ஈரானின் புதிய அதி உயர் தலைவர் தெரிவு?

Mar 8, 2026 - 04:06 PM

அமெரிக்க - இஸ்ரேலிய தாக்குதலில் உயிரிழந்த ஈரானின் அதி உயர் தலைவர் அயதுல்லா அலி கமேனிக்குப் பிறகு, அந்தப் பதவிக்கு அடுத்ததாக நியமிக்கப்படவுள்ள நபர் குறித்து அந்நாட்டின் நிபுணர்கள் சபை தற்போது இறுதி முடிவை எட்டியுள்ளதாகத் தெரிவிக்கப்படுகிறது.

ஈரானின் அரச செய்திச் சேவையான பார்ஸ் வெளியிட்டுள்ள காணொளி ஒன்றில் கருத்து தெரிவித்துள்ள அச்சபையின் உறுப்பினரான அயதுல்லா மொஹமட் மெஹ்தி மிர்பாகேரி, பெரும்பான்மை உடன்பாட்டின் அடிப்படையில் ஒரு நிலையான முடிவு ஏற்கனவே எடுக்கப்பட்டுள்ளதாகக் குறிப்பிட்டுள்ளார்.

அடுத்த தலைவராகத் தேர்ந்தெடுக்கப்பட்டுள்ள நபரின் பெயர் இதுவரை உத்தியோகபூர்வமாக பகிரங்கப்படுத்தப்படவில்லை என சர்வதேச ஊடகங்கள் தெரிவிக்கின்றன.

தற்போதைய இக்கட்டான சூழ்நிலைகளுக்கு மத்தியில் பல்வேறு சவால்கள் இருப்பதால், இந்தச் செயல்முறை மிகவும் அவதானமாக முன்னெடுக்கப்பட வேண்டும் என்றும், இது சர்ச்சைக்குரியதாக அமையக்கூடாது என்றும் மிர்பாகேரி மேலும் தெரிவித்தார்.

சுமார் நான்கு தசாப்தங்களாக ஈரானை ஆட்சி செய்த அலி கமேனி, தமது வாரிசை உத்தியோகபூர்வமாக அறிவிப்பதற்கு முன்னரே படுகொலை செய்யப்பட்டார்.

இதன் காரணமாக, அடுத்த தலைவரைத் தேர்ந்தெடுக்கும் பொறுப்பு அந்நாட்டின் மதகுருமார்கள் தலைமையிலான அதி உயர் சபைக்கு ஒப்படைக்கப்பட்டுள்ளது.

ஈரானின் அடுத்த அதி உயர் தலைவரைத் தேர்ந்தெடுக்கும் அதிகாரம், 88 சிரேஷ்ட மதகுருமார்களைக் கொண்ட நிபுணர்கள் சபைக்கே உரியது என்பது குறிப்பிடத்தக்கது.

ஈரானின் புதிய அதி உயர் தலைவர் தெரிவு?

ஈரானின் அடுத்த தலைவர் எவராக இருந்தாலும் அவர் எமது இலக்கே: இஸ்ரேல் இராணுவம் கடும் எச்சரிக்கை!

08 Mar, 2026 | 04:18 PM

ஈரானின் மறைந்த உச்ச தலைவர் அயதுல்லா அலி காமேனிக்கு பின் அந்தப் பதவிக்கு நியமிக்கப்படும் எவரையும், தாம் தொடர்ச்சியாக இலக்கு வைப்போம் என இஸ்ரேல் இராணுவம் ஞாயிற்றுக்கிழமை (08) பகிரங்க எச்சரிக்கை விடுத்துள்ளது.

இஸ்ரேல் இராணுவத்தின் பார்சி மொழி சமூக வலைத்தளப் பக்கத்தில் வெளியிடப்பட்டுள்ள பதிவொன்றில், ஈரானின் புதிய உச்ச தலைவரைத் தெரிவு செய்யும் பொறுப்பைக் கொண்ட 'நிபுணர்கள் சபை' குறித்துக் குறிப்பிடப்பட்டுள்ளது. பல தசாப்தங்களாகக் கூட்டப்படாத இந்தச் சபையானது, விரைவில் ஈரானின் புனித நகரான 'கோம்' நகரில் கூடவுள்ளதாகத் தெரிவிக்கப்படுகிறது.

"இஸ்ரேல் அரசின் கரங்கள் ஈரானின் அடுத்த வாரிசையும், அந்த வாரிசை நியமிக்க முற்படும் ஒவ்வொரு நபரையும் தொடர்ந்து பின்தொடரும் என்பதை உங்களுக்குத் தெரிவிக்க விரும்புகிறோம். இந்த வாரிசு தெரிவு கூட்டத்தில் பங்கேற்க உத்தேசித்துள்ள அனைவரையும் எச்சரிக்கிறோம்; உங்களை இலக்கு வைக்கவும் நாங்கள் தயங்க மாட்டோம். இது ஒரு எச்சரிக்கை!" என இஸ்ரேல் இராணுவம் அந்தப் பதிவில் குறிப்பிட்டுள்ளது.

கடந்த வாரம் அமெரிக்கா மற்றும் இஸ்ரேல் இணைந்து நடத்திய வான் தாக்குதல்களில் அயதுல்லா அலி காமேனி கொல்லப்பட்டதைத் தொடர்ந்து, ஈரானில் தலைமைத்துவ வெற்றிடம் ஏற்பட்டுள்ளது. இதனிடையே, காமேனியின் மகனான மொஜ்தபா காமேனி அடுத்த தலைவராக நியமிக்கப்படலாம் எனப் பரவலாகப் பேசப்பட்டு வரும் நிலையில், இஸ்ரேல் இந்த அச்சுறுத்தலை விடுத்துள்ளது.

https://www.virakesari.lk/article/240461

இரானின் புதிய அதிஉயர் தலைவர் தேர்வு செய்யப்பட்டதாக தகவல்

பட மூலாதாரம்,Getty Images

இரானிய நிபுணர்கள் சபையின் உறுப்பினரான அஹமது அலமொல்ஹோடா, அந்நாட்டின் புதிய அதிஉயர் தலைவர் தேர்ந்தெடுக்கப்பட்டதாக தெரிவித்துள்ளார்.

இரானிய செய்தி ஊடகமான மெஹர் வழங்கும் தகவலின்படி, நிபுணர்களின் சபை தலைமை செயலகத்தின் தலைவரான ஹுசைனி புஷெஹ்ரி தான் இந்த முடிவை பொதுவெளியில் அறிவிப்பதற்கு பொறுப்பானவர்.

முன்னாள் அதிஉயர் தலைவர் காமனெயி மறைவுக்குப் பிறகு புதிய தலைவர் மீதான எதிர்பார்ப்பு அதிகரித்துள்ள நிலையில் புதிதாக எந்த தலைவர் தேர்ந்தெடுக்கப்பட்டாலும் அவரை இலக்கு வைப்போம் என இஸ்ரேல் தெரிவித்துள்ளது.

இரானின் புதிய அதிஉயர் தலைவர் தேர்வு செய்யப்பட்டதாக தகவல்

1 hour ago, ஏராளன் said:

இரானிய நிபுணர்கள் சபையின் உறுப்பினரான அஹமது அலமொல்ஹோடா, அந்நாட்டின் புதிய அதிஉயர் தலைவர் தேர்ந்தெடுக்கப்பட்டதாக தெரிவித்துள்ளார்.

பாவம் எவனோ இந்த ஆள் மீது கடுப்பில் உள்ளவன் இப்படி ஒரு வதந்தியை பரப்பி விட்டிருக்கிறானோ😂.

கமேனியின் மகந்தான் அடுத்த சூப்பர்ஸ்டார் என்றார்களே?

அவர் இலண்டனில் பல நூறு மில்லியன் சொத்து வைத்துள்ளார், ஆண்மைகுறைவுக்கு சிகிச்சை எடுத்தார் என்ற செய்திகள் - உள்நாட்டில் பல பிடுங்குபாடுகளை ஏற்படுத்தி விட்டது போலும்.

இந்த முல்லாக்களை முற்றாக சீனில் இருந்து அகற்றி விட்டு, இராணுவத்தில் நடைமுறை சாத்தியமாக சிந்திக்க கூடிய ஒருவர், அமெரிக்கா, இஸ்ரேலோடு டீல் போட்டால் நாட்டை காப்பாற்றலாம்.

எகிப்தில் ஜெனரல் சிசி செய்தது போல.

இஸ்லாமிக் பிரதர்ஹூட், ஹமாஸ், ஹிஸ்புல்லா, தாலிபான், ஈரானிய முல்லாக்கள், ஹூதி, அல்ஷபாப், ஐசிஸ், அல்கொய்தா இது போன்ற கிருமிகள் உலகில் எங்கும் ஆட்சியில் இருக்க கூடாது, என்பது சர்வதேச மகளிர் தினமான இன்று என் வேண்டுதல்.

Edited 12 hours ago12 hr by goshan_che

1 hour ago, goshan_che said:

இந்த முல்லாக்களை முற்றாக சீனில் இருந்து அகற்றி விட்டு, இராணுவத்தில் நடைமுறை சாத்தியமாக சிந்திக்க கூடிய ஒருவர், அமெரிக்கா, இஸ்ரேலோடு டீல் போட்டால் நாட்டை காப்பாற்றலாம்.

எகிப்தில் ஜெனரல் சிசி செய்தது போல.

எனக்கென்னமோ நிலமை வேற மாதிரி போகிற மாதிரி இருக்கு, இப்ப ட்ரம்பை பாராட்டுகிற நீங்கள் நாளைக்கே இதற்காக ட்ரம்பை திட்டக்கூடாது (பிபி நல்லா மாட்டி விட்டுள்ளார், ஓடிப்போன சிங்கத்தினை வாலோடு கட்டி கூட்டி வந்து ஈரானுக்குள் விட்டுள்ளார்)🤣.

ஈரானிய புரட்சிகர படையின் மீது மிகுந்த செல்வாக்குச் செலுத்துபவரும், ஈரானிய மதக் கடும்போக்குவாதிகளில் முதன்மையானவர் என்றும் கருதப்படும் முன்னாள் ஆன்மீகத் தலைவர், கமெய்னியின் மகன் தற்போது ஆன்மீகத் தலைவராகத் தெரிவுசெய்யப்பட்டிருக்கிறார்.

ஈரான் மத அடிப்படைவாதத்தினை விட்டு, ஜனநாயக வழிக்குத் திரும்புவதற்கு இவர் தனது தகப்பனாரைக் காட்டிலும் பெரும் தடையாக இருப்பார் என்பதை ஊகிப்பது கடிணமில்லை.

ஆகவே, இவரும் உடனடியாக அகற்றப்பட வேண்டும். பார்க்கலாம்.