nunavilan

கருத்துக்கள நிர்வாகம்
  • Content Count

    40,018
  • Joined

  • Days Won

    27

Everything posted by nunavilan

  1. வெளிநாடுகளிடமுள்ள பொருளாதார கேந்திரங்களை மீட்போம் – கோத்தா முன்னாள் அதிபர் மகிந்த ராஜபக்ச அரசாங்கம், சிறிலங்காவின் பொருளாதார முக்கியத்துவம் வாய்ந்த இடங்களை ஒருபோதும் வெளிநாடுகளுக்கு வழங்கவில்லை என்று பொதுஜன பெரமுனவின் அதிபர் வேட்பாளர் கோத்தாபய ராஜபக்ச தெரிவித்துள்ளார். அவிசாவளையில் நேற்று நடந்த மக்கள் ஐக்கிய முன்னணியின் மாநாட்டில் உரையாற்றிய போதே அவர் இவ்வாறு தெரிவித்துள்ளார். “பொருளாதார முக்கியத்துவம் வாய்ந்த இத்தகைய இடங்கள் இப்போது வெளிநாடுகளின் கைகளில் உள்ளன. சிறிலங்கா தற்போது, பல்வேறு சக்திகளின் அழுத்தங்களுக்கு உட்பட்டுள்ளது. இந்த சக்திகளின் தலையீடுகளில் இருந்து சிறிலங்காவினால் விலகிக் கொள்ள முடியாது. எதிர்காலத்தில் நிறுவப்படும் பொதுஜன பெரமுன அரசாங்கத்தினால், பொருளாதார முக்கியத்துவம் வாய்ந்த இந்த இடங்கள் மீட்டெடுக்கப்படும். தேசிய பாதுகாப்பை மீட்டெடுப்பதுடன், எதிர்காலத்தில் மக்களை மையமாகக் கொண்ட பொருளாதாரத்தை அபிவிருத்தி செய்யவுள்ளதாகவும் அவர் தெரிவித்தார். http://www.puthinappalakai.net/2019/09/08/news/39914
  2. ‘மொட்டு’ சின்னத்தை கைவிட முடியாது – கோத்தா மொட்டு சின்னத்தைக் கைவிட்டு, வேறோரு பொதுச் சின்னத்தில் போட்டியிட வேண்டும் என்ற, சிறிலங்கா சுதந்திரக் கட்சியின் நிபந்தனையை பொதுஜன பெரமுனவின் அதிபர் வேட்பாளர் கோத்தாபய ராஜபக்ச நிராகரித்துள்ளார். கொழும்பு ஆங்கில வாரஇதழ் ஒன்று இந்த தகவலை வெளியிட்டுள்ளது. “சிறிலங்கா பொதுஜன பெரமுன தனது மொட்டு சின்னத்தை மாற்றி, வேறொரு பொதுச் சின்னத்தில் போட்டியிட வேண்டும் என்று சிறிலங்கா சுதந்திரக் கட்சியின் பொதுச்செயலர் தயாசிறி ஜயசேகர இப்போது வலியுறுத்துகிறார். இது கடினமான நிபந்தனை என்பது தெளிவாகத் தெரிகிறது. அந்த சின்னம், இப்போது, அவர்களின் அடையாளமாக மாறியிருக்கிறது. அதனை கட்சி அடையாளம் கண்டுள்ளது. மொட்டு சின்னத்துக்கு மாற்றுச் சின்னத்தில் போட்டியிடுவது பற்றி கோரிக்கை விடுக்கப்பட்ட போது, முதலில் அதனை ஜி.எல்.பீரிசும், பசில் ராஜபக்சவும் நிராகரித்திருந்தனர். கடந்தவாரம் பொதுஜன பெரமுனவின் அதிபர் வேட்பாளர் கோத்தாபய ராஜபக்சவுடன் நடத்திய சந்திப்பின் போது, இந்த விவகாரத்தை தயாசிறி ஜயசேகர மீண்டும் கையில் எடுத்தார். எனினும், அதற்கு கோத்தாபய ராஜபக்ச, சின்னத்தை மாற்றுகின்ற பேச்சுக்கே இடமில்லை என்று நிராகரித்து விட்டார். ‘பொதுஜன பெரமுனவின் உறுப்புரிமையைப் பெற்றுக் கொள்ளாமலேயே அந்தக் கட்சி என்னை அதிபர் வேட்பாளராக நிறுத்தியுள்ளது. மொட்டு சின்னம் நாடெங்கும் எமது சின்னமாக அங்கீகரிக்கப்பட்டுள்ளது. அதனை மாற்ற முடியாது” என்று அவர் திட்டவட்டமாக தெரிவித்துள்ளார் என, கொழும்பு ஆங்கில வாரஇதழ் தெரிவித்துள்ளது. http://www.puthinappalakai.net/2019/09/08/news/39919 ‘மொட்டு’ க்கு செக் வைக்கும் ‘கை’ – கோத்தாவை ஆதரிக்க நிபந்தனை மொட்டு சின்னத்தில் போட்டியிட்டால் கோத்தாபய ராஜபக்சவுக்கு ஆதரவளிக்க முடியாது என்றும், கை அல்லது வேறு சின்னத்தில் போட்டியிட்டாலேயே அவருக்கு ஆதரவு அளிக்க முடியும் என்றும் சிறிலங்கா சுதந்திரக் கட்சி நிபந்தனை விதித்துள்ளது. சிறிலங்கா சுதந்திரக் கட்சிக்கும், பொதுஜன பெரமுனவுக்கும் இடையில் எட்டு சுற்றுப் பேச்சுக்கள் இடம்பெற்றுள்ள போதும், இதுவரை இணக்கப்பாடு எட்டப்படவில்லை. நேற்று முன்தினம் இரண்டு தரப்புகளும் நீண்ட பேச்சுக்களை நடத்திய பின்னர், கருத்து வெளியிட்ட கோத்தாபய ராஜபக்ச இந்தப் பேச்சுக்கள் சாதகமாக இருந்தன என்றும், சுதந்திரக் கட்சியின் ஆதரவு தமக்கு கிடைக்கும் என்றும் கூறியிருந்தார். எனினும், கோத்தாபய ராஜபக்சவுக்கு ஆதரவளிக்க, சிறிலங்கா சுதந்திரக் கட்சி முக்கிய நிபந்தனை ஒன்றை விதித்துள்ளது. கோத்தாபய ராஜபக்ச, சிறிலங்கா சுதந்திரக் கட்சியின் கை சின்னத்தில் போட்டியிட வேண்டும் அல்லது வேறொரு பொதுச் சின்னத்தில் போட்டியிட வேண்டும் என்று சுதந்திரக் கட்சி கோரியிருப்பதாக அந்தக் கட்சியின் மூத்த நாடாளுமன்ற உறுப்பினர் ஒருவர் தெரிவித்துள்ளார். ”கோத்தாபய ராஜபக்சவுடனான சந்திப்பின் போது, அதிபர் தேர்தலில் வேறு பொதுவான சின்னத்தில் போட்டியிடுமாறு கேட்டோம். இதனை அவர் ஏற்றுக்கொண்டால், கோத்தா பய ராஜபக்சவை சிறிலங்கா சுதந்திரக் கட்சியின் துணைத் தலைவராக நியமிக்க நாங்கள் விருப்பம் தெரிவித்தோம். பொதுஜன பெரமுனவின் மொட்டு சின்னத்தில், போட்டியிடும் அதிபர் வேட்பாளரை ஆதரிக்க சிறிலங்கா சுதந்திரக் கட்சி உடன்படவில்லை” என்றும் அவர் தெரிவித்துள்ளார். http://www.puthinappalakai.net/2019/09/08/news/39917
  3. பலாலியில் இருந்து கொச்சின், மும்பை, டெல்லிக்கே விமான சேவை யாழ்ப்பாணத்துக்கும் இந்தியாவுக்கும் இடையிலான விமான சேவைகள் ஆரம்பிக்கப்படுவதுடன், பலாலி அனைத்துலக விமான நிலையம் வரும் ஒக்ரோபர் 16ஆம் நாள் செயற்பட ஆரம்பிக்கும் என்று சிறிலங்கா விமான சேவைகள் அதிகார சபையின் தலைவர் எச்எம்சி நிமலசிறி தெரிவித்துள்ளார். ”பலாலி விமான நிலையத்தை இயக்குவதற்கான ஏற்பாடுகள் அனைத்தும் இறுதி செய்யப்பட்டுள்ளன. பலாலியில் இருந்து கொச்சின், மும்பை, புதுடெல்லிக்கு விமானங்கள் இயக்கப்படும்.” என்றும் அவர் தெரிவித்துள்ளார். அதேவேளை, இந்தியாவின் அலையன்ஸ் எயர் மற்றும் இன்டிகோ ஆகிய நிறுவனங்கள் பலாலியில் இருந்து விமான சேவைகளை ஆரம்பிக்க பேச்சுக்களை நடத்தி வருவதாக போக்குவரத்து மற்று விமான சேவைகள் அமைச்சு வட்டாரங்கள் தெரிவித்துள்ளன. அதற்குப் பின்னர் ஏனைய பிராந்திய விமான சேவைகள் யாழ்ப்பாணத்தில் இருந்து ஆரம்பிக்கப்படவுள்ளன. இதற்கிடையே, பலாலி விமான நிலையத்தில் பணியாற்றுவதற்குத் தேவையான தமது திணைக்களத்தின் அதிகாரிகள் யாழ்ப்பாணத்துக்கு அனுப்பி வைக்கப்பட்டுள்ளதாக குடிவரவு, குடியகல்வு திணைக்களத்தின் கட்டுப்பாட்டாளர் பசன் ரத்நாயக்க தெரிவித்துள்ளார். சுங்கத் திணைக்களமும் பலாலியில் தமது நடவடிக்கைகளை மேற்கொள்வதற்கான ஆயத்தங்களை மேற்கொண்டு வருகிறது. அதேவேளை, பலாலி விமான நிலையத்தில் சுங்கத் தீர்வையற்ற வணிக நிலையமும், அமைக்கப்படவுள்ளது. http://www.puthinappalakai.net/2019/09/08/news/39922
  4. ரணிலுக்கும் கட்சியில் ஒரே சட்டம் தான்- சுஜீவ சேனசிங்க கருத்து ஐக்கிய தேசியக் கட்சியின் தலைவர் ரணில் விக்ரமசிங்கவுக்கு ஜனாதிபதி வேட்பாளராக வர எதிர்பார்ப்பு இருந்தால், அவரது தீமானத்தை மத்திய செயற்குழுவுக்கு தெரிவிக்கவே முடியும் எனவும், மத்திய செயற்குழுவே அது தொடர்பில் தீர்மானத்தை எடுக்கும் எனவும் அமைச்சர் சுஜீவ சேனசிங்க தெரிவித்தார். இதேவேளை, ஐக்கிய தேசியக் கட்சியின் சிரேஸ்ட உறுப்பினர்களின் கலந்துரையாடலில் பிரதமர் ரணில் விக்ரமசிங்கவை ஜனாதிபதி வேட்பாளராக பெயரிட வேண்டும் என கலந்துரையாடவில்லையெனவும் அமைச்சர் கபீர் ஹாசிம் சுட்டிக்காட்டினார். கொழும்பு சுகததாச விளையாட்டரங்கில் நேற்று இடம்பெற்ற மாகாண மற்றும் உள்ளுராட்சி சபைப் பிரதிநிதிகள் மாநாட்டில் உரையாற்றும் போதே அவர் இதனைக் கூறினார். http://www.dailyceylon.com/189037/
  5. போர்க்குற்ற விசாரணையில் நம்பத்தன்மை இலங்கை இராணுவம் நடத்திய கொழும்பு பாதுகாப்புக் கருத்தரங்கில் பங்கேற்பதற்காக வந்திருந்த தெற்காசிய பாதுகாப்பு விவகாரங்கள் குறித்த ஆய்வாளரும், இலங்கையில் இந்திய அமைதிப்படையில் பணியாற்றியவருமான மேஜர் ஜெனரல் அசோக் மேத்தா, போர்க்குற்ற விசாரணைகள் நடத்தப்பட வேண்டியது முக்கியமானது என்பதை வலியுறுத்தியிருக்கிறார். கொழும்பு பாதுகாப்புக் கருத்தரங்கில் அவர் இதனை வலியுறுத்தவில்லை. அதற்கு வெளியே, ஆங்கில நாளிதழ் ஒன்றிடம் இந்தக் கருத்தை அவர் வெளியிட்டிருக்கிறார். அண்மையில், இலங்கையின் இராணுவத் தளபதியாக லெப்.ஜெனரல் சவேந்திர சில்வா நியமிக்கப்பட்டதை அடுத்து, போர்க்குற்ற விசாரணைகள் பற்றிய விவகாரம் மீண்டும் சூடுபிடித்திருக்கிறது. நம்பகமான போர்க்குற்றச்சாட்டுக்கு உள்ளாகியுள்ள லெப்.ஜெனரல் சவேந்திர சில்வா இராணுவத் தளபதியாக நியமிக்கப்பட்டது குறித்து அமெரிக்கா, கனடா, ஐரோப்பிய ஒன்றிய நாடுகள் கவலை வெளியிட்டன. ஐ.நா அமைப்புகளும் எதிர்ப்பை வெளிப்படுத்தின. ஆனாலும், இராணுவத் தளபதி நியமனத்தில் வெளியார் எவரும் தலையிடும் உரிமை கிடையாது என்றும், அது நாட்டின் இறைமைக்குரிய விவகாரம் என்றும் அரசாங்கம் நிராகரித்து விட்டது. லெப்.ஜெனரல் சவேந்திர சில்வாவுக்கு எதிராக சுமத்தப்படும் குற்றச்சாட்டுகள் குறித்து எந்த விசாரணைகளும் நடத்தப்படாமலேயே அது பொய்யானது என்றும், அது நிரூபிக்கப்பட்டு விட்டது என்றும் அரச தரப்பிலுள்ளவர்கள், எதிர்க்கட்சியில் உள்ளவர்கள் பலர் கூறியிருந்தனர். ஆனால், இதுவரையில் போர்க்குற்றச்சாட்டுகள் தொடர்பான நம்பகமான எந்தவொரு விசாரணைகளையும் அரசாங்கம் நடத்தவேயில்லை என்பது தான் உண்மை. 2015இல் ஜெனிவாவில், இலங்கை அரசாங்கம் வெளிநாட்டு நீதிபதிகள், விசாரணையாளர்கள், வழக்குத்தொடுனர்களை உள்ளடக்கிய – சுயதீனமான நம்பகமான விசாரணைகளை நடத்துவதற்கு இலங்கை அரசாங்கம் இணக்கம் தெரிவித்தது. அதற்குப் பின்னர், வெளிநாட்டு நீதிபதிகளை விசாரணைகளில் அனுமதிக்க முடியாது என்று அடம் பிடித்ததே தவிர, உள்நாட்டு விசாரணையையேனும் நடத்த முற்படவில்லை. காலத்தைக் கடத்துவதில் கவனம் செலுத்துகிறதே தவிர, போர்க்குற்றச்சாட்டுகள், மனித உரிமை மீறல்கள் பற்றிய குற்றச்சாட்டுகள் குறித்த எந்த விசாரணைகளுக்கும் அரசாங்கம் இன்று வரை தயாராக இல்லை. இந்த விடயத்தில், பாதிக்கப்பட்ட மக்களுக்கு நீதியைப் பெற்றுக் கொடுத்தல், சர்வதேசத்துக்கு அளித்த வாக்குறுதியை நிறைவேற்றுதல் ஆகிய இரண்டிலுமே இலங்கை அரசாங்கம் தோல்வியைச் சந்தித்திருக்கிறது. அரசாங்கத்துக்குள் இருக்கும் உள்ளக மோதல்களை பயன்படுத்தி, பிரதமர் ரணில் தரப்பும், ஜனாதிபதி மைத்திரிபால தரப்பும் இதற்கு தாம் காரணமல்ல, மறு தரப்பே காரணம் என்று குற்றம்சாட்டுவதில் கவனமாக இருக்கின்றன. இரண்டு பேரும் இணைந்து அங்கம் வகித்த அரசாங்கத்தின் வாக்குறுதியை நிறைவேற்ற வேண்டும் என்ற கரிசனையோ பொறுப்போ இரு தரப்புகளிடமும் இல்லை. இவ்வாறானதொரு சூழ்நிலையில் தான், லெப்.ஜெனரல் சவேந்திர சில்வா இராணுவத் தளபதியாக நியமிக்கப்பட்டார். வாக்குறுதிகளை நிறைவேற்றாமல் இழுத்தடித்து வந்த அரசாங்கத்துக்கு, கட்டுப் போடுவதற்கான ஒரு சந்தர்ப்பமாக, இதனை மேற்குலக நாடுகளும், ஐ.நாவும் பயன்படுத்திக் கொண்டன. தற்போதைய அரசாங்கத்தின் பதவிக்காலம் முடிவுக் கட்டத்தை நெருங்கிக் கொண்டிருக்கின்ற இந்தச் சூழலில், இந்த அரசாங்கத்திடம் போர்க்குற்ற விசாரணைகளை நடத்துமாறு கோருவதோ, கொடுத்த வாக்குறுதியை நிறைவேற்றுமாறு கோருவதோ அர்த்தமற்றது. ஏனெனில், இந்த அரசாங்கம் பதவியில் இருந்த நான்கரை ஆண்டுகளிலும் அதனை செய்யத் தவறிவிட்டது. இனிமேல் அதனைச் செய்யப் போவதும் இல்லை. அதற்கான காலஅவகாசமும் இல்லை. நீடித்த சமாதானத்துக்கு, நிலைமாறுகால நீதி மற்றும் நல்லிணக்கம் என்பன முக்கியமான அம்சங்கள் எனக் கூறியுள்ள மேஜர் ஜெனரல் அசோக் மேத்தா, அதனை இலங்கை அரசாங்கம் தீவிரமாக பின்பற்றுவதை அவதானிக்க முடியவில்லை என்று கூறியிருக்கிறார். இந்தநிலையில் தான், புதிய அரசாங்கம் போர்க்குற்றச்சாட்டுகள் குறித்த விசாரணைகளை நடத்த வேண்டும் என்பதை அவர் வலியுறுத்திக் கூறியிருக்கிறார். அதற்கான சில ஆலோசனைகளையும் அவர் முன்வைத்திருக்கிறார். ‘நல்லிணக்கம் மற்றும் நிலைமாறுகால நீதிக்கு ஒரு முழு செயல்முறை உள்ளது, அது முதலில் தொடங்கப்பட வேண்டும். அடுத்ததாக, தீவிரமாகவும், நேர்மையாகவும் அதனை நடைமுறைப்படுத்த வேண்டும்” என்றும் அவர் கூறியிருக்கிறார். இராணுவத் தளபதி லெப்.ஜெனரல் சவேந்திர சில்வாவுக்கு எதிரான குற்றச்சாட்டுகள் மாத்திரமன்றி, ஒட்டுமொத்தமாக இராணுவத்துக்கு எதிராக சுமத்தப்படுகின்ற போர்க்குற்றச்சாட்டுகள் குறித்தும் புதிய அரசாங்கத்தினால் விசாரிக்கப்பட வேண்டும் என்பதே மேஜர் ஜெனரல் அசோக் மேத்தாவின் நிலைப்பாடாக உள்ளது. ஆனால், ஐ.நாவுக்கு கொடுக்கப்பட்ட வாக்குறுதிகளுக்கு அமைய, விசாரணைகள் நடத்தப்பட வேண்டும் என்பதை வலியுறுத்தியிருக்கின்ற அவர், இந்த போர்க்குற்ற விசாரணைகள், வெளிநாட்டுப் பங்களிப்புடன் தான் நடக்க வேண்டும் என்பதை வலியுறுத்தவில்லை. அவரைப் பொறுத்தவரையில் போர்க்குற்ற விசாரணைகள் வெளிப்படையானதாகவும், நேர்மையானதாகவும் இருக்க வேண்டும் என்பதே தவிர, வெளிநாட்டு பங்களிப்பின் அவசியத்தில் ஆர்வம் காட்டவில்லை. உள்நாட்டு விசாரணைகளை நடத்துவது முக்கியம் என்பது அவரது கருத்தாக உள்ளது. ஒரு நாடு வெளிப்படையான, நியாயமான, நம்பகமான சொந்த செயல்முறையைக் கொண்டிருப்பதற்கு முற்றிலும் சட்டபூர்வ உரிமை உள்ளது என்று மேஜர் ஜெனரல் அசோக் மேத்தா கூறியிருக்கிறார். இவரது இந்தக் கருத்தை இப்போதைய அரசாங்கமும் சரி, புதிதாக பொறுப்புக்கு வரப்போகும் அரசாங்கமும் சரி, காது கொடுத்துக் கேட்குமா என்பது சந்தேகம் தான். ஏனென்றால், போர்க்குற்றங்களை முற்றாக நிராகரித்த முன்னைய அரசாங்கம், போர் முடிந்து ஐந்து ஆண்டுகளாக, குற்றச்சாட்டுகளை விசாரிக்க நம்பகமான எந்த முயற்சியையும் முன்னெடுக்கவில்லை. போரின் போது மீறல்கள் நிகழ்ந்துள்ளன என்பதை ஏற்றுக்கொண்ட தற்போதைய அரசாங்கமும், அதனை விசாரிக்கவோ, குற்றவாளிகள் மீது நடவடிக்கை எடுக்கவோ முற்படவில்லை. ஆக, இரண்டு தரப்புகளும் காலத்தைக் கடத்தி இந்த விவகாரத்தை மறந்து போகச் செய்வதில் அக்கறை கொண்டிருந்தனவே தவிர, நம்பகமான ஒரு பொறிமுறையை உருவாக்கி பிரச்சினையைத் தீர்க்கும் முயற்சியில் ஈடுபடவில்லை. இந்தநிலையில், புதிய அரசாங்கத்தை இந்த இரண்டு தரப்புகளைத் தாண்டி- மூன்றாவது தரப்பு ஒன்று அமைக்கப் போவதில்லை என்பது உறுதி. எனவே, கடந்த 10 ஆண்டுகளில் இந்த விசாரணைகளை நடத்தாமல் வெற்றிகரமாக இழுத்தடித்து வந்துவிட்டனர், அடுத்த அரசாங்கத்தில் அதனை நடத்துவார்கள் என்று எதிர்பார்ப்பது முட்டாள்தனம். இது ஒரு புறத்தில் இருக்க, மேஜர் ஜெனரல் அசோக் மேத்தா கூறியிருப்பது போல, உள்நாட்டு விசாரணையை நம்பகமாக நடத்தும் தகைமையை இலங்கை கொண்டிருக்கிறதா என்பதையும் சற்று கவனத்தில் எடுத்துக் கொள்ள வேண்டியுள்ளது. கடந்த ஏப்ரல் 21ஆம் திகதி ஈஸ்டர் தினத்தன்று நிகழ்த்தப்பட்ட குண்டுவெடிப்புகள் தொடர்பாக, உண்மையான குற்றவாளிகளை கண்டறியும் நியாயமான விசாரணைகள் நடத்தப்படவில்லை என்பது பொதுவான குற்றச்சாட்டாக இருந்து வருகிறது. சிறப்பு ஜனாதிபதி விசாரணைக் குழு ஒன்று விசாரணை நடத்தி அறிக்கை கொடுத்தது. இந்தக் குழுவின் பரிந்துரைகளின் அடிப்படையில் சில நடவடிக்கைகைள ஜனாதிபதி மைத்திரிபால சிறிசேன எடுத்த பின்னர் தான், அந்தக் குழு அமைக்கப்பட்டதே சட்டப்படி செல்லாது என்று ஒத்துக் கொண்டிருக்கிறார் அந்தக் குழுவின் தலைவர். நாடாளுமன்ற தெரிவுக்குழு மற்றொரு விசாரணையை நடத்திக் கொண்டிருக்கிறது, பொலிஸ் மற்றும் புலனாய்வு அமைப்புகளும் தனித்தனியாக விசாரணைகளை நடத்துகின்றன. இவை போதாது என்று தாங்கள் ஆட்சிக்கு வந்ததும் புதிய விசாரணை நடத்தப்படும் என்று மகிந்த ராஜபக்சவும் கூறியிருக்கிறார். தற்போதைய விசாரணைகளில் நம்பிக்கையில்லை, சுதந்திரமான விசாரணைக் குழுவொன்றை நியமிக்குமாறு பேராயர் மல்கம் ரஞ்சித் கோரியிருந்தார். அதனை ஏற்றுக் கொள்வதாக பொதுஜன பெரமுனவின் ஜனாதிபதி வேட்பாளர் கோத்தாய ராஜபக்ச கூறியிருக்கிறார். ஆக, 21/4 தாக்குதல்கள் தொடர்பாக மேற்கொள்ளப்படும் உள்ளக விசாரணைகள் பல தரப்பினருக்கு நம்பகமானதாக இருக்கவில்லை. பலருக்கு அதிருப்தியை ஏற்படுத்தியிருக்கிறது. இவ்வாறான நிலையில், போர்க்குற்றச்சாட்டுகள் குறித்த உள்ளக விசாரணை மீது, பாதிக்கப்பட்ட தரப்பினரான தமிழ் மக்கள் நம்பகமான விசாரணையை கோருவதும், அது வெளிநாட்டுப் பங்களிப்புடன் இருக்க வேண்டும் என்று எதிர்பார்ப்பதிலும் எந்த தவறும் இல்லை. உள்ளக விசாரணைகளின் மீது நம்பிக்கை கொள்ளக் கூடிய வகையில் நேர்மையுடனும் பக்கசார்பின்றியும் செயற்பட முடியும் என்ற உறுதியைக் கொடுக்க முடியாத ஒரு அரசாங்கத்திடம் இருந்து, மக்கள் வெளியில் இருந்தே நீதியை எதிர்பார்ப்பார்கள். அதனை தான் போர்க்குற்ற விசாரணைகளிலும் எதிர்பார்க்கிறார்கள். -சுபத்ரா வழிமூலம் – வீரகேசரி வாரவெளியீடு
  6. “I freaked out,” 17-year-old Maitreyi Ramakrishnan said about nabbing the lead role in the as-yet-unnamed Netflix comedy series. Kaling held open casting for the part in April. The show is inspired by Kaling’s own childhood, centring on Devi, a modern-day, first-generation Indian-American teen. The teen spoke to CBC’s Metro Morning about taking on the role.
  7. Canada, Ontario, Mississaugaஐச் சேர்ந்த 19 வயது Bianca Andreescu மகளிருக்கான US Open Tennis போட்டியில், தனிநபர் Grand Slam பட்டத்தை வென்ற முதல் கனேடியராகியுள்ளார். இன்று நடந்த இறுதிப்போட்டியில் உலகின் முதல்தர மற்றும் அதிகூடிய 39 Grand Slam பட்டங்களை வென்ற, 37 வயதான Serena Williamsஐ, 6-3, 7-5 என்ற செட்களில் தோற்கடித்து வெற்றிபெற்றுள்ளார். இந்த வெற்றியின் மூலம், WTA தரவரிசையில் 15வது இடத்தில் இருந்த Bianca, 5வது இடத்துக்கு முன்னேறியுள்ளார். அத்துடன் US$3.85million பரிசுப் பணமும் கிடைத்துள்ளது. இந்த வெற்றிக்காக கடுமையாக உழைத்த Bianca, இந்த நிமிடத்துக்காகவே காத்திருந்ததாகவும், வார்த்தைகளால் விபரிக்க முடியாவிட்டாலும், தனது கனவு நனவான நாள் என்று மகிழ்ச்சியோடு கூறினார்.
  8. ‘வேப்பிங்’ (Vaping) புகைத்தலால் அமெரிக்காவில் ஐவர் மரணம்! ‘வேப்பிங்’ எனப்படும் புகைத்தலினால் அமெரிக்காவில் இது வரையில் 5 பேர் மரணமடைந்திருக்கிறார்கள் என அதிகாரிகள் தெரிவிக்கின்றனர். சமீப காலங்களில் நூற்றுக்கணக்கானோர் சுவாசப் பை தொடர்பான வியாதிகளுடன் மருத்துவமனைகளில் அனுமதிக்கப்பட்டிருந்தாலும் அவர்களது வியாதிகளை சாதாரண தொற்று நோய்கள் எனக் கருதி சிகிச்சை அளிக்கப்பட்டு வந்ததனால் இறந்தவர்களின் எண்ணிக்கை இதைவிட அதிகமாக இருக்கலாம் எனவே கருதப்படுகிறது. சமீப காலங்களில் அனுமதிக்கப்பட்ட நோயாளிகளில் பலர் இளைய வயதினர் எனவும் இஅவர்கள் எல்லோரிலும் காணப்பட்ட பொது அம்சம் இவர்கள் வபிங் என்ற புகைத்தலைச் செய்தவர்கள் என்றும் தெரிய வந்த போது இப் புகைத்தலின் பின்னணி பற்றி அமெரிக்க மருத்துவ சமூகம் ஆராய்தது. மததிய சுகாதார திணைக்களை அதிகாரிகள் மேற்கொண்ட ஆய்வின்படி சந்தையில் காணப்படும் புகைத்தல் கருவிகளில் பாவிக்கும் திரவங்களை ஆராய்ந்து பார்த்ததில் அவை எதிலும் உடலுக்குக் கேடு விளைவிக்கும் பதார்த்தங்கள் காணப்படவில்லை என அறியப்படுகிறது. இருப்பினும் நியூயோர்க்கில் மேற்கொள்ளப்பட்ட ஆய்வுகளில் ஈ-சிகரட் எனப்படும் புகைத்தல் கருவிகளில் பாவிக்கப்படும் சில திரவங்கள் கருப்புச் சந்தையில் விற்கப்படும் விட்டமின் ஈ (vitamin E) எண்ணை எனவும் கண்டுபிடிக்கப்பட்டுள்ளது. கடந்த வெள்ளியன்று கலிபோர்ணியா, மினெசோட்டா மாநிலங்களின் மருத்துவ அதிகாரிகளிடமிருந்து கிடைத்த தகவல்களின்படி அங்கு இருவர் வேப்பிங் காரணமாக மரணமடைந்திருக்கிறார்கல எனவும் அவர்களில் ஒருவர் பாவித்த வேப்பிங் கருவியில் ரி.எச்.சி. (THC) எனப்படும் கஞ்சாவின் மூலப்பதார்த்தம் காணப்பட்டது என அறியப்படுகிறது. மத்திய நோய்க் கட்டுப்பாட்டு மையத்தின் பேச்சாளர் இலியானா அறியாஸ் இன் கருத்துப்படி, இது வரை 450 வேப்பிங் தொடர்பான சுவாச நோய்களுக்கு ஆளாகியிருப்பதாகத் தெரிய வருகிறது. வட கரோலைனா சுவாச நோய் மருத்துவர் டானியல் பொஃக்ஸ் இன் கருத்துப்படி, எண்ணை அல்லது கொழுப்புக் கலந்த பதார்த்தங்களை புகையாக உள்ளிழுக்கும்போது தொற்று நோய் அல்லாத நிமோனியா, (மருத்துவ உலகத்தில் லிபோயிட் நிமோனியா என அழைக்கப்படும்) ஏற்படக் காரணமாக அமையலாம் எனக் கூறுகிறார். நியூயோர்க் சுகாதாரத் திணைக்களத்தின் தரவுகளின்படி வேப்பிங் காரணமாக அனுமதிக்கப்பட்ட 34 நோயாளிகளில் அத்தனை பேரிலும் கஞ்சா தொடர்பான ‘விட்டமின் ஈ’ எண்ணை சம்பந்தப்பட்டிருந்தது எனத் தெரிய வருகிறது. சருமத்தில் பூசப்படும் விட்டமின் ஈ பதார்த்தங்களால் ஆபத்து எதுவுமில்லை என்றும் அது சுவாசத்துடன் கலக்குப்போது தான் பிரச்சினை எனவும் அவர்கள் தெரிவிக்கிறார்கள். அறிகுறிகளாக, சுவாசிக்கக் கஷ்டப்படுவதும், நெஞ்சு வலியும் இருந்தனவென்று பல நோயாளிகள் தெரிவித்திருக்கிறார்கள். ஆனால் பலர் தொற்று நோயாளிகளாகத் தீர்மானிக்கப்பட்டு வேறு வழிகளில் சிகிச்சையளிக்கப்பட்டிருக்கிறார்கள். பிலடெல்பியாவைச் சேர்ந்த 19 வயதுடைய கெவின் பொக்கிளேயர் சுவாசப்பை மாற்றத்திற்காகத் தற்போது ‘கோமா’ வில் வைக்கப்பட்டுள்ளார் என அவரது பெற்றோர் தெரிவிக்கின்றனர். ஸ்ரெறோயிட் போன்ற மருந்துகளால் சிகிச்சையளிக்கப்பட்டுச் சிலர் குண்மாகியிருப்பிநும் சரியாந சிகிச்சை முறை என்னவென்பதை மருத்துவ சமூகம் இன்னும் விவாதித்துக்கொண்டுதான் இருக்கிறது. அவர்கள் இளையவர்களுக்கு விடுக்கும் கோரிக்கை – வேப்பிங் செய்யாதீர்கள்! 2006 இல் சிகரட் குடிப்பதை நிறுத்தவென அறிமுகப்படுத்தப்பட்ட ஈ-சிகரட்டுகளைப் பாவிக்கும் இளைய தலைமுறையினரின் (பெரும்பாலும் பாடசாலை மாணவர்கள்) எண்ணிக்கை 2018 இல் 3.6 மில்ல்யன் எனவும், அதற்கு முதல் வருடத்தில் 1.5 மில்லியன் எனவும் அறியப்படுகிறது. http://marumoli.com/வேப்பிங்-vaping-புகைத்தலால்-அ/
  9. ENTERTAINMENT பொழுதுபோக்கு NEWS இத்தாலிய அழகுராணிப் போட்டியில் இலங்கை வம்சாவளிப் பெண் 30 வருடங்களுக்கு முன்னர் இத்தாலியில் குடியேறிய இலங்கைத் தம்பதிகைன் மகள் செவ்மி தாருகா பெர்ணாண்டோ, இத்தாலிய அழகுராணிப் போட்டியின் இறுதிச் சுற்றுக்குத் தெரிவாகியிருக்கிறார். அழகு கலாச்சாரக் கல்வியில் டிப்ளோமாவைப் பெற்றிருக்கும் 20 வயதுடைய தாருகா, ‘மொடல்’ ஆகப் பணிபுரிகிறார். அவர் வசிக்கும் வெனேற்றோ மாகாணத்தின் அழகுராணியாக முடிசூடப்பட்டிருந்த தாருகா நேற்றிரவு நடைபெற்ற இத்தாலிய அழகுராணிப் போட்டியில் இறுதிச் சுற்றுக்குத் தெரிவாகியிருக்கிறார். பிராந்தியங்களிலிருந்து பங்கு பற்றிய 187 பேரில் இருந்து தெரிவாகிப் பின்னர் நேற்றிரவு பங்கு பற்றிய 80 பேர்களில் இருந்தும் தெரிவாகி இறுதிச் சுற்றுக்குச் செல்கிறார். அவருடைய நிறத்துக்காக அவர் பல தடவைகள் சில இத்தாலியர்களிடமிருந்து துவேஷப் பழிகளுக்கு ஆளாகியும் தன் முயற்சியை நிறுத்தாமல் தொடர்ந்து பங்குபற்றி வருகிறார் என்பது பெருமைக்குரியது. “நான் இன பேதத்துக்கு எதிராகப் போட்டியிடுகிறேனே தவிர, இதர போட்டியாளர்களுக்கு எதிராக அல்ல” என்று கூறுகிறார் தாருகா. இதற்கு முன்னர் 2012 இல் 18 வயதுடைய நயோமி அண்டிபடுகே என்ற இலங்க வம்சாவளிப் பெண்ணும் இத்தாலி அழகுராணிப் போட்டியில் இறுதிச் சுற்றுக்குத் தெரிவாகியிருந்தார் என்பதும் குறிப்பிடத்தக்கது. இத்தாலி அழகுராணிப் போட்டியில் இறுதிச்சுற்றுக்குத் தெரிவாகியிருக்கும் தாருகா பெர்ணாண்டோ http://marumoli.com/இத்தாலிய-அழகுராணிப்-போட்/
  10. Sritharan Gnanamoorthy இனமொன்றின் குரல் Yesterday at 4:44 AM யாழ்ப்பாண மாநகரசபையின் புதிய கட்டடம் கட்டுவதற்கு இரண்டாம் தரம் அடிக்கல் நாட்டுவதற்கு உணவு மண்டப செலவு மட்டும் 2.7 மில்லியன் ரூபா என மதிப்பீடு செய்து இருக்கிறார்கள் .. பந்தல் போட மட்டும் 16 லட்சம் ..மதிய உணவு ஒன்றின் பெறுமதி 2500 ரூபா.இந்த மதிய உணவு 150 பேருக்கு ஏற்பாடு செய்யப்பட்டு இருக்கிறது ..100 ரூபா பெறுமதியான சிற்றுண்டி 2200 பேருக்கு ஏற்பாடு செய்யப்பட்டு இருக்கு என சொல்ல பட்டு இருக்கிறது ..மாநகர வரியிருப்பாளர்களை எப்படி எல்லாம் வஞ்சிக்கிறார்கள் ? பொது நிதியை அரச அதிகாரம் தங்களிடம் இருக்கும் துணிவில் வீண் விரயம் செய்கிறார்கள் பசில் ராஜபக்சே காலத்தில் டக்ளஸ் தேவானந்தா , யோகேஸ்வரி பற்குணராஜா , ஆளுநர் சந்திரசிறி கோஷ்டி இதே அளவு பணத்தை செலவு செய்து முதலாவது அடிக்கல் நாட்டினார்கள் . கட்டடம் கட்டப்படவில்லை .இப்போது அதே கட்டத்திற்கு 2 ஆவது அடிக்கல் நட இப்படி செலவழிக்கிறார்கள் இந்த ஆட்சியில் மாநகர முதல்வர் ஆர்னோல்ட் தனிப்பட்ட பாவனைக்கு 628,000 க்கு கணனி Apple MR924PA/A மாநகர சபை நிதியில் வாங்கி இருக்கிறார் ..வடமாகாணசபை முதல்வருக்கு உரிய வாகனத்தை சட்டவிரோதமாக பயன்படுத்துகிறார்..தனது வெளிநாட்டு பயணத்திற்கு மாநகரசபை பணத்தை பயன்படுத்த துடிக்கிறார் ..இந்த ஆண்டுக்கான வரவு செலவு திட்டத்தை முதன் முதலில் முன் வைத்த பொது உறுப்பினர்களுக்கு கடல் கடந்த பயிற்சி என்கிற பெயரில் 10,000,000 ஒதுக்கி இருந்தார் . தங்களுக்கு படிகள் என்கிற பெயரில் இன்னுமொரு 10,000,000 ஒதுக்கினார் . முதலவர் உபசரனை செலவு என்கிற பெயரில் 500,000 ஒதுக்கி இருந்தார் ..மாநகரசபையின் மொத்த செலவினத்தில் 911,124,000 ரூபாயில் ஆடம்பர செலவுகளுக்கும் வெளிநாட்டு பயணங்களுக்கும் அதிகமாக ஒதுக்கப்பட்டு இருந்தது .. இவளவு அசிங்கங்களை செய்து இந்த ஆர்னோல்ட் என்பவர் இதுவரை சாதித்தது என்ன ? சுமந்திரனுக்கும் UNP அமைச்சர்களுக்கும் அல்லக்கை வேலை பார்த்ததை தவிர வேறு எதையும் செய்யவில்லை .. சபைக்கு சொந்தமான சந்தைகள் இன்னமும் துர்நாற்றம் வீசுகின்றன .நூலகங்கள் போதிய கவனிப்பு இன்றி இருக்கின்றன . கணக்கறிக்கைகள் வெளிப்படை தன்மை பேணப்படுவது இல்லை .குளங்கள் தூர்வாரப்படவில்லை . வடிகாலமைப்பு பற்றி எந்த நடவடிக்கையும் இல்லை . பொதுசுகாதாரம் / குப்பை அகற்றல் என எதிலும் போதிய அக்கறை செலுத்தப்படவில்லை . இன்றைக்கும் யாழ்ப்பாண நகரம் துர்நாற்றம் வீசுகிறது ..கேட்பதற்கு ஆளில்லை சுமந்திரன் போன்ற தமிழரசு தலைமைகளும் இவர்களை போன்றவர்களை தான் வளர்த்து விடுகின்றன . சுகிர்தன் , சயந்தன் , ஆர்னோல்ட் என எந்த சிந்தனையும் இல்லாத ஒரு முட்டாள் அடிமை கூட்டத்தை உருவாக்கி விட்டதன் பலன்கள் தான் இவை
  11. NEWS ரணிலும் களத்தில் குதிக்கிறார்? ஜானதிபதி தேர்தலில் தானும் போட்டியிடவுள்ளதாக பிரதமர் ரணில் விக்கிரமசிங்க தெரிவித்ததாக அறியப்படுகிறது. ஐ.தே.கட்சியின் மூத்த உறுப்பினர்கள் சமூகமளித்திருந்த கூட்டமொன்றில் அவர் இதைத் தெரிவித்ததாக டெய்லி மிரர் செய்தி வெளியிட்டுள்ளது. இதே வேளை கட்சியின் உப தலைவர் சஜித் பிரேமதாச தான் ஜனாதிபதி தேர்தலில் போட்டியிடவிருப்பதாகப் பகிரங்கமாக அறிவித்திருந்ததுடன் பிரசாரக் கூட்டங்களையும் நடத்தி வருகிறார். கட்சி இதுவரை உத்தியோகபூர்வமாக எவரையும் வேட்பாளாராக அறிவிக்காத நிலையில் தந்னையே வேட்பாளராக நியமிக்கும்படி சஜித் கட்சி அங்கத்தவர்களையும், பாராளுமன்ற உறுப்பினர்களையும் கட்சிக்கு அழுத்தம் கொடுக்கும்படி இக்கூட்டங்களை நடத்தி வருகிறார். அடுத்த கூட்டம் குருநாகலில் நடைபெறவிருக்கும் நிலையில் ரணில் இந்த திடீர் அறிவிப்பைச் செய்திருக்கிறார். இக் கூட்டத்தில் அமைச்சர்கள் காபிர் ஹஷிம், லக்ஸ்மன் கிரியெல்ல, கட்சிச் செயலாளர் அகிலா விராஜ் காரியவாசம், மாலிக் சமரவிக்கிரம, ஜோன் அமரதுங்க, காமினி ஜயவிக்கிரம பெரேரா, ரவி கருணானயக்கா , சரத் பொன்சேகா, தயா கமகே, நவின் திசனாயக்கா, ரஞ்சித் மட்டும பண்டார, அஜித் பெரேரா மற்றும் மங்கள சமரவீரா ஆகியோர் சமூகமளித்திருந்தனர். “நான் ஜனாதிபதி தேர்தலில் போட்டியிடுவேன். நானே கட்சியின் தலைவர். போட்டியிட எல்லா உரிமையும் எனக்குண்டு. நான் எனது விண்ணப்பத்தை அங்கீகாரத்துக்காக செயற்குழுவிடம் சமர்ப்பிப்பேன். யாராவது எனது விண்ணப்பத்தை எதிர்த்தால் அவர்கள் அங்கேயே அதைச் செய்யட்டும்” என அக்கூட்டத்தில் பிரதமர் தெரிவித்ததாக அப் பத்திரிகை மேலும் தெரிவித்திருக்கிறது. இது கட்சியைப் பிளவடையச் செய்யப்போகிறது என பிரேமதாசவின் ஆதரவாளர்களான ஹஷிம், சமரவிக்கிரம ஆகியோர் தெரிவித்திருக்கின்றனர். அதற்கு, கட்சியின் தலைவராகத் தான் போட்டியிடத் தீர்மானித்துவிட்டதாகத் தெரிந்தால் எல்லோரும் தனக்கே ஆதரவளிக்க வேண்டும் என்று விக்கிரமசிங்க பதிலளித்ததாகத் தெரிகிறது. இக் கூட்டத்துக்கு அமைச்சர் சஜித் பிரேமதாச சமூகமளிக்கவில்லை என்றும் அவரை ஆதரிக்கும் கட்சியின் மூத்த தலைவர்கள் விக்கிரமசிங்கவின் இந்த முடிவை விரும்பவில்லை எனவும் தெரியவருகிறது. எனவே விக்கிரமசிங்கவும், பிரேமதாசவும் சந்தித்து பிரச்சினையைத் தீர்த்துக்கொள்ள வேண்டும் என்று அவர்கள் எதிர்பார்ப்பதாகவும் அறியப்படுகிறது. http://marumoli.com/ரணிலும்-களத்தில்-குதிக்க/?fbclid=IwAR1ZVEUnyCI16MCsOjKnM2OiNMQOqBGXi4YwV6Q5xixgFsizC7lt0PPXH8k
  12. NEWS TECHNOLOGY தொழில்நுட்பம் இந்தியாவின் சந்திரப் பிரவேச முயற்சி தோல்வி ‘விக்ரம்’ இறங்கு கலம் தொடர்புகளை முறித்துக்கொண்டது இந்தியாவின் சந்திரயான் -2 விண்வெளி யாத்திரையில் இன்று பாரிய தடங்கல் ஏற்பட்டுள்ளது. 1.3 பில்லியன் மக்கள் ஆவலோடு எதிர்பார்த்திருந்த விக்ரம் எனப் பெயரிடப்பட்ட இறங்கு கலம் சந்திரனின் தரையைத் தொடுவதற்கு சில விநாடிகளே இருக்கும் தருணத்தில் தொடர்புகளை முறித்துக்கொண்டு விட்டது. ‘இறங்கு கலத்தின் பாதையும் பயணமும் எமது தீர்மானத்தின்படியே இருந்தது என கட்டளைத் தலைமயகத்திலிருந்து இப் பயணத்தின் தலைமையதிகாரியும், இந்திய விண்வெளி ஆராய்ச்சி மையத்தின் (Indian Space Research Organaisation (ISRO)) தலைவருமான கைலாசவடிவு சிவன் அவர்கள் தெரிவித்தார். இந்திய விண்வெளி ஆராய்ச்சி அமைப்பின் தலைவர் கைலாசவடிவு சிவன் “சந்திரனின் தரையிலிருந்து 2.1 கி.மீ. வரை இறங்கு கலத்தின் பயணம் எதிர்பார்த்தது போலவே இருந்தது. பின்னர் சடுதியாக அதற்கும் எமக்குமிடையிலான தகவற் தொடர்பு துண்டிக்கப்பட்டு விட்டது. காரணத்தைத் தேடி அது அனுப்பிய தரவுப் பதிவுகளை ஆராய்ந்துகொண்டிருக்கிறோம்” என்றார் அவர். இறங்கு கலம் தாய்க்கலத்திலிருந்து பிரிந்த போதும் பின்னர் அதன் இறங்கு வேகத்தைக் குறைத்து மென்மையான தரயிறக்கத்துக்காக முதலாவது கட்டத் தயாரிப்பின் போதும் அதன் இயக்கம் சரியாகவே இருந்தது. ஆனால் அதன் இரண்டாவது கட்டத் தயாரிப்பின் பின்னரே பிரச்சினை உருவாகியிருக்க வேண்டும் என விஞ்ஞானிகள் தெரிவிக்கின்றனர். சந்திரப் பிரவேசத்தைத் தரிசிக்க கட்டளைப் பணியகத்தில் சமூகமளித்திருந்த இந்தியப் பிரதமர் நரேந்திர மோடி விஞ்ஞானிகளுக்கும் தொழில்நுட்பவியலாளர்களுக்கும் ஆறுதல் கூறி, நடந்த சம்பவத்தால் மனமுடைந்து போகவேண்டாமென்றும் தொடர்ந்து துணிச்சலோடு பயணிக்கும்படியும் கேட்டுக்கொண்டதாகச் செய்திகள் தெரிவிக்கின்றன. அமெரிக்கா, ரஸ்யா, சீனா ஆகிய நாடுகள் தமது கலங்களைச் சந்திரனில் வெற்றிகரமாகத் தரையிறக்கியுள்ளன என்பது குறிப்பிடத்தக்கது. சந்திரயான் -2 இன் தோல்வி குறித்து பாகிஸ்தான் விஞ்ஞான, தொழில்நுட்ப அமைச்சர் பவாட் சவுத்ரி யின் கீச்சல் இப்படியிருந்தது….. http://marumoli.com/இந்தியாவின்-சந்திரப்-பிர/?fbclid=IwAR3zGEwltK_Zhb9Ddqf71Cx3tT9dcGyHxGqPvJJEXpfGBWyxCUq0eHO6mls
  13. இந்திய உளவுத்துறையும் ஈழவிடுதலையும்… இந்திய உளவுத்துறையும் ஈழவிடுதலையும் ◆ நேரு குணரட்ணம்◆ பாகம் 1: 1986இல் தமிழகத்தில் நடந்தவை என்ன? மேலும் சில தெளிவுபடுத்தல்கள் உடல்நலம் கருதியே இவ்வரலாற்றை எழுதும் முயற்சியை தள்ளிப்போட்டு வந்தேன். தற்போதும் அதில் பெரிதாக எவ்வித மாற்றமும் கிடையாது. ஒவ்வொருநாளும் 10 மணித்தியாலங்கள் எனக்கு இயத்திரத்துடன் இணைந்த வாழ்க்கை. மிகுதி நேரத்திலேயே இந்த முயற்சி. எந்த நேரமும் அழைப்பு வரலாம். 1 மணி நேர அவகாசத்தில் அந்த பாரிய சத்திரசிகிச்சைக்காக நான் வைத்தியசாலையில் இருந்தாக வேண்டும். ஏன் இதைப் பகிர்ந்து கொள்கிறேன் என்றால் இதை எழுதிக் கொண்டிருக்கும் ஒரு நாளில் திடீரென காணாமல் போய்விடுவேன்… நீண்ட ஒரு இடைவெளி ஏற்படும்… அது ஏற்படும்போது குழப்பம் வேண்டாம் என்பதற்காகவே இப்பகிர்வு…. இருக்க இங்கு நான் பகிர இருக்கும் விடயங்கள் குறித்த உங்கள் கருத்துக்கள் வரவேற்கப்படுகின்றன… தாராளமாக இதை ஏனையவர்களுடன் பகிர்ந்து கொள்ளுங்கள்… பகிரும் போது ஒரு சிறுகுறிப்பை நீங்கள் எழுதி பகிர்ந்து கொண்டால் உங்கள் நட்பு வட்டாரத்தில் உள்ளவர்களை வாசிக்கத் தூண்டும்… பல இணையங்கள் எனது எழுத்தை மறுபிரசுரம் செய்வதை நான் அறிவேன்… இங்கும் அதற்கான அனுமதியை தருகின்றேன்… தயவுசெய்து எவ்வித மாற்றத்தையும் செய்யாதீர்கள்… முடிந்தால் அந்த இணைப்பை எனக்கு அறியத்தாருங்கள்… இது யாருக்கும் வக்காளத்து வாங்கும் முயற்சியல்ல… மாறாக தமிழர் உரிமைப் போராட்ட வரலாற்றின் அறியப்படாத அதேவேளை இருண்ட பக்கங்களுக்கு உங்களை அழைத்துச் செல்லும் ஒரு அறிவுபூர்வமான முயற்சி… எதிர்கால தமிழ் வாழ்வியலுக்கு இது வளம் சேர்த்தால் மகிழ்ச்சி… எப்போதும் இறைவனை வணங்கியே நல்ல விடயங்களை தொடங்க பலரும் விரும்புவார்கள். நாமும் ஏன் மாற்றத்தை வெளிப்படுத்துவான். தமிழர் காவல் தெய்வங்களை எம் மனங்களில் நிறுத்தி பயணிப்போம். அவர்களுக்கு சமர்ப்பணமாக… நாம் சூரியக்குழந்தைகள் சூரியனே உன் கதிர்கள் நாம். அதனால் தான் எம்மை ஒருவராலும் சுட்டெரிக்க முடிவதில்லை. நீ வெப்பத்தின் தந்தை. நாம் வெப்பக் குழந்தைகள். அதனால் தான் எதிர்பவர்களையெல்லாம் எரிக்க முடிகிறது. நீ மறைந்தாலும் மீண்டும் மீண்டும் உதித்துக் கொண்டிருக்கிறாய். அதனால் தான் நாமும் விழுந்தாலும் விதையாகி முளைத்துக் கொண்டிருக்கின்றோம். மாவீரரான மகத்தான ஓவியர்கள் தீட்டிய சிவப்புச் சித்திரங்கள் உன் பெயரில் ஒளிர்ந்து கொண்டிருக்கிறோம். நீ உன் கதிர்களை ஒருபோதும் சுட்டெரிக்கப் போவதில்லை அது போல் உன்னைச் சுட்டெரிக்க இன்னொரு சூரியன் உதிக்கப் போவதில்லை மாவீரர் மேஜர் அமுதா நெருப்பினுள் நின்று கவிதைத் தொகுப்பிலிருந்து எழுத்து என்பது அதுவும் தேச விடுதலைக்கு உரம் சேர்க்கும் எழுத்து என்பது வெறும் சொற்கூட்டங்களாக அல்லாமல் மக்களின் இதயத்தை ஊடுருவித் தாக்கத்தை விளைவிக்கும் வகையில் சிறப்பாக இருக்கவேண்டும் என்பதில் தேசத்தின்குரல் பாலா அண்ணா என்றும் உறுதியாக இருப்பார். அதனால் எழுதும் போது கருத்துக்களைச் சுருக்கமாகவும் அதேவேசளை தெளிவாகவும் எழுதவேண்டும் என்று போதிப்பார். ஈழவிடுதலை உரிமைப் போர் வரலாற்றில் எழுத்து மூலமாகவும் ஒரு போரியலை நகர்த்தியவர் பாலா அண்ணா. அவரையும் இங்கு மனதில் நிறுத்திப் பயணிப்போம்… உண்மையில் எமது போராட்டத்தின் வெற்றி உலகத்தின் கைகளில் தங்கியிருக்கவில்லை. எமது வெற்றியானது எமது கையில் எமது பலத்தில் எமது உறுதிப்பாட்டிலேயே தங்கியிருக்கின்றது. நீதியும் நியாயமும் எமது பக்கமாக இருந்தால் மட்டும் போதாது நாம் வலிமை பெற்றவர்களாக இருக்க வேண்டும். போராடும் திறமை பெற்றவர்களாக இருக்கவேண்டும் என்றார் தமிழீழத் தேசியத் தலைவர் வே. பிரபாகரன் அவர்கள்… இவ்விடயத்தில் அதாவது திறமைபெற்றவர்களாக இருக்கவேண்டும் என்பதில் எங்கெங்கெல்லாம் ஈழத்தமிழனம் பின்தங்கி நின்றதோ அங்கு தான் உடைப்புக்கள் எடுக்கப்பட்டன…. இதில் முக்கிய அங்கத்தை முதலில் பார்க்கப் போகிறோம்… உளவுத்துறைகளும் ஈழவிடுதலையும்… அதிலும் குறிப்பாக இந்திய உளவுத்துறையும் ஈழவிடுதலையும்… ஈழ விடுதலை முக்கிய உளவுத்துறைகளின் பிரதான ஆடுகளமாக இன்றுவரை இருக்கிறது… இவர்களுடைய செயற்பாடுகள் எவ்வாறு இருந்தன…. இருக்கின்றன… இவர்களுடைய தேசிய நலன்கள் அல்லது இலக்குகளாவது எட்டப்பட்ட்னவா? உளவுதுறைகளும் அதன் செயற்பாட்டு வடிவங்களும்… ஈழத்தமிழினம் ஒரு இனக்குழுமமாக கற்றுக் கொள்ள வேண்டிய பாடங்கள்?… எனது எழுத்துக்கள் ஒரு கோர்வையில்லாமல் நகரும் என்பதையும் சொல்லிவிடுகின்றேன்… 1986இல் நடந்த ஒரு சம்பவத்துடன் இது குறித்த ஆய்வுக்குள் செல்வோம்… புதன்கிழமை நவம்பர் 5ஆம் நாள் 1986ஆம் ஆண்டு. சென்னை சட்டக்கல்லூரி மாணவர்களுடான ஒரு சந்திப்பு இருந்தது. இதற்காக செல்வதற்கு முன் சென்னை அடையாரில் பரமேஸ்வரி நகரில் அமைந்திருந்த மாணவர் அமைப்பு அலுவலகத்திற்கு சென்று சில ஆவணங்களை எடுத்துக் கொண்டு புறப்பட்டுக் கொண்டிருந்தேன் அலுவலப் பொறுப்பாளராக இருந்த அரசியல் போராளியுடன் சில பொலீசார் பேசிக் கொண்டிருந்தனர். அவரை உள்யே அழைத்து என்ன விடயம் எனக் கேட்டேன். அவர் இங்கு யார் யார் எல்லாம் இருக்கிறார்கள் எனக் கேட்கிறார்கள் என்றார்… அதற்கான விபரங்களைக் கொடுத்துக் கொண்டிருக்கிறேன் எனக் கண்ணைச் சிமிட்டினார். எனது கல்லூரியான லொயாலா கல்லூரிக்கு அருகில் அமைந்துள்ள சூலைமேடு என்ற பகுதியிலேயே ஈ.பி.ஆர்.எல்.எவ் அமைப்பின் தலைமை காரியாலயம் அமைந்துள்ளது. அங்கு நவம்பர் 1ஆம் நாள் அவ்வமைபினால் செய்யப்பட்ட துப்பாக்கி பிரயோகத்தினால் இப்பகுதி மக்களில் ஒருவர் கொல்லப்பட சிலர் காயமடைந்திருந்தனர். இது ஒருவித பதட்ட சூழலை அங்கு மட்டுமன்றி சென்னை முழுமையாக ஏற்படுத்தியிருந்தது. அதற்காக அவ்வமைப்பின் இராணுவத்தளபதி டக்டஸ் தேவானந்தா உட்பட சிலர் கைதும் செய்யப்பட்டிருந்தனர். தமிழ்நாட்டில் அதுவும் தலைநகர் சென்னையில் இவ்வாறான சம்பவங்கள் நடைபெறுவது கடும் கண்டனத்திற்குரியது என்பதைக் கடந்து வேண்டுமென்றே இவ்விடயம் சில தரப்பால் ஊதிப் பெருப்பிக்கப்படுவது போன்ற உணர்வும் எனக்கு இருந்தது. மாணவர் செயற்பாடுகளின் தூண்களாக இருந்த பச்சையப்பன் கல்லூரி மற்றும் சட்டக்கல்லூரி மாணவர்களை இத்தகைய சூழலில் சந்திப்பதும் ஏற்பட்டுள்ள சூழலால் பங்கம் வந்துவிடாமலும் எம்மிடையேயான புரிந்துணர்வில் எவ்வித தழம்பலும் இல்லாமல் பார்த்துக் கொள்வதும் அவசியம் என்ற நிலையிலேயே ஏற்கனவே பச்சயப்பன் கல்லூரியை சந்தித்துவிட்டேன்… தற்போது சட்டக்கல்லூரி உறவுகளின் சந்திப்பிற்காக சென்று கொண்டிருக்கிறேன்… சரி பொலிசார் என்ன கேட்கின்றனர் என செவி மடுத்தேன்… அவர்கள் அங்கு தங்கிருப்பவர்களின் பெயர்களை சொல்லுமாறு கேட்க… நம்மவரும் கந்தசாமி கங்காதரன் என்பார். குறிப்பெடுத்த அவர்கள் முகவரி என்ன என்று கேட்க நம்மவர் சொன்னார் சில்லாலை என அவர்கள் மாவட்டம் எனக்கேட்க திருகோணமலை என்றார். அடுத்து முனுசாமி முரளீதரன் தம்பலகாம் யாழ்ப்பாணம் அடுத்து சின்னத்துரை சிவகரன் கொடிகாமம் மட்டக்களப்பு எனப் பெயர்கள்; முகவரிகள் தொடர எனக்குள் சிரித்துக் கொண்டு அவர் சமாளித்துவிடுவார் என்ற நம்பிக்கையில் நான் சட்டக்கல்லூரியை நோக்கி நகர்ந்துவிட்டேன்… பெருமளவில் மக்கள் மயப்படுத்தப்பட்ட அரசியல் வேலைத்திட்டங்கள் தமிழகத்தில் கிடையாது. தமிழக அரசியல் கட்சிகளின் தங்கு நிiலையிலேயே எம்மிருப்பு தங்கியிருக்கிறது… நீண்ட நோக்கில் அது ஆராக்கியமானதல்ல… என்ற எனது வாதத்தை ஏற்றுக் கொண்டு மாணவர் அமைப்பு ஒன்றினூடாக் அதை முன்னெடுக்கலாம் என்ற பாலா அண்ணாவின் ஆலோசனைக்கமைய 85 மார்ச் 15இல் உத்தியோகபூர்வமாக அதைக்கப்பட்டதே மாணவர் அமைப்பு அது குறித்து பின்னர் விரிவாக வருகின்றேன்… ஆரம்பம் முதலே மாணவர் அமைப்பில் முக்கிய அங்கமாக சட்டக்கல்லூரி மாணவர்கள் இருந்தாலும் 86 கல்வி ஆண்டில் அறிமுகமாகி தீவிர செயற்பாட்டாளராகியவரே இன்றைய விடுதலைச்சிறுத்தைகள் தலைவர் திருமாவளவன் அவர்கள். அவர் அப்போது தி.மு.க மாணவரணித் தலைவராக இருந்தார். சட்டக்கல்லுரி சந்திப்பை முடித்துக் கொண்டு எனது கல்லூரி விடுதிக்கு திரும்பிய எனக்காக கத்தோலிக்க மதகுருவிற்கான கற்கைநெறியில் இருந்த சதோதரர்கள் சிலர் காத்திருந்தனர்…. முக்கியமான சந்திப்பு ஒன்றிற்கான ஏற்பாடுகளில் அவர்கள் இருந்தார்கள்… அது குறித்து இறுதி விபரங்களை பேசுவதற்காகவே காத்திருந்தனர்… லொயோலா கல்லூரி மாணவர் விடுதியில் 9 மணிக்கு மேல் ஊரடங்கு… இதில் சிலரோ விடுதி வோடன்கள் வேறு… அதனால் சந்திப்பிற்கு சங்கடமில்லையே… இது சரி அந்த முக்கிய சந்திப்பு யாருடன்? எங்கே? அதைத் தொடர்ந்து நடந்த அசம்பாவிதம் தான் என்ன?… நாளை வரை காத்திருங்கள் பயணம் தொடரும்… http://eelamalar.com/இந்திய-உளவுத்துறையும்-ஈழ/
  14. வடக்கிலும் தெற்கிலும் ஏன் இளைஞர்கள் ஆயுதம் ஏந்தினார்கள் என்பதை அறிய சம்பிக்கவுக்கு அறிவு போதாது.
  15. இந்த வீர வசனங்களை கடந்த பல வருடங்களாக காணவில்லையே ஏன்ன்ன்ன்ன்?????
  16. தேர்த்தல் நெருங்க "அடியடா பிடியாடா" என்பார்கள். தேர்த்தல் முடிய புத்தர் மூலைக்கு மூலை முளைத்துக்கொண்டே போவார்.( இப்போ அவதானித்து பார்த்தீர்கள் எனில் புத்தர் ஒரு நீண்ட break எடுப்பதை அவதானிக்கலாம். இவர்களின் அனுசரணை இல்லாமல் புத்தர் ஒரு அங்குலமும் நகர மாட்டார் என்பதையும் தமிழ் வாக்காளர்கள் புரிந்து கொள்ள வேண்டும்)
  17. Matthew Hayden In Conversation with Sadhguru 4:47 Is there a specific reason why we all gathered here today ? 12:12 Discussion on the spirit of collaboration 24:38 If our strength is our intelligence, why are we committing so many atrocities ? 27:42 Are humans guided by false expectations ? 31:45 Testing Sadhguru's knowledge on some local Aussie jargon.. 35:15 What were you first impressions about Australia ? 46:17 What's your vision for the conservation of water ? 1:00:49 At an individual level, what can we do about water wastage ? 1:12:53 How to be happy not being affected by the environment and the surroundings ? 1:20:20 Sometimes I feel I have time for yoga. Sometimes I don't. How to resolve this conflict ? 1:29:21 How to not restrict ourselves just by our memory ? 1:45:17 How can you think positively when external situations are negative towards you ? 1:54:14 How do you handle the expectations of others on us ? 2:02:01 What important decision or experience had the most important impact on your life ?
  18. சிக்கன் வடை தயாரிப்பு நேரம் - 90 நிமிடங்கள் சமையல் நேரம் - 40 நிமிடங்கள் தேவையான பொருட்கள் சிக்கன் - 300 கிராம் கடலை பருப்பு - 1/2 கப் இஞ்சி பூண்டு விழுது - 1 தேக்கரண்டி உப்பு - 1/2 தேக்கரண்டி மஞ்சள் தூள் - 1/4 தேக்கரண்டி மிளகாய் தூள் - 1 தேக்கரண்டி வெங்காயம் - 1 ( பொடியாக நறுக்கிய ) பச்சை மிளகாய் - 2 ( பொடியாக நறுக்கிய ) இஞ்சி - 1 துண்டு (பொடியாக நறுக்கிய ) சோம்பு - 1/2 தேக்கரண்டி கொத்துமல்லி இலை கறிவேப்பிலை எண்ணெய் தண்ணீர் #சிக்கன்வடை #ChickenVada #VadaRecipe செய்முறை 1. முதலில் சிக்கனை வேக வைக்க வேண்டும் 2. ஒரு குக்கரில் சிக்கன் துண்டுகள், இஞ்சி பூண்டு விழுது, உப்பு, மஞ்சள் தூள், மிளகாய் தூள், தேவையான அளவு தண்ணீர் சேர்த்து ஐந்து விசில் வரும் வரை வேக வைக்கவும் 3. சிக்கன் வெந்தவுடன் சிறிது நேரம் ஆற விட்டு எலும்புகளை நீக்கவேண்டும். பின்பு சிக்கன் துண்டுகளை சிறிது சிறிதாக கையால் உதிர்க்க வேண்டும் 4. அடுத்து 1 1/2 மணி நேரம் ஊறிய கடலை பருப்பு, உதிர்த்த சிக்கன் துண்டுகள், பொடியாக நறுக்கிய பெரிய வெங்காயம், பொடியாக நறுக்கிய பச்சை மிளகாய், பொடியாக நறுக்கிய ஒரு துண்டு இஞ்சி, கறிவேப்பிலை, சோம்பு, தேவையான அளவு உப்பு, கொத்தமல்லி இலை ஆகியவற்றை தண்ணீர் இல்லாமல் மிக்ஸியில் அரைக்கவும் 5. அரைத்த மாவுடன் சிறிது கடலை பருப்பை சேர்த்து வடையாக தட்டவும் 6. ஒரு கடாயில் எண்ணெய் ஊற்றி சூடேற்றிய பிறகு தட்டிய வடையை போட்டு பொன்னிறமாக பொறிக்க வேண்டும் 7. சூடான சுவையான சிக்கன் வடை தயார் You can buy our book and classes on http://www.21frames.in/shop Follow us on Instagram: https://www.instagram.com/homecookingshow