கல்முனை உவெஸ்லி உயர்தரப் பாடசாலையில் விஞ்ஞானப்பிரிவில் கல்வி பயிலும் நடராஜா சஞ்ஜீவநாத் என்ற மாணவன் சூரிய சக்தியில் இயங்கும் மோட்டார் கார் ஒன்றைக் கண்டுபிடித்து சாதனை படைத்துள்ளார்.

திருக்கோவிலைச் சேர்ந்த இம்மாணவன் புதிய கண்டுபிடிப்புகளை கண்டு பிடிப்பதில் மிகுந்த ஆர்வம் கொண்டவர்.சுற்றுப்புறச் சூழலுக்கு பாதிப்பு ஏற்படாவண்ணம் சூரிய சக்தியில் இயங்கும் இம் மோட்டார் கார் கண்டு பிடித்ததன் மூலம் தமது கல்லூரிக்கு பெருமை சேர்த்துள்ளதாக பாடசாலையின் அதிபர் வீ.பிரபாகரன் தெரிவித்தார்.

சூழலில் கிடைக்கும் கழிவுப் பொருட்களைக் கொண்டு தயாரிக்கப்பட்டுள்ள இந்த மோட்டார் காரினை தயாரிக்க 22,000 ரூபா செலவு மட்டுமே ஏற்பட்டுள்ளது.இதில் இரண்டு பேர் செல்ல முடியும்.

அத்தோடு அங்கவீனமானவர்களுக்கும் சிறுவியாபாரத்தில் ஈடுபடுவோருக்கும் மிகவும் பொருத்தமானதாகவும் பாதுகாப்பான வாகனமாகவும் உள்ளதாகவும் மணிக்கு 25 கிலோ மீற்றர் வேகத்தில் இது பயணிக்கக் கூடியதாகவும் உள்ளது.

வெகு விரைவில் நீரிலும் நிலத்திலும் செல்லக் கூடிய வாகனம் ஒன்றை தயாரிக்கவு ள்ளதாகவும் இந்த மாணவன் சஞ்ஜீவநாத் தெரிவித்தார்.

http://www.thinakkural.com/images/stories/ArtiImage/other/motocycle.jpg

நடராஜா சஞ்ஜீவநாத்திற்கு வாழ்த்துக்கள். அறிவியல் ரீதியாகவும் பொருளாதார ரீதியாகவும் எங்களை வளர்த்துக் கொள்வது அவசியம்.

வாழ்த்துக்கள் மற்றும் உதவிகள்

Edited May 18, 201114 yr by சிறிலிங்கம்

வாழ்த்து(க்)கள்.

மாணவன் சஞ்ஜீவநாத்துக்கு வாழ்த்துக்கள்.

நடராஜா சஞ்ஜீவநாத்துக்கு, மனமுவர்ந்த பாராட்டுக்கள்.

நீங்கள் கண்டுபிடிக்கும் தொழில் நுட்பங்களின் ரகசியத்தை மிகவும் பேணுவதுடன், அதற்குரிய காப்புரிமையை உலக அளவில் பதிவு செய்து கொள்ளவேண்டியது மிக முக்கியம்.

சூரியசக்தியால் இயங்கும் வாகனத்தை வடிவமைத்து தமிழ் மாணவன் சாதனை

news

சூரியசக்தியால் இயங்கும் வாகனத்தை வடிவமைத்து தமிழ் மாணவன் சாதனை படைத்துள்ளார்.

அம்பாறை, திருக்கோவிலைச் சேர்ந்த கபொ.த சாதாரண தர வகுப்பு தமிழ் மாணவர் ஒருவரே இச் சாதனையைப் படைத்தவராவார்.

கல்முனை மேற்கு கல்லூரியில் கல்வி கற்கும், நடராஜா சஞ்ஜீவநாத் என்ற மாணவரே இந்த வாகனத்தை வடிவமைத்துள்ளார்.

தேவையில்லாமல் கழித்து ஒதுக்கப்பட்ட பழைய உதிரிப்பாகங்களைக் கொண்டே இந்த சூரியசக்தியால் இயங்கும் இந்த வாகனம் வடிவமைக்கப்பட்டுள்ளது.

இந்த வாகனத்தை வடிவமைக்க இவர் 22ஆயிரம் ரூபாவையே செலவிட்டுள்ளார்.

இதனை மாற்றுத் திறனாளிகளும் பயன்படுத்த முடியும் என்று அந்த மாணவன் தெரிவித்துள்ளார்.

நீரிலும் நிலத்திலும் பயணம் செய்யக் கூடிய வகையில், இந்த வாகனத்தை மாற்றியமைக்க முடியும் என்றும் அவர் நம்பிக்கை வெளியிட்டுள்ளார்.

07 ஜுன் 2011, செவ்வாய் 9:30 மு.ப

uthayan.