62 வயது ஹீரோ

[Kavi arunasalam]

“25  யூன் 2021இல்  சோமாலியாவைச் சேர்ந்த அப்டிரஹ்மான் (26)  யேர்மனியில் வான் என்ற இடத்தில்  ஹோங்ஸ் ஆசிய சிற்றுண்டிக்கு அருகே மூன்று பெண்களை கத்தியால் குத்தியதும் பின்னர் பொதுமக்கள் அவனை மடக்கிப் பிடித்ததும் நினைவுக்கு வந்தது. அப்போது நடந்தது போல் ஒரு அசம்பாவிதம் இப்பொழுது  நடந்துவிடக் கூடாது என்ற எண்ணம் எனக்குள் எழுந்தது” இப்படிச் சொல்கிறார் 62 வயது நிரம்பிய வியட்னாம் நாட்டை பிறப்பிடமாகக் கொண்ட வான் லோங் கொங். 

30ந் திகதி யூன், ஒரு சிரிய நாட்டைச் சேர்ந்த  இளைஞன் கையில் கத்தியுடன் நகரத்தில் நடமாடியதை அடுத்து பொது மக்கள் கொடுத்த தகவல்கள் அடிப்படையில்  அந்த இளைஞனை கைது செய்வதற்கும் அசம்பாவிதங்கள் நிகழாமல் தடுப்பதற்கும் பொலிஸார் வந்திருந்தார்கள். மதியம் 1.40க்கு  ஆசிய சிற்றுண்டிச் சாலைக்கு முன்னால்,  ஆபிரிக்க நாட்டவர் அணியும் வெள்ளை நிற உடை அணிந்திருந்த அந்த  இளைஞனுக்குச்  சற்றுத்  தள்ளி பொலிஸார்  நின்று கொண்டிருந்தனர்.  பொலிஸார் தன்னை நெருங்க விடாமல், அந்த இளைஞன் தன் கையில் உள்ள பையை சுழற்றி வீசிக் கொண்டிருந்தான். திடீரென அந்த இளைஞனுக்குப் பின்னால் சிற்றுண்டிக் கடையின் கதவைத் திறந்து கொண்டு வந்த வான் லோங் கொங் அந்த இளைஞனை மல்யுத்த வீரர்கள் மடக்கிப் பிடிப்பது போல் பிடித்துத் தரையில் சாய்க்க முயல,  வான் லோங் கொங்குக்கு உதவ மூன்று பொலிஸார் ஓடி வந்து அந்த இளைஞனை அழுத்திப் பிடித்துக் கொண்டார்கள்.  

“நான் சிறுவயதில் இருந்தே டேக்வாண்டோ பயிற்சி செய்து வருகிறேன்.  நான் பயப்படவில்லை, ஆனால் மோசமான  நிகழ்வொன்று நடக்க விடாமல் தடுக்க வேண்டும் என்று விரும்பினேன்." என்று கூறும் வான் லாங் ஹோங் 40 ஆண்டுகளாக ஜெர்மனியில் வசித்து வருகிறார். கடந்த ஐந்து வருடங்களாகத்தான் அவர் அந்த ஆசிய சிற்றுண்டி நிலையத்தில் சமையல் வேலை பார்த்து  வருகிறார்.

 கைது செய்யப்பட்ட சிரிய நாட்டைப் பிறப்பிடமாகக் கொண்ட 26 வயதான அந்த இளைஞன்   மனநலம் பாதிக்கப்பட்டவனாக இருக்கலாம் என்பதால்  மருத்துவமனையில் அனுமதிக்கப்பட்டிருக்கிறான்.  நடந்த சம்பவம்  தொடர்பான விசாரணைகளை வூர்ஸ்பர்க் நகர குற்றப்பிரிவு போலீசார் மேற்கொண்டு வருகின்றனர்.

இந்தச் சம்பவத்துக்குப் பிறகு அந்தச்  சிற்றுண்டி நிறுவனத்ததுக்கு நல்ல மதிப்பு ஏற்பட்டிருக்கிறது.  பலர் அங்கு வந்து உணவருந்த விருப்பம் தெரிவித்திருக்கிறார்கள். பத்திரிகைகள் இவர்தான் “உண்மையான ஹீரோ” என்று வான் லாங் ஹோங்கைப் பாராட்டி எழுதிக் கொண்டிருக்கின்றன.

https://www.google.de/url?sa=t&rct=j&q=&esrc=s&source=web&cd=&ved=2ahUKEwiK1NDKrfX_AhUpQ_EDHTZ_CmMQvOMEKAB6BAgOEAE&url=https://www.focus.de/panorama/bedrohliche-szenen-im-video-imbiss-mitarbeiter-ueberwaeltigt-messer-angreifer-in-wuerzburg_id_198122934.html&usg=AOvVaw3_4Eq4cV9Uo6mfljZdc29G&opi=89978449

 

 

[பெருமாள்]

உண்மையிலே மனநலம் பாதிக்க பட்டவரா என்று பார்க்கணும் .

[ஈழப்பிரியன்]

4 hours ago, Kavi arunasalam said:

கைது செய்யப்பட்ட சிரிய நாட்டைப் பிறப்பிடமாகக் கொண்ட 26 வயதான அந்த இளைஞன்   மனநலம் பாதிக்கப்பட்டவனாக இருக்கலாம் என்பதால்  மருத்துவமனையில் அனுமதிக்கப்பட்டிருக்கிறான்.  நடந்த சம்பவம்  தொடர்பான விசாரணைகளை வூர்ஸ்பர்க் நகர குற்றப்பிரிவு போலீசார் மேற்கொண்டு வருகின்றனர்.

வெளிநாடுகளில் மனநல வைத்தியசாலையில் சிகிச்சைக்காக அனுமதிக்கப்பட்டிருப்போரில் அனேகமானோர் பக்கா கிரிமினல்கள்.

பெரியபெரிய குற்ற செயல்களுக்கு முன்போ பின்னரோ இப்படியான சிகிச்சை பெறுவதற்காக அனுமதிக்கப்பட்டிருப்பார்கள்.

29 minutes ago, பெருமாள் said:

உண்மையிலே மனநலம் பாதிக்க பட்டவரா என்று பார்க்கணும் .