ஒரு மொழியின் இறப்பு

[சபேசன்]

கடந்த திங்கட் கிழமை அமெரிக்காவின் அலாஸ்கா மாநிலத்தில் "மரியா ஸ்மித் ஜோனெஸ்" என்ற பெண்மணி இறந்து விட்டார். ஒன்பது பிள்ளைகளுக்கு தயான இவர் இறக்கும் போது இவருடைய வயது 89. இவருடைய இறப்பு பலருக்கு துயரத்தை கொடுத்துள்ளது. அவருடைய இழப்பை யாராலுமே ஈடு செய்ய முடியாது என்று சொல்கிறார்கள்.

பழங்குடி இனத்தை சேர்ந்த மரியா ஸ்மித் அலாஸ்காவில் வாழும் பழங்குடி மக்களின் உரிமைக்காக பல போராட்டங்களை மேற்கொண்டவர். ஆனால் அவருடைய இறப்பு யாராலும் ஈடு செய்ய முடியாததாக பார்க்கப்படுவதற்கு காரணம் அது இல்லை. உண்மையான காரணம், மரியா ஸ்மித் போகும் போது ஒரு மொழியையும் தன்னுடனே சேர்த்துக் கொண்டு போய் விட்டார்.

ஆம், அலாஸ்காவின் பழங்குடி மக்களின் மொழிகளில் ஒன்றான "ஏயக்" என்கின்ற மொழியை பேசத் தெரிந்த உலகின் கடைசி மனிதராக அவர் மட்டும்தன் இருந்தார். அவர் இறந்ததன் பிறகு இன்றைக்கு உலகில் யாருக்குமே அந்த மொழியை பேசத் தெரியாது. கடந்த திங்கட் கிழமையோடு உலகில் ஒரு மொழி அழிந்து விட்டது.

மரியா ஸ்மித்திற்கு ஒன்பது பிள்ளைகள் இருந்தும், யாருமே "ஏயக்" மொழியை கற்பதற்கு ஆர்வம் காட்டவில்லை. எல்லோரைப் போன்று அவர்களும் ஆங்கிலம் கற்பதும், பேசுவதும்தான் நாகரீகமாதும், தேவையானதும் என்ற கருத்தோடு இருந்து விட்டார்கள். "ஏயக்" மொழியைப் பேசும் கடைசி மனிதராக தான்தான் இருக்கப் போகின்றேன் என்ற விடயம் மரியா ஸ்மித்திற்கு அன்றைக்கு தெரிந்திருந்ததா என்பதும் தெரியவில்லை.

"ஏயக்" மொழி பேசத் தெரிந்த மரியா ஸ்மித்தின் ஒரு சகோதரி 1993இலேயே இறந்து விட்டார். அதன் பிறகு மரியா ஸ்மித்தோடு "ஏயக்" மொழியில் உரையாடுவதற்கு யாருமே இருக்கவில்லை.

"ஏயக்" மொழி அழிந்து விடக் கூடாது என்பதற்கு மரியா ஸ்மித் சில நடவடிக்கைகளை மேற்கொண்டார். ஒரு மொழியியல் வல்லுனரின் உதவியோடு "ஏயக்" மொழிக்கான அகராதியையும், இலக்கண நூலையும் தயாரித்தார். இனிமேல் யாராவது இந்த நூல்களின் உதவியோடு ஏயக் மொழியை கற்றுப் பேசினால் மட்டும்தான், அந்த மொழி மீண்டும் உயிர் பெறும்.

ஏயக் மொழிக்கு மட்டும்தான் இந்த நிலைமை என்று இல்லை. உலகின் பெரும்பாலான மொழிகளின் நிலைமை இதுதான். இரண்டு வாரத்திற்கு ஒரு முறை உலகின் ஏதோ ஒரு மூலையில் ஒரு மொழி அழிவதாக மொழியியல் வல்லுனர்கள் தெரிவிக்கின்றார்கள். மரியா ஸ்மித் வாழ்ந்த அலாஸ்காவில் பேசப்படுகின்ற மொழிகளில் மேலும் 20 மொழிகள் விரைவில் அழிந்து விடும் நிலையில் இருக்கின்றன. உலகம் எங்கும் மொழிகள் அழிந்து வரும் வேகம் அதிகரிக்கின்றதே தவிர குறையவில்லை.

ஒரு மொழி அழிகின்ற பொழுது ஒரு இனத்தின் பண்பாடு அழிகிறது. இன்னும் சொல்வது என்றால் ஒரு இனமே அழிகிறது. அழிகின்ற மொழிகளில் பெரும்பாலானவை பல ஆயிரம் ஆண்டுகளுக்கு முற்பட்ட மிகப் பழமையான மொழிகள். அந்த மொழிகளுக்குள் மனித குலத்தின் வரலாற்றின் பெரும் பகுதி புதைந்து கிடக்கின்றது. மொழிகளோடு மனித குலத்தின் வரலாற்று உண்மைகளும் அழிந்து போகின்றன.

இன்றைக்கு உலகிலே வாழுகின்ற அறுநூறு கோடி மக்களும் மொத்தம் ஆறாயிரம் மொழிகளைப் பேசுகின்றார்கள். நூறு ஆண்டுகளுக்குப் பிறகு இந்த ஆறாயிரம் மொழிகளிலே அறுநூறு மொழிகள் மட்டுமே மிஞ்சியிருக்கும். மிச்சம் ஐந்தாயிரத்து ஐந்நூறு மொழிகளும் அழிந்து விடும். இது மொழியியல் வல்லுனர்களின் தீவிரமான ஒரு எச்சரிக்கை.

இன்றைக்கு பேசப்படுகின்ற ஆறாயிரம் மொழிகளில் மூவாயிரம் மொழிகளை ஆயிரத்திற்கும் குறைவானவர்களே பேசுகின்றார்கள். ஏறக்குறைய ஆயிரத்து ஐந்நூறு மொழிகளை நூறு பேர் வரையிலானவர்களே பேசுகிறார்கள். ஐந்நூறு மொழிகளை வெறும் பத்துப் பேர்தான் பேசுகிறார்கள்.

ஒரு மொழி நிலைத்து நிற்பதற்கு ஆகக் குறைந்தது ஒரு இலட்சம் பேராவது அந்த மொழியை பேச வேண்டும் என்பது மொழியியல் வல்லுனர்களின் கருத்து.

அந்த வகையில் தமிழ் மொழி தற்போதைக்கு அழியாது என்று நம்பலாம். உலகில் மிக அதிகமானவர்களால் பேசப்படுகின்ற இருபது மொழிகளின் பட்டியலில் தமிழும் இருக்கின்றது. கல்வெட்டில் இருந்து கணணி வரை தமிழ் மொழி பரந்து நிற்கின்றது. ஆனால் ஒரு மொழி அழிவதற்கு தேவையான அனைத்துக் காரணங்களையும் தமிழ் மொழியும் கொண்டுதான் இருக்கின்றது என்பது இதிலே ஒரு அபாயகரமான செய்தி.

ஒரு மொழி அழிவதற்கான முக்கிய காரணங்களாக சில விடயங்கள் சுட்டிக் காட்டப்படுகின்றன. மொழிக்குள் மற்றைய மொழிகளின் ஊடுருவலும் ஆதிக்கமும், வட்டாரப் பேச்சு வழக்குகள் தனி மொழிகளாக கிளர்வது, இளந்தலைமுறை மொழியை கற்கவும் பேசவும் ஆர்வம் அற்று இருப்பது போன்றவை ஒரு மொழி அழிவதற்கு முக்கிய காரணங்கள்.

வேற்று மொழிகளின் ஊடுருவல் தமிழுக்குள் மித மிஞ்சிப் போய் கிடக்கின்றது. எத்தனையோ சொற்களை, அவைகள் தமிழ் சொற்களா இல்லையா என்பதை அறிவதே மிகக் கடினமாக இருக்கின்றது. அதே போன்று பல துறைகளில் ஆங்கிலம் போன்ற மொழிகளின் ஆதிக்கம் இருக்கின்றது.

வட்டாரப் பேச்சு வழக்கு மொழிகளாக இருந்தவை தனி மொழிகளாக பிரிந்து போனதையும் தமிழ் மொழி சந்தித்திருக்கின்றது. இன்றைக்கு தமிழ் கொண்டிருக்கும் நூற்றுக் கணக்கான வட்டார மொழிகள் நாளை தனி மொழிகளாக மாறி விடாது என்று உறுதியாக நம்புவதற்கு போதுமான காரணங்கள் இல்லை. "பொதுவான தமிழ்" இன்றைக்கு எழுத்தில் மட்டும்தான் இருக்கின்றது. ஆனால் "வட்டார மொழி இலக்கியங்கள்" என்ற பெயரில் வருகின்ற அதிகரித்த படைப்புக்கள் இதற்கும் முடிவு கட்டி விடுமோ என்ற அச்சத்தைக் கொடுக்கின்றது.

தமிழ் நாட்டின் சென்னை போன்ற பெரு நகரங்களிலும், புலம் பெயர்ந்த நாடுகளிலும் வாழும் இளந்தலைமுறை தமிழை எவ்வளவு தூரம் பேசுவதற்கும், கற்பதற்கும் ஆர்வம் காட்டுகிறார்கள் என்பது அனைவரும் அறிந்த ஒன்றுதான்.

இன்றைக்கும் தமிழ் மொழி உயிரோடு இருப்பதன் ஒரே ஒரு காரணம், தமிழை பேசுபவர்கள் ஆறு கோடிக்கும் மேற்பட்டவர்களாக இருப்பதுதான்.

ஐக்கிய நாடுகள் சபையின் அறிக்கை ஒன்றில் முப்பது ஆண்டுகளில் அழியப் போகின்ற மொழிகளில் ஒன்றாக தமிழும் இருப்பதாக செய்தி ஒன்று சில ஆண்டுகளுக்கு முன்பு ஊடகங்களில் வெளிவந்து பரபரப்பை ஏற்படுத்தியது. ஆனால் முப்பது ஆண்டுகளில் எல்லாம் தமிழ் அழிந்து விடாது. முப்பது ஆண்டுகள் என்பது மிகைப்படுத்தப்பட்ட ஒன்று.

அதே வேளை நீண்ட காலத்திற்கு நாம் இப்படி இறுமாப்போடு இருக்க முடியாது. பேசுபவர்களின் எண்ணிக்கையில் மட்டும் ஒரு மொழியின் இருப்பு தங்கியிருக்க முடியாது. எண்ணிக்கையும் மாறுபடக் கூடிய ஒன்றுதான். மொழி அழிவதற்கு தேவையான மற்றைய காரணிகளும் தமிழில் இருக்கின்றன.

ஆகவே தமிழ் மொழி நீடித்து நிலைக்க வேண்டும் என்ற சிந்தனை ஒவ்வொரு தமிழரின் நெஞ்சிலும் இருந்தால் மட்டும்தான், தமிழ் மொழி நீண்ட காலத்திற்கும் நிலைக்கும். இல்லையென்றால் "அழிந்து போன மொழிகளின் பட்டியலில்" தமிழ் இடம் பெறுவது தவிர்க்க முடியாததாகி விடும்.

மரியா ஸ்மித் ஜோனிஸின் உடலோடு "ஏயக்" மொழியும் புதைக்கப்பட்டுவிட்ட இந்த நாளில் தமிழர்களைப் பார்த்து சொல்லக் கூடிய செய்தி இதுதான்.

http://www.webeelam.com

[nedukkalapoovan]

"ஏயக்" மொழி அருகியதை இட்டு கவலைப்படும் ஒருவரே.. சமஸ்கிரத மொழி தொடர்பில் காழ்ப்புணர்சிகளை கொட்டியும் வருகிறாரே..!

முடியல்ல... எத்தனை முகங்கள்..!

எதுஎப்படியோ ஒரு மொழியின் அழிவை இட்டு மகிழ முடியவில்லை. அது சமஸ்கிரதமா இருந்தாலும் சரி.. ஏயக் ஆக இருந்தாலும் சரி.

[சபேசன்]

சமஸ்கிருத மொழி மீது எனக்கு எந்த வெறுப்பும் இல்லை.

ஒரு மொழி அழிவதன் காரணங்களை சொல்லியிருக்கிறேன். ஆங்கில மொழியின் ஆதிக்கத்தால் ஏயக் மொழி அழிந்தது. அப்படி மற்றைய மொழிகளின் ஆதிக்கத்தால் தமிழும் அழியாது பாதுகாக்க வேண்டும்.

ஒரு மொழியை வாழ வைப்பதற்காக இன்னொரு மொழியை சிதைக்கக் கூடாது. ஒரு இனத்தின் உரிமையை மறுக்கக்கூடாது.

[இளைஞன்]

நன்றி சபேசன் கட்டுரைக்கு. சிங்கள மக்கள் அழியவேண்டும் என்றோ, சிங்கள மொழியை அழிக்க வேண்டும் என்றோ தமிழர்கள் போராடவில்லை. எமது இருப்பைக் கேள்விக்குறியாக்கி, எமது இனத்தை அழிக்கவும் எமது தேசத்தையும் ஆக்கிரமிக்கவும் முற்பட்டபோது அதற்கெதிரான போராட்டம் தமிழர் தரப்பில் முன்வைக்கப்பட்டது. சிங்கள மக்களின் நிலங்களை ஆக்கிரமிப்பதற்கான போராட்டமல்ல எமது போராட்டம். தமிழர்களின் நிலங்களை காப்பதற்கான அல்லது மீட்பதற்கான போராட்டம். இது எமது இருப்புக்கான போராட்டம். இதனை உண்மையுள்ளம் கொண்ட தமிழர்கள் நிச்சயமாக உணர்ந்துகொள்வார்கள். வேற்று மொழிகளின் ஆதிக்கத்தால் தமிழ் மொழி அழிந்திடாதிருக்க நாம் விழிப்போடு இருக்கவேண்டும். ஏனென்றால் மொழியின் வழி தான் தமிழரின் இருப்பு.

[கறுப்பி]

தலைமுறைகள் போக போக தமிழ்மொழி யின் கதி?

[nedukkalapoovan]

தலைமுறைகள் போக போக தமிழ்மொழி யின் கதி?

தான் பெற்ற பிள்ள இங்கிலீசு பேசினாலும் சேலை கட்டினா தமிழிச்சி என்ற ஆக்கள் பெருகிட்டே வந்தா.. தமிழ் கதி அதோ கதிதான்.

மொழித் தூய்மை என்பது அவசியம். அதற்காக அடுத்த மொழி வெறுப்பூட்டல் அவசியமில்லைச் சபேசன்.

உங்கள் கருத்துக்கள் பலவற்றில் சமஸ்கிரத மொழியை ஆரிய மொழியாக இனங்காட்டி.. அதன் மீதும் ஆரிய வெறுப்பை கக்கும் செயலை அவதானித்திருக்கிறேன்..!

சமஸ்கிரதம் மட்டுமன்றி தமிழோடு ஆங்கிலம்.. போர்த்துக்கேய மொழி.. டச்சு மொழி என்பனவும் தான் கலந்துள்ளன. அதற்காக ஏன் அவற்றை திட்டுறீங்க இல்ல..???! அவையும் வேற்றுமொழிகள் தானே..!

வழங்கில் இருந்து அருகி வரும் சமஸ்கிரதத்தையும் பாதுகாக்க வேண்டும். சமஸ்கிரதம் இன்று கோவில்களில் மட்டும் தான் பாவனையில் இருக்கிறது. அதையும் கெடுத்திட்டு வருகுது ஒரு கூட்டம்..!

இஸ்லாமியர்கள் எங்கிருந்தாலும் அரபிக்கில் தொலுகை நடத்துவார்கள். ஏன் அல்லா என்று அரபில் தான் கடவுளையே அழைக்கின்றனர். அவர்கள் மதத்துள் மொழித் திணிப்புச் செய்வதில்லை..!

என்னைப் பொறுத்தவரை தூய தமிழ் வளர்க்கப்படும் அதேவேளை அருகி வரும் உலக மொழிகளையும் இயன்ற வரை பாதுகாக்க முனைய வேண்டும். தமிழர்களால் ஒரு மொழி பாதுகாக்கப்படுகிறது எனும் சிறப்பு கோவில்களில் சமஸ்கிரதம் உச்சரிக்கப்படுவதால் பெறப்படலாம்..!

மந்திர உச்சாடணங்களை மிகவும் அவசியம் என்று கருதின் பகுத்தாய்ந்து இனங்கண்டு மாற்றி அமைப்பினும்.. கோவில்களில் சமஸ்கிரதத்தில் செய்வது அம்மொழிக்கான இருப்பை தமிழர்களில் இந்துக்கள் உள்ளவரையாவது பாதுகாக்கும்..!

[சபேசன்]

இங்கும் வந்து நீங்கள் விவாதத்தை திசை திருப்புவேன் என்று அடம்பிடிக்கிறீர்கள்!

உங்களுக்கு சுருக்கமாக மீண்டும் சொல்கிறேன்.

இலகுவாக கற்கக் கூடிய சிங்களத்தை படிக்க மாட்டோம் என்று சண்டை செய்கிறோம். உலகம் எல்லாம் சென்று மிகக் கடினமான பல மொழிகளை கற்கிறோம்.

இது ஏன்?

காரணம் சிங்களம் எங்கள் மீது கட்டாயமாக திணிக்கப்பட்டது.

அதே போன்று சமஸ்கிருதமும் எங்கள் மீது திணிக்கப்படுகிறது. அதுதான் இங்கு பிரச்சனை.

தமிழை நீச மொழி என்று சொல்லி தள்ளி வைத்து, சமஸ்கிருதத்தை தேவபாசை என்று சொல்வதுதான் பிரச்சனை.

சமஸ்கிருதம் ஒரு மொழி. அவ்வளவுதான். அதை வாழ வைப்பதற்கு நேர் வழிகளை நாடுவதை ஏற்றுக் கொள்ளலாம். ஒரு இனத்தின் தலையில் மிளகாய் அரைத்து வாழ வைக்கக் கூடாது.

இஸ்லாமியர்கள் அரபு மொழியில் ஓதினாலும், வரிக்கு வரி அந்த மக்களினுடைய மொழியில் அதனுடைய அர்த்தத்தை சொல்கிறார்கள்.

பார்ப்பனர்கள் அப்படிச் செய்வார்களா? இதை சவாலாகவே கேட்கிறேன். அவர்கள் செய்ய மாட்டார்கள். அப்படிச் செய்தால் நாறிப் போய் விடுவார்கள். ஒரு தமிழன் கூட அதன் பிறகு இந்துவாக இருக்க மாட்டான்.

எப்படி நான் சிங்களத் திணிப்பை எதிர்க்கிறேனோ, அதே போன்று சமஸ்கிருதத் திணிப்பையும் எதிர்க்கிறேன்.

சிங்களத்திலும் எனக்கு எந்தக் காழ்ப்புணர்வும் இல்லை. சமஸ்கிருதத்திலும் எனக்கு எந்தக் காழ்ப்புணர்வும் இல்லை. சமஸ்கிருதம் ஒரு இழிவான மொழி என்று நான் எங்குமே சொன்னது இல்லை.

சமஸ்கிருதத்தை இழிவான முறையில் பாவிப்பவர்கள் பற்றித்தான் என்னுடைய குற்றச்சாட்டு.

அடுத்தது இங்கேயும் இந்து மதம் பற்றி பேசிக் கொண்டிருக்க நான் விரும்பவில்லை. மொழிகள் அழிவது குறித்து பேசிக் கொண்டிருக்கிறேன். நீங்கள் அதனுடன் சம்பந்தமற்ற வகையில் ஒரு மொழித் திணிப்பை ஒப்பிட்டு விவாதத்தை திசை திருப்புகிறீர்கள்.

இங்கும் இந்து மதத்தின் பெயரில் தமிழர்கள் முட்டாளாக்கப்படுவது பற்றிய பதிவுகளை செய்ய வேண்டும் என்றால், அதற்கும் நான் தயார்தான்.

[இசைக்கலைஞன்]

நல்ல கருத்துக்கள் சபேசன்..

வழங்கில் இருந்து அருகி வரும் சமஸ்கிரதத்தையும் பாதுகாக்க வேண்டும். சமஸ்கிரதம் இன்று கோவில்களில் மட்டும் தான் பாவனையில் இருக்கிறது. அதையும் கெடுத்திட்டு வருகுது ஒரு கூட்டம்..!

நெடுக்கண்ணை,

சமஸ்கிரதத்தைப் பற்றி இவ்வளவு அக்கறைப்படும் நீங்கள் உங்கள் தாய் மொழியைக் காக்க இதுவரை என்ன செய்திருக்கிறீர்கள்?

[காவடி]

பாவம்.. சமஸ்கிருத மொழி.. அழிகிற தருவாயில் கதறுகிறது போல கெஞ்சிக் கேட்கப்படுகிறது. ஏதோ ஒரு மூலையில் (கோயில் கருவறை ??) இருந்து விட்டுப் போகட்டும்.

தமிழன் தன் மொழி இழந்தும் பிறமொழி காத்தான் எனும் பெருமை எம்மைச் சேரட்டும்.

[tamillinux]

இங்கும் இந்து மதத்தின் பெயரில் தமிழர்கள் முட்டாளாக்கப்படுவது பற்றிய பதிவுகளை செய்ய வேண்டும் என்றால், அதற்கும் நான் தயார்தான்.

அப்படியான பதிப்புக்களை தாருங்கள்.

இன்னொன்று ஒரு முறை திஸ்சமகாரகமா பக்கத்திலுள்ள இராவணன் கோட்டை பற்றி கேட்டிருந்தீர்கள் பதிவில் ஒரு இலங்கை வரைபடத்தில் அந்த இடம் காணப்பட்டது பின்பு இணைக்கின்றேன்

[nedukkalapoovan]

இங்கும் வந்து நீங்கள் விவாதத்தை திசை திருப்புவேன் என்று அடம்பிடிக்கிறீர்கள்!

தலைப்பே அருகி வரும் ஒரு மொழி பற்றியது. அந்த வகையில் ஐநாவால் அருகி வரும் மொழியாக பட்டியலிடப்பட்டுள்ள சமஸ்கிரதம் பற்றிப் பேசுறது ஒன்றும் தலைப்புக்குப் புறம்பான அம்சமல்ல..!

உங்களுக்கு சுருக்கமாக மீண்டும் சொல்கிறேன்.

இலகுவாக கற்கக் கூடிய சிங்களத்தை படிக்க மாட்டோம் என்று சண்டை செய்கிறோம். உலகம் எல்லாம் சென்று மிகக் கடினமான பல மொழிகளை கற்கிறோம்.

இது ஏன்?

காரணம் சிங்களம் எங்கள் மீது கட்டாயமாக திணிக்கப்பட்டது.

ஏன் ஆங்கிலேயர்கள் சொந்த மண்ணில வந்து ஆங்கிலத்தைத் திணிக்கேக்க ஏற்றுக் கொண்டீங்கள் தானே. நாவலர் தமிழ் கல்வியை ஊட்டும் போது எதிர்த்தவர்களும் இருந்துள்ளனரே..!

அடிப்படையில் உங்களுக்கு ஈழ விடுதலைப் போராட்டத் தார்ப்பரியம் புரியவில்லை என்று நினைக்கிறேன். வெறும் மொழித்திணிப்பு மட்டுமல்ல போராட்டத்திற்கு காரணம். தமிழர்களின் அரசியல் உரிமைகள் பறிக்கப்பட்டதும் தமிழர்கள் தொடர்சியாக வஞ்சிக்கப்பட்டதும் ஏமாற்றப்பட்டதும் அதில் அடங்கும்..!

அதே போன்று சமஸ்கிருதமும் எங்கள் மீது திணிக்கப்படுகிறது. அதுதான் இங்கு பிரச்சனை.

தமிழை நீச மொழி என்று சொல்லி தள்ளி வைத்து, சமஸ்கிருதத்தை தேவபாசை என்று சொல்வதுதான் பிரச்சனை.

ஈழத்தில் சமஸ்கிரதம் எப்போதுமே திணிக்கப்படவில்லை. ஈழத்தில் சமஸ்கிரதம் படிக்கச் சொல்லி வந்த ஒரு நிகழ்வையாவது சுட்டிக்காட்டுங்கள் பார்க்கலாம். ஆதார அடிப்படையற்ற தகவல்களை கற்பனையில் உங்கள் மொழி வெறுப்புக்கு ஏற்ப இங்கு கொட்ட முடியாது என்பதைக் கருத்தில் கொள்ளுங்கள்..!

தனிச் சிங்களச் சட்டம் போன்று தனி சமஸ்கிரதச் சட்டம் வந்ததா இல்லையே..! கோவில்களில் கூட தேர்வு முறையில் தான் சமஸ்கிரதம் தெரிவு செய்யப்படுகிறது. காரணம் வேத மந்திரங்கள் அம்மொழியில் இருப்பதால் அதை அப்படியே சொல்கின்றனர். அது மொழித்திணிப்பல்ல..!

சிங்களத்தில் உள்ளதை சிங்களத்தில் படிப்பது மொழித்திணிப்பல்ல. தமிழர்கள் விருப்பத் தேர்வாக சிங்களத்தையும் சிங்களவர்கள் விருப்பத் தேர்வாக தமிழையும் ஒரு மொழியாக கற்க வேண்டும் என்பது கூட மொழித்திணிப்பாகக் கருத முடியாது. ஆனால் இலங்கையில் சிங்களம் மட்டும் தான் தனி நிர்வாக மொழி என்பதுதான் திணிப்பு..!

அப்படியல்ல சமஸ்கிரம் உள்ளது. விரும்பின் பின்பற்றலாம். இல்லை விடலாம் என்ற நிலைதான் அங்கு. அது அரச மொழியாகக் கூட இல்லை..! அப்புறம் எப்படித் திணிப்பு என்பீர்கள்.

இந்தி திணிப்பை.. எதிர்த்து.. பின்னர் கைவிட்டவர்கள்.. இன்று இந்தியைப் படிக்கச் சொல்வதில் அக்கறை காட்டும் போது சமஸ்கிரதம் மட்டும் ஏனாம் கசக்கிறது..??!

சமஸ்கிருதம் ஒரு மொழி. அவ்வளவுதான். அதை வாழ வைப்பதற்கு நேர் வழிகளை நாடுவதை ஏற்றுக் கொள்ளலாம். ஒரு இனத்தின் தலையில் மிளகாய் அரைத்து வாழ வைக்கக் கூடாது.

சமஸ்கிரதம் ஒரு மொழி என்பதால் தான் இங்கு கருத்துப் பகர்கின்றோம். அதென்ன நேர்வழி குறுக்கு வழி. நீங்கள் உங்கள் இஸ்டத்துக்கு அதையெல்லாம் தீர்மானிக்க முடியாது. வேதங்களும் மந்திரங்களும் எழுதப்பட்ட மொழியில் படிக்கப்படுதலும் உட்சாடணம் செய்யப்படுதலும் தவறன்று..!

அதைத் தமிழில் மொழிபெயர்த்துப் படிக்கலாம். அதை சமஸ்கிரதம் தடுக்கவில்லையே. அதற்காக சமஸ்கிரதத்தையே கைவிடனும் என்ற அவசியமில்லை. கோவில்களில் அது உச்சரிக்கப்படுதல் தவறன்று. அது அம்மொழி இருப்புக்கு ஒரு முக்கிய தேவை..!

இஸ்லாமியர்கள் அரபு மொழியில் ஓதினாலும், வரிக்கு வரி அந்த மக்களினுடைய மொழியில் அதனுடைய அர்த்தத்தை சொல்கிறார்கள்.

இஸ்லாமியர்கள் அரபிக்கில் உள்ள எல்லாவற்றையும் மொழி பெயர்ப்பதில்லை. வலைக்கும் சலாம் என்றுதான் சொல்கின்றனரே தவிர அதை தமிழில் மொழி பெயர்த்துச் சொல்வதில்லை. அதற்கு தமிழில் மொழி பெயர்ப்பு இருப்பது வேறு விடயம். இதைத்தான் நாமும் சொல்கிறோம்.. சமஸ்கிரதத்தில் உள்ள மூலத்தை தமிழில் மொழி பெயர்த்து வைப்பினும்.. சமஸ்கிரதத்தை அவ்வவ்விடங்களுக்கு என்று மட்டும் பாவிப்பது அம்மொழியின் இருப்புக்கு படிப்புக்கு உதவும் என்று..!

பார்ப்பனர்கள் அப்படிச் செய்வார்களா? இதை சவாலாகவே கேட்கிறேன். அவர்கள் செய்ய மாட்டார்கள். அப்படிச் செய்தால் நாறிப் போய் விடுவார்கள். ஒரு தமிழன் கூட அதன் பிறகு இந்துவாக இருக்க மாட்டான்.

உங்களுக்கு இந்து தர்மத்தின் அர்த்தமே புரியவில்லை. இந்து தர்மம் சமஸ்கிரதத்தில் இருந்து தமிழில் தெளிவாக மொழிபெயர்த்துப் படிப்பிக்கப்படுகிறது. நால் வேதங்களும் படிப்பிக்கப்படுகின்றன. ஆகமங்கள்.. சிவாகமங்கள்.. உபநிடதங்கள்.. என்று அனைத்துமே மொழிபெயர்க்கப்பட்டு படிப்பிக்கப்படுகின்றன. பாடசாலைகள் தொடங்கி பல்கலைக்கழகம் வரை. அவற்றைப் படித்துத்தான் தமிழர்கள் இன்னும் இந்து தர்மத்தின் மகிமை உணர்ந்து வாழ்கின்றனர்..!

இந்து தர்மம் பற்றிய உங்கள் அறியாமை எல்லோருக்கும் இருக்கும் என்று எதிர்பார்க்கக் கூடாது..!

எப்படி நான் சிங்களத் திணிப்பை எதிர்க்கிறேனோ, அதே போன்று சமஸ்கிருதத் திணிப்பையும் எதிர்க்கிறேன்.

சமஸ்கிரதம் திணிக்கப்படவில்லை என்பதை ஏலவே சுட்டிக்காட்டியுள்ளேன். சிங்களத்தை ஒரு மொழியாகத் தெரிவு செய்து படிக்கச் சொல்வது திணிப்பல்ல. புலிகளின் குரல் கூட சிங்கள ஒலி பரப்பைச் செய்கிறது. அதற்காக அது சிங்களத் திணிப்பைச் செய்கிறது என்று அர்த்தமல்ல. கல்வி, நிர்வாக அடிப்படையில் சிங்களமே அனைவருக்கும் ஒரே மொழி என்பதுதான் சிங்களத் திணிப்பு. சமஸ்கிரதம் எங்கும் இன்றை காலத்தில் அப்படி திணிக்கப்படுவதில்லை..!

எனவே உங்கள் சமஸ்கிரதம் மீதான் எதிர்ப்பு என்பது அர்த்தமற்ற ஒன்று. அது மொழி வெறுப்படிப்படையில் அமைவது. உங்களுக்கு பிராமண சமூகம் மீதுள்ள தனிப்பட்ட பகைமை தான் அதற்குக் காரணம்..!

சிங்களத்திலும் எனக்கு எந்தக் காழ்ப்புணர்வும் இல்லை. சமஸ்கிருதத்திலும் எனக்கு எந்தக் காழ்ப்புணர்வும் இல்லை. சமஸ்கிருதம் ஒரு இழிவான மொழி என்று நான் எங்குமே சொன்னது இல்லை.

சமஸ்கிருதத்தை இழிவான முறையில் பாவிப்பவர்கள் பற்றித்தான் என்னுடைய குற்றச்சாட்டு.

சமஸ்கிரதம் திணிப்பு இல்லை என்று காட்டப்பட்டாயிற்று. உங்களுக்கு மொழி மீது காழ்புணர்ச்சியும் இல்லை என்றால் எனிமேல் சமஸ்கிரதம் பற்றிய உங்கள் வசைபாடலை நிறுத்துங்கள்..!

அடுத்தது இங்கேயும் இந்து மதம் பற்றி பேசிக் கொண்டிருக்க நான் விரும்பவில்லை. மொழிகள் அழிவது குறித்து பேசிக் கொண்டிருக்கிறேன். நீங்கள் அதனுடன் சம்பந்தமற்ற வகையில் ஒரு மொழித் திணிப்பை ஒப்பிட்டு விவாதத்தை திசை திருப்புகிறீர்கள்.

நான் சமஸ்கிரதம் பற்றித்தான் பேசுகின்றேன். நீங்கள் தான் பார்பர்னர்களை பார்பர்னத்தை இதற்குள் இழுக்கிறீர்கள். பாராளுமன்றத்தில் ஆங்கிலம் பேசப்படுகிறது என்றால் ஆங்கிலம் பற்றிப் பேசும் போது பாராளுமன்றமும் வரத்தான் செய்யும். சமஸ்கிரதம் கோவில்களில் உட்சாடணம் செய்யப்படுகிறது எனும் போது.. சமஸ்கிரதம் பற்றிப் பேசும் போது கோவில் வரத்தான் செய்யும். அதற்காக அது மதத் திணிப்பு என்பதாகக் கருத முடியாது. இன்று சமஸ்கிரதம் கோவில்களோடு மட்டுப்பட்டிருப்பதால் கோவில்கள் முக்கியமாகின்றன அந்த மொழி இருப்பைப் பற்றிப் பேசும் போது..!

இங்கும் இந்து மதத்தின் பெயரில் தமிழர்கள் முட்டாளாக்கப்படுவது பற்றிய பதிவுகளை செய்ய வேண்டும் என்றால், அதற்கும் நான் தயார்தான்.

நீங்கள் இந்து மதத்தைப் பற்றி முட்டாள் தனமாக விளங்கி வைத்துக் கொண்டு தமிழர்கள் எல்லோரும் முட்டாள் தனமாத்தான் விளங்கி வைச்சிருக்கினம் என்று கற்பனை செய்வது.. வேடிக்கையாக இருக்கிறது. இந்து மத தர்மத்தை நாகரிகத்தை சமஸ்கிரதத்தை பாடமாகப் படித்து கலாநிதி பட்டம் பெற்றவர்களும் தமிழர்களும் உள்ளனர். அவர்கள் எங்கே நீங்கள் எங்கே..!

[nedukkalapoovan]

நெடுக்கண்ணை,

சமஸ்கிரதத்தைப் பற்றி இவ்வளவு அக்கறைப்படும் நீங்கள் உங்கள் தாய் மொழியைக் காக்க இதுவரை என்ன செய்திருக்கிறீர்கள்?

தமிழைத் தாய் மொழியாகக் கொண்டிருக்கிறேன். ஆங்கிலத்தைப் போதனை மொழியாகக் கொண்டுள்ளேன்.

சமஸ்கிரதத்தை சகோதர மொழியாக மதிக்கிறேன்.

உலகில் உள்ள மொழிகள் அனைத்தையும் பாதுகாக்க வேண்டும் என்ற அக்கறை எனக்கு இருக்கிறது. அதில் சிங்களமும் அடங்கும்..!

நான் மனிதன் திணிக்கும் அடக்குமுறை வடிவங்களையும் அவற்றை பல்வேறு வடிவங்களூடு நுட்பமாகவும் வெளிப்படையாகவும் திணிக்கும் தனி மனிதர்களையும் எதிர்கிறேனே தவிர.. மொழியை மக்களை இனத்தை பிரதேசத்தை நாட்டை எதிர்க்கவில்லை..!

[கந்தப்பு]

ஐக்கிய நாடுகள் சபையின் அறிக்கை ஒன்றில் முப்பது ஆண்டுகளில் அழியப் போகின்ற மொழிகளில் ஒன்றாக தமிழும் இருப்பதாக செய்தி ஒன்று சில ஆண்டுகளுக்கு முன்பு ஊடகங்களில் வெளிவந்து பரபரப்பை ஏற்படுத்தியது. ஆனால் முப்பது ஆண்டுகளில் எல்லாம் தமிழ் அழிந்து விடாது. முப்பது ஆண்டுகள் என்பது மிகைப்படுத்தப்பட்ட ஒன்று.

http://www.webeelam.com

அவ்வறிக்கையில் 50 ஆண்டுகளின் பின்பு நிலைத்திருக்கக் கூடிய மொழிகள் சிலவற்றை வெளியிட்டார்கள். அதில் தமிழ் இருக்கவில்லை . தவறுதலாக விட்டார்களோ தெரியாது.

மருத்துவர் தமிழ்குடிதாங்கியின் மக்கள் தொலைக்காட்சியில் சொல் விளையாட்டு என்ற நிகழ்ச்சியினை தரிசனம் தொலைக்காட்சியினூடாகப் பார்ப்பதுண்டு. ஆரம்ப காலங்களில் சில நேயர்கள் ஆங்கிலச் சொற்களையும் இடை இடையே சொல்வதுண்டு. ஆனால் அண்மைக்காலங்களில் பெரும்பாலோர் தமிழிலே கதைக்க முயல்கிறதைக் காணக்கூடியதாக இருக்கிறது. இதற்கு மருத்துவர் தமிழ்கூடிதாங்கியின் தொலைக்காட்சிக்கே நன்றி சொல்ல வேண்டும்.

[nedukkalapoovan]

அவ்வறிக்கையில் 50 ஆண்டுகளின் பின்பு நிலைத்திருக்கக் கூடிய மொழிகள் சிலவற்றை வெளியிட்டார்கள். அதில் தமிழ் இருக்கவில்லை . தவறுதலாக விட்டார்களோ தெரியாது.

மருத்துவர் தமிழ்குடிதாங்கியின் மக்கள் தொலைக்காட்சியில் சொல் விளையாட்டு என்ற நிகழ்ச்சியினை தரிசனம் தொலைக்காட்சியினூடாகப் பார்ப்பதுண்டு. ஆரம்ப காலங்களில் சில நேயர்கள் ஆங்கிலச் சொற்களையும் இடை இடையே சொல்வதுண்டு. ஆனால் அண்மைக்காலங்களில் பெரும்பாலோர் தமிழிலே கதைக்க முயல்கிறதைக் காணக்கூடியதாக இருக்கிறது. இதற்கு மருத்துவர் தமிழ்கூடிதாங்கியின் தொலைக்காட்சிக்கே நன்றி சொல்ல வேண்டும்.

தமிழை ரீவியிலும் சினிமாவிலும் தூய்மையாப் புகுத்தினா மட்டும் தான் அது வளரும் என்றிருக்கக் கூடாது.

உலகெங்கும் பரந்து வாழும் தமிழர்கள் தமிழின் பாவனையை அதிகரிக்க வேண்டும். அதற்கு நவீன துறைகள் எங்கும் தமிழைப் புகுத்தனும்.

குறிப்பாக கணணி மென்பொருட்கள்.. சிறுவர்கள் பெரிதும் விளையாடும் PS (பிளே ஸ்ரேசன்), PSP .. மற்றும் காட்டூங்கள்.. சிறுவர் தொலைக்காட்சித் தொடர்கள் என்று மொழியின் பாவனையை அதிகரிக்க வேண்டும்.

அதேபோல் மொழிபெயர்ப்பாற்றலையும் விருத்தி செய்ய வேண்டும். தமிழ் தெரிந்து ஆங்கிலமும் தெரிந்திருத்தல்... அல்லது ஆங்கிலம் தெரிந்திருந்து தமிழும் தெரிந்திருத்தல் சிறப்புத் தகமைகளாக்கப்பட வேண்டும். இவ்வகையான செயற்பாடுகள் தான் இளையோர் மத்தியில் மொழிப்பயன்பாட்டை அதிகரிக்கச் செய்யும்.!

பிரித்தானியாவில் லண்டனில் தமிழை விருப்பத் தேர்வுப் பாடமாகப் படிக்க அனுமதி வழங்கியுள்ளதுடன் தமிழ் பாடசாலைகள் வழங்கும் பரீட்சைப் பெறுபேறுகளை இதர பாடவிதானப் பெறுபேறுகளுக்கு நிகராக அங்கீகரிக்கவும் செய்கின்றனர். அதுமட்டுமன்றி தமிழ் மொழி சார்ந்து பட்டம் பெற கேம்பிரிச் ஒக்ஸ்பேர்ட் பல்கலைக்கழகங்கள் உட்பட லண்டனில் உள்ள சில பல்கலைகழகங்களும் வசதிகளைச் செய்து கொடுத்துள்ளன.

இவற்றைப் பாவிக்க உற்சாகமளிப்பதுடன்.. தமிழர்கள் ஆதிக்கம் செய்யும் தொழில்துறையில் தமிழ் மொழி மூலப் பாவனை மற்றும் தமிழ் - ஆங்கில மொழிபெயர்ப்புக்கு முக்கியமளிக்கவும் வேண்டும்..! அப்போதுதான் ஆங்கிலமோ அல்லது பிற பிரதான மொழியுடன் தமிழ் கற்கும் ஆற்றல் பெருகும்..!

[சபேசன்]

ஒரு புறம் அறிவியல் பற்றி பேசுவார்கள். ஆனால் சமஸ்கிருதம் தமிழின் சகோதர மொழி என்ற மூடநம்பிக்கை கருத்தைக் கொண்டிருப்பார்கள். சமஸ்கிருதமும் தமிழும் வேறு வேறு மொழிக் குடும்பங்களை சேர்ந்தவைகள் என்று நிறுவப்பட்டு பல ஆண்டுகள் ஆகி விட்டது.

ஆனால் இன்றைக்கும் சமஸ்கிருதம் தமிழுக்கு நெருங்கிய மொழி என்று பல தமிழர்கள் நம்ப வைக்கப்பட்டுள்ளார்கள். இதன் பெயரும் திணிப்புத்தான்.

பல பொய்களைக் கூறி ஒரு பொருளை எமது தலையில் கட்டிவிட்டால், அது ஒரு திணிப்பு. சமஸ்கிருதம் தேவபாசை என்று தமிழர்களை நம்பச் செய்வதும் ஒரு திணிப்பு.

ஒரு காலத்தில் சமஸ்கிருதம் தமிழை அழித்து விடும் என்ற நிலை இருந்தது. ஒரு காலம் என்பது மிகப் பழைய காலம் என்று இல்லை. ஒரு நூறு வருடங்களுக்குள்தான்.

அன்றைக்கு தமிழில் யாராவது எழுதுவது என்றால், தமிழ் சொல்லை பூதக் கண்ணாடி வைத்துத்தான் தேட வேண்டும். மணிப்பிரளவ நடை என்று அதற்கு ஒரு பெயரும் வைத்தார்கள். அது தொடர்ந்திருந்தால் தமிழ் நிச்சயமாக அழிந்து போயிருக்கும்.

இங்கே யாழ் களத்திலேயே தமிழ் எப்படி இருந்தது என்பதற்கு சான்று இருக்கிறது. "ஆறுமுகநாவலர்" என்ற பெயரில் எழுதுபவர் இணைத்திருப்பவைகளை படித்துப் பாருங்கள். அத்துடன் இதையும் படித்துப் பாருங்கள்

வீரமன்று, விதியன்று, மெய்மையின்

வாரமன்று, நின் மண்ணினிற்கு என்னுடல்

பாரமன்று, பகையன்று, பண்பொழிந்து

ஈரமின்றி என் செய்தவாறு நீ?

இது மிக இலகுவாக புரிகிறது அல்லவா? இது ஆயிரம் ஆண்டுகளுக்கு முன்பு எழுதப்பட்ட கம்பராமாயணத்தில் உள்ள தமிழ். அது புரிகிறது ஆனால் ஒரு நூறு வருடத்திற்குள் எழுதப்பட்ட தமிழ் புரியவில்லை.

இதற்கு காரணம் மித மிஞ்சிய சமஸ்கிருதத்தின் ஊடுருவல்.

ஒரு மொழி தன்னிடம் இல்லாத சொற்களுக்கு வேறு மொழிகளிடம் சொல்லைப் பெறுவதில் எந்தத் தவறும் இல்லை. அப்படிச் செய்வது ஒரு மொழியின் வளர்ச்சிக்கு நல்லது. ஆனால் இருக்கின்ற சொற்களை அழித்து விட்டு வேற்று மொழிச் சொற்கள் வந்து உட்காரக் கூடாது.

அப்படி உட்கார்ந்த சமஸ்கிருதத்தில் இருந்து தமிழைக் காப்பதற்கு பலர் போராடினார்கள். தமிழர்களுக்கு உறைப்பதற்கு தமிழை "காட்டுமிராண்டிகளின் மொழி" என்றெல்லாம் வசை பாட வேண்டி வந்தது.

தமிழர்கள் விழிப்படைந்து, நல்ல தமிழில் எழுதத் தொடங்கினார்கள். இது மட்டும் நடைபெறவில்லை என்றால், இன்றைக்கு தமிழே இருந்திருக்காது.

தற்பொழுது நல்ல தமிழில் எழுதுவது மேலும் வலுப்பெற்று வருகின்றது. ஆகவே சமஸ்கிருதத்தால் தமிழ் அழியாது என்ற நம்பிக்கை எமக்குள் இருக்கிறது.

ஆயினும் தமிழர்களே! சற்று எச்சரிக்கையாகவே இருங்கள்!

இன்றைக்கு ஆங்கிலம் போன்ற மற்றைய மொழிகளின் தாக்கமும் மிக அதிகமாக இருக்கின்றது.

இங்கே ஜேர்மனியில் இரண்டு துருக்கி இளைஞர்கள் சந்தித்தால், அவர்கள் துருக்கி மொழியில்தான் பேசுவார்கள். ஆனால் தமிழ் இளைஞர்கள் சந்தித்தால் சொல்லவே வேண்டாம்: ஜேர்மன் மொழியில் பிளந்து கட்டுவார்கள்.

தமிழர்களுடன் நாம் தமிழில் பேச வேண்டும். அது மிக முக்கியமானது. அத்துடன் நெடுக்காலபோவான் சொன்னது போன்று மேற்படிப்பிற்கான மொழிப் பரீட்சையில் தமிழையும் எடுப்பதற்கு பிள்ளைகளை ஊக்குவிக்க வேண்டும்.

இங்கே ஜேர்மனியில் பதினைந்து ஆண்டுகளுக்கு மேலாக ஒரு மொழிப் பாடமாக தமிழை எடுப்பதற்கு வழி செய்துள்ளார்கள். (அப்படி தமிழை அங்கீகரித்ததில் என்னுடைய பங்கும் ஒரு வகையில் இருக்கிறது)

ஆனால் இன்றைக்கு எத்தனை பேர் தமிழை ஒரு மொழிப் பாடமாக தேர்ந்தெடுக்கிறார்கள் என்று தெரியவில்லை. +

இளந்தலைமுறையிடம் "நாம் தமிழர்கள்" என்ற சிந்தனையை வளர்க்க வேண்டும்

[nedukkalapoovan]

ஒரு புறம் அறிவியல் பற்றி பேசுவார்கள். ஆனால் சமஸ்கிருதம் தமிழின் சகோதர மொழி என்ற மூடநம்பிக்கை கருத்தைக் கொண்டிருப்பார்கள். சமஸ்கிருதமும் தமிழும் வேறு வேறு மொழிக் குடும்பங்களை சேர்ந்தவைகள் என்று நிறுவப்பட்டு பல ஆண்டுகள் ஆகி விட்டது.

சிங்களமும்... ஆங்கிலமும் வேறு வேறு மொழிக்குடும்பத்தைச் சேர்ந்தவை என்பதற்காக அதை சகோதரமொழியாகக் கருதக் கூடாது என்பது மொழி வெறுப்புணர்வின் வெளிப்பாடு. உலகில் உள்ள அனைத்து மொழியும் சகோதர மொழிகள் தான்..! மொழி என்பது ஒரு மனிதன் தனது எண்ண ஓட்டத்தை வெளிப்படுத்தும் வடிவம். அது எந்த குடும்பத்தில் இருந்தால் என்ன.. சக மனிதனின் பாவனையில் உள்ளவை அனைத்தும் சகோதர மொழிகள் தாம்.

நான் மொழிப்பாகுபாட்டடிப்படையில் மொழிகளைப் பிரித்து இவை எமக்கு சொந்தம்.. இவை எமக்கு அந்நியம் என்று காட்ட முற்படவில்லை. காரணம்.. உலகில் உள்ள மக்கள் அனைவரும் மனிதர்கள் என்பது போல.. பேசப்படும் மொழிகள் அனைத்தும்.. சகோதர மொழிகள் தாம் என்றே கருதுகின்றேன். அவை அனைத்தும் அழிவில் இருந்து பாதுகாக்கப்பட வேண்டும். ஒரு மொழி பிற மொழியின் பாவனையை அருதாக்கி அதை அழிப்பதை அனுமதிக்கக் கூடாது. இயன்றவரை அருகி வரும் மொழிகளையும் பாதுகாக்க முற்பட வேண்டும்.

அந்த வகையில் சமஸ்கிரதமும் கோவில் பயன்பாட்டளளவிலாவது மக்களால் பேசப்பட்டு பாதுகாக்கப்பட வேண்டும் என்பது எனது விருப்பம்..! இது மொழிப் பாதுகாப்படிப்படையில் எழுவது..!

ஆனால் இன்றைக்கும் சமஸ்கிருதம் தமிழுக்கு நெருங்கிய மொழி என்று பல தமிழர்கள் நம்ப வைக்கப்பட்டுள்ளார்கள். இதன் பெயரும் திணிப்புத்தான்.

பல பொய்களைக் கூறி ஒரு பொருளை எமது தலையில் கட்டிவிட்டால், அது ஒரு திணிப்பு. சமஸ்கிருதம் தேவபாசை என்று தமிழர்களை நம்பச் செய்வதும் ஒரு திணிப்பு.

நீங்களும் தான் தமிழ் மூலம் பல பொய்களையும் புரட்டுக்களையும் மக்கள் மீது திணிக்கிறீர்கள். அதற்காக தமிழ் திணிக்கப்படுகிறது என்ற அர்த்தமல்ல. என்ன சின்னப்புள்ளத்தனமான விளக்கங்களா இங்க வருகுது.

மொழித் திணிப்பு என்பது வேறு கருத்துத் திணிப்பு என்பது வேறு. நீங்கள் கருத்துத் திணிப்பை மொழித்திணிப்பாக்கி.. குண்டுச் சட்டியில் குதிரை ஓட்ட நினைக்கிறீர்கள் என்று நினைக்கிறன்..!

ஒரு காலத்தில் சமஸ்கிருதம் தமிழை அழித்து விடும் என்ற நிலை இருந்தது. ஒரு காலம் என்பது மிகப் பழைய காலம் என்று இல்லை. ஒரு நூறு வருடங்களுக்குள்தான்.

இருந்தது இல்லாமல் போனவை எல்லாம் கடந்த காலங்கள். நாம் எதிர்காலத்தை நோக்கிச் சிந்திக்க வேண்டுமே தவிர கடந்த காலத்தை இட்டு.. கவலைப்பட்டிட்டு இருக்க முடியாது.

உலகெங்கும் அருகி வரும் மொழிகளைப் பாதுகாக்க நடவடிக்கைகள் எடுக்கக் கேட்பட்டுள்ள நிலையில் சமஸ்கிரதமும் பாதுகாக்கப்பட்ட எம்மால் இயன்றதை கோவில்களில் அதற்கும் ஒரு சிறு இடமளிப்பதன் மூலம் செய்யலாம் என்பதே எனது கருத்து..!

இது மிக இலகுவாக புரிகிறது அல்லவா? இது ஆயிரம் ஆண்டுகளுக்கு முன்பு எழுதப்பட்ட கம்பராமாயணத்தில் உள்ள தமிழ். அது புரிகிறது ஆனால் ஒரு நூறு வருடத்திற்குள் எழுதப்பட்ட தமிழ் புரியவில்லை.

இதற்கு காரணம் மித மிஞ்சிய சமஸ்கிருதத்தின் ஊடுருவல்.

காலணித்துவ காலத்தில் ஆங்கிலம் போர்த்துக்கீசம் டச்சு என்று எல்லாம் தமிழில் ஊடுருவல் செய்துள்ளன. அதனை இன்றும் அறியாமல் பாவித்து வருகின்றனர். மொழி தூய்மைப்படுத்தல்.. மற்றும் மொழி நவீனமயமாக்கல் இவற்றுக்கு எதிரானவர்கள் அல்ல நாம். எமது தாய் மொழி தூய்மைப்படுவதும்.. நவீனத்துவத்தில் அறிமுகமாகும் புதியவற்றிற்கு ஏற்ப புதிய சொற்களை இலக்கண இயைபோடு இயற்றி உள்வாங்குவதும் எமது மொழி இருப்புக்கு அவசியம். தூய்மைப்படுதல் செய்வது ஊடுருவல் செய்த மொழியை அழிக்கனும் என்பதற்காக அல்ல. எமது மொழியை தூய்மையாக்கனும் மேலும் மேலும் செம்மையாக்கனும் என்பதற்காக.

சமஸ்கிரதம் ஊடுருவல் செய்திருக்கிறது என்பதற்காக அம்மொழியையே உலகில் இருந்து அப்புறப்படுத்தனும் என்பது ஒரு அறிவுபூர்வமான நிலையல்ல..! இது மொழித்துவேச நிலை..! பகுத்தறிவற்ற நிலை..!

ஒரு மொழி தன்னிடம் இல்லாத சொற்களுக்கு வேறு மொழிகளிடம் சொல்லைப் பெறுவதில் எந்தத் தவறும் இல்லை. அப்படிச் செய்வது ஒரு மொழியின் வளர்ச்சிக்கு நல்லது. ஆனால் இருக்கின்ற சொற்களை அழித்து விட்டு வேற்று மொழிச் சொற்கள் வந்து உட்காரக் கூடாது.

இது தவறான எண்ணப்பாடு. எமது மொழிக்கு என்று இலக்கண வரம்புகள் உள்ள போது ஏன் நாம் பிறமொழிச் சொற்களை கடன் வாங்க வேண்டும். அச்சொற்களுக்கு இணையான சொற்களை எமது மொழிக்கென்று பிரத்தியேகமாக உள்ள வடிவில் உருவாக்குவதுதான் சிறப்பானது. இப்படி அடுத்த மொழிச் சொற்களை கடன் வாங்க வெளிக்கிட்டுத்தான் மொழித் தூய்மை வேண்டி இன்று புலம்ப வேண்டிய நிலையில் இருக்கிறார்கள். இது தொடரத்தான் வேண்டுமா என்ன..??!

தமிழ் அறிவியல் விற்பன்னர்கள் நவீன அறிவியல் சொற்களுக்கான தமிழ் சொற்களை உருவாக்கி உள்வாங்க முயற்சிகளை மேற்கொள்ள வேண்டும். தொடர்ந்து பிற மொழிச் சொற்களைக் கடன் வாங்குதல் மொழிக்கு சிறப்பாக அமையாது. அதன் பின் பிறமொழிகளைத் திட்டிப் பயனில்லை..!

அப்படி உட்கார்ந்த சமஸ்கிருதத்தில் இருந்து தமிழைக் காப்பதற்கு பலர் போராடினார்கள். தமிழர்களுக்கு உறைப்பதற்கு தமிழை "காட்டுமிராண்டிகளின் மொழி" என்றெல்லாம் வசை பாட வேண்டி வந்தது.

தமிழர்கள் கருங்காலிகள். தமிழ் பேசும் மக்கள் காட்டுமிராண்டிகள்.. தமிழ் காட்டுமிராண்டி மொழி..! இப்படிச் சொன்னது மொழி வளத்தை அதிகரிக்கனும் என்ற அக்கறையில் என்று எப்படியாவது காட்டி நீங்களும் ஈ வெ ராமசாமிக்கு பாவமன்னிப்புப் பெற்றிடுவம் என்று நினைக்கிறீர்கள். அது சாத்தியமில்லை. மொழி வளத்தை அதிகரிக்க அதற்கு சரியான வழிகாட்டல் செய்ய வேண்டுமே தவிர மொழியை அதன் அடிப்படை மூலங்களை மூல கர்த்தாக்களை தூசிப்பதல்ல.. அதற்கான வழிமுறை. ஈ வெ ராமசாமியை இதற்குள் இழுக்க வேண்டாம். அது அநாவசிய திசை திருப்பலுக்கு இடமளிக்கும்..!

தமிழர்கள் விழிப்படைந்து, நல்ல தமிழில் எழுதத் தொடங்கினார்கள். இது மட்டும் நடைபெறவில்லை என்றால், இன்றைக்கு தமிழே இருந்திருக்காது.

தமிழர்களை விழிப்படைய வைத்தது ராமசாமியின் புலம்பல்கள் அல்ல. காலணித்துவ மொழித் திணிப்புத்தான். இன்றும் ஈழத்தில் நாவலன் தந்த தமிழிலக்கணம் தான்.. உலகெங்கும் தமிழை இலகு நடையில் கற்க வழி செய்துள்ளது. நாவலர் போன்ற புரட்சித் தமிழர்களால் தான் தமிழ் தப்பிப் பிழைத்தது. பழைய செய்யுள் தமிழைப் படியென்றால் எவனும் படிச்சிருக்கமாட்டான் தமிழை..!

அந்த வகையில் செய்யுள் நடைத் தமிழை எளிய இலக்கண வடிவில் தந்து தமிழ் கற்பதை இலகுவாக்கிய நாவலர் போன்ற ஈழத்துச் சைவ பெருமக்கள் என்றும் நினைவில் வைக்கப்பட வேண்டியவர்கள்..!

நாவலர் ஆங்கிலத்தில் மிகப் புலமை பெற்றிருந்தும்.. ஆங்கிலத்துக்கு அடிபணியாது தாய் மொழியை காலணித்துவ மொழி ஆதிக்கத்துள் இருந்து மீட்டு வந்தவர் என்றால் மிகையல்ல. இன்று தமிழகம் என்ன உலகம் பூரா நாவலனின் தமிழ் இலக்கணமே படிக்கப்படுகிறது என்பது நாவலன் தமிழ் மொழிக்குச் செய்த சிறப்பை இயம்பி நிற்கும். அதுதான் புரட்சி..! அவன் செய்த புரட்சிதான் தமிழை இலகுவாகக் கற்க வழி செய்துள்ளது. இன்றேல் தமிழும் அருகி வரும் மொழிகளில் ஒன்றாகி இருக்கும்..!

தற்பொழுது நல்ல தமிழில் எழுதுவது மேலும் வலுப்பெற்று வருகின்றது. ஆகவே சமஸ்கிருதத்தால் தமிழ் அழியாது என்ற நம்பிக்கை எமக்குள் இருக்கிறது.

சமஸ்கிரதமே வழங்கொழிந்து நிற்கும் போது சமஸ்கிரதத்தால் தமிழ் அழியாது என்று பிரகடனம் செய்யும் புத்திமாங்களை இங்கு தான் காண்கிறேன்.

நான் சமஸ்கிரதம் அழிந்திடக் கூடாது.. அதையும் மொழியாகக் கருதி பாதுகாக்கனும் என்று குரல் எழுப்புகிறேன்.. ஆனால் நீங்களோ.. சமஸ்கிரதத்திற்கு எதிரான சிந்தனையில் இருந்து விடுபடாத நிலையில் இருக்கிறீர்கள். அதற்குக் காரணம்.. உங்களின் தனிப்பட்ட பிராமண சமூக வெறுப்புணர்வு மட்டுமே..!

தமிழை மொழிக்கலப்பின்றி பாதுகாப்பதற்கு பிறமொழியை அழிக்கனும் என்பதல்ல நியதி. தமிழை செம்மைப்படுத்தும் அதேவேளை பிறமொழிகளையும் பாதுகாக்க எம்மால் இயன்றதைச் செய்ய வேண்டும். பிறமொழிகளையும் தமிழைப் போல கலப்பின்றி பாதுகாக்கனுமே தவிர தமிழுக்குள் பிறமொழியைக் கலந்து அவற்றைப் பாதுகாக்கச் சொல்வதல்ல எமது நோக்கம்..! உங்களுக்கு இதில் தெளிவு இன்னும் பிறக்கவில்லை என்று நினைக்கிறேன்..!

ஆயினும் தமிழர்களே! சற்று எச்சரிக்கையாகவே இருங்கள்!

இன்றைக்கு ஆங்கிலம் போன்ற மற்றைய மொழிகளின் தாக்கமும் மிக அதிகமாக இருக்கின்றது.

ஆங்கில மொழி ஆதிக்கம் தமிழில் பெரும்பாலும் இடம்பிடித்துள்ள நிலையில் ஏன் இன்னும் ஆங்கிலத்துக்கு எதிரா சமஸ்கிரதத்துக்கு எதிரா புலம்பிறாப் போல புலம்ப ஆரம்பிக்கவில்லை..!

ஆங்கிலம் சர்வதேச மொழி என்பதால் அதன் பயன்பாடு என்பது உலகெங்கும் வியாபித்திருக்கும் என்பது மறுக்கப்பட முடியாத உண்மை. அதேபோல் ஆங்கில அறிவின் தேவையும் அவசியமான ஒன்று. அதற்காக தமிழை மறந்து ஆங்கிலத்தை மட்டும் கற்கனும் என்ற அவசியம் இல்லை. தமிழுக்குள் ஆங்கிலத்தைக் கலக்கனும் என்ற அவசியமும் இல்லை. அதேவேளை ஆங்கிலத்துக்கு நிகராக தமிழும் சொல்லாடலைப் பெருக்கிக் கொள்ள புதிய சொல்லறிமுகங்களை விரைந்து செய்ய வேண்டும். இன்றேல் தமிழ் பலத்த நெருக்கடிகளைச் சந்திப்பதையும்.. பிறமொழிச் சொற்களைக் கடன் வாங்கி அதன் தூய்மை அழிவதையும் தொடர்ந்தும் காண நேரிடும். இது தமிழின் முக்கியத்துவத்தை சிதைக்கவும் செய்யலாம்.

[சபேசன்]

சமஸ்கிருதம் போன்று அதனுடைய சகோதர மொழியாகிய லத்தீனும் அழிந்து விட்டது.

ஆனால் இன்றைக்கும் ஐரோப்பிய பாடசாலைகளில் லத்தீன் மொழியை பலர் விரும்பிக் கற்கிறார்கள்.

ஒரு காலத்தில் தேவாலங்களில் லத்தீன் மொழிகளில்தான் பிரார்த்தனை செய்தார்கள். ஆனால் லத்தீன்தான் தேவபாசை, அதில்தான் தொடர்ந்து ஓத வேண்டும் என்று லத்தீனை யாரும் யார் மீதும் திணிக்கவில்லை.

அப்படி இருந்தும் லத்தீனை பலர் விரும்பிப் படிக்கிறார்கள். லத்தீன் மொழியில் உள்ள நூல்களை கற்பதற்கு லத்தீனை கற்கிறார்கள்.

அப்படியான ஒரு நேர்வழியில் சமஸ்கிருதமும் வரட்டும். நானும் ஆர்வமாக சமஸ்கிருதம் கற்றுக் கொள்வேன்.

அதை விட்டு விட்டு, இதுதான் "தேவபாசை, இதில்தான் உன்னுடைய மந்திரங்கள் இருக்க வேண்டும்" என்றெல்லாம் எங்களை முட்டாள்கள் ஆக்கக் கூடாது.

உண்மையில் அப்படியான ஒரு முறையை சமஸ்கிருதத்தில் கொண்டு வர மாட்டார்கள். அப்படி நடந்தால், இன்றைக்கு சொல்லப்படுகின்ற மந்திரங்களை மாற்ற வேண்டி வரும்.

ஒரு மொழியை காக்க விரும்பினால், அதை மக்களிடம் கொண்டு போக வேண்டும். வெறும் மந்திரங்களில் வைத்து எந்த மொழியையும் காக்க முடியாது. அது மேலும் அழிவுக்குத்தான் வழி வகுக்கும்.

சமஸ்கிருதமும் வாழட்டும், ஆங்கிலமும் வாழட்டும், எல்லா மொழிகளும் வாழட்டும்.

ஆனால் மற்றைய மொழிகளை அழித்து அவைகள் வாழ வேண்டாம்.

தமிழர்களை முட்டாள்கள் ஆக்கி, அவர்களின் உரிமையைப் பறித்து சமஸ்கிருதத்தை வாழ வைக்க வேண்டும் என்று துடிக்காதீர்கள். அதை பகுத்தறிவு உள்ளவர்கள் அனுமதிக்க மாட்டார்கள்.

சிங்களவர்கள் வாழ வேண்டும். ஆனால் தமிழ் மண்ணில் வந்து தமிழர்களை அழித்து வாழக் கூடாது. சிங்களமும் சிங்களவர்களும் தமது மண்ணில் நன்றாக வாழட்டும்.

சிங்களம் தமிழர்களின் கல்வியை ஆக்கிரமிப்பதை எதிர்ப்பது போன்று, சமஸ்கிருதமும் தமிழர்களின் வாழ்வியலுக்குள் ஊடுருவவதை எதிர்க்கிறோம்.

மற்றவர்கள் மொழியை காப்பதற்காக எங்களுடைய மொழியை காவு கொடுக்க முடியாது.

[nedukkalapoovan]

அதை விட்டு விட்டு, இதுதான் "தேவபாசை, இதில்தான் உன்னுடைய மந்திரங்கள் இருக்க வேண்டும்" என்றெல்லாம் எங்களை முட்டாள்கள் ஆக்கக் கூடாது.

உண்மையில் அப்படியான ஒரு முறையை சமஸ்கிருதத்தில் கொண்டு வர மாட்டார்கள். அப்படி நடந்தால், இன்றைக்கு சொல்லப்படுகின்ற மந்திரங்களை மாற்ற வேண்டி வரும்.

ஒரு மொழியை காக்க விரும்பினால், அதை மக்களிடம் கொண்டு போக வேண்டும். வெறும் மந்திரங்களில் வைத்து எந்த மொழியையும் காக்க முடியாது. அது மேலும் அழிவுக்குத்தான் வழி வகுக்கும்.

இவை தவிர ஏனையவற்றில் எங்கள் நிலைப்பாட்டையே நீங்கள் பிரதிபலித்திருக்கிறீர்கள். வரவேற்கத்தக்க மாற்றம். மாற்றம் சொல்லளவில் இன்றி செயலளவில் இருக்கட்டும்.

ஒரு மொழியை நாம் தான் தேடிச் சென்று கற்க வேண்டும். நாவலன் தேடிச் சென்று தமிழைக் கற்றதால் தான் அவனால் தமிழுக்குப் புரட்சி செய்ய முடிந்தது. வழங்கொழிந்து வரும் சமஸ்கிரதம் தனக்கென தனி இயல்புகளைக் கொண்ட மொழி என்ற வகையில் அதை தேடிச் சென்று படிப்பது தவறன்று.

கோவில்களில் மட்டுமே சமஸ்கிரதம் பாவனையில் இருப்பதால் அதைப் படிப்பதை ஊக்குவிக்க கோவில்களில் அதன் பாவனையை நீட்டிப்பது தவறன்று. சமஸ்கிரதத்தில் உச்சரிப்பவற்றை தமிழில் மொழி பெயர்த்து எழுத்துரு வடிவில் வழங்குவதில் தவறில்லை..! மந்திரங்கள் சார்ந்து மொழியை வெறுப்பது அறிவிலித்தனமானது.

மொழி மந்திரம் எழுதப் பயன்படுத்தப்பட்டது என்பதற்காக வெறுக்க முடியாது. தமிழில் சிங்கள அரசு பிரச்சாரம் செய்கிறது என்பதற்காக தமிழை வெறுக்க முடியாது. அதேபோல் தான்.. மந்திரங்கள் சொல்லும் அம்சங்களுக்கு நடுநிலையான சரியான மொழிபெயர்ப்பை தமிழில் வழங்கலாம். அதேவேளை கோவில்களில் சமஸ்கிரதத்தைப் பாவிப்பதை ஊக்குவிப்பின் அது அம்மொழிக்கான பயன்பாட்டுத் தளம் ஒன்றுக்கான இருப்பைக் கொண்டிருக்கும்.

அதற்காக அம்மொழியை " தேவ பாசை" என்று பிரகடனம் செய்ய வேண்டிய அவசியமில்லை. அது மொழி வெறிக்கு இட்டுச் செல்லும்..!

சமஸ்கிரதத்தை "தேவ பாசை" என்று பிரகடனம் செய்வதும் தவறு.. தமிழைக் "காட்டுமிராண்டி" மொழி என்பதும் தவறு. இவ்விரண்டையும் எந்த மொழிப்பற்றாளனும் ஏற்றுக் கொள்ள மாட்டான். இக்கூற்றுக்கள் தொடர்பில் பூசல் மொழுகல்களைச் செய்யமாட்டான்..!

[சபேசன்]

மாற்றம் என்று சொல்வது தவறு. எனக்கு எந்த மொழி மீதும் என்றைக்குமே வெறுப்பு இருந்தது இல்லை. நீங்கள்தான் தவறாக புரிந்து வைத்திருக்கிறீர்கள்.

ஒரு மொழியை பற்றிய பொய்யான விம்பங்களை ஒரு இனத்திடம் உருவாக்குவது, அந்த மொழியில் தான் முக்கிய சடங்குகளை செய்ய வேண்டும் என்று நம்பிக்கையை திணிப்பது, அந்த மொழியில் அர்த்தமற்ற, ஆபாசமான, அருவருப்பான விடயங்களை மொழி அறியாதவரிடம் சொல்வது....

இப்படியான விடயங்களையே நான் எதிர்க்கிறேன்.

சமஸ்கிருதம் இருக்கின்ற இடத்தில் வேறு எந்த மொழி இருந்தாலும் நான் எதிர்ப்பேன்.

இந்த இணைப்பிலே சில விடயங்கள் இருக்கின்றது. வாசித்துப் பாருங்கள்

http://www.charuonline.com/kp195.html

[nedukkalapoovan]

மாற்றம் என்று சொல்வது தவறு. எனக்கு எந்த மொழி மீதும் என்றைக்குமே வெறுப்பு இருந்தது இல்லை. நீங்கள்தான் தவறாக புரிந்து வைத்திருக்கிறீர்கள்.

ஒரு மொழியை பற்றிய பொய்யான விம்பங்களை ஒரு இனத்திடம் உருவாக்குவது, அந்த மொழியில் தான் முக்கிய சடங்குகளை செய்ய வேண்டும் என்று நம்பிக்கையை திணிப்பது, அந்த மொழியில் அர்த்தமற்ற, ஆபாசமான, அருவருப்பான விடயங்களை மொழி அறியாதவரிடம் சொல்வது....

இப்படியான விடயங்களையே நான் எதிர்க்கிறேன்.

சமஸ்கிருதம் இருக்கின்ற இடத்தில் வேறு எந்த மொழி இருந்தாலும் நான் எதிர்ப்பேன்.

இந்த இணைப்பிலே சில விடயங்கள் இருக்கின்றது. வாசித்துப் பாருங்கள்

http://www.charuonline.com/kp195.html

நிச்சயமாக மாற்றம் என்பதுதான் நிகழ்ந்துள்ளது. நீங்கள் பிராமண சமூகத்தை மட்டுமன்றி அவர்கள் அதிகம் பாவிப்பதால் சமஸ்கிரதத்தைக் கூட எப்படியாவது குற்றங்கள் சுமத்தி வெறுத்து ஒதுக்க வேண்டும் என்ற நிலைப்பாட்டில் இருந்து வந்தவர். அது மிகத் தெளிவானது.

இப்போ.. எம்மால் எடுத்துரைக்கப்பட்ட கருத்துக்களின் வாயிலாக அந்த நிலையில் இருந்து மாறியது போன்ற தோற்றம் இனங்காட்டப்படுகிறது. காரணம் நிலைமை உங்களுக்கு சாதகமாக இல்லை என்பதால்.

மீண்டும் முருங்கை மரத்தில் வேதாளம் போல.. பிராமண சமூகத்தை மையப்படுத்தி மந்திரங்களை மையப்படுத்தி மொழி பற்றிய விமர்சனத்தை முன் வைக்கிறீர்கள். இது முற்றிலும் தவறான அறிவிலித்தனமான செயலாகவே தென்படுகிறது.

சிங்கள அரசு தமிழில் பிரச்சாரம் செய்வதால் பிரச்சாரம் சொல்லும் விடயத்தை மட்டுமன்றி தமிழையும் தமிழர்கள் வெறுக்க வேண்டும் என்பது போன்றது உங்கள் கோரிக்கை..!

மொழி ஒன்றைத் தவறாக கையாள்வதைக் கண்டிப்பது மிக்கியமல்ல. தவறாக கையாளப்படும் இடங்களை இனங்கண்டு தவறுகளை திருத்தக் கேட்பதும் திருத்துவதும் தான் அறிவார்த்தமான நிலை..!

சமஸ்கிரதத்தைத் தவறாகப் பாவிப்பதாக இனங்காணின்... அது எங்கே அதன் தவறுகள் என்ன.. திருத்தங்கள் என்ன என்பதை முன் வையுங்கள். அதைவிடுத்து மொழி ஒன்றைப் பாவித்து சொல்லப்பட்ட விடயம் உடன்பாட்டுக்கு உரியதல்ல என்பதற்காக மொழிப்பழிப்பு.. மொழி விரோத செயற்பாடுகளைச் செய்யாதீர்கள். மொழியைப் பயன்படுத்துவர்களை இழித்துரைக்காதீர்கள். அது மொழி அழிவை ஊக்குவிக்கப் பயன்படலாமே தவிர மொழியின் உயிரிருப்பைக் காக்காது.

ஒரு அருகிய மொழிக்காக வருந்துபவராக இனங்காட்டிக் கொள்ளும் தங்களுக்கு இதைச் சுட்டிக்காட்டவே இங்கு விவாதத்தில் இறங்கினேன். அது தேவையான அளவுக்கு இடம்பெற்றிருக்கிறது என்று நினைகிறேன்..!

[சபேசன்]

நான் சமஸ்கிருத மொழிக்கு எதிராக எழுதிய கருத்துகளை உங்களால் தர முடியுமா?

சமஸ்கிருத மொழி மூலம் நடக்கின்ற தவறுகளை சுட்டிக் காட்டுவதை நீங்கள் மொழிக்கு எதிரானதாக புரிந்து வைத்திருக்கிறீர்கள் என்பது எனக்கு இன்றுதான் புரிந்தது.

என்னைப் பற்றிய உங்களுடைய புரிதல் தவறு.

உதாரணமாக உங்களை உங்களை ஒருவர் சீன மொழியில் மோசமாக திட்டி விட்டு, உங்களை பாராட்டினேன் என்று பொய் சொல்கிறார். சீன மொழியில் உங்களை திட்டியதை அறிந்த ஒருவர் அதை சுட்டிக்காட்டினால், அது சீன மொழிக்கு எதிரானதா?

உங்களுடைய வியக்கியனம் புரியும்படியாக இல்லை.

சமஸ்கிருதம் எவ்வளவு தூரத்திற்கு தமிழர்களை முட்டாள்கள் ஆக்குவதற்கு பயன்படுத்தப்படுகிறது என்பதை நான் தோலுரித்துக் கொண்டுதான் இருக்கிறேன்.

திருமணங்களில், ஈமச் சடங்குகளில் எப்படி தமிழர்கள் இழிவுபடுத்தப்படுகிறார்கள் என்பதை ஆதரங்களோடு தந்திருக்கிறேன். தொடர்ந்து தருவேன்

சமஸ்கிருத மொழியில் செய்யப்படும் இழிவுபடுத்தலைத்தான் நான் எதிர்க்கிறேன்.

எங்களை தூசணத்தில் திட்டித்தான் ஒரு மொழி உயிர் வாழ வேண்டும் என்று சொல்ல வருகிறீர்களா?

இது என்ன வக்கிர புத்தி?

[nedukkalapoovan]

நான் சமஸ்கிருத மொழிக்கு எதிராக எழுதிய கருத்துகளை உங்களால் தர முடியுமா?

சமஸ்கிருத மொழி மூலம் நடக்கின்ற தவறுகளை சுட்டிக் காட்டுவதை நீங்கள் மொழிக்கு எதிரானதாக புரிந்து வைத்திருக்கிறீர்கள் என்பது எனக்கு இன்றுதான் புரிந்தது.

என்னைப் பற்றிய உங்களுடைய புரிதல் தவறு.

சமஸ்கிரத மொழியைப் பார்பர்னர்களின் மொழியாக்கி.. பார்பர்ன எதிர்ப்போடு அதையும் இசைத்து இக்கருத்தை வழங்கியது யார்..??! இப்படி நிறைய உதாரணங்கள் காட்டலாம். அடிப்படையில் நீங்களா கற்பனை செய்து கொண்டு உங்கள் தனிமனித குரோத எண்ணத்தை பார்பர்னர்கள் மீது வளர்ப்பதற்காக ஒரு மொழியையும் இணைத்துப் பழிப்பதுமின்றி.. மொழித் துவேசிப்பையும் செய்து வருகிறீர்கள். இதை நீங்கள் இங்கு ஏற்றுக் கொள்ள முடியாது. காரணம் தலைப்பு அப்படி உங்களை இறுக்கி விட்டுள்ளது..!

உதாரணமாக உங்களை உங்களை ஒருவர் சீன மொழியில் மோசமாக திட்டி விட்டு, உங்களை பாராட்டினேன் என்று பொய் சொல்கிறார். சீன மொழியில் உங்களை திட்டியதை அறிந்த ஒருவர் அதை சுட்டிக்காட்டினால், அது சீன மொழிக்கு எதிரானதா?

உங்களுடைய வியக்கியனம் புரியும்படியாக இல்லை.

சிங்களவன் சிங்களத்தில் உங்களைத் திட்டிவிட்டால் அது சிங்கள மொழியின் குற்றமா..??! ஆங்கிலேயன் ஆங்கிலத்தில் உங்களைத் திட்டிவிட்டால் அது ஆங்கிலத்தின் குற்றமா. தமிழன் தமிழில் ஆங்கிலேயனைத் திட்டினால் அது தமிழின் குற்றமா..??!

மொழியைப் பயன்படுத்தும் விதத்தில் உள்ள தனிமனிதன் விடும் தவறை மொழிமீதான வெறுப்பாக உமிழ்வதை நீங்கள் செய்கிறீர்கள். இல்லாத பொய்களைப் புனைந்து மொழிமீதும் மொழியைப் பாவிப்பவர்கள் மீதும் குரோதத்தை வளர்க்கும் தாங்கள்.. இன்னொரு மொழி அருகி விட்டது என்பதற்காய் அழுவதுதான் புரியாத புதிராக மட்டுமன்றி வேடிக்கையாகவும் இருக்கிறது..!

சமஸ்கிருதம் எவ்வளவு தூரத்திற்கு தமிழர்களை முட்டாள்கள் ஆக்குவதற்கு பயன்படுத்தப்படுகிறது என்பதை நான் தோலுரித்துக் கொண்டுதான் இருக்கிறேன்.

சமஸ்கிரத்தின் மீது எப்படி துவேசிக்கிறீர்கள் என்று பாருங்கள். மொழி பயன்படுத்தப்பட்ட விதத்தை வைத்து மொழியைப் பேசுறீங்களே இதைத்தான் தவறெங்கிறேன். ஆங்கிலம் புரியாத ஒருவருக்கு ஆங்கிலத்தில் தூசணத்தால் பேசிவிட்டுச் செல்வது ஆங்கிலத்தின் தவறா மொழியைப் பயன்படுத்தியவரின் தவறா..??! அதற்காக மொழியைத் திட்டுவீங்களா சார்..! ரெம்ப அபந்தமான கருத்தாக இருக்கிறது.. உங்கள் கருத்து.

மொழியைத் தவறாக பயன்படுத்துவதாக காட்டுவதையும் செய்யலாம்.. பயன்படுத்துவதையும் செய்யலாம். அது மொழியைக் கையாள்பவர்களின் தவறே அன்றி மொழியினதல்ல. நீங்களும் மொழியைப் பயன்படுத்துபவர்கள் மீதுள்ள தனிப்பட்ட குரோதத்தில் மொழியைப் பழிக்கிறீர்கள். சமஸ்கிரதம் தமிழர்களை முட்டாள் ஆக்கவில்லை. சமஸ்கிர மொழி வந்து சொன்னதா படிக்காதீங்க என்னை என்று. மொழி எல்லோருக்கும் பொதுவாக உள்ள போது படிக்காமல் தவிர்த்தது மொழியின் குற்றமா..??! படிச்சவன் மொழியை தவறாகப் பயன்படுத்துவது மொழியின் குற்றமா.. பகுத்தறிவென்று இல்லாததை இருப்பதாக மொழி வெறுப்பில் மொழியில் குறைபிடிக்க.. மொழி பேசுபவர்களில் குறைபிடிக்க..காட்டுவது மொழியின் குற்றமா..?!

இதில் எதுவுமே மொழியின் குற்றமல்ல. மனிதர்கள் விடும் தவறுகளே.. அவை..! நீங்கள் இதைப் புரிஞ்சுக்கனும். நீங்கள் மொழியை உச்சரிப்பதன் மூலம் பார்பர்னர்களைத் திட்டிக் கொண்டா இருக்கிறீர்கள்.. ஆகுபெயராக்கி..??!

திருமணங்களில், ஈமச் சடங்குகளில் எப்படி தமிழர்கள் இழிவுபடுத்தப்படுகிறார்கள் என்பதை ஆதரங்களோடு தந்திருக்கிறேன். தொடர்ந்து தருவேன்.

உங்கள் ஆதாரங்கள் நடுநிலைமையானவையே.. உண்மையானவையோ.. திருத்தமானவையோ என்று சோதிக்க யாரும் இல்லாத நிலையில்.. ஆதாரங்களைத் தருவேன் பிடுங்குவேன் என்பது இங்கு நம்பத்தகுந்தவையல்ல.

நீங்கள் மந்திரங்களைச் சொல்லும் மொழி என்பதற்காக சமஸ்கிரத்தை தீண்டத்தகாத மொழி.. தமிழர்களை முட்டாள் ஆக்கும் மொழி என்பதைத்தான் நான் தவறெங்கிறேன். மொழியைத் தவறாகப் பயன்படுத்துவது மொழியின் தவறல்ல..! அது கையாள்பவரின் தவறு. நீங்களும் தான் தமிழை தவறாகக் கையாள்கிறீர்கள். அதற்காக தமிழ் தமிழர்களை மூடராக்குகிறது என்று சொல்ல முடியுமா..??!

சமஸ்கிருத மொழியில் செய்யப்படும் இழிவுபடுத்தலைத்தான் நான் எதிர்க்கிறேன்.

சமஸ்கிரதம் தமிழரை முட்டாள் ஆக்கிறது என்பதற்கும்.. சமஸ்கிரத மொழியில் செய்யப்படும் இழிவுகளைத் தான் நான் எதிர்கிறேன் என்பதற்கும் இடையில் உள்ள வேறுபாடு உணராமல் தான் கருத்துக்களத்தில் கருத்து வைக்கிறீங்களா..! சமஸ்கிரத மொழியைப் பயன்படுத்துபவன் விடும் தவறுக்காக மொழி அதற்குப் பொறுப்பாக முடியாது. பார்பர்னர்களை இழித்துரைக்க தமிழை நீங்கள் தவறாகப் பயன்படுத்துறீங்களே அதற்காக அவர்கள் தமிழை வெறுக்கச் சொல்ல முடியுமா..??! தமிழை நீச பாசை என்று சொல்ல முடியுமா..??! அது நீங்கள் தமிழைப் பாவிக்கும் முறையில் உள்ள தவறால் வருவதே அன்றி அது தமிழின் தவறல்ல. தமிழர்கள் சிலர் தமிழைத் தவறாகப் பயன்படுத்துவதால் தமிழை நீச பாசை என்பதும் தவறு... சமஸ்கிரதம் தமிழரை முட்டாள் ஆக்கிறது என்பதும் தவறு.

மொழியைக் கற்று படைப்புக்களைப் பகுத்தாய்ந்து அறிபவன் தான் மனிதன். அப்படியான மனிதன் முன் எந்த மொழியும் அவனை முட்டாள் ஆக்க முடியாது.

எங்களை தூசணத்தில் திட்டித்தான் ஒரு மொழி உயிர் வாழ வேண்டும் என்று சொல்ல வருகிறீர்களா?

உங்கள் நண்பன் உங்களைத் தமிழில் தூசணத்தால பேசிட்டான் என்றால்.. நீங்கள் தமிழை வெறுக்கச் சொல்வீங்களோ...! நண்பனை வெறுப்பீங்களோ..! இல்ல நண்பனுக்கு தவறைச் சுட்டி தெளிய வைப்பீர்களோ..!

நீங்கள் தமிழை வெறுக்கச் சொல்வீர்கள் இல்லையா. நல்ல பகுத்தறிவுதாய்யா உங்க பகுத்தறிவு.

[சபேசன்]

நெடுக்காலபோவான்!

நான் எழுதியதை சரியாகப் படித்து விட்டு பதில் எழுதுங்கள்!

நான் சமஸ்கிருத மொழியை எதிர்க்கவில்லை. சமஸ்கிருதத்தை பற்றிய பொய்யான விம்பங்களையும், அது பயன்படுத்தப்படும் முறையையும்தான் நான் எதிர்க்கிறேன்.

நீங்கள் சொல்வதைத்தான் நானும் சொல்கிறேன். தமிழில் ஒருவர் எம்மைத் திட்டினால் அது தமிழின் குற்றம் அன்று. அதே போன்று பார்ப்பனர்கள் காட்டுமிராண்டிக் காலத்து மந்திரங்களை சமஸ்கிருதத்தில் இன்றும் சொல்வது சமஸ்கிருதத்தின் குற்றம் அன்று.

அதை அறிந்தே சொல்பவர்களும், அதைக் கேட்டு வாயை மூடிக் கொண்டிருக்கும் வெட்கம் கெட்டவர்களும்தான் இங்கே குற்றவாளிகள்.

மீண்டும் சொல்கிறேன். நீங்கள் சொல்கின்ற அதே உதாரணத்தை நான் சீன மொழயை உதாரணம் எடுத்து சொல்லியிருக்கிறேன்.

இதை ஒரு முறை படித்துப் பாருங்கள்! உங்களுடைய நிலைமை உங்களுக்குப் புரியும்

சபேசன்:

உங்களை ஒருவர் சீன மொழியில் மோசமாக திட்டி விட்டு, உங்களை பாராட்டினேன் என்று பொய் சொல்கிறார். சீன மொழியில் உங்களை திட்டியதை அறிந்த ஒருவர் அதை சுட்டிக்காட்டினால், அது சீன மொழிக்கு எதிரானதா?

நெடுக்காலபோவான்:

சிங்களவன் சிங்களத்தில் உங்களைத் திட்டிவிட்டால் அது சிங்கள மொழியின் குற்றமா..??! ஆங்கிலேயன் ஆங்கிலத்தில் உங்களைத் திட்டிவிட்டால் அது ஆங்கிலத்தின் குற்றமா. தமிழன் தமிழில் ஆங்கிலேயனைத் திட்டினால் அது தமிழின் குற்றமா..??!

இது இரண்டுமே ஒன்றுதானே. இதைப் படிப்பவர்கள் உங்களைப் பற்றி என்ன நினைப்பார்கள்? ஒருவர் ஒரு உதாரணத்தோடு சொன்ன கருத்தை நெடுக்காலபோவான் வேறு உதாரணத்தோடு அதே கருத்தை திரும்பிச் சொல்கிறாரே, நெடுக்காலபோவானுக்கு ஏதும் பிரச்சனையோ என்று நினைக்க மாட்டார்களா?

நான் மீண்டும் மீண்டும் சமஸ்கிருத மொழியை எதிர்க்கவில்லை என்று சொல்லிக் கொண்டிருக்கிறேன். வேண்டும் என்றே என்னை சீண்டி அபாண்டமாக குற்றம் சாட்டாதீர்கள்.

வாதாடுவதை நேர்மையாகவும் ஆரோக்கியமாகவும் செய்யுங்கள்.

மந்திரங்களை சொல்லும் பார்ப்பனர்கள் மீது குற்றம் சுமத்தியிருக்கிறேன். காரணம் அவர்கள் அறிந்தும் இது போன்ற மந்திரங்களை எம் மீது திணிக்கிறார்கள். ஆனால் அங்கும் நான் சமஸ்கிருத மொழியை குற்றம் சொல்லவில்லை.

நான் அன்றிலிருந்து இன்று வரை சமஸ்கிருத மொழி மூலம் செய்யப்படும் ஆக்கிரமிப்பை எதிhத்திருக்கிறேன்.

சமஸ்கிருத மொழியை ஒரு இழிவான மொழியாக நான் கூறிய கருத்துக்கள் ஒன்றைக் கூட உங்களால் தர முடியாது. உங்களிடம் எதுவுமே இல்லை. எதுவும் இல்லாமல்தான் உங்களுடைய வாதங்களும் இருக்கின்றன.

இங்கே மீண்டும் வந்து நான் சொன்னதையே மீண்டும் எனக்குச் சொல்ல வேண்டாம்.

முதலில் தந்தது போன்று தமிழ் மொழியை இளந்தலைமுறையினரிடம் கொண்டு செல்வதற்கான நல்ல வழிவகைகள் இருந்தால் சொல்லுங்கள்! அது பற்றி பேசுவோம்.

[Vasampu]

சபேசன்

நீங்கள் சமஸ்கிருத மொழியை எதிர்ப்பதற்காகக் கூறும் காரணங்கள் ஏற்றுக் கொள்ளக் கூடியவையல்ல. காரணம் கோவில்களில் பாவிக்கப்படும் சமஸ்கிருத மந்திரங்கள் ஏற்கனவே அம்மொழியில் கோவில் பூஜைக்காக உருவாக்கப்பட்டவை தான். அவை நீங்கள் சொல்வதுபோல் ஒன்றும் தமிழர்களை முட்டாள்களாக்க உருவாக்கப்பட்டவை அல்ல. ஏற்கனவே உருவாக்கப்பட்ட மந்திரம் எப்படி தமிழர்களை மட்டும் கேவலப் படுத்துவதாகக் கருதுகின்றீர்கள். அம்மந்திரத்தை ஓதும் பிராமணர்களும் அவர்களின் சடங்குகளுக்கு அதே மந்திரத்தைத் தானே ஓதுகின்றார்கள். அப்போது அவர்களும் கேவலப்படவில்லையா?? அதன் அர்த்தங்கள் தெரிந்தால் ஒரு தமிழனும் பின்பு இந்துவாக இருக்க மாட்டான் என்கின்றீர்கள். அப்படியாயின் அதை ஓதும் பிராமணர்கள் அர்த்தம் தெரியாமல் தாம் அநாகரீக வாழ்க்கை வாழ்கின்றோம் என்று உங்களுக்குச் சொன்னார்களா?? இங்கேதான் உங்கள் விளையாட்டை நீங்கள் காட்டுகின்றீர்கள். குடும்ப வாழ்வில் இணையும் ஆண், பெண் இருபாலாரும் ஒழுக்கமாக இருக்க வேண்டுமென்பதற்காக சில சொற்பதங்களை மந்திரங்களில் பாவித்திருப்பது என்னவோ உண்மைதான். ஆனால் அவற்றை மிகவும் கேவலமாக மொழி பெயர்த்து (சமஸ்கிருத அறிவில்லாமலேயே ஏதோ எல்லாம் தெரிந்தவர் போல்) போட உங்கள் போன்றவர்களால்த் தான் முடியும். உங்களுக்கு உதவியாக அமரரான காஞ்சி பீடாதிபதி சங்கராச்சாரியாரின் உதவியாளரையும் ஒரு முறை உதாரணம் காட்டினீர்கள். ஆனால் நிச்சயமாகச் சொல்கின்றேன் அவர் நீங்கள் எழுதியதைப் போல் கேவலமாக ஒருபோதும் மொழிப்பெயர்ப்பு செய்திருக்க மாட்டார். இல்லை அவர் அப்படித்தான் மொழி பெயர்ப்புச் செய்திருந்தால் அதை ஆதாரத்துடன் நிரூபியுங்கள்.

அதுபோல் ஒரு மொழி பரந்துபட்டளவில் பலவிடயங்களை தன்னகத்தே கொண்டிருந்தால் அம்மொழி அழிந்துபோவதற்குரிய சாத்தியக் கூறுகள் மிகவும் குறைவு. இதற்கு உதாரணமாக இலத்தீனைச் சொல்லலாம். இங்கு ஐரோப்பாவில் மருத்துவம் சம்பந்தமாகப் படிக்க விரும்பும் மாணவர்களை 3வது மொழியாக இலத்தீனைப் படிக்குமாறு ஆசிரியர்கள் சொல்கின்றார்கள். காரணம் இலத்தீன் மொழியில் மருத்துவம் சம்பந்தமாக பல நூல்கள் இருப்பதனாலேயே. எம் மொழி பற்றிக் கவலைப்படுவதை விட்டுவிட்டு அம்மொழியின் வளர்ச்சிக்கு நாம் எல்லோரும் சேர்ந்து பாடுபடுவதே தற்போதைய காலகட்டத்தில் மிகவும் முக்கியம். அதற்கு எம்மொழியில் புதுப்புதுச் சொற்கள் அர்த்தத்துடன் உருவாக்கப்பட வேண்டும். அப்போதுதான் பல அறிவியல் சார்ந்த நூல்களும் தமிழில் உருவாக முடியும்.

[kurukaalapoovan]

சபேசன்

அப்போ பாம்பையும் சமஸ்கிருதத்தில எழுதப்பட்ட ஓலையையும் ஒரே நேரம் கண்டா முதலில் ஓலைக் கொழுத்திப் போட்டு தான் பாம்பைக் கொல்ல முயற்சிக்க வேணும் எண்டு அறிவுரை கூறவில்லையா? ஏன் எண்டு கேக்க தடி தேடி எடுத்து பாம்பை அடிச்சு முடிக்கிறதுக்குள்ளை காத்தடிச்சு ஓலை பறந்து போய் தப்பிவிடலாம் எண்டியளே? இது சமஸ்கிருதத்தில இருக்கிற வெறுப்பில்லாமல் வேறு என்ன?