எம் கரும்புலிகளே! ஜீலை 5 2007

இருளகற்ற கரும்புலியாய் சென்றார்கள்!

விடியலுக்கு விளக்காகி நின்றார்கள்

'சாவினை' இவர்கள் தான் வென்றார்கள்- வீர

சரித்திரத்தில் பேரெழுதிச் சென்றார்கள்!

சந்தனமேனிதனில் கந்தகத்தை கட்டியே

களம் நாடிச் சென்றார்கள்! காடையர்

கயவர்கள் கூட்டத்தை வெடி மருந்துக்கு

பொடியாக்கி வென்றார்கள்!

அஞ்சாத தலைவனின் பாதையிலே- நடை

போடும் எங்களின் வீரர்களே!

உங்களின் நெஞ்சுரம் யார்க்கு வரும்? உங்கள்

தியாகமே "ஈழத்தை" வென்று தரும்!

தேசத்தின் புயலாக வீசுகின்ற- கரும்

புலியே! கடும்பகையைக் கொளுத்துகின்ற

எரிமலையே! எம் ஈழச் சோதரரே! -ஈழ

வரலாற்றின் நிலையான வேதங்களே!

உங்களை நினைப்பதற்காய் நாளெதற்கு?

நீங்களே விடியலின் சுடர் விளக்கு

உங்களால் விடிந்திடும் நம் கிழக்கு!

வந்திடுமோ ஓர் துயரம் இனி நமக்கு?

நன்றி!!

அஞ்சாத தலைவனின் பாதையிலே- நடை

போடும் எங்களின் வீரர்களே!

உங்களின் நெஞ்சுரம் யார்க்கு வரும்? உங்கள்

தியாகமே "ஈழத்தை" வென்று தரும்!

எங்களை வாழ வைக்க..தங்களையே அர்ப்பனித்தவர்கள்.

இங்கிருக்கும் எங்களில் பலர் இன்னும் அவர்களின் தற்கொடையை செய்தியாகத் தான் நோக்குகின்றோம்.

மைந்தர்களுக்கு எங்களது வீர அஞ்சலி.....

Edited July 5, 200718 yr by Valvai Mainthan

கடலோடு கடலாகவும், மண்ணோடு மண்ணாகவும், காற்றோடு காற்றாகவும் சங்கம்மாகி விட்ட அனைத்து கரும்புலிகளுக்கும் எமது வீரவணக்கங்கள்.

Edited July 5, 200718 yr by yarlkavi

இது கவிதை அல்லாவிடினும்

இரகசியப் பணியின் பெறுமதி

போராளி ஒருவர் தமிழீழத்தின் வெளிப்பகுதி ஒன்றில் இரகசியப் பணி ஒன்றில் ஈடுபட்டுக்கொண்டிருந்தார். அப்போராளி இரகசிப் பணியில் ஈடுபட்டிருப்பது போராளியின் தாய்க்கு தெரியும். தாய் தமிழீழப் பகுதியில் வசித்து வருபவர். ஒருமுறை தமிழீழப் பகுதிக்கு வெளியே சென்றபோது எதிர்பாராத முகமாக தன் மகனைக் காண்கின்றாள். மகனோ ஒரு இரகசியப் பணியில் ஈடுபட்டுக்கொண்டிருப்தை நன்கு அறிந்த தாய் அனுடன் கதைப்பதால் தனது மகனுக்கு ஏதாவது ஆபத்து வந்துவிடுமோ என அஞ்சி மகனைப் பார்த்தும் கதைக்கவில்லை.

அவனும் தாயைக் கண்டுவிட்டான். ஆனால் அவன் பேசுவதைத் தவிர்த்துக் கொண்டான். ஒரு பார்வையுடன் இருவரும் பிரிந்து விட்டார்கள். தாயோ தமிழீழத்தில் உள்ள தனது வீட்டுக்கு வந்துவிட்டார்.

அதற்குப் பிறகு தான் பெற்ற பிள்ளையைக் பார்க்கவில்லை. அன்று ஒருநாள் தமிழீழத்திற்கு வெளியே தமிழீழ விடுதலைப் போராட்டத்திற்கு பலம் சேர்க்கும் சம்பவம் நடந்தது. அந்த சம்பவத்தை தொலைக்காட்சியில் பார்த்துக்கொண்டிருந்த அந்த தாயினால் தனது கண்களையே நம்பமுடியவில்லை.

நம்பித்தான் ஆகவேண்டும் வெடிகுண்டு வெடித்து சிதைந்துவிட்ட நிலையில் தனது மகனின் முகத்தை தொலைக்காட்சியில் பார்த்துவிட்டாள்.

மகன் தனது தேசத்திற்காகவும் தனது மக்களுக்காகவும் தன்னை இரகசியாக அர்பணித்தை உணர்ந்துகொண்டாள். ஆனாலும் தனது கணவருக்கு கூட கூறவில்லை. தனக்குள்ளேயே இரகசியத்தைப் பூட்டி வைத்தாள். அந்த இரகசியப் பணியின் பெறுமதி அந்த தாயுக்கு நன்கு தெரியும். அந்த தாயையும் மகனையும் சாதாரண மனிதப் பிறவிகளாக கணிப்பிட்டுவிடலாமா?

- சூரியன்

கரு வேங்கைகள்

தமிழ்த்தாய் பெற்றெடுத்த

நெருப்பு புதல்வர்கள்

தேசத்தின் மீதான நேசத்தால்

கெந்தக வாசமாய்

காற்றோடு கலந்தவர்கள்

எம் சுவாசத்தில்

என்றும் நிறைந்தவர்கள்

உயிரை ஆயுதமாக்கி

எம்மை காப்பவர்கள்

காலனே உன்னை

கட்டுப்படுத்த முடியாது

உங்கள் தியாகம்

எம்மை காத்து நிற்கும்

உயிர்த்தீயால் எமக்கு

உறுதியளிப்பவர்கள்

விடுதலைக்கு

பாதைகாட்டுபவர்கள்

இருண்ட எமது தேசத்தில்

உம்மை நினைக்கின்றோம்

கண்ணீர்த் துளிகளோடு

கண்ணீர் துளியில் தெறிக்கின்றது

உங்கள் உயிரின் ஒளி

அதில் மிளிர்கிர்றது எம் தேசம்.

கம்பீரமாக.

உள்ளிருந்து நெருப்பொன்று

உக்கிரமாய் எரியும்

வெளிவிழுந்து அதன் தணல்கள்

விடுதலைச்சடர் ஏற்றும்