உலக பொருளாதாரத்தில் முக்கிய பங்கு வகிக்கும் 20 நாடுகளை சேர்ந்த பிரதிநிதிகள் பங்கேற்கும், ஜி20 உச்சி மாநாடு வரும் 9 மற்றும் 10ம் திகதிகளில்  நடைபெற உள்ளது. டெல்லியில் பல நூறு கோடி ரூபாய் செலவில் கட்டி முடிக்கப்பட்டுள்ள பாரத் மண்டபத்தில் தான் இந்த கூட்டம் நடைபெற உள்ளது. இந்நிலையில் தான் அந்த மண்டபத்தின் வளாகத்தில் வைக்கப்பட்டுள்ள தமிழ்நாட்டில் உருவாக்கப்பட்ட, 18 தொன் எடையிலான பிரமாண்ட நடராஜர் சிலை அனைவரது கவனத்தையும் ஈர்த்துள்ளது.

பாரத் மண்டபத்தின் வளாகத்தில் வைக்கப்பட்டுள்ள இந்த நடராஜர் சிலை, உலகின் மிகப்பெரிய நடராஜர் சிலையாக கருதப்படுகிறது. தமிழ்நாட்டில் சோழர்களின் தலைநகரான தஞ்சாவூர் மாவட்டத்தில் உள்ள சுவாமி மலை எனும் பகுதியில் தான் இந்த சிலை உருவாக்கப்பட்டுள்ளது. வெண்கல சிலை வார்ப்புகளில் தலைசிறந்த கைவினைஞரான ஸ்ரீகந்தா ஸ்தபதி என்பவர் தான் தனது குடும்பத்தினர் மற்றும் சக கலைஞர்களுடன் இணைந்து, மிகக் குறைந்த காலத்திலேயே உலகின் மிகப்பெரிய நடராஜர் சிலையை உருவாக்கியுள்ளார். சோழர் காலத்து கலையின் அடிப்படையில் இந்த சிலை உருவாக்கப்பட்டதாக ஸ்ரீகந்தா ஸ்தபதி தெரிவித்துள்ளார்.

இருபத்தி ஏழு அடி உயரம், 21 அடி அகலம், 18தொன்  எடையிலான இந்த பிரமாண்ட சிலை  முகம், உடல், கைகால் என மொத்தம் 120 தனித்தனி பாகங்களாக டெல்லிக்கு கொண்டு செல்லப்பட்டு அங்கு முழு சிலையாக பாரத் மண்டபம் முன்பு நிறுவப்பட்டுள்ளது. சுமார் 10 கோடி ரூபாய் (இந்திய ரூபாய் மதிப்பில்) செலவில் இந்த சிலை உருவாக்கப்பட்டுள்ளது.

https://thinakkural.lk/article/272235

அணு விஞ்ஞானி அப்துல் கலாம் உயிரோடு இருந்திருந்தால் இந்த நடராஜர் சிலையை பார்த்து சந்தோசப்படும் முதல் ஆளாக இருந்திருப்பார்.

சிவசக்தி என்று அனுப்பினார்கள், நடராசனது சிலையை பாரத் மண்டபத்திலே நிறுவுகிறார்கள். எல்லாவற்றையும் படிப்படியாக கிந்திமயமாக்கலின் உள்ளே உள்வாங்கப்படுகிறது. ஈழத்தீவிலே பௌத்தமும், இந்தியாவிலே இந்துத்வாவும் பெரும் ஆபத்தை விளைவிக்கும் சக்திகளாகிவிட்டன.  இந்தியாவினால் வழங்கப்பட்ட இதுபோன்றதொரு சிலையை சுவிஸிலுள்ள  ஐரோப்பிய அணு ஆய்வகத்திற்கு முன்னும் நிறுவியுள்ளதாகப் படித்துள்ளேன்.