இலங்கையில் இடம்பெற்று வரும் மோசமான யுத்தத்தை தடுத்து நிறுத்தும் நோக்கில் உலகின் முக்கிய நாடுகள் இலங்கை மீது பல்வேறு பொருளாதார அழுத்தங்களை பிரயோகிக்கத் திட்டமிட்டு வருவதாகத் தெரியவருகிறது.

குறிப்பாக அமெரிக்கா, பிரித்தானியா, பிரான்ஸ் மற்றும் ஏனைய ஐரோப்பிய ஒன்றிய நாடுகள் இது குறித்து ஆராய்ந்து வருவதாகத் தெரிவிக்கப்படுகிறது.

சர்வதேச நாணய நிதியத்தின் கடன் மற்றும் வர்த்தக சலுகைகளை கட்டுப்படுத்துவதன் மூலம் இலங்கையில் யுத்த நிறுத்தத்தை ஏற்படுத்த முயற்சிகள் மேற்கொள்ளப்பட்டு வருவதாகக் குறிப்பிடப்படுகிறது.

ஜீ.எஸ்.பி சலுகைத் திட்டம், சர்வதேச நாணய நிதியக் கடன் உள்ளிட்ட முக்கிய பொருளாதார சலுகைகளை முடக்குவதன் மூலம் பொதுமக்களை பாதுகாக்க சர்வதேச நாடுகள் முயற்சித்து வருவதாக தேசிய சமாதானப் பேரவையின் தலைவர் ஜெஹான் பெரேரா தெரிவித்துள்ளார்.

எவ்வாறெனினும், இலங்கைக்கு பொருளாதார தடைகள் விதிக்கப்படக் கூடிய சாத்தியம் இல்லை என மத்திய வங்கியின் ஆளுனர் அஜித் நிவாட் கப்ரால் தெரிவித்துள்ளார்.

http://www.globaltamilnews.net

இலங்கையில் தமிழர்கள் வகை தொகையாகக் கொல்லப்பட்டும், மனிதம் என்ற சொல்லுக்கு எதுவித அர்தத்மும் இல்லாமல் கோழி வெட்டியதிலும் கேவலமாக செய்யப்பட்ட இனப்படுகொலையின் உச்சகட்டத்திலும் உலகில் ஜனநாயகம், மனித உரிமை பற்றி பேசுவதும் உதட்டளவில் தான் என்பது இப்படுகொலையால் வெளிச்சம் போட்டுக்காட்டப்பட்டுள்ளது. ஒரு மனிதன் இரண்டு மனிதன் நூறு மனிதர்கள் கொல்லப்படும் பொழுது அழுத்தம் கொடுத்து நிறுத்தாத உலக அரசுகள் மனிதாபிமான அரசுகளா? சிறுவர்களை படையில் சேர்ப்பது குற்றம் என்று கூறும் உலகம். சிறுவர்கள், சிறுமியர்கள், வயோதிபர்கள், கர்ப்பிணிப்பெண்கள் என்று கொல்லப்படும்போது அது ஏற்கமுடியாதது உடனடியாக நிறுத்துங்கள் அல்லது நிறுத்துவோம் என்று குரல் கூடக் கொடுக்கவில்லை.

அன்னை, தந்தை, சகோதரம் என்று எல்லோரும் மடியும்போது பார்த்திருக்கும் சிறுவனோ, எவனோ அல்லது எவளோ இயற்கையான உணர்வால் தங்கள் எதிரியைத் தாக்கப் புறப்படுவது இயற்கையின் யதார்;த்தம். இதனால் சிறுவர்களைப் படையில் சேர்ப்பது குற்றம் என்பவர்கள் அவர்களைக்காப்பற்ற முன் வராததைவிட மேலான குற்றமொன்று உலகில் இருக்கமுடியாது. மிருகங்கள் கூட தன் இனம் தாக்கப்படும்போது தன்னையும், மற்றைய தன் இன மிருகங்களையும் காப்பாற்ற எதிர்ப்பது இயற்கையின் யதார்த்தம். தார்மீக உணர்வுள்ளவன் எவனும் 'அந்த இடத்தில் தானிருந்தால் தன்னுடைய நிலைப்புhடு எப்படி இருக்கும்? நான் (உலகம்) என்ன செய்வேன் என்று சிந்தித்தால் இவ்வளவு உயிர்க்கொலை நடந்திருக்காது. உலகத்தின் ஆணவ மேலீட்டால் தான் இவ்வளவும் நடந்து கொண்டிருக்கின்றது.

இங்கே புத்தனின் போதனைகள், யேசுவின் அன்பு வழிகாட்டல்கள் எல்லாம் குழிதோண்டிப் புதைக்கப்பட்ட சாட்சியங்களாக

யாழிலிருந்து வன்னி வரையான புதைகுழிகள் இருக்கின்றன. உலகம் இன்று இயற்கை நீதியின் வழிகாட்டலில் இல்லை என்பது தான் உண்மை. நாம் எப்படி இவ்வுலகில் வாழ நினைக்கின்றோமோ அதே வழியில் மற்ற உயிர்களும் வாழ நாம் வழி சமைக்க வேண்டும் என்ற எண்ணம் எல்லோரிடமும் இருந்தால் உலகத்தில் அமைதிப் ப+ங்கா மலரும.; இல்லையென்றால், உலகத்தில் மிகப்பொரும் இயற்கை அழிவு ஒன்று வரும் என்பதை இன்றைய கால செயற்பாடுகள் உணர்த்தி நிற்கின்றன. உண்மைகள் அழிவதில்லை. காலம் பதில் கூறும்.

இலங்கைக்கு எதிராக பொருளாதார தடைகளை விதிக்க சர்வதேச சமூகம் முயற்சி?

ஓமோம்.. இப்ப இலக்கணமாப் பேசுங்கோ..! செய்ய வேண்டிய நேரத்தில கோட்டை விட்டிடுங்கோ..!