ரஷ்ய வங்கிகளுக்கு மேற்குலக நாடுகளின் பலத்த அடி

ஐரோப்பிய ஒன்றியம், அமெரிக்கா மற்றும் அவற்றின் நட்பு நாடுகள் பல ரஷ்ய வங்கிகளை முக்கிய சர்வதேச கட்டண முறையான "SWIFT" இல் இருந்து துண்டிக்க ஒப்புக் கொண்டுள்ளன.

இதன் மூலம் ரஷ்யாவின் மத்திய வங்கியின் சொத்துக்களும் முடக்கப்படும், இது ரஷ்யாவின் வெளிநாட்டு இருப்புக்களை அணுகும் திறனைக் கட்டுப்படுத்தும்.

இது குறித்து கருத்து மேற்கண்ட நாடுகள் ஒரு கூட்டு அறிக்கையில், சர்வதேச நிதி அமைப்பில் இருந்து ரஷ்யாவை மேலும் தனிமைப்படுத்துவதே இதன் நோக்கம் என்று கூறியுள்ளன.

ரஷ்யா அதன் முக்கிய எண்ணெய் மற்றும் எரிவாயு ஏற்றுமதிக்கு ஸ்விஃப்ட் அமைப்பை பெரிதும் நம்பியுள்ளது.

இந் நிலையில் இந்த நடவடிக்கை ரஷ்யாவுடன் வர்த்தகம் செய்யும் மேற்கத்திய வணிகங்களுக்கும் தீங்கு விளைவிக்கும்.

ஸ்விஃப்ட் அல்லது "உலகளாவிய வங்கிகளுக்கு இடையேயான நிதித் தொலைத்தொடர்புக்கான சமூகம்" என்பது எல்லை தாண்டிய கட்டணங்களைச் சாத்தியமாக்கி, சர்வதேச வர்த்தகத்தை செயல்படுத்துகின்றமையும் குறிப்பிடத்கத்கது.

 

https://www.virakesari.lk/article/123192

 

மீண்டும் எண்ணெய்க்கு லண்டன் வீதிகளில் கியூவில் நிற்கும் நிலை வந்தால்.. தெரியும்.. யாருக்கு அதிகம் பாதிப்புன்னு.

ரஷ்சியாவின் எரிவாயு இல்லையேல்.. ஐரோப்பா குளிரில் உறையும் என்ற அடிப்படையை விளங்கிக் கொள்ளாமல்.. இல்லை.

இப்பவே பிரித்தானிய BP குளற ஆரம்பித்துவிட்டது.

இது மேற்கு தனக்கு தானே வைக்கும் சூனியமாக முடிவது உறுதி. 

Edited February 27, 20223 yr by nedukkalapoovan

மேற்கின் ஆயுதக் குவிப்பு – ‘SWIFT’தடைக்கு பதிலளித்தது ரஷ்யா!

ரஷ்ய அதிபர் விளாடிமிர் புடின் நாட்டின் அணுவாயுத தடுப்புப் படைப்பிரிவை உஷார் நிலையில் வைத்திருக்குமாறு தளபதிகளுக்கு உத்தரவிட்டிருக்கிறார். தேவையற்ற அணுவாயுதப் பதற்றத்தை அவர் உருவாக்குகிறார் என்று அமெரிக் கா கண்டித்திருக்கிறது.

புடின் இன்று ஞாயிற்றுக்கிழமை அரச தொலைக்காட்சியில் பேசுகையில் ரஷ்யாவின் அணுஆயுதத் தடுப்பை இயக்கும் படைகளை (forces operating Russia’s nuclear deterrent) முழு உஷார் நிலையில் இருக்குமாறு உத்தரவு பிறப்பித்தார்.அவரது இந்த அறிவிப்பு உலகெங்கும் அதிர்வலைகளை ஏற்படுத்தி உள்ளது.

போரில் அணுவாயுதங்கள் பயன்படுத்தப்படும் நிலை தோன்றினால் அதிலிருந்து ரஷ்யாவைப் பாதுகாப்பதற்கே இந்த உஷார் உத்தரவு என்று ரஷ்யத் தரப்பில் விளக்கமளிக்கப்பட்டிருக்கிறது.

உக்ரைனில் நேட்டோ படைகள் தங்கள்போராயுதங்களைத் தொடர்ந்து குவித்து வருவதற்கும் ரஷ்யாவை சர்வதேச “ஸ்விஃப்ட்” வங்கி வலையமைப்பில் இருந்து ஒதுக்க மேற்கு நாடுகள் எடுத்துள்ள முடிவுக்கும் எதிர்வினையாற்றும் நோக்குடனேயே புடின் இந்த உத்தரவை விடுத்துள்ளார் என நம்பப்படுகிறது.

புடினின் அறிவிப்பு வெறுமனே ஓர் அரசியல் உத்தியே அன்றி அதில் அச்சப்பட எதுவும் கிடையாது என்றும், இல்லை, அவர் தனது மனநிலையை இழந்துவருகிறார் என்பதன் அறிகுறிஇது என்பதால் உலகத்தின் பாதுகாப்பு ஒரு புதிய வழமைக்குள்(new normal forour safety) வந்துள்ளது என்றும் வெவ் வேறு விதமான அவதானிப்புகளை போரியல் வல்லுநர்கள் வெளியிட்டிருக்கின்றனர்.

ரஷ்யாவின் நெருங்கிய கூட்டாளி நாடாகிய பெலாரஸில் ரஷ்யா தனது அணு ஆயுதங்களை நிறுத்துவதற்கான அங்கீகாரத்தை அங்கு இன்று நடைபெறுகின்ற ஒரு கருத்தறியும் வாக்கெடுப்பின் முடிவு வழங்கும் என்று எதிர்பார்க்கப்படுகிறது.

அதேசமயம் எதிர்பார்த்தது போல 72 மணி நேரப் படை நடவடிக்கைகளில் ரஷ்யாவால் உக்ரைனை நிலைகுலையச் செய்ய முடியாமற் போயிருப்பதால் அது தனது தாக்குதல் உத்திகளை மாற்றிவிசாலப்படுத்தியுள்ளது. உக்ரைனின்இரண்டாவது பெரிய ஹார்கீவ் நகரத்தினுள் ரஷ்யப் படைகள் நுழைந்துள்ளன என்று கூறப்படுகிறது. நகரம் யாருடையகட்டுப்பாட்டில் உள்ளது என்பதை உறுதிப்படுத்தும் தகவல் எதுவும் இதுவரைவெளி வரவில்லை.

இதற்கிடையில், இரு தரப்புகளும் திங்கட்கிழமை உக்ரைன் – பெலாரஸ் எல்லைபகுதியில் சந்தித்துப் பேசுவதற்கு இணங்கி உள்ளன. பேச்சுக்களுக்குத் தயார் ஆனால் பெலாரஸ் நாட்டில் வந்து பேசநாங்கள் தயாரில்லை என்று ரஷ்யாவின் அழைப்பை உக்ரைன் நிராகரித்திருந்தது அதனையடுத்தே இரு நாட்டு எல்லையோரம், ரஷ்யப் படைகளது கட்டுப்பாட்டில்இருக்கின்ற செர்னோபில் பகுதியில் சந்திப்பை நடத்த ஏற்பாடாகிவருகிறது.

பாரிஸிலிருந்து குமாரதாஸன். 27-02-2022

https://athavannews.com/2022/1269470

Edited February 28, 20223 yr by தமிழ் சிறி