4 hours ago, goshan_che said:

நமக்கு இடையான வயது இடை வெளி 15 க்கு கிட்ட வரும் என நினைக்கிறேன். நீங்கள் நிச்சயம் எனக்கு அறிவுரை கூறலாம். நானும் ஏற்றுக்கொள்வேன்.

திரி திசைமாறும் என்பதை ஏற்று கொள்கிறேன். சில சமயங்களில் சில இரெட்டை நிலைப்பாடுகளை அப்படியே போட்டுடைத்து விடுவது - தவிர்க்க கூடிய அசெளகரியம்தான்.

ஆனால் இப்படி போட்டுடைப்பது என் இயல்பிலேயே அமைந்த சுவாபம்.  நான் மேலே சொன்னது போல் “ நான் சும்மா இருந்தாலும், வாய் சும்மா இராது 🤣”.

உங்கள் அறிவுரையை கவனத்தில் கொள்கிறேன்🙏🏾.

அப்படியென்றால் நல்லதுகளை கிரகித்துக்கொள்கின்ற வயதுதான் Goshan. கவனத்தில் கொண்டமைக்கு நன்றி. எப்போதும் வாதிடவோ, நியாயம் கதைக்கவோ, நாம் வாழும் சமூகம் ஒரு நீதிமன்றம் இல்லை.ஒவ்வொருவரும் தாம் செய்வது சரி என்று நினைத்துதான் செய்கிறோம். சிலர் தாம் செய்தது சில பிழை என்பதை பின்பு உணர்ந்து திருத்திக்கொள்ளவாரக்ள். மற்றும் சிலர் திருந்தாமலேயே போய்சேர்ந்துவிடுவார்கள்.

4 hours ago, goshan_che said:

நிச்சயமாக,

உண்மையில் பிரித்தானியா தனது காலனித்துவத்தை விலக்கி கொண்டதில் அமெரிக்காவின் பங்கு மிகப்பெரியது.

2ம் உலக யுத்த முடிவில், 1ம் உலக யுத்தத்தை முடிவை போல் மீண்டும் காலனிய ஆட்சி முறையை தொடரலாம் என்பதே பிரித்தானியாவின் நப்பாசையக இருந்தது. ஆனால் மறைமுகமான அழுத்தம் மூலம் படிபடியாக பிரித்தானிய காலனிய வலையமைப்பை dismantle பண்ணி, பல நாடுகள் இன்று சுதந்திர நாடுகளாக இருக்கவும், ஆளுடன் ஆள் அடிபடுவதையே வரலாறாக கொண்ட ஐரோப்பியர் 2ம் உலக யுத்தத்தின் பின் அமைதியாக இருக்கவும் அமெரிக்காவே காரணம்.

எந்த ஒரு முதன்மை நாட்டின் தலைமையும் 100% சரியானதல்ல. அமெரிக்கா பல பிழைகளை விட்டு உள்ளது.

ஈராக்கின் 2ம் யுத்தம் ஒரு யுத்த குற்றமே.

ஆனாலும் அமெரிக்காவல் விளைந்த பல நல்லதும் உண்டு.

நிச்சயம் எழுதுங்கள்.

அமெரிக்க மக்களின் சுதந்திர வேட்கையையும், அந்த சுதந்திரத்தின் அடிப்படையில் கட்டி எழுப்பபட்ட, American Dream ஐ பற்றியும் தமிழில் அதிகம் யாரும் எழுதுவதில்லை.

எமது விடயத்தில் அமெரிக்கா எடுத்த மோசமான முடிவு என்ற ஒன்றை மட்டும் வைத்து - 200 வருட வரலாற்றை எடை போடுவதில் எனக்கு உடன்பாடில்லை.

அமெரிக்கர்களின் ஒற்றுமை மாறக்கூடாது என்பதுதான் எனது விருப்பும். ஆனால் MAGA பேர்வழிகள் அதை சிறுக, சிறுக துண்டாடி விடக்கூடும் என அஞ்சுகிறேன்.

கட்டாயம் எழுதுகிறேன் Goshan.

Edited March 21, 20232 yr by nilmini

3 hours ago, goshan_che said:

உங்களிடத்தில் இலங்கை விடயத்தில், இந்தியா விடயத்தில்  ஏற்பட்ட நிலை மாற்றம் எனக்கு மகிழ்ச்சி அல்ல.

அப்படி என்ன மாற்றத்தை கண்டு பிடித்தீர்கள்? 

8 hours ago, குமாரசாமி said:

அப்படி என்ன மாற்றத்தை கண்டு பிடித்தீர்கள்? 

மேலே நில்மினி அக்கா சொன்னதன் படி இதை தொடரமல் விடுவது நல்லம் என நினைக்கிறென்.

இருந்தாலும் நீங்கள் கேட்டபடியால்.

சுருக்கமாக -

1. தனது பிராந்திய நலனுக்காக, தனக்கு கீழ்படியாத உக்ரேனை ரஸ்யா தாக்கியதும், கீழ்படியாத புலிகளை இந்தியா அழித்ததும் நியாயம்தான் என்ற உங்கள் அண்மைய மாற்றம்.

2. மேற்கையை வேறு எவரையும்மோ நம்பாமல் தமிழர் சிங்களவரோடு நேரடியாக பேசி முடிவுக்கு வரவேண்டும் என்ற உங்கள் அண்மைய மாற்றம்.

ஒரு வருடம் முதல் கூட இதற்கு 180 பாகை எதிர் நிலை எடுத்து எழுதியோரில் முதன்மையானவர் நீங்கள்.

3 minutes ago, goshan_che said:

1. தனது பிராந்திய நலனுக்காக, தனக்கு கீழ்படியாத உக்ரேனை ரஸ்யா தாக்கியதும், கீழ்படியாத புலிகளை இந்தியா அழித்ததும் நியாயம்தான் என்ற உங்கள் அண்மைய மாற்றம்.

நான் எழுதியது பிராந்திய அரசியலை மட்டும். புலிகளை அழித்தது  நியாயம் என நான் எங்கும் எழுதவில்லை. உங்கள் மேற்கத்திய புத்தியை என்னிடம் காட்டாதீர்கள். 😡

கோசான் கவனமாக கருத்தாடுங்கள். 😡

13 minutes ago, குமாரசாமி said:

நான் எழுதியது பிராந்திய அரசியலை மட்டும். புலிகளை அழித்தது  நியாயம் என நான் எங்கும் எழுதவில்லை. உங்கள் மேற்கத்திய புத்தியை என்னிடம் காட்டாதீர்கள். 😡

கோசான் கவனமாக கருத்தாடுங்கள். 😡

நீங்கள் அப்படி எழுதியதாக நான் சொல்லவில்லை.

ஆனால் உங்கள் “பிராந்திய நலன்” லாஜிக்கை இந்தியாவுக்கு பிரயோகித்து பார்த்தால் - அதன் முடிவு மேற்கண்டவாறே அமையும்.

இதை நான் மட்டும் அல்ல, இன்னும் பலரும் உங்களுக்கு எடுத்து சொல்லி உள்ளார்கள். கருத்து களத்திலும், திண்ணையிலும்.

ஒன்றில் ரஸ்யா உக்ரேனுக்கு செய்வதும், இந்தியா புலிகளுக்கு செய்ததும் சரி. 

அல்லது இரண்டும் பிழை.

ஏனென்றால் இரண்டுமே அடங்க மறுத்து, தன் விதியை தானே எழுத விழைந்த இரு தேசிய இனங்களை அருகில் இருக்கும் பிராந்திய சக்தி அடக்கி ஒடுக்கியதே.

ஒரே வித்தியாசம் உக்ரேனுக்கு, ஏனைய பெரிய நாடுகள் உதவி இருக்கிறது. நமக்கு யாரும் இருக்கவில்லை. 

தயவு செய்து கோவப்படவேண்டாம் அண்ணை. 

நான் மேலே எழுதியதன் தர்க்க நியாயத்தை யோசித்துப்பாருங்கள்.