யேர்மன் வாழ் தமிழீழ மக்களே ! 30.05.2009 அன்று எங்கள் பலத்தை வெளிப்படுத்துவோம்.

[nochchi]

யேர்மன் வாழ் தமிழீழ மக்களே !

ஒரு நெருக்கடியானதும் துயரமானதுமான இன்றைய புறநிலையில், அகநிலையில் ஆழப் பதிந்திருக்கும் எமது தமிழீழ தேசத்துக்கான விடுதலை வேட்கையானது ஓயாது அனைவரது மனங்களிலும் கணன்றுகொண்டே இருக்கிறது. அதன் விளைவாகவே நாம், எம்மையும் அறியாமலே அந்த விடுதலைக்கான களத்தினுள் உந்தித் தள்ளப்பட்டுள்ளோமென்பதே உண்மையாகும். எனவே நாமனைவரும் எந்தவிதமான மனக்கிலேசங்களுக்கும் இடம் கொடுக்காது எமது கரங்களை மேலும் வலுவாக ஒன்றினைத்துக் கொண்டு தொடர்ந்து எமது கடமைகளை முன்னெடுப்போம். இன்று எமது விடுதலைப் போராட்டமானது பெற்றுவரும் அனைத்துலக பரிணாமமென்பது சாதாரணமாக நிகழவில்லையென்பதை உணர்ந்து கொண்டுள்ள மக்களாகவும் நாம் உள்ளோம் என்பதை உணர்த்தும் விதமாக எதிர்வரும் 30.05.2009 அன்று யேர்மனியின் தலைநகர் பேர்லினின் நடைபெற உள்ள "அடங்காப்பற்று" என்ற மாபெரும் பேரணியில் அனைவரும் ஒன்றிணைவதூடாக எமது கடமையைச் செய்ய முன்வருவதே இன்றைய தேவையாகும். இந்த "அடங்காப்பற்று" ப் பேரணியானது யேர்மன் அரசுக்கு ஒரு காத்திரமான செய்தியைச் சொல்லுவதாக இருக்க வேண்டும். யேர்மனி வாழ் தமிழீழ மக்களின் வேணவா என்ன என்பதைத் தெளிவாகச் சொல்லுவோம்.இதே போன்று உலகெங்கும் நடைபெறும் தமிழீழ விடுதலைப் போராட்டத்துக்கு வலுச் சேர்க்கும் அனைத்து விதமான செயற்பாடுகளிலும் ஒன்றிணைவோம். எம் தேசம் காப்போம். உரிமையை மீட்போம். எங்கள் பலத்தை வெளிப்படுத்துவோம் தமிழ்க் குலத்தைக் காப்போம்.

" தமிழரின் தாகம் தமிழீழத் தாயகம்"

http://www.pathivu.com/news/1799/64//d,tamilar-event.aspx

[Valukkiyaru]

40,000 மேற்பட்ட தமிழர்கள் வாழும் ஜேர்மனியில் குறைந்தது 30,000 பேர்களாவது இணைவார்களா நொச்சியாரே?