மூத்த இராஜதந்திரியை கொழும்புக்கு அனுப்பும் டெல்லி

[nochchi]

மூத்த இராஜதந்திரியை கொழும்புக்கு அனுப்பும் டெல்லி

17 SEP, 2023 | 04:21 PM

 

 

(லியோ நிரோஷ தர்ஷன்)

ஐரோப்பிய ஒன்றியத்துக்கான இந்தியத் தூதுவராக இராஜதந்திர சேவையில் உள்ள மூத்த அதிகாரி சந்தோஷ் ஜா இலங்கைக்கான அடுத்த உயர்ஸ்தானிகராக நியமிக்கப்பட்டுள்ளார்.  இலங்கை மற்றும் ஐரோப்பிய ஒன்றியத்துடனான இந்தியாவின் சுதந்திர வர்த்தக ஒப்பந்த பேச்சுவார்த்தைகளில் முக்கிய பங்காயாற்றியுள்ள மூத்த இராஜதந்திரி சந்தோஷ் ஜா, இலங்கையில் இறுதிப் போர் முடிவடைந்த 2009ஆம் ஆண்டுக்குப் பின்னரான காலப்பகுதியில் வடக்கு மற்றும் கிழக்கு பகுதிகளில் முன்னெடுக்கப்பட்ட பல்வேறு இந்திய திட்டங்களுக்கும் தலைமைதாங்கியுள்ளார்.

இலங்கை - இந்திய புதிய இணைப்புகள் குறித்து டெல்லி கூடுதல் ஆர்வம், கவனம் செலுத்தியுள்ள நிலையில், இரு நாடுகளுக்கும் இடையிலான ஆற்றல், சக்தியை மையப்படுத்திய குழாய் இணைப்புகள் தொடர்பில் இலங்கையுடன் பேச்சுவார்த்தைகளை முன்னெடுத்து வருகிறது. 

மேலும், திருகோணமலையில் இந்தியா திட்டமிட்டுள்ள உத்தேச ஆற்றல் சக்தி மையம் தொடர்பான விடயங்களும் உள்ளன. அதே போன்று திருகோணமலை துறைமுகத்தை இந்திய - ஜப்பான் கூட்டுமுயற்சியில் அபிவிருத்தி செய்யவும் டெல்லி தீர்மானித்துள்ளது.

மேலும், திருகோணமலை எண்ணெய் தாங்கிகள் அபிவிருத்தி மற்றும் நகர அபிவிருத்தி திட்டங்கள் என பல்வேறு திட்டங்கள் குறித்து இலங்கைக்கும் இந்தியாவுக்கும் இடையில் கலந்துரையாடல்கள் இடம்பெற்றுள்ளன. பொருளாதார ரீதியிலான இணைப்புகளை இருநாடுகளுக்கும் இடையில் வலுப்படுத்திக்கொள்வதில் கொழும்பும் டெல்லியும் ஆர்வமாக உள்ளது. இருப்பினும் திட்டங்களை முன்னெடுப்பதில் மந்தகதியான செயற்பாடுகளே காணப்படுகின்றன.

இலங்கையுடன் சுதந்திர வர்த்தக ஒப்பந்தம் உள்ளிட்ட பல முக்கிய பொருளாதார திட்டங்களை முன்னெடுத்திருந்த மூத்த இராஜதந்திரி சந்தோஷ் ஜாவை, இலங்கைக்கான அடுத்த உயர்ஸ்தானிகராக டெல்லி நியமித்துள்ளது. 

இந்த நியமனமானது இரு நாடுகளையும் பொருளாதார ரீதியில் வலுவாக இணைக்கும் இந்தியாவின் ஆர்வத்தை வெளிப்படுத்துவதாக உள்ளது.

எவ்வாறாயினும் 2020ஆம் ஆண்டில் ஐரோப்பிய ஒன்றியத்துக்கான இந்திய தூதுவராக நியமனம் பெற்ற சந்தோஷ் ஜா, 2019 முதல் ஜூலை 2020 வரை உஸ்பெகிஸ்தானில் இந்திய தூதராக பணியாற்றியுள்ளார். 

மேலும், 2017 - 2019 ஆண்டுகளில்  வொஷிங்டனில் உள்ள இந்தியத் தூதரகத்தில் துணைத் தூதுவராக கடமையாற்றியுள்ளார்.

அத்துடன், 2015 - 2017 வரையிலான ஆண்டுகளில் இந்திய வெளிவிவகார அமைச்சின் கொள்கை திட்டமிடல் பிரிவுக்கு தலைமை தாங்கினார். இந்த காலப்பகுதியில் இந்தியாவின் வளர்ந்துவரும் உலகளாவிய ஈடுபாடுகளுக்கும் சவால்களுக்கும் பதிலளிக்கும் திறன் கொண்ட இராஜதந்திர பிரிவை உருவாக்க பங்களிப்பு செய்திருந்தார்.

குறிப்பாக, முக்கிய இந்திய வெளியுறவுக் கொள்கை முன்முயற்சிகளை உருவாக்குவதிலும், பல மூலோபாய உரையாடல் மன்றங்களை நிறுவுவதிலும் நெருக்கமாக செயற்பட்டவராகவே இராஜதந்திரி சந்தோஷ் ஜா காணப்படுகிறார்.  

அதே போன்று பூகோள அரசியல் மற்றும் பொருளாதாரத்தை மையப்படுத்தி உலகளவில் புகழ்பெற்ற ரெய்சினா கலந்துரையாடல்களிலும் முக்கிய பங்கை வகித்துள்ளார். அத்துடன் பயங்கரவாத எதிர்ப்பு மற்றும் சைபர் பாதுகாப்பு தொடர்பான விடயங்களையும் கையாண்டுள்ளார்.

இலங்கையில் இறுதிக்கட்ட போர் இடம்பெற்ற 2007 தொடக்கம் 2010ஆம் ஆண்டு வரையிலான காலப்பகுதியில் கொழும்பில் உள்ள இந்திய உயர்ஸ்தானிகராலயத்தில் முதன்மை செயலாளராகவும் பணியாற்றியுள்ளார். அதனை தொடர்ந்து அமெரிக்க - இந்திய அணு ஆயுத பேச்சுவார்த்தை குழுவின் உறுப்பினராகவும் பொறுப்புக்களை ஏற்றிருந்தமை குறிப்பிடத்தக்கது.

மூத்த இராஜதந்திரியை கொழும்புக்கு அனுப்பும் டெல்லி | Virakesari.lk

[Nathamuni]

என்னத்தை மூத்த???

டிக்சித்லும் பார்க்க திறமான ஒரு ஆளை அனுப்ப ஏலுமே?

தல, இந்தியாவின் வைஸ்ராய் மாதிரி நடந்து கொண்டார்.

இனி வரும் யாருமே, சீனாவுக்கும், அமெரிக்காவுக்கும் பதில் சொல்லற மாதிரியே நடந்து கொள்ள வேண்டும்.

[satan]

இலங்கைக்கான உயர் ஸ்தானிகராக நியமிப்பதற்கு இந்த திறமைகள் தேவையற்றவை, (அதிகம்).   ஊழையிடுகிறதுகளோடு சேர்ந்து ஊழையிடவும், இனவாதிகளோடு சேர்ந்து கூச்சலிடவும் தெரிந்தால் போதும். அதாவது ஒரு ரவுடி!