தமிழர்களின் அபிலாஷைகளை வெளிப்படுத்தி நிற்கும் தமிழ் பொது வேட்பாளருக்கு வாக்களியுங்கள் - மணிவண்ணன்

[பிழம்பு]

13 Sep, 2024 | 05:47 PM

 

தமிழ் மக்களின் விருப்பங்கள், அபிலாஷைகளை நிறைவேற்றாத தென்னிலங்கை வேட்பாளர்களுக்கு வாக்களிக்காமல் தமிழர்களின் அபிலாஷைகளை வெளிப்படுத்தி தேர்தலில் போட்டியிடும் தமிழ் பொது வேட்பாளருக்கு வாக்களியுங்கள் என யாழ். மாநகர சபையின் முன்னாள் முதல்வர் சட்டத்தரணி வி. மணிவண்ணன் தெரிவித்துள்ளார்.

யாழ். ஊடக அமையத்தில் இன்றைய தினம் வெள்ளிக்கிழமை (13) இடம்பெற்ற ஊடக சந்திப்பின்போதே அவர் இவ்வாறு தெரிவித்தார். 

அவர் மேலும் தெரிவிக்கையில்,

தமிழ் பொது வேட்பாளரின் தேர்தல் விஞ்ஞாபனத்தில் நாம் எமக்கு என்ன தேவை என கூறியுள்ளோம். ஆட்சி மாற்றத்தால் தமிழ் மக்களுக்கு எந்த சுபீட்சமும் இல்லை. யுத்தம் முடிவடைந்து 15 வருடங்களில் தமிழர் தாயகத்தில் என்ன அபிவிருத்தி செய்யப்பட்டுள்ளது? அரசாங்கத்துடன் சேர்த்து இயங்கியவர்களுக்கு கூட அபிவிருத்தி சார்பான அமைச்சை கூட கொடுக்கவில்லை.

பலாலி விமான நிலையத்தில் இருந்து சென்னை செல்லும் விமானத்துக்கு கூட தடைகளை ஏற்படுத்தும் முகமாக சர்வதேச விமான நிலையத்தை கூட அவர்கள் அபிவிருத்தி செய்யவில்லை. காங்கேசன்துறை மற்றும் திருகோணமலை துறைமுகங்களை கூட அபிவிருத்தி செய்யவில்லை. 

யுத்தம் முடிவடைந்து 15 வருடங்களில் வடக்கு, கிழக்கில் செய்த அபிவிருத்தி என்ன? ஒரு சர்வதேச மைதானங்களை கூட அமைக்கவில்லை. சர்வதேச மைதானங்களை அமைத்தால், அந்த இடம் தானாக அபிவிருத்தி அடையும். நட்சத்திர ஹோட்டல்கள் வரும் தமிழர் தாயக பிரதேசங்கள் அபிவிருத்தி அடைந்துவிடும் என்ற நோக்கிலேயே சர்வதேச மைதானங்களை அமைக்கவில்லை.  

தமிழர் தாயகத்தில் பொருளாதார மையங்கள் கூட இல்லை. 

நாம் எம்மை பொருளாதார ரீதியாக முன்னேற்ற எங்களுடைய கைகளுக்கு அதிகாரம் கிடைக்க வேண்டும். அதன் ஊடாகவே வெளிநாட்டு முதலீட்டாளர்களை நாம் கொண்டுவர முடியும்.

தமிழர்கள் விரும்பிய எதனையும் செய்யாத தென்னிலங்கை வேட்பாளருக்கு வாக்களிக்காது, தமிழர்களுக்கு என்ன தேவை என தமிழ் பொது வேட்பாளரின் தேர்தல் அறிக்கையில் குறிப்பிட்டுள்ளோம்.

2009ஆம் ஆண்டுக்கு பிறகு தமிழ் மக்கள் மத்தியில் பல பிளவுகள் ஏற்பட்டுள்ளன. அவ்வாறு பிளவுபட்டுள்ள எங்களுடைய தமிழ் இனத்தை ஒன்றிணைக்க வேண்டும். 

அதற்காகவே தமிழ் தேசிய கட்சிகளில் 7 தமிழ் அரசியல் கட்சிகள், கடற்தொழிலாளர்கள், அமைப்புக்கள் உட்பட பல்வேறு அமைப்புக்கள் உள்ளடங்கிய 80 சிவில் அமைப்புக்கள் ஒன்றிணைந்து தமிழ் பொது வேட்பாளரை முன்னிறுத்தியுள்ளோம். தமிழரசு கட்சியில் கூட பெரும்பாலானவர்கள்  தமிழ் பொது வேட்பாளரை ஆதரிக்கின்றார்கள்.

எனவே, தமிழ் மக்கள் தமது ஒற்றுமையை காட்ட தமிழ் பொது வேட்பாளருக்கு வாக்களிக்க வேண்டும் என மேலும் தெரிவித்தார். 

தமிழர்களின் அபிலாஷைகளை வெளிப்படுத்தி நிற்கும் தமிழ் பொது வேட்பாளருக்கு வாக்களியுங்கள் - மணிவண்ணன் | Virakesari.lk

[Sasi_varnam]

 

[பாலபத்ர ஓணாண்டி]

இவர் அடுத்தவர்.. ஒற்றுமையை பற்றி தமிழ்தேசிய முண்ணனியை உடைத்துக்கொண்டு வெளியேறிய மணிவண்ணன் சேர் பேசுறார்..

இன்னொரு பக்கம்

தமிழ்தேசிய கூட்டமைப்பை உடைச்சு வெளியேறிவைதான் பொதுவேட்பாளரை நிறுத்தி இருக்கும் விக்கினேஸ்வரனும் சுரேஸ் பிரேமச்சந்திரனும்..

தமிழரசுக் கட்சியை உடைத்துக்கொண்டு வெளியேறினவர்தான் பொதுவேட்பாளர் ஜயா அரியநேந்திரன்..

இவர்களும் ஒற்றுமை பற்றி கதைக்கின்றனர்..

சாத்தான்கள் கூடி வேதம் ஓதுகின்றன..

[ரசோதரன்]

6 hours ago, பிழம்பு said:

 

தமிழர் தாயகத்தில் பொருளாதார மையங்கள் கூட இல்லை. 

நாம் எம்மை பொருளாதார ரீதியாக முன்னேற்ற எங்களுடைய கைகளுக்கு அதிகாரம் கிடைக்க வேண்டும். அதன் ஊடாகவே வெளிநாட்டு முதலீட்டாளர்களை நாம் கொண்டுவர முடியும்.

 

மணிவண்ணன் பொருளாதாரம், அதிகாரம் என்று இரண்டு புதிய விடயங்களை புகுத்தியுள்ளார். 

பொது வேட்பாளரின் 'ஒரே குரலில் ஒற்றுமையாக சர்வதேசத்திற்கு ஒரு செய்தி சொல்ல வாருங்கள் ....' என்னும் கோஷம் கூட பிரயோசனமற்றது என்றாலும், சாத்தியமானது என்ற வகையில் ஏற்றுக் கொள்ளக் கூடியதாக இருந்தது.

ஆனால்  நாங்கள் இன்றிருக்கும் நிலையில் நாங்களே எங்களுக்கு வாக்குப் போட்டு பொருளாதாரத்தையும், அதிகாரத்தையும் பெறுவோம் என்பது இந்த பொது வேட்பாளர் என்ற நிலைப்பாட்டையே தேவையில்லை என்றாக்கிவிடுகின்றது. எட்டு வீத வாக்குகள் அப்படியே கிடைத்தாலும், என்ன அதிகாரம் எங்களுக்கு கிடைத்துவிடும்............