வாகன ஓட்டுனர்களின் அவதானத்திற்கு.இது நேற்று இரவு நடந்தது.எனதுவீட்டிற்கு பக்கத்தில் இருக்கும் கடைக்கு சாமான்கள் வாங்கச் சென்றபோது அந்தச் சந்தியில் ஒரு பெரிய விபத்து.

3 மாதங்களுக்கு முன் எனது மைத்துனர் ஜேர்மனியில் இருந்து வந்து எனது மனைவி பிள்ளைகள் அவரது மகள் உடன் இதே கடைக்கு போகும் போது இதே இடத்தில் தான் அந்த விபத்தும் நடந்தது.விபத்து நடந்த அடுத்த நாள் எனது மைத்துனர் சொன்னார் தன்னால் நம்பமுடியாமல் இருக்கின்றது விபத்து நடந்த விதம்.

தான் கடைக்குள் திரும்ப சிக்னலை போட்டுவிட்டு நிற்க எதிரே வந்த காரில் ஒன்று நின்று தன்னை போகும்படி கையை காட்டியதாகவும் தான் திருப்ப அந்தகாருக்குகு பின்னால் நின்ற வேறொரு கார் நின்ற காரை கடந்து அசுர வேகத்தில் வந்து தனது காரை இடித்ததாத சொன்னார்.இவர் ரென்ட் பணிய கார் ஆதலால் இன்ஸுரன்சும் இருந்ததால் பிரச்சனை ஏதும் வரவில்லை.பிள்ளைகள் தான் நன்றாக பயந்து போய்விட்டார்கள்.நல்ல வேளை பெரிதாக ஒருவருக்கும் காயமில்லை.இது நடந்து மைத்துனரும் போய் விட்டார்.அந்த காரை நிப்பாட்டி இவருக்கு வழிவிட்டவரும்,காரால் வந்து இடித்தவரும் தமிழர்களே.

இது பற்றி வேறு எனது நண்பர்களுடன் கதைக்கும் போது சொன்னார்கள் உனக்கு தெரியாதோ 4,5 வருடங்களாக எம்மவரில் பலர் இதை ஒரு தொழிலாகச் செய்கின்றார்களாம்."அக்சிடென்ட் இஞ்ஜேரி கிலேய்ம்" என்று பப்லிக்காக விளம்பரமும் செய்து ஒரு நல்ல காரால் யாருக்கும் தங்களில் பிழை வராதமாதிரி அடிப்பது அடிக்கும் போது காரில் 3அல்லது 4 பேர்கள் இருப்பது பின்னர் இவர்கள் வேலைக்கு போக முடியவில்லை உடம்பெல்லாம் நோவு என்று பிசியோதரப்பிக்கு போவது அந்த ஏஜன்ட் இவர்களுக்கு தலா $2000 வரையில் மாதாந்தம் வரப் பண்ணுவாராம். பின்னர் பைனல் செட்டில்மென்ட் என்று ஒரு $40,000 வரை ஒரு 10 மாதங்களின் பின் எடுத்து கொடுப்பாராம். இந்த ஏஜென்டுகள் இதை இப்ப ஒரு பக்கேஜாக விளம்பரப் படுத்துகின்றார்கள்.வக்கீலில் இருந்து பிசியோ வரை நாங்களே அரேஞ் பண்ணிதருவோம் என்று இதனால் எம்மவர்கள் இதை ஒரு பெரும் தொழிலாக செய்து வருகின்றார்களாம்.அடிபடும் போது யாரும் இறந்தால் என்ற கேள்விக்கு பணம் தேவை என்றால் சான்ஸ் எடுக்கத்தான் வேணுமாம்.சிலர் கோமாவிலும் இருக்கின்றார்களாம்.வயது போனவர்களையும் ஆசை காட்டி காரில் ஏற்றுகின்றார்களாம்.இதுவரை ஏதும் ஊடகங்களில் இது பற்றி வந்ததோ என்று கேட்டால் "மூச்" என்ற பதில்தான் விளம்பரத்திற்கு அந்த மாதிரி பணம் கொடுப்பதால் ஒருவரும் வாயை திறப்பதில்லை.சீ.எம்.ஆர் இல் எந்த நேரமும் இவர்கள் விளம்பரம் தான்.

நேற்று அடித்தவர்கள் தமிழர்கள் தான் விழுந்து கிடந்து வலியால் துடிப்பவர்கள் போல் நடித்துக்கொண்டிருக்கின்றார்கள்.முதலே சொல்லி வத்தது போல் ரோ ரக் உடன் வந்து விட்டது,பின்னர் போலிசும் அன்புலென்சும் வர ஆங்கிலம் தெரியாதது போல் நடிக்கின்றார்கள்.நான் போலிஸுடன் இது பற்றிக் கதைதேன்.அவர்கள் தாங்கள் இப்போ ரிப்போட் மாத்திரம் எடுக்க முடியும் என்றும் வேணுமென்றால் அவர்களின் இன்சூரன்ஸ்சிற்கும் வழக்கு நடக்கும் போது கோட்டிலும் இதை சொல்ல சொன்னார்

இதற்கு என்ன செய்யலாம் என்று உங்களிடம் இருந்து ஆக்க பூர்வமான பதிலை எதிர்பார்க்கின்றேன்.

திருடராய்ப்பார்த்து திருந்தாவிட்டால்.....???

எனக்கு தெரிந்தவர் ஒருவர்

குறுக்கு வழியில் பணம் சம்பாதிக்க நினைத்து பலவழிகளைக்கையாண்டார்

மதமும் மாறிப்பார்த்தார்

அவரது ஆசை அடங்கும் வழி தெரியாததால்

வீதியில் போன காருக்குமுன் வந்து அடிபட்டார்

காயம் சிறிது என்றபடியால் சிறியளவு பணம்தான் கிடைத்தது

மீண்டும் ஒருமுறை காருக்கு முன்னால் விழுந்தார்

காரில் வந்தவர் காரை நிறுத்திவிட்டுவந்து இவரை எழுப்பி பார்த்துப்போ

நானா கிடைத்தேன் என்று ஏசிவிட்டு சென்றார்....

இவரது முயற்சி சிறிது தடைப்பட்டது

ஆனால் அவரை இன்று நான் கண்டாலும் அவர் என்னுடைய காருக்கு முன் பாய்ந்து விடுவாரோ என்று அவதானமாக இருப்பேன்.

Edited August 22, 201015 yr by விசுகு

உங்கள் மைத்துனருக்கு நடந்தது அவர் இடதுபுறம் திரும்ப இருந்தபோது என நினைக்கிறேன்..! அப்படியாக இருந்தால் முழுத்தவறும் உங்கள் மைத்துனர் மீதே..

யாராவது தங்களது உரிமையை எடுத்துக்கொள்ளாது மற்றவரிடம் விட்டுத்தரும்போது அதை எடுத்துக்கொள்ளக் கூடாது. பொதுவாக சில நடைபாதைக் கடவைகளில் (yield sign உடன் கூடியது அல்லது பச்சை சிக்னலில் மக்கள் கடப்பது) சிலர் எம்மைப் போகும்படி சொல்வார்கள். நாம் வாகனத்தை நிறுத்தி அவர்களைப் போகச் சொல்ல வேண்டும். ஏனெனில் கடக்கும் முதல் உரிமை அவர்களுக்குத்தான். ஏதாவது குழப்பமாகி அவர்களும் கடந்து அடிபட்டார்களானால் மாட்டுபவர்கள் நாமாகத்தான் இருப்போம்.

வாகனங்களைச் செலுத்தும்போது விதிகளை முழுமையாகப் பின்பற்றுவோமானால் இப்படியான விபரீதங்களில் மாட்டுவதில் இருந்து தப்பித்துக் கொள்ளலாம்.

மற்றவர்களுக்கு இருக்கும் உரிமைக்கு நாம் மதிப்பு கொடுத்து பழக வேனும், இது ஒட்டுகுழுக்களுக்கு மட்டும் இல்லை அனைவருக்கும் பொருத்தமானதுதான், எங்களக்கு மூலதன தெரியும், மாக்சீசம் தெரியும், கம்யூனிசியம் தெரியும், லெனினிசியம் தெரியும் ஆகவே நமக்குதான் முதல் உரிமை என நினைத்து போனால், நினைப்புதான் பிழைப்பை கெடுக்கும், வல்லவனுக்கு வல்லவன் வையகத்தில் உண்டு,

Edited August 22, 201015 yr by சித்தன்