போர் நிறுத்த உடன்படிக்கையிலிருந்து விலகிய சிறிலங்கா அரசாங்கம் அடுத்த சில நாட்களுக்குள் தமிழீழ விடுதலைப் புலிகளைத் தடை செய்யவும் தீர்மானித்திருப்பதாக நம்பத்தகுந்த வட்டாரங்களிலிருந்து தெரிய வந்திருப்பதாக சிங்கள வார ஏடான "லங்காதீப" செய்தி வெளியிட்டுள்ளது.

தொடர்ந்து வாசிக்க

புலிகள் மீதான தடை அடுத்தகட்ட நடவடிக்கை? யுத்தநிறுத்த விலகல் `காரணகாரியத்துடனான' நகர்வு

[05 - January - 2008] [Font Size - A - A - A]

விடுதலைப்புலிகளுடான யுத்தநிறுத்த உடன்படிக்கையிலிருந்து விலகிக்கொள்ளும் அரசாங்கத்தின் தீர்மானம் காரண காரியத்துடனான ஒரு நகர்வு என்றும் அடுத்தகட்ட நடவடிக்கை விடுதலைப்புலிகள் அமைப்பை தடை செய்வதாக இருக்கலாமெனவும் டி.என்.ஏ. செய்திச்சேவை நேற்று வெள்ளிக்கிழமை தெரிவித்தது.

2002 பெப்ரவரி 22 முதல் யுத்தநிறுத்த உடன்படிக்கை அமுலில் இருந்துவந்த போதும் கடந்த இருவருடங்களாக இருதரப்பும் வான்வழித் தாக்குதல்கள் ஆட்லறி வீச்சுகளை மேற்கொண்டு வந்தன.

இது இரு சாராரும் முழு அளவிலான யுத்தத்தில் ஈடுபட்டதையே வெளிப்படுத்துகிறது.

அதேவேளை, யுத்தநிறுத்த உடன்படிக்கையிலிருந்தும் விலகிக் கொள்வதென புதன்கிழமை அரசாங்கம் மேற்கொண்ட தீர்மானமானது இராணுவத்தின் யுத்தபலம் மேலோங்கியிருப்பதென்று ஜனாதிபதி மகிந்த ராஜபக்‌ஷ மற்றும் பாதுகாப்புத்துறையினர் மத்தியில் நம்பிக்கை அதிகரித்து வருவதற்கான சமிக்ஞையாக கருதப்படுகிறது. அடுத்த கட்ட நடவடிக்கை விடுதலைப்புலிகள் மீது தடை விதிப்பதாக அமையலாம் என்று தெரிவிக்கப்படுகிறது.

இது தொடர்பாக "டெய்லி நியூஸ்" பத்திரிகைக்கு அளித்த பேட்டியில் பாதுகாப்பமைச்சின் செயலாளர் கோதாபய ராஜபக்‌ஷ தெரிவித்திருந்தார்.

விடுதலைப்புலிகள் மீது தடை விதிக்கப்பட்டு தமிழ் மக்களின் பிரச்சினைத் தீர்வுக்கு புதிய அணுகுமுறை கடைப்பிடிக்கப்பட வேண்டும் என்று அவர் தெரிவித்திருந்தார்.

யுத்தநிறுத்த உடன்படிக்கையிலிருந்து விலகிக் கொள்வதாக தற்போது விடுக்கப்பட்டிருக்கும் அறிவிப்பு வெறும் சம்பிரதாயபூர்வமானதொன்று என்றும் புலிகள் அமைப்பை தடை செய்வதற்கான எச்சரிக்கை மணி ஒலித்துக்கொண்டிருப்பதாகவும

விடுதலைப்புலிகளை இராணுவ ரீதியில் ஒடுக்காது பேசப்போவதில்லை என்பது கொள்கையளவில் இருந்தாலும் அது நடைமுறையில் வருமா? எப்போது ஒடுக்குவது? எப்போது பேசுவது? பகலென்றாலும் இரவென்றாலும் கனவுகள் நனவாகுவதில்லை.

அடுத்த சில நாட்களுக்குள் அரசு புலிகளைத் தடைசெய்யத் தீர்மானம்

[07 - January - 2008]

போர் நிறுத்த உடன்படிக்கையிலிருந்து விலகிய அரசாங்கம் அடுத்த சில நாட்களுக்குள் விடுதலைப்புலிகளைத் தடை செய்யவும் தீர்மானித்திருப்பதாக நம்பத்தகுந்த வட்டாரங்களிலிருந்து தெரியவந்திருப்பதாக ஊடகத் தகவல்கள் தெரிவித்துள்ளன.

இது குறித்து அச்செய்தியில் கூறப்பட்டுள்ளதாவது;

அரசாங்கம் ஏற்கனவே விடுதலைப் புலிகள் இயக்கத்தைத் தடை செய்வதற்குத் தேவையான அடிப்படை சட்டமூலத்தை தயார் செய்து சட்டத்துறையினரின் ஆலோசனைகளைப் பெற்று வருவதாகத் தெரியவந்துள்ளது. முன்னாள் ஜனாதிபதி சந்திரிகா பண்டார நாயக்கா குமாரதுங்க பதவியில் இருந்த காலப்பகுதியில் விடுதலைப் புலிகள் அமைப்பு தடை செய்யப்பட்டிருந்தது.

எனினும் 2001 ஆம் ஆண்டு ஆட்சிக்கு வந்த ரணில் விக்கிரமசிங்க அரசாங்கம் சமாதான பேச்சுவார்த்தைகளை ஆரம்பிப்பதற்கு முன்னதாக 2002 ஆம் ஆண்டு செப்ரெம்பர் மாதம் 3 ஆம் திகதி அத்தடையை நீக்கியது. அதிலிருந்து இதுவரை சுமார் 5 ஆண்டு காலம் விடுதலைப் புலிகள் மீதான தடை நீக்கப்பட்டிருந்தது.

தலைநகரில் விடுதலைப் புலிகள் வன்முறைகளைத் தோற்றுவிப்பதால் அரசாங்கத்தை ஆதரிக்கும் ஏனைய கட்சிகள் அரசாங்கத்திற்கு அழுத்தம் கொடுப்பதாலேயே அரசாங்கம் தற்போது விடுதலைப் புலிகளைத் தடை செய்வது குறித்து கவனம் செலுத்தியுள்ளதாகவும் அச்செய்தியில் தெரிவிக்கப்பட்டுள்ளது.

http://www.thinakkural.com/news/2008/1/7/i...s_page43722.htm