கடுமையான நிபந்தனைகளை செயற்படுத்தினால் அமைதியின்மை ஏற்படும் – சரத் வீரசேகர எச்சரிக்கை

[தமிழ் சிறி]

கடுமையான நிபந்தனைகளை செயற்படுத்தினால் அமைதியின்மை ஏற்படும் – சரத் வீரசேகர எச்சரிக்கை

கடுமையான நிபந்தனைகளுடன் சர்வதேச நாணய நிதியத்தின் பொறிக்குள் இலங்கை சிக்குண்டுள்ளது என சரத் வீரசேகர குற்றம் சாட்டியுள்ளார்.

அவர்கள் முன்வைக்கும் கடுமையான நிபந்தனைகளை முழுமையாக செயற்படுத்தினால் சமூக கட்டமைப்பில் அமைதியின்மை நிலவும் என்றும் குறிப்பிட்டுள்ளார்.

ஆகவே வங்குரோத்து தீர்மானத்தை அரசாங்கம் மீள்பரிசீலனை செய்ய வேண்டும் என ஸ்ரீலங்கா பொதுஜன பெரமுனவின் நாடாளுமன்ற உறுப்பினர் சரத் வீரசேகர தெரிவித்துள்ளார்.

கடந்த ஆண்டு வங்குரோத்து நிலை ஏற்பட்டபோது சீனா, இந்தியா ஆகிய நாடுகள் வழங்க தீர்மானித்திருந்த நிதியுதவிகளை இடைநிறுத்தபட்டன என்றும் சுட்டிக்காட்டியுள்ளார்.

மறுபுறம் அதுவரை முன்னெடுக்கப்பட்ட வெளிநாட்டு அபிவிருத்தி செயற்திட்டங்கள் அனைத்தும் இடைநிறுத்தப்பட்டதாகவும் சரத் வீரசேகர குறிப்பிட்டுள்ளார்.

உண்மையில் இலங்கை வங்குரோத்து நிலை அடைந்ததா என்பதை அரசாங்கம் மீள்பரிசீலனை செய்ய வேண்டும் என்றும் சரத் வீரசேகர கேட்டுக்கொண்டுள்ளார்.

https://athavannews.com/2023/1323928

[nedukkalapoovan]

புலி மீள் உருவாக்கம் நாட்டில் அமைதின்மையை ஏற்படுத்தும் என்று சொல்லி அப்பாவிகளை உள்ள தூக்கி வைக்கினம்.. ஆனால்.. இவரும் புத்த பிக்குகள் பலரும் தொடர்ந்து நாட்டில் இன வன்முறை.. அமைதியின்மை ஏற்படும் என்று பகிரங்க அறைகூவல் விடுத்தும்.. இவர்களுக்கு எதிராக எந்த சட்ட நடவடிக்கையும் எடுக்கப்படாமை.. சொறீலங்கா சனாதிபதியே இவர்களை தூண்டிவிட்டு இயக்குவதாக எண்ணத் தோன்றுகிறது.

புலிகள் மீள் உருவாக்கம் அமைதியின்மை ஆகும்.. பல்கலைக்கழக மாணவர்கள் அரசுக்கு எதிராகக் கூடினால்.. அமையின்மை ஆகும்.. என்றால்.. இப்படிப் பகிரங்கமாகவே மொத்த நாட்டையும் அமையின்மைக்கு உள்ளாக்குவோம் என்போதை ஏன் கண்டும் காணாமலும் விடுகினம். இவை அரசில் இருப்பவர்களுக்கு தேவையான குரலைக் கொடுப்பதாலோ..??!