பெங்களூருவின் ‘ஆனந்தா நகரில்'யாரைக் கேட்டாலும்,வாணி கணபதியின் அழகான வீட்டை அடையாளம் காட்டி விடுகிறார்கள்.வீடு முழுவதும் அற்புதமான அலங்காரப் பொருட்கள்.நடனக் கலைஞர்,ஆடை வடிவமைப்பாளர், இண்டீரியர் டெகரேட்டர் என வாணிக்குப் பல முகங்கள் இருந்தாலும் கமலின் முன்னாள் மனைவி என்பது தமிழர்கள் மறக்காத விஷயம்.

கமலுடன் விவாகரத்துக்குப் பிறகு மறுமணம் செய்யாமல் தனித்து வாழ்கிறார். இனிமையாகப் பேசுகிறார்.

‘‘20 வருடங்களுக்கு முன்பு கமலைப் பிரிந்து பெங்களூர் வந்தபோது ஒரு செக்கில் கையெழுத்திட மட்டுமே தெரிந்திருந்தது.வேறு ஒன்றையும் தெரிந்து வைத்திருக்கவில்லை.பிறந்த வீட்டில் செல்லமாக வளர்ந்து, புகுந்த வீட்டிலும் சாருஹாசன் அண்ணா, மன்னி, ஹாசினி அக்கா, தங்கைகள் என அனைவரின் அன்புப் பிடியில் இருந்துவிட்டு எல்லோரையும் பிரிந்து வந்தபோது மனசுக்கு கஷ்டமாகத்தான் இருந்தது.

விவாகரத்துக்குப் பிறகு நடனமே எனக்குத் துணையாகிவிட்டது.’’

சமீபத்தில் எப்போதாவது கமலை சந்தித்தீர்களா?

‘‘பெங்களூரு வில் ஒரு ஹோட்டலில் யதேச்சையாக சந்தித்தேன். அவர் அங்கு இருப்பது எனக்குத் தெரியாது.நான் வெளியே செல்லும்போது அவர் இருந்த இடத்தைக் கடந்து சென்றேன். தற்செயலாய் நேருக்கு நேராக சந்தித்தோம். ‘ஹலோ' என்று மட்டும் சொல்லிக் கொண்டோம். அப்படிச் சொன்னதும் அந்த இடத்தை விட்டு நகர்ந்து வந்து விட்டேன்.ஆனால் நான் வேண்டுமென்றே நகர்ந்து வந்து விடவில்லை. ஏனோ அங்கு நிற்க மனம் வரவில்லை.ஆனால் அந்த வாய்ப்புகூட கடவுளாக அமைத்துத் தந்த வாய்ப்போ என்னவோ தெரியவில்லை.அதன் பிறகு நேரில் சந்திக்கவில்லை.’’

கமல் படங்களாவது பார்ப்பதுண்டா!

‘‘தசாவதாரம் பார்த்தேன்’. அதன் பிறகு கமல் படம் பார்க்கவில்லை.

ஆனால் என் வாழ்க்கையில் அதிகமாக ரசித்துப் பார்த்தது கமல் திரைப்படங்கள்தான்.’’

இப்போது கமலைப் பற்றி என்ன நினைக்கிறீர்கள்?

‘‘கமல் மிகச் சிறந்த நடிகர். நடிப்பு என்றில்லை, நடனம், சண்டை, திரைக்கதை அமைத்தல், என எல்லாவற்றிலும் ஈடுபாடு கொண்டவர். சினிமாவில் அவரிடமிருந்து நிறைய கற்றுக்கொள்ள முடியும். இருபது வருடங்களில் அவருடன் தொடர்பு இல்லாத நிலையில் வேறெதுவும் கூற இயலாது.’’

இருவருமே நடனக் கலைஞர்கள் என்பதுதான் ஆரம்பக் கட்டத்தில் மனம் ஒத்துப் போனதற்குக் காரணமா?

‘‘எல்லோருடைய திருமணங்களும் மனம் ஒத்துப் போய்தான் நடக்கின்றதா? ஆரம்ப வாழ்க்கையில் எங்களுக்கு நடனத்தைத் தவிர பல விஷயங்களில் மனம் ஒருமித்து இருந்தது.’’

கமலின் பெண் ஸ்ருதி தற்போது நடிகையானது தெரியுமா?

‘‘தெரியும். செய்திகளில் பார்த்தேன். அவ்வளவுதான். அவரைப் பற்றிச் சொல்ல வேறு என்ன இருக்கிறது?’’.

நன்றி குமுதம்:

படங்களைப் பார்வையிட

http://www.thedipaar.com/cinema/cinema.php?id=4574

கமல் வாணியை நினைவில் வைத்துத்தான் பாலச்சந்தர் "புதுப்புது அர்த்தங்கள்" எனும் திரைப்படத்தை எடுத்ததாக கேள்விப்பட்டேன்.

வாணி-கீதா

அதென்ன ஹாசினி அக்கா?...சுஹாசியினும் பார்க்க வாணிக்கு வயது குறைவா

தற்செயலாய் நேருக்கு நேராக கமலைச் சந்தித்தேன்,அப்போது...

இந்தத் தலைப்பைப் பார்த்திட்டு நம்மட அர்ஜுன் தான் திரி ஆரம்பிச்சிருக்கிறாரோ எண்டு நினைச்சன்..!