள்ள திருமணச் சடடந்தானே, இது என்ன புதுசா மலைநாட்டுத் திருமணம் என்று குறிப்பிடுகிறார்கள்? எதையோ மறைக்க முயலுகிறார்கள்.

நாட்டிற்கென பொதுவான திருமண சட்டம் இருந்தாலும், கண்டி சிங்களவர்களுக்கென்றும், முஸ்லீம் இனத்தவருக்கென்றும், யாழ்ப்பாண தேச வழமை சட்டமும் அதில் திருமணம் சம்பந்தமான விடயங்கள் உள்ளது தானே.. அதிலும் திருமண வயதை 18ற்கு உயர்த்தி இருந்தாலும் இன்னமும் சிறுவயது திருமணங்கள் பெற்றோரின் அனுமதியுடன் நடைபெற்றுவருவதை முக்கியமாக முஸ்லீம் இனத்தில் உள்ளதையும் அதை எதிர்த்து அவர்கள் போராட்டங்களை நடத்திவருவதையும் பார்த்த நினைவுள்ளது. அது போல மலையகத்திலும் ஏதாவது சிறுவயது திருமணங்கள் நடந்திருக்கலாம், அவை சட்டரீதியாக பதியப்படாவிட்டால் ஏதாவது பிரச்சனைகள் வந்திருக்கலாம்

முஸ்லிம்களுக்கு வேறு திருமண சட்டம் உள்ளது. ஆனால் இங்கு மலைநாடு என்று சொல்லும்போது  பொதுவாக மலைநாட்டுத் தமிழரையே குறிப்பிடுவார்கள். நாட்டில் சிறுவயது திருமணம் சட்டத்தில் தடைசெய்யப்பட்டுள்ளது ஆனால் வறுமை, அறிவின்மை, கைவிடப்பட்ட நிலையில் இத்திருமணங்கள் அங்காங்கே நடைபெற்றுக்கொண்டுதானிருக்கின்றன. அதற்கு சட்டங்களை  இயற்றினால், மாற்றினால் போதாது. மக்களுக்கு விழிப்புணர்வு, கல்வியறிவு, வாழ்க்கைத்தரம் உயர்த்துதல் போன்ற செயற்பாடுகளே தேவை. தங்கள் பதவியை தக்க வைப்பதற்காக சட்டங்களை இயற்றி, திருத்தம் என்கிற பெயரில்  மாற்றி அமைப்பதுபோல் எதிலும் மாற்றினால் பிரச்சனை தீர்ந்துவிடும் என்று தம் பக்க தவறுகளை  மறைக்கிறார்கள். 

சட்டம் என்பது ஒரு நாட்டில் எல்லோருக்கும் பொதுவாக இருக்க வேண்டும். தமிழருக்கு ஒன்று சிங்களவருக்கு ஒன்று முஸ்லிமுக்கு வேறு என்ற பிரிவினைகளே நாட்டின் இனப்பிரச்சனைக்கு முக்கிய காரணம். மனித நாகரிக வளர்ச்சிக்கேற்ப மேலத்தேய நாடுகளில் மாற்றங்களுக்கு உட்பட்டு பொதுவான சட்டங்களே உள்ளன. ஒரு நாடு என்பது தனது தனித்துவமான பண்புகளையும் கொள்கைகளையும் கொண்டிருக்கும். அதற்கேற்றவாறு சட்டங்களில் திருத்தங்கள் செய்யப்பட்டு நாட்டு மக்கள் எல்லோருக்கும் பொதுவாக அவை அமுல்படுத்தப்பட வேண்டும். 

ஒரே நட்டில் எனக்குச் சாதகமில்லாத ஒரு சட்டத்தை நான் மதம் மாறி அல்லது இன்னொரு கலாச்சாரத்தைப் பின்பற்றும் முழுவோடு சேர்ந்து எனக்குச் சாதகமாக மாற்றுவது என்பது கேலிக்குரியது.