அம்பாறையில் நேசக்கரம் நிதியுதவியில் நடமாடும் வைத்திய முகாமும் உதவியும்

அம்பாறை மாவட்டத்தில் வெள்ளத்தினால் பாதிக்கப்பட்ட மக்களின் சுகாதாரத்தை பேணும் நடவடிக்கையின் கீழ் நேசக்கரம் நிறுவனத்தின் நிதியுதவியுடன் `கோமாரி` பிரதேசத்தில் நடமாடும் வைத்திய முகாமும் 25குடும்பங்களுக்கு 25 ஆயிரம் ரூபா பெறுமதியான நுளம்பு வலைகள் வழங்கும் நிகழ்வும் 28.01.2011 அன்று நடைபெற்றது.

தமிழ் தேசிய கூட்டமைப்பின் முன்னாள் பாரளுமன்ற உறுப்பினர் சந்திரநேரு சந்திரகாந்தன் தலைமையில் நடைபெற்ற இந்நிகழ்வில் வெள்ள அனா்த்தத்தினானால் பாதிக்கப்பட்ட மக்களின் அடிப்படை சுகாதாரப் பிரச்சனைகளுக்குத் தீர்வு காணும் வகையில் நோய்கள் வராது தடுக்கும் நடவடிக்கையாக முதற்கட்டமாக நுளம்பு வலைகள் வழங்கியதுடன் நடமாடும் வைத்தியசாலை ஊடாக கோமாரி பிரதேச ஒருபகுதி மக்களுக்கான மருத்துவ சிகிச்சைகள் வழங்கப்பட்டது.

இவ் நடமாடும் வைத்திய முகாமை ஆலையடிவேம்பு பிரதேச சுகாதாரப் பணிப்பாளர் வைத்தியர் எஸ். அகிலன் . மற்றும் சுகாதார உத்தியோகத்தர்கள் கலந்து கொண்டு பணியாற்றியிருந்தனர்.

வெள்ள அனர்த்தத்தினால் பாதிப்புற்ற மக்களுக்கான அடிப்படை மருத்துவ உதவிகள் ஆலோசனைகளின் அவசிய தேவைகளை நிறைவேற்ற வேண்டிய தேவையை நேசச்கரம் பணியாளர்கள் மேற்கொண்டு வருகின்றனர். இதன் முதற்கட்டமாக மேற்படி நிகழ்வு நடைபெற்றுள்ளது.

படங்கள் இணைப்பு :-

இணைப்புக்கு நன்றி சகோதரி!

காலத்திற்கு தேவையான விடயங்களை

சரியான நேரத்தில் காலம் தாழ்த்தாமல், சரியானவர்கள் ஊடாக செய்யும் பொழுது

தவறுகளுக்கும், தவறானவர்களுக்கும் இடமில்லாமல் போகின்றது.

கருத்திட்ட சுவி, அகூதாவிற்கு நன்றிகள். மருத்துவ தேவைகள் தற்போது அதிகம் தேவைப்படுவதாக தரவுகள் தெரிவிக்கின்றன. அதன் அடிப்படையில் உடனடியாக செய்ய வேண்டியது நடமாடும் வைத்திய சேவையும் தொற்றுகளிலிருந்து பாதுகாக்கக்கூடிய உதவிகளைத்தான் அதிகம் அந்த மக்கள் எதிர்பார்க்கிறார்கள். அதன் முதற்கட்டமாக இம்முயற்சியை ஆரம்பித்தோம். அது வெற்றியளித்துள்ளது.

இம்முன்னெடுப்புக்கான உதவியை பிரித்தானிய நேசக்கரம் நண்பர்கள் உதவிய 63950,00/= பங்களிப்பிலிருந்து செயற்படுத்தியுள்ளோம்.

ஏற்கனவே செய்யப்பட்ட உதவிகளின் மீதமும் இத்தகைய அடிப்படை உதவிகள் மற்றும் வெள்ளத்தால் பாதிக்கப்பட்டு தமது கல்வி உபகரணங்களை இழந்த கிழக்கு மாகாண மாணவர்களுக்காக ஒதுக்கியுள்ளோம். அடுத்த மாத ஆரம்பத்தில் மீதி உதவிகள் மேற்படி அவசர உதவிகள் தேவைப்படுகின்றவர்களுக்கு பங்கிடப்படவுள்ளது.

பாதிப்புகளின் அடிப்படையில் தரவுகள் சேர்க்கப்பட்டுக் கொண்டிருக்கிறது. வரும்வாரம் அதன் முதற்கட்டம் நிறைவேறும். அதன் பின்னர் மேலதிக தகவல்களை இங்கு பதிவிடுவோம்.

உதவிய அனைவருக்கும் நன்றிகள்.

கிழக்கு மாகாணத்தில் கடந்தவாரம் சிறிது ஓய்ந்திருந்த மழை மீண்டும் நேற்றிலிருந்து ஆரம்பித்துள்ளது.அதுமட்டுமல்லாது பெருமளவு தொற்று நோய்களும் டெங்கு காச்சலும் பரவத்தொடங்கியுள்ளது. இதுவரை பத்துபேரிற்கு டெங்கு தொற்றுநோய் கண்டறியப்பட்டுள்ளதாக தகவல்கள் கிடைத்துள்ளது. தற்சமயம் தனியார் மற்றும் அரச உதவி நிறுவனங்கள் யாவுமே மக்களிற்கான உணவுத்தேவைகளையே கவனித்து வருவதால் நேசக்கரம் அமைப்பு மக்களின் சுகாதார அடிப்படை வசதிகளில் கவனமெடுப்பதென தீர்மானித்துள்ளது. அதனடிப்படையில் நடமாடும் வைத்திய முகாம் அமைக்கப்பட்டு தொற்றுநோயால் பாதிக்கப்பட்ட மக்களிற்கான மருத்துவ உதவிகள் மற்றும் தொற்று நீங்கி மருந்துகளை விசுறுதல் போன்ற நடவடிக்கைகளிற்கு முன்னுரிமை கொடுத்து அதற்கான நடவடிக்கைகளில் இறங்கியுள்ளோம். இந்த நடவடிக்கைகளிற்கு யாழ்கள உறவுகளின் உதவிகளே பெரிதும் உதவியுள்ளது. அதே நேரம் மீண்டும் நேசக்கரத்துடன் இணைந்து உதவிய இங்கிலாந்து உறவுகளிற்கும் சிறப்பான நன்றிகள்.