வடமாராட்சியில் கரையொதுங்கிய சடலங்களில் ஒன்றை சிம்பன்சி குரங்கு என புதைப்பு?

December 8, 2021
 

வடமராட்சி கிழக்கு மணற்காடு பகுதியில் நவம்பர் 16ஆம் திகதி மீட்கப்பட்ட சடலம் சிம்பன்சி குரங்கின் உடையது எனத் தெரிவித்து விசாரணைகள் எவையுமின்றி காவற்துறையினர் புதைத்துள்ளனர் என தகவல்கள் வெளியாகியுள்ளன.

வடமராட்சி கடற்பரப்பில் 6 சடலங்கள் மீட்கப்பட்டுள்ளதாக காவற்துறைத் திணைக்கள புலனாய்வுத் தகவல்கள் தெரிவிக்கின்ற நிலையில் பருத்தித்துறை ஆதார மருத்துவனையில் 5 சடலங்களே ஒப்படைக்கப்பட்டுள்ளன.

முதலாவதாக கரை ஒதுங்கிய சடலத்தை காவற்துறையினர் புதைத்துள்ளனரா? என்று சந்தேகம் எழுந்துள்ளது. குறித்த சடலம் சிம்பன்சி குரங்கின் சடலம் என அந்தச் சடலம் புதைக்கப்பட்டு உள்ளதாக உறுதிப்படுத்தமுடியாத தகவல்கள் தெரிவிக்கின்றன.

வடமராட்சி கடற்பரப்பில் கடந்த வாரம் வெவ்வேறு தினங்களில் 5 சடலங்கள் கரை ஒதுங்கியுள்ளன என்றும் அவை பருத்தித்துறை ஆதார மருத்துவமனையில் ஒப்படைக்கப்பட்டுள்ளன என்றும் காவற்துறையினர் தெரிவிக்கின்றனர். அவை தொடர்பில் தகவல்கள் கிடைக்காதமை பெரும் அச்சத்தை ஏற்படுத்தியுள்ளது.

இந்த நிலையில் கடந்த நவம்பர் 16ஆம் மணற்காடு கடற்கரையில் மீட்கப்பட்ட சடலம் நீதிமன்றுக்கு தகவல் வழங்கப்படாமல் புதைக்கப்பட்டுள்ளதாக வெளியாகியுள்ள தகவல் பெரும் பரபரப்பை ஏற்படுத்தியுள்ளது.

விலங்குகளின் சடலம் மீட்கப்பட்டாலும் நீதிவானின் அனுமதியுடன் கால்நடை வைத்திய அதிகாரியின் விசாரணைக்கு உள்படுத்தப்படவேண்டும் என்பது குறிப்பிடத்தக்கது.
 

https://globaltamilnews.net/2021/170040

4 hours ago, கிருபன் said:

வடமராட்சி கடற்பரப்பில் கடந்த வாரம் வெவ்வேறு தினங்களில் 5 சடலங்கள் கரை ஒதுங்கியுள்ளன என்றும் அவை பருத்தித்துறை ஆதார மருத்துவமனையில் ஒப்படைக்கப்பட்டுள்ளன என்றும் காவற்துறையினர் தெரிவிக்கின்றனர். அவை தொடர்பில் தகவல்கள் கிடைக்காதமை பெரும் அச்சத்தை ஏற்படுத்தியுள்ளது.

இந்த நிலையில் கடந்த நவம்பர் 16ஆம் மணற்காடு கடற்கரையில் மீட்கப்பட்ட சடலம் நீதிமன்றுக்கு தகவல் வழங்கப்படாமல் புதைக்கப்பட்டுள்ளதாக வெளியாகியுள்ள தகவல் பெரும் பரபரப்பை ஏற்படுத்தியுள்ளது.

விலங்குகளின் சடலம் மீட்கப்பட்டாலும் நீதிவானின் அனுமதியுடன் கால்நடை வைத்திய அதிகாரியின் விசாரணைக்கு உள்படுத்தப்படவேண்டும் என்பது குறிப்பிடத்தக்கது.

ஊடகங்கள் ஏனிவற்றை ஆய்வுசெய்து வெளிப்படுத்தாமல் இருக்கின்றன. பலத்த ஐயத்துக்குரியனவாகவே உள்ளன. இதனை உள்ளூராட்சிமன்றுகள் முதல் நாடாளுமன்ற உறுப்பினர்கள் வரையானோர் அக்கறையோடு அவதானிக்க வேண்டாமா?

சுமந்திரனுக்கு சவால் விடும் டக்ளஸ் கடற்தொழில் அமைச்சராக இருந்து கொண்டு இச்சம்பவம் பற்றி கருத்து எதுவும் தெரிவிக்காதது ஏன்?

9 hours ago, nochchi said:

ஊடகங்கள் ஏனிவற்றை ஆய்வுசெய்து வெளிப்படுத்தாமல் இருக்கின்றன. பலத்த ஐயத்துக்குரியனவாகவே உள்ளன. இதனை உள்ளூராட்சிமன்றுகள் முதல் நாடாளுமன்ற உறுப்பினர்கள் வரையானோர் அக்கறையோடு அவதானிக்க வேண்டாமா?

இப்ப இருக்கிற ஊடகங்களுக்கு வேறை வேலையள் எக்கச்சக்கம்.
மேலிடத்திலை சொல்லுறதை மட்டும் கிளிப்பிள்ளை மாதிரி சொல்லுவினமாம்.போனமாம் சாப்பிட்டமாம் வந்தமாம் இருக்கணும் எல்லோ?

14 hours ago, கிருபன் said:

வடமாராட்சியில் கரையொதுங்கிய சடலங்களில் ஒன்றை சிம்பன்சி குரங்கு என புதைப்பு?

சின்பன்சிக்கும் மனிதனுக்கும் வித்தியாசம் தெரியாத நாடு தான் சிறிலங்கா..