எழுத்தாளனை காதலிப்பது

[ஏராளன்]

எழுத்தாளனை காதலிப்பது

 

 

ஜெயமோகனுடனான காதல் அனுபவம் பற்றி அருண்மொழி நங்கை எழுதிய அழகிய கட்டுரையைப் படித்தேன். 

 

இது இயல்பாக ஏற்படுவது தான், பெண்களை ஒரு எழுத்தாளன் தன் எழுத்தை, ஆளுமையை வைத்து கவர்வது ஆச்சரியமான ஒன்றல்ல. அபெண் வாசிக்கக் கூடியவளாக, ரொம்ப எழுதாதவளாக, களங்கமற்ற மனம் கொண்டவளாக இருந்தால், இன்னொரு பக்கம் அந்த எழுத்தாளன் அறியப்பட்டவனாக, வலுவான ஆளுமை, தன்னம்பிக்கை, உணர்வுவயப்பட்ட இயல்பு கொண்டவனாக இருந்தால் போதும். எல்லாரிடம் இருந்து ஒதுங்கி எழுத்தில் ஈடுபடுகிற எனக்கே அப்படி மூன்று காதல் அனுபவங்கள் உள்ளன. 

 

எழுத்தாளன் மீதான ஈர்ப்பு என்பது உறவின் முதற்படி மட்டுமே. பெரும்பாலும் அப்பெண்கள் அடுத்தடுத்த மாதங்கள், வருடங்களில் அவனது படைப்புகளை பொருட்படுத்த மாட்டார்கள், ஆனால் பேச்சை, நடவடிக்கைகளை, ஆளுமையை மட்டும் ரசிப்பார்கள். அப்படியே நகர்ந்து நகர்ந்து அவன் வெறும் ஆணாகவும் அவள் வெறும் பெண்ணாகவும் எஞ்சுவார்கள் என நினைக்கிறேன். (விதிவிலக்குகளும் உண்டு.)

 

இதில் கவிஞர்கள் ஒரு தனிவகை - ஓரளவுக்கு சமூகமாக்கல் செய்பவர்கள் எனில் வருடத்திற்கு சில காதல்களாவது வெற்றிகரமாக அவர்களுக்கு நிகழும். ஒரு கவிஞருக்கு மாதம் சில காதல்களாவது மரக்கிளையில் இருந்து மலர்கள் உதிர்வதைப் போல மடியில் வந்து விழுந்தபடி இருப்பதைக் கண்டிருக்கிறேன். 

 

கட்டுரையாளர்கள் தாம் பாவம் என்றெல்லாம் நினைத்து விடாதீர்கள். அவர்களும் - புரிகிற மாதிரி எழுதுகிறவர்கள், பேசுபவர்கள் எனில் - சக்கை போடு போடுகிறார்கள்.

 

 மொழியின் தளத்தில் இயங்குவதால் கிடைக்கும் ஒரு அனுகூலம் இது. பணம் படைத்த அழகான ஆண்கள் மீது போன்றே அறிவும் கற்பனையும் படைத்தவர்கள் மீதும் பெண்களுக்கு ஒரு மனச்சாய்வு உண்டென நினைக்கிறேன். ஏனெனில் இவர்கள் பெண்களின் மனவுலகை விகாசிக்க வைக்கிறார்கள்.

 

இதை பல எழுத்தாளர்கள் வெளியே சொல்ல மாட்டார்கள் என்பது வேறு விசயம்.

 

என்னுடைய ஒரு சந்தேகம் அசோகமித்திரனை இப்படி யாராவது காதலித்திருப்பார்களா?

Posted 9 hours ago by ஆர். அபிலாஷ்

http://thiruttusavi.blogspot.com/2022/04/blog-post_23.html

[suvy]

On 23/4/2022 at 19:20, ஏராளன் said:

 

 

என்னுடைய ஒரு சந்தேகம் அசோகமித்திரனை இப்படி யாராவது காதலித்திருப்பார்களா?

Posted 9 hours ago by ஆர். அபிலாஷ்

 

எனக்குத் தெரியாது.....சிலநேரம் பயில்வானுக்கு தெரிந்திருக்கலாம்.......!   🤔

[ஏராளன்]

4 hours ago, suvy said:

எனக்குத் தெரியாது.....சிலநேரம் பயில்வானுக்கு தெரிந்திருக்கலாம்.......!   🤔

பயில்வான் ரங்கநாதனையா சொல்கிறீர்கள்?
அவருக்கு சினிமாவில் நடக்கும் கிசுகிசு தான் தெரியும் என நினைக்கிறேன்.

[தமிழ் சிறி]

4 hours ago, suvy said:

எனக்குத் தெரியாது.....சிலநேரம் பயில்வானுக்கு தெரிந்திருக்கலாம்.......!   🤔

 

17 minutes ago, ஏராளன் said:

பயில்வான் ரங்கநாதனையா சொல்கிறீர்கள்?
அவருக்கு சினிமாவில் நடக்கும் கிசுகிசு தான் தெரியும் என நினைக்கிறேன்.

 

 

அட… பயில்வான் ரங்கநாதனுக்கும், யாழ். களத்தில் ஒரு ரசிகர்கள் இருக்கிறார்கள். 😂

Edited May 5, 2022 by தமிழ் சிறி

[P.S.பிரபா]

Mmm.. எழுத்தாளனை காதலிப்பது என்பது அவரது எழுத்துகளை/எண்ணங்களை அது அரசியலாக இருக்கலாம் அல்லது சமூகம் சார்ந்ததாக இருக்கலாம் அல்லது கற்பனை கதைகளாக இருக்கலாம் எதுவாக இருந்தாலும் அதில் அதிகம் தலையிடாமல் இருந்தால் எழுத்தாளனைக் காதலிப்பது கடினம் இல்லை😊

[நிலாமதி]

எல்லோருக்கும் வாழ்க்கையில் காதல் வரும் . அது எழுத்தாளனாக   இருந்தாலும் சரி  எவராக இருந்தாலும் சரி. அவரவர் தனிப்பட்ட்  விருப்பம். (நானும் அவரது காதல் கதையை வாசித்திருந்தேன்) 

"என்னுடைய ஒரு சந்தேகம் அசோகமித்திரனை இப்படி யாராவது காதலித்திருப்பார்களா?"
Posted 9 hours ago by ஆர். அபிலாஷ்

 இது  அபிலாஷின்  கருத்து . இது யாழ்களத்துக்கு தேவையற்ற பதிவு என்றே எண்ணுகிறேன்.