வடக்கு - கிழக்கு மீனவர்களுக்கு விரைவில் சீனாவின் மண்ணெண்ணெய் - அமைச்சர் டக்ளஸ்

Published By: Digital Desk 5

25 May, 2023 | 10:50 AM

சீன அரசாங்கத்தினால் கடத்தொழிலாளர்களுக்கு வழங்கப்படுகின்ற மண்ணெண்ணை விரைவில் வடக்கு கிழக்கில் உள்ள ஏழு கடை தொழில் மாவட்டங்களுக்கும் வழங்கப்படும் என ஈழ மக்கள் ஜனநாயக கட்சியின் செயலாளர் நாயகமும் கடற்தொழில் அமைச்சருமான டக்ளஸ் தேவானந்தா தெரிவித்தார்.

அவர் மேலும் தெரிவிக்கையில்,

இலங்கை முழுவதுமான கடற்தொழில் அமைச்சர் என்ற வகையில் மீனவ மக்களின் பிரச்சினைகளை நன்கு அறிவேன். மீனவ மக்களின் வாழ்வாதாரம் அன்றாட தொழில் நடவடிக்கை வீட்டு வசதிகள் என்பவற்றை மேம்படுத்தும் முகமாக சீன அரசாங்கம் சுமார் 1500 மில்லியன் ரூபாக்களுக்கான செயற் திட்டங்களை ஆரம்பித்துள்ளது.

அதன் ஆரம்ப நடவடிக்கையாக இலங்கையில் உள்ள 15 கடற் தொழில் மாவட்டங்களைச் சேர்ந்த சுமார் 27 ஆயிரம் படகு உரிமையாளர்களுக்கு, ஒருவருக்கு 150 லீட்டர் மண்ணெண்ணெய் பகிர்ந்தளிக்கும் நிகழ்வு செவ்வாய்க்கிழமை (24) ஆரம்பிக்கப்பட்டுள்ளது.

முதற்கட்டமாக 75 லீட்டர் மண்ணெண்ணெய் வழங்கப்படுவதோடு இரண்டாம் கட்டமாக எஞ்சியவற்றை வழங்குவதற்கான நடவடிக்கைகள் மேற்கொள்ளப்பட்ட வருகிறது.

வட மாகாணத்தில் உள்ள நான்கு கடற் தொழில் மாவட்டங்களுக்கும் கிழக்கு மாகாணத்தில் உள்ள மூன்று கடற்தொழில் மாவட்டங்களுக்கும் விரைவில் மண்ணெண்ணை வழங்குவதற்கான ஏற்பாடுகள் இடம்பெற்று வருகின்றது.

சீன அரசாங்கத்தின் உதவி திட்டத்தின் கீழ் கடற் தொழிலாளர்களுக்கான வீடு மற்றும் கடற்தொழிலாளர்களுக்கான வலைகள் வழங்குவதற்கு ஏற்பாடுகள் இடம்பெற்று வருகிறது.

அது மட்டுமல்லாது எரிபொருள் விலையேற்றத்தைக் கருத்தில் கொண்டு பற்றியில் இயங்கக்கூடிய படகினை சம்பிரதாயபூர்வமாக கடலில் இறக்கியுள்ளோம். 

எரிபொருளிலும் பார்க்க பற்றியில் இயங்குப் படகு இலாபகரமானதாகவும் சூழலுக்கு மாசு இல்லாத தொழில் நுட்பமாக கருதும் நிலையில் அதனை  இலங்கையில் விரிவுபடுத்துவதற்கான செயற்திட்டங்கள் மேற்கொள்ளப்பட்டு வருகிறது.

ஆகவே ஜப்பான் அரசாங்கம், ஆசிய அபிவிருத்தி வங்கி மற்றும் இந்திய அரசாங்கமும் கடற் தொழிலாளர்களுக்கு உதவுவதற்கு முன் வந்துள்ள நிலையில் விரைவில் அதற்குரிய செயல்பாடுகள் ஆரம்பிக்கப்படும் என அவர் மேலும் தெரிவித்தார்.

 

https://www.virakesari.lk/article/156106

சம்பந்தனும் சுமந்திரனும் சிறிதரனும் கஜன்களும் செய்யாத வேலைகளை டக்ளஸ் செய்தால் சந்தோசம்.

ஈழ மக்கள் பாதிப்படையாதவாறு பிரச்சனைகளை தீர்க்கவேண்டியது இன்றைய கால நிர்ப்பந்தங்களும் அவசியங்களும்....

கஷ்டப்படும் விவசாய , மீனவ மக்களுக்கு யார் கொடுத்தாலும் நல்லதுதான். உரிமை போராட்டத்தில் உறுதியாக இருந்தால் சரிதான்.

4 hours ago, குமாரசாமி said:

சம்பந்தனும் சுமந்திரனும் சிறிதரனும் கஜன்களும் செய்யாத வேலைகளை டக்ளஸ் செய்தால் சந்தோசம்.

அவர்களால் முடியாதது இவரால் எப்படி முடிகிறது? ஒரு இரவில் இந்தியாவில் இருந்து பொருட்களை கொண்டுவரமுடியும் என்று சொன்னாரே, அதற்கு என்ன நடந்தது? ஏன் சீனாவுக்கு போறார்? கோத்தா விட்டு ரணில். இந்தியாவை விட்டு இப்போ  சீனா. உடைக்கப்பட்ட சிலையை மீள ஸ்தாபிக்கப்போறேன் என்று புறப்பட்டாரே முடிந்ததா இவரால்? இராணுவத்தை வெளியேற்றிக் காட்டட்டும், எழும்பவிகாரைகளை தடுத்து நிறுத்தட்டும் பாப்போம்!