கிழிந்தது முகத்திரை குனிந்தது பாரதம் !

முதுகினிலே குத்துகின்றாள் பாரதத்தாய்

வெட்கித்துக் குனிகிறது எம் தலையும்

வேடமிட்டு ஆடுவது போதும் போதும்

வெட்கமற்ற பாரதமாய் போனதும் ஏனோ !

பக்கத்தில் இருந்தபடி எமை அழிக்க

படைக் கருவி முதலோடு ஆளணியும்

கொடுத்தல்லோ கொல்கின்றாய் எம்மை நீயும்

தடுப்பதற்கு விண்ணப்பம் உன்னிடமா !

கொலைக் கருவி பணமென்று கொடுத்தவாறு

எமைக் கொல்வதற்காய் உன் படைகளையும்

அனுப்பிவிட்டு அமர்ந்திருக்கும் பாரதத்தின்

வஞ்கமே உருவான நரியின் அழகே அழகு !

வார்த்தையிலே நஞ்சமர்ந்த வடிவம் கொண்டே

பேச்சிலேதான் தீர்வென்று ஏனோ நீயும்

பசப்புவதேன் பாரதத்தின் ஆட்சியரே

கிழிந்ததுன் முகத்திரையும் குனிந்தாய் நீயே !

பெருமைகொள் பாரதத்தின் பெருமை விற்றே

சிறுமையுள் மிதக்கின்ற நிலையும் கொண்டாய்

இனியேனும் கொள்கைதனை மாற்றிக் கொண்டே

நீதிக்காய் கைகொடுக்கும் நிலையைக் காண்பாய் !

மரணத்துள் நாமழிந்து போனால் போவோம்

மானத்தைப் போர்த்தியன்றோ மடிந்து போவோம்

தர்மத்தை இரந்து பெற்றே கொன்றவன் போல்

தமிழினத்தை அழித்து விடத் துடிப்பதும் ஏனோ !

இனம் வாழ இறுதிவரை உறுதி கொண்டோம்

போரென்றால் நேர் நின்றே பொருதுவோமே

கார் கலைந்து ஒளியெம்மில் பாயுமோர் நாள்

பகலவனின் தரிசனத்தைக் காண வருவாய் !

நீர் கண்ட நெருப்பாகி அணையும் கொடுமை

நீதித்தாய் அணைப்பாளே எமை விரைவில்

சாதிப்பார் சாதிப்பார் தமிழர் ஓர் நாள்

நீதிக்காய் நடக்கும் போர் வெல்லக் காண்பாய் !

- மின்னஞ்சலில் வந்த கவிதை ( எழுதியவரின் பெயர் தெரியாது)

இனம் வாழ இறுதிவரை உறுதி கொண்டோம்

போரென்றால் நேர் நின்றே பொருதுவோமே

கார் கலைந்து ஒளியெம்மில் பாயுமோர் நாள்

பகலவனின் தரிசனத்தைக் காண வருவாய் !

நெத்தியடி வரிகள்.

எட்டி மிதிப்பதற்கும், ஈனரெனக் குட்டித் தாழ்த்துவதற்கும் எம்மை தமிழ்நாட்டுத் தமிழன் என்று நினைத்தாயோ?

வரிப்புலிக் கூட்டம் நாம், எளிதில் வீழ்ந்துவிட மாட்டோம்.

மீண்டும் மீண்டும் எழுவோம், எமக்கொரு விடிவு பிறக்கும் வரை.

நீயென்ன, உலகே வந்தாலும் நாம் சளைக்கப்போவதில்லை.

நன்றி, மீண்டும் சந்திப்போம் !!!!!

கிழிந்தது முகத்திரை குனிந்தது பாரதம் !

- மின்னஞ்சலில் வந்த கவிதை ( எழுதியவரின் பெயர் தெரியாது)

மா.பாஸ்கரன்

லண்டவ்

யேர்மனி

இக் கவிதை காலத்தையும் கடந்து நிற்கும் நிஜம். பதிவுக்கு நன்றி கந்தப்பு.

பாரத நாட்டில் ஆட்சி செய்யும் பரதேசிகளூக்கு இது உறைக்க வேண்டும்