பூந்தோட்டம், காய்கறித்தோட்டம், வயலென்று நேரத்தை ஒதுக்குவது மனசுக்கு இதமான விடயம் தான் பல நேரங்களில் இறுகிப்போயிருக்கும் மனது இயற்கையிடம் ஒப்படைத்ததும் இளகிப்போய் இலகுவாகி விடுகின்றது. ஊரில் இருக்கும் போது 'எங்கள் பின் வளவினுள் , தங்கை நான், எனது இரட்டைச்சகோதரி மூவரும் பங்கு பிரித்து எங்களுக்கான பூந்தோட்டத்தை உருவாக்குவது உண்டு. அந்த மதிலில் எங்கள் பெயரும் கூட பொறித்து வைத்த நினைவு இப்போதும் இருக்கிறதா என்று தெரியவில்லை. அடுத்த வீட்டில் போய் சின்னச்சின்ன வகைவகையான பூமரங்கள் இருந்தால் அங்கு போய் கேட்டு ஒரு நெட்டு முறித்துவந்து நடுவதுமுண்டு. அந்தக்கால வயதின் இளமைத்துள்ளல்கள்/விளையாட்டுக்கள் இப்போதெல்லாம் எங்கு போய்த்தொலைந்ததோ தெரியவில்லை.

ஆனால் முகநூலில் அதாங்க (Face book) Farm Ville என்று நாமே தோட்டத்தை உருவாக்கி பயிரிட்டு , அறுவடை செய்யும் ஒரு இனிய விளையாட்டை உருவாக்கி இருக்கின்றார்கள். 2007ம் ஆண்டு என்னை நச்சரித்துக்கொண்டே இருந்த அலுவலகத்தோழியின் ஆக்கினை தாளாமல் 2 மாதங்களுக்கு முன்னர் தான் அங்கு போய் இணைந்தேன். ஒரு 10 தடவைகள் சென்றிருப்பேனா என்று எனக்கே தெரியாது. அங்கு மற்றத்தோழர்கள் அனைவரும் செய்திருக்கும் காய்கறி/பழத்தோட்டங்களைப்பார்க்கும் போதே மனசு கொள்ளை போகிறது. பச்சை வர்ணத்தின் அழகுக்கு ஈடே இல்லை என்பதுபோல் மனதையும் கண்ணையும் கவரும் அந்தப்பயிர்களின் செடிகளின் அழகில் மனம் இன்பத்தை நுகர்கின்றது என்பது என் அனுபவம்.

தோட்டம் போட ஆசையிருந்தாலும் மினக்கெட நேரமில்லை என்பதால் இன்னும் ஆரம்பகட்டத்திலேயே நிற்கின்றேன் என அண்டைத்தோட்டக்காரர்கள் என்னை நக்கல் அடிப்பதும் மிகச்சுவாரஸ்யமாகத்தான் இருக்கிறது. என் மனசையும் கண்ணையும் ஒரே சேரக் கவர்ந்த ஒரு தோட்டம். என் அலுவலகத் தோழியின் தாயாருடையது. மற்றவங்க தோட்டத்துக்கு போகும் போது 'காகம் பயிரைக்கொத்துது 'துரத்துவிடுறியான்னு கேட்குது"....ம் செய்யிறேன் என ஒத்துக்கொண்டால் அதற்கு புள்ளிகளும் கிடைக்கின்றன சுவாரஸ்யமாகத்தான் இருக்கின்றது இந்த விளையாட்டு! சரி சொல்லுங்க.....உங்க அனுபவங்கள் எப்படி?

ஆக்கம்: அஞ்சனா | கரும்பு வலைப்பூ

Edited September 17, 200916 yr by மாப்பிள்ளை

தாயகத்திலே ஏக்கர் கணக்கான நிலம் இருந்தும் அந்த நிலத்தைப் பயன்படுத்தாது புளுதி குடித்து விட்டு இங்கே ஒரு 4 அடி இடத்தில் காசு கொடுத்து மண் வாங்கி வந்து போட்டுப் பயிர் செய்யும் வேடிக்கையை (?) கண்டு என்ன சொல்வது???? எப்போதும் ஒரு விடயம் அருமையாகக் கிடைக்கும் போது தான் அதற்கு மவுசு போலும்.......

தாயகத்திலே ஏக்கர் கணக்கான நிலம் இருந்தும் அந்த நிலத்தைப் பயன்படுத்தாது புளுதி குடித்து விட்டு இங்கே ஒரு 4 அடி இடத்தில் காசு கொடுத்து மண் வாங்கி வந்து போட்டுப் பயிர் செய்யும் வேடிக்கையை (?) கண்டு என்ன சொல்வது???? எப்போதும் ஒரு விடயம் அருமையாகக் கிடைக்கும் போது தான் அதற்கு மவுசு போலும்.......

ஊரில தோட்டம் செய்யுறது என்றா ஏதோ கெளரவக் குறைச்சல் போல நினைச்சவை எல்லாம்.. இப்ப.. தோட்டம் செய்யுறம் என்று.. விடுப்புக் காட்டிறதுதான் வேடிக்கையிலும் வேடிக்கை..!

சிங்களவன் அடிச்சு விரட்டினதும்.. ஒரு வகையில நல்லதுதான். அல்லது இந்த ஜென்மங்களுக்கு சொல்லிப் புரிய வைக்க முடியாது. அதுகளா யாரைட்டையும் அடி உதை வாங்கி புரிஞ்சு கொண்டால்.. சரி..!

Edited September 17, 200916 yr by nedukkalapoovan

வீட்டுத் தோட்டம் செய்யிறதிலயும் இவ்வளவு விமர்சனங்களிருக்குதா?

வீட்டுத் தோட்டம் செய்யிறதிலயும் இவ்வளவு விமர்சனங்களிருக்குதா?

ஊரில பெரிய காணிகள் வீட்டோட தரிசாக்கிடக்கும். அங்க ஒருத்தரும்.. பயிர் செய்யமாட்டினம். சிறீலங்கா அரசாங்கம் பொருளாதாரத் தடை போட்ட போது கூட.. எவரும் செய்ய முயற்சிக்கவில்லை..! ஆனால்.. புலம்பெயர்ந்த நாடுகளில்.. அடுத்த வீட்டுக்காரன் செய்யுறான் என்றதற்காகவே.. தோட்டம் செய்யுறவை அதிகம். நாங்களும் தோட்டம் வைச்சிருக்கிறம் என்று காட்டிறதிற்காகவே தோட்டம் செய்யுறவையையும் கண்டிருக்கிறன். ஏனிந்த வெட்டி பந்தாக்கள்.

வீட்டுத் தோட்டம் செய்யக் கூடாது என்பதல்ல. அதனூடு பந்தா கட்ட வெளிக்கிறதுதான்.. கூடாது என்கிறோம். நமக்கு தான் நம்ம நிலத்தை பாதுகாக்கவும் தெரியல்ல.. பயன்படுத்தவும் தெரியல்ல. அடுத்தவனோடு வந்து ஒட்டிக்கொண்டு.. அவனுக்கே.. வெட்டி பந்தா எதற்கு. சாதாரணமா எடுத்துக் கொள்ள வேண்டியதுதானே..!

Edited September 18, 200916 yr by nedukkalapoovan

நான் அறிஞ்சவரையில ஊரில தோட்டம் போடுறதில யாராச்சும் பந்தா காட்டினதாய் தெரிய இல்லை. எங்களுக்கு கிளிநொச்சியில நூறு ஏக்கர் வயல் இருக்கிது.. கொடிகாமத்தில அம்பது எக்கர் தென்னந்தோப்பு இருக்கிது... இணுவிலில பத்து பரப்பு பொயிலைத்தோட்டம் இருக்கிது... உரும்பிராயில இருவது பரப்பு தோட்டம் இருக்கிது எண்டு விலாசம் விடுற ஆக்களாய் எங்கடை ஆக்கள் இருந்துதான் இருக்கிறீனம்.

ஊரில இருந்த ஒருசில வருச காலத்தில நாமளும் தோட்டம் போட்டது.. ஆடு மாடு வடலி வயல் வாய்க்கால் எண்டு எல்லாம் ஓடித்திரிஞ்சதுதான்.

சிலவேளைகளில தோட்டங்களை ஆக்களை வச்சு செய்து இருக்கலாம். ஆனால்.. பயிர்... செழிப்பு பணம் எண்டுற விசயத்தில எங்கடை ஆக்கள் குறை வைக்க இல்லை.

தோட்டம் போடுறது என்னமோ சந்தோசமான அனுபவம். ஆனா நாம பேஸ்புக்கில எல்லாம் போடுறது இல்லை. யாராச்சும் ஏதாச்சும் இனாமாய் அனுப்பினால் வேணாம் எண்டு சொல்லாமல் வாங்கிக்குவம். அவ்வளவுதான்.

சின்னனில படிச்ச காலத்தில எங்கடை வகுப்புக்களுக்கு யார் நல்ல தோட்டம் போடுறது எண்டு ஒரே போட்டி. பெரிய அடிபாடுகள் எல்லாம் வரும். ஒருக்கால் என்ன நடந்திச்சிது எண்டால் பீ வகுப்பு பெடியன் ஒருத்தன் எங்கடை ஏ வகுப்பு தோட்டத்துக்கு களவாய் இறங்கி மரவள்ளிக்கிழங்கு எல்லாத்தையும் இழுத்துக்கொண்டு போட்டன். அண்டைக்கு பள்ளிக்கூடம் கடைசிநாள்.. ரிப்போர்ட் வாங்கிறது. நாங்களும் துரத்திப் பார்த்தம். அவன் ஓடியிட்டான். வகுப்பு ஆசிரியர்.. அதிபர் மூலமும் ஒன்றும் செய்ய முடியாமல் போயிட்டிது.

எண்டாலும்... அவனுக்கு நாங்கள் அண்டைக்கு ஒரு பட்டம் வச்சம் மரவள்ளிக்கிழங்கு எண்டு... அது இப்பவும் அவருக்கு வழக்கத்தில இருக்கிது. இப்பவும் பலப்பல வருசங்களுக்கு பிறகும் அவரை மரவள்ளிக்கிழங்கு எண்டுதான் கூப்பிடுறது.