20க்கும் மேற்பட்ட அமெரிக்க மரைன் படைப் பிரிவினருடன் பயணித்துக்கொண்டிருந்த ஹெலிகொப்டர் விழுந்து நொருங்கியது - அவுஸ்திரேலியாவில் சம்பவம்

[ஏராளன்]

27 AUG, 2023 | 11:20 AM

 

அமெரிக்காவின் மரைன் படைப்பிரிவை சேர்ந்த 20 பேருடன் பயணித்துக்கொண்டிருந்த ஹெலிக்கொப்டர் ஒன்று அவுஸ்திரேலியாவில் விழுந்து நொருங்கியுள்ளது.

பயிற்சியின் போது ரிவி தீவுகளுக்கு மேல் இந்த விபத்து இடம்பெற்றுள்ளது. டார்வினிலிருந்து 60 கிலோமீற்றர் வடக்காக உள்ள மெல்விலே தீவில்  ஹெலிக்கொப்டர் விழுந்து நொருங்கியுள்ளது.

ஹெலிக்கொப்டர் ஒன்று அந்த பகுதிக்கு அனுப்பப்பட்டுள்ளது. காவல்துறையினர் விரைந்துள்ளனர் என தெரிவித்துள்ள அதிகாரிகள் சிலர் உயிருடன்  மீட்கப்பட்டுள்ளனர் என குறிப்பிட்டுள்ளனர்.

23 பேர் ஹெலிக்கொப்டரில் பயணித்தனர் அவர்கள் அமெரிக்க இராணுவத்தை சேர்ந்தவர்கள் அவுஸ்திரேலிய படையினர் எவரும் அதில் பயணிக்கவில்லை என தகவல்கள்வெளியாகியுள்ளன.

உயிரிழப்புகள் குறித்து இதுவரை விபரங்கள் வெளியாகவில்லை.

https://www.virakesari.lk/article/163261

[ஏராளன்]

அவுஸ்திரேலியாவில் ஹெலிகொப்டர் விழுந்து நொருங்கியதில் அமெரிக்க மரைன் பிரிவினர் மூவர் பலி

28 AUG, 2023 | 01:43 PM

 

அவுஸ்திரேலியாவில் நேற்று பயிற்சியின் போது 23 பேருடன் ஹெலிக்கொப்டர் விழுந்து நொருங்கியதில் 3 அமெரிக்க மரைன்பிரிவினர் உயிரிழந்துள்ளனர்.

இதேவேளை அவுஸ்திரேலியாவில் நேற்று இடம்பெற்ற ஹெலிக்கொப்டர் விபத்தில் சிக்கிய அமெரிக்க மரைன் படைப்பிரிவினரில் மூவர் தொடர்ந்தும்   மருத்துவமனையில் சிகிச்சை பெற்றுவருகின்றனர்.

டார்வினின் மெல்விலே தீவில் இந்த விபத்து இடம்பெற்றுள்ளது.

பயிற்சியின் போது டிவிதீவில் எம்வி22பி ஒஸ்பிரே ஹெலிக்கொப்டர் விழுந்து நொருங்கியதில் மூன்று மரைப்படைப்பிரிவினர் உயிரிழந்தனர்.

இந்த உலங்குவானூர்தியில் 22 பேர் பயணம் செய்தனர்.

ரோயல் டார்வின் மருத்துவமனையில் மூன்று மரைன்கள் தொடர்ந்தும் சிகிச்சை பெற்றுவருகின்றனர் என அதிகாரிகள் தெரிவித்துள்ளனர்.

மருத்துவமனையில் அனுமதிக்கப்பட்ட மரைன்களில் ஐவர் அங்கிருந்து விடுவிக்கப்பட்டு தங்கள் தளத்திற்கு திரும்பியுள்ளனர்.

தற்போது சிகிச்சை பெற்றுவரும் மரைன்படைபிரிவினரில் ஒருவர் தீவிரகிசிச்சை பிரிவில் உள்ளார் எனவும் அதிகாரிகள் தெரிவித்துள்ளனர்.

ஹெலிக்கொப்டர் தீப்பிடித்தது என்பதை கருத்தில் கொள்ளாதது  மேலும் பலர் உயிரிழக்காதது அதிஸ்டமே என அதிகாரியொருவர் தெரிவித்துள்ளார். ஹெலிக்கொப்டர் விழுந்து நொருங்கி 20 மரைன் படைப்பிரிவினர் உயிர்தப்புவது என்பது ஆச்சரியமான விடயம் என அவர் குறிப்பிட்டுள்ளார்.

பயிற்சி நடவடிக்கைகள் இடைநிறுத்தப்பட்டுள்ளன எனவும் அதிகாரிகள் தெரிவித்துள்ளனர்.

https://www.virakesari.lk/article/163340

[Justin]

ம்..ஒஸ்பிறே (Osprey) ஹெலிகொப்ரர்.

மேலெழும் போது உலங்கு வானூர்தி போல எழுந்து, பறக்கும் போது ப்றொபெல்லர் விமானம் போல பறக்கும் ஒரு வானூர்தி. இந்த வானூர்தி வகையால் ஏற்பட்ட விபத்துக்களால் இதற்கு widow maker என்ற செல்லப் பெயர் கூட உண்டு. உற்பத்தியை நிறுத்தி விட்டார்கள், ஆனால் இன்னும் சில பாவனையில் இருக்கின்றன போல!

[ரஞ்சித்]

இதேமாதிரியான விபத்து 2017 இலும்  நடந்தது . அப்போதும் மூவர் கொல்லப்பட்டிருந்தனர்.

Edited August 28, 2023 by ரஞ்சித்