தமிழ் சிறி

காணொளி: 👉 https://www.facebook.com/reel/9840218522704246 👈 👆 குறிகாட்டுவானில்... ஜட்டி தொழிற்சாலை வரப்போகுதாம். 😅 இன்றே வாங்கிப் பாவியுங்கள்... குறிக்கட்டுவான் ஜட்டிகள். 🤣 @குமாரசாமி , @goshan_che , @suvy , @ஈழப்பிரியன் , @alvayan , @satan , @nunavilan , @Kandiah57 , @putthan, @நிழலி , @உடையார், @புலவர் , @ஏராளன் , @கிருபன் , @விசுகு , @பாலபத்ர ஓணாண்டி, @பெருமாள், @புங்கையூரன், (குறிகாட்டுவான் படகுத்துறை | kurikadduvan jetty)

தலித் என்ற பதம்.... கடந்த 10 வருடத்திற்குள் தான், இலங்கைக்கு வந்தது என் நினைக்கின்றேன். புலிகள் காலத்தில் கூட இந்தச் சொல் பாவனையில் இருக்கவில்லை. வடமாகாணத்தில் உள்ள இந்தியத் தூதரகம் இந்தச் சொல்லை ஈழமக்கள் மத்தியில் பரப்ப பின் நின்று ஊக்கம் கொடுத்திருக்கலாம் என்பது எனது ஊகம். சில வேளை @goshan_che க்கு இதனைப் பற்றிய மேலதிக தகவல்கள் தெரிந்திருக்கலாம்.

டான் பிரியசாத் மீதான துப்பாக்கி சூடு: மூவர் கைது! ஸ்ரீலங்கா பொதுஜன பெரமுன கட்சியின் உள்ளூராட்சி மன்ற வேட்பாளர் டான் பிரியசாத்தின் கொலை தொடர்பில் சந்தேகத்தின் பேரில் மூன்று பேர் கைது செய்யப்பட்டுள்ளனர். துப்பாக்கிச் சூட்டில் ஈடுபட்ட சந்தேக நபர்களுக்கு தகவல் வழங்கிய குற்றச்சாட்டின் பேரில் சந்தேக நபர்கள் கைது செய்யப்பட்டுள்ளதாக பொலிஸ் வட்டாரங்களை மேற்கோள் காட்டி தகவல்கள் தெரிவிக்கின்றன. வெல்லம்பிட்டியில் உள்ள லக்சந்த செவன அடுக்குமாடி குடியிருப்பில் உள்ள தனது உறவினரின் வீட்டில் இருந்தபோது டான் பிரியசாத் நேற்று (22) இரவு மேற்கொள்ளப்பட்ட துப்பாக்கிச் சூட்டில் உயிரிழந்தார். சம்பவத்தில் பலத்த காயமடைந்த டான் பிரியசாத், கொழும்பு தேசிய வைத்தியசாலையில் சிகிச்சை பெற்று வந்த நிலையில் உயிரிழந்தார். மோட்டார் சைக்கிளில் வந்த இரண்டு துப்பாக்கிதாரிகள் வீட்டிற்குள் புகுந்து டான் பிரியசாத்தை சுட்டுக் கொன்றுவிட்டு அப்பகுதியை விட்டு தப்பிச் சென்றதாக பொலிஸ் விசாரணையில் தெரியவந்துள்ளது. துப்பாக்கிச் சூடு நடத்த துப்பாக்கி பிஸ்டல் ரக துப்பாக்கி பயன்படுத்தப்பட்டிருப்பது முதற்கட்ட விசாரணையில் தெரியவந்துள்ளது. சம்பவத்துடன் தொடர்புடைய ஏனைய நபர்களைக் கைது செய்ய வெல்லம்பிட்டிய பொலிஸார் விசாரணை மேற்கொண்டு வருகின்றனர். https://athavannews.com/2025/1429270

கட்டுநாயக்க துப்பாக்கி சூடு தொடர்பான அப்டேட்! கட்டுநாயக்க, ஆடியம்பலம் பகுதியில் நேற்றைய (22) தினம் ஒரு தொழிலதிபர் மீது நடத்தப்பட்ட துப்பாக்கிச் சூடு முயற்சி தோல்வியடைந்ததை, பாதாள உலகக் குழுவைச் சேர்ந்த ‘ஹீனட்டியன நீல்’ என்ற நபர் திட்டமிட்டிருக்கலாம் என பொலிஸார் சந்தேகம் வெளியிட்டுள்ளனர். விசாரணைகளில், அந்த தொழிலதிபர் கடந்த காலங்களில் பாதாள உலக நபருடன் வாக்குவாதத்தில் ஈடுபட்டது கண்டறியப்பட்டுள்ளது. தப்பியோடிய துப்பாக்கிதாரி, நாட்டில் நடந்த பல கொலைகள் தொடர்பாக தேடப்படும் நபராக சந்தேகிக்கப்படுவதாகவும் பொலிஸார் மேலும் தெரிவித்துள்ளனர். சம்பவம் குறித்து விசாரணை நடத்த நான்கு பொலிஸ் குழுக்கள் நியமிக்கப்பட்டுள்ளன. துப்பாக்கிச் சூட்டுக்கு இலக்கான தொழிலதிபர், வாகனப் பதிவுப் புத்தகங்களுக்கு ஈடாக பணம் கடனாக வழங்கும் நபர் என அடையாளம் காணப்பட்டுள்ளார். ஊடகங்களிடம் பேசிய அவர், துப்பாக்கிதாரிகள் மோட்டார் சைக்கிளில் வந்ததாகவும், பணம் தேவைப்படுவதாகத் தெரிவித்ததை அடுத்து, அவர்கள் தனது வீட்டிற்குள் வரவேற்கப்பட்டதாகவும் கூறினார். இது தொடர்பில் மேலும் குறிப்பிட்ட தொழிலதிபர், அவர்கள் (துப்பாக்கி தாரிகள்) வீட்டுக்கு உள்ளே நுழைந்ததும், நான் பிரதான கேட்டை மூடிவிட்டு தொலைபேசியில் பேசிக் கொண்டிருந்தேன். வாகன பதிவு புத்தகத்தை நான் கேட்டபோது, அவர்கள் ஒருவரையொருவர் சந்தேகப்படும்படி பார்த்தார்கள். அந்த நேரத்தில், ஒரு துப்பாக்கிதாரி என்னைத் தாக்க முயன்றார், ஆனால் நான் அவரைத் தடுக்க முடிந்தது. அந்த நேரத்தில் மற்றொரு துப்பாக்கிதாரி ஒரு துப்பாக்கியை எடுத்தார். ஆனால் நான் அவர்கள் இருவரையும் எதிர்த்துப் போராடியபோது, அவர்கள் ஓடிப்போய் தப்பிக்க முயன்றனர். கேட் பூட்டப்பட்டிருந்ததால், அவர்கள் சுவரில் ஏறி தப்பிக்க வேண்டியிருந்தது. அப்போது ஒரு சந்தேக நபர் விழுந்து கால் முறிந்தது. பிரதேச வாசிகள் அவரைப் பிடித்து பொலிஸாரிடம் ஒப்படைத்தனர். மற்றொரு சந்தேக நபர் தப்பி ஓடிவிட்டார் – என்றார். துப்பாக்கிச் சூடு தோல்வியில் ஈடுபட்ட ஒரு துப்பாக்கிதாரியைக் பொலிஸார் கைது செய்துள்ளனர். அதே நேரத்தில் சம்பவத்தில் பயன்படுத்தப்பட்ட ஆயுதம் மற்றும் மோட்டார் சைக்கிளையும் பறிமுதல் செய்யப்பட்டுள்ளது. தப்பியோடிய சந்தேக நபரைக் கைது செய்ய விசாரணைகள் நடந்து வருகின்றன. https://athavannews.com/2025/1429230

பஹல்காம் தாக்குதல்; தாக்குதல்தாரிகளின் புகைப்படம் வெளியீடு! காஷ்மீரின் பஹல்காமில் 26 சுற்றுலாப் பயணிகள் உயிரிழந்த மற்றும் பலர் காயமடைந்த தாக்குதலுக்குப் பின்னணியில் உள்ளவர்கள் என்று சந்தேகிக்கப்படும் பயங்கரவாதிகளின் புகைப்படத்தையும், அவர்களின் ஓவியங்களையும் இந்திய பாதுகாப்பு நிறுவனங்கள் வெளியிட்டுள்ளன. அவர்களில் மூன்று பயங்கரவாதிகள் ஆசிப் புஜி, சுலேமான் ஷா மற்றும் அபு தல்ஹா என அடையாளம் காணப்பட்டுள்ளனர். தடைசெய்யப்பட்ட பயங்கரவாதக் குழுவான லஷ்கர்-இ-தொய்பாவின் (LeT) ஒரு பிரிவான தி ரெசிஸ்டன்ஸ் ஃப்ரண்டைச் சேர்ந்த தாக்குதல்காரர்கள், பஹல்காமில் உள்ள பிரபலமான பைசரன் புல்வெளியில் சுற்றுலாப் பயணிகள் மீது செவ்வாய்க்கிழமை (22) துப்பாக்கிச் சூடு நடத்தினர். இது அண்மைய ஆண்டுகளில் காஷ்மீரில் நடந்த மிகக் கொடூரமான பயங்கரவாத தாக்குதல்களில் ஒன்றாகும். குறைந்தது 5–6 பயங்கரவாதிகள், உருமறைப்பு உடைகள் மற்றும் குர்தா-பைஜாமாக்களை அணிந்து, பள்ளத்தாக்கைச் சுற்றியுள்ள அடர்ந்த பைன் காட்டில் இருந்து பைசரன் புல்வெளிக்கு வந்து AK-47 துப்பாக்கிகளுடன் துப்பாக்கிச் சூடு நடத்தினர். இந்தக் குழுவில் தாக்குதலுக்கு சில நாட்களுக்கு முன்பு பள்ளத்தாக்கில் ஊடுருவிய பாகிஸ்தான் பயங்கரவாதிகளும் அடங்குவர் என்று உளவுத்துறை வட்டாரங்கள் தெரிவித்தன. லஷ்கர்-இ-தொய்பாவின் உயர்மட்ட தளபதியான காலித் என்கிற சைஃபுல்லா கசூரி, படுகொலையின் மூளையாக செயல்பட்டதாக புலனாய்வு அமைப்புகள் அடையாளம் கண்டுள்ளன. காட்டுப் பகுதியைப் பயன்படுத்தி அந்த இடத்தை விட்டு தப்பிச் சென்ற பயங்கரவாதிகளைக் கண்டுபிடிக்க பாதுகாப்புப் படையினர் மிகப்பெரிய பயங்கரவாத எதிர்ப்பு நடவடிக்கையைத் தொடங்கியுள்ளனர். முதற்கட்ட தடயவியல் பகுப்பாய்வு மற்றும் உயிர் பிழைத்தவர்களின் சாட்சியங்களின்படி, பயங்கரவாதிகள் இராணுவ தர ஆயுதங்கள் மற்றும் மேம்பட்ட தகவல் தொடர்பு சாதனங்களைப் பயன்படுத்தியதாக தெரியவந்துள்ளது. https://athavannews.com/2025/1429260

இதற்கு எல்லாம்... அனுதாபப் படுவது வீண்வேலை. பெற்றோர், சகோதரர்களையும் கொஞ்சம் யோசித்து இருக்கலாம். தன்னுடைய செத்த வீட்டுக்குத் தன்னும் கொஞ்ச காசை சேர்த்து வைத்துவிட்டு தூக்கு மாட்டி செத்திருக்கலாம். இவரின் செத்தவீட்டு செலவும் பெற்றோர் மேல்தான் பொறியப் போகுது.

வத்திக்கான் புறப்பட்டார் கர்தினால் மெல்கம் ரஞ்சித்! கொழும்பு பேராயர் கர்தினால் மெல்கம் ரஞ்சித் இன்று (23) காலை வத்திக்கானுக்குப் புறப்பட்டுச் சென்றார். ஏப்ரல் 26, சனிக்கிழமை நடைபெறும் போப் பிரான்சிஸின் இறுதிச் சடங்கில் கலந்து கொள்வதற்காக, கார்டினல் ரஞ்சித் காலை 9.30 மணிக்கு கட்டுநாயக்காவில் உள்ள பண்டாரநாயக்க சர்வதேச விமான நிலையத்திலிருந்து (BIA) புறப்பட்டதாக தெரிவிக்கப்படுகிறது. ரோமன் கத்தோலிக்க திருச்சபையின் முதல் லத்தீன் அமெரிக்கத் தலைவரான போப் பிரான்சிஸ், ஐந்து வாரங்களாக இரட்டை நிமோனியாவுடன் போராடி வைத்தியசாலையில் இருந்து வெளியேற்றப்பட்ட ஒரு மாதத்திற்குள், திங்கட்கிழமை (21) தனது 88வது வயதில் பக்கவாதத்தால் காலமானார். பெரும் கூட்டத்தை ஈர்க்கும் என்று எதிர்பார்க்கப்படும் அவரது இறுதிச் சடங்கு, சனிக்கிழமை (ஏப்ரல் 26) காலை 10.00 மணிக்கு வத்திக்கானில் உள்ள செயிண்ட் பீட்டர்ஸ் பசிலிக்காவிற்கு முன்னால் உள்ள சதுக்கத்தில் நடைபெறும். https://athavannews.com/2025/1429246

பஹல்காம் துப்பாக்கிச் சூட்டின் சில நாட்கள் முன்பு தாக்குதலுக்கு அழைப்பு விடுத்த பயங்கரவாத குழு தளபதி! ஜம்மு – காஷ்மீரின் பஹல்காம் நகரில் 26 சுற்றுலாப் பயணிகள் கொல்லப்பட்ட படுகொலைக்கு சில நாட்களுக்கு முன்பு, பல பயங்கரவாதத் தலைவர்கள் கலந்து கொண்ட பேரணியில் லஷ்கர்-இ-தொய்பா (LeT) தளபதி ஒருவர் காஷ்மீரில் ஜிஹாத் மற்றும் இரத்தக்களரிக்கு அழைப்பு விடுத்தமை தெரியவந்துள்ளது. ஏப்ரல் 18 அன்று பாகிஸ்தான் ஆக்கிரமிப்பு காஷ்மீரில் (PoK) ராவல்கோட்டின் கை காலாவில் இந்தியப் படைகளால் கொல்லப்பட்ட இரண்டு லஷ்கர்-இ-தொய்பா பயங்கரவாதிகளின் நினைவாக இந்தப் பேரணி நடைபெற்றுள்ளது. ஜம்மு காஷ்மீர் ஐக்கிய இயக்கம் (JKUM) என்று அழைக்கப்படும் அமைப்பின் தலைவரான LeT தளபதி அபு மூசா, கூட்டத்தில் உரையாற்றுகையில் இந்த அழைப்பினை விடுத்துள்ளார். இந்திய புலனாய்வு அமைப்புகளால் சரிபார்க்கப்பட்ட ஒரு வைரல் வீடியோவில் மூசா, “மக்கள்தொகையை மாற்றுவதற்காக இந்தியா 370 மற்றும் 35A சட்டப்பிரிவை நீக்கியது. நீங்கள் உங்கள் 10 இலட்சம் இராணுவத்தை நிறுத்தினீர்கள். புல்வாமா, பூஞ்ச், ரஜோரி ஆகிய இடங்களில் ‘ராம் ராம்’ என்பதை எதிரொலிக்க விரும்பினீர்கள். லஷ்கர்-இ-தொய்பா உங்கள் சவாலை ஏற்றுக் கொள்கிறது. மோடி, உங்கள் மூடிய நீதிமன்ற அறைகளுக்குள், நீங்கள் உங்கள் உத்தரவுகளை நிறைவேற்றினீர்கள். ஆனால் போர்க்களம் முஜாஹிதீன்களுக்கு சொந்தமானது. முயற்சி செய்து பாருங்கள், இன்ஷா அல்லாஹ், நாங்கள் தோட்டாக்களை பொழிவோம். உங்கள் கழுத்தை அறுப்போம், எங்கள் தியாகிகளின் தியாகங்களை மதிப்போம் – என்று கூறியுள்ளார். வன்முறைக்கான அழைப்பு விடுக்கப்பட்ட நேரம் குறிப்பிடத்தக்கது. பஹல்காம் படுகொலைக்கு சில நாட்களுக்கு முன்பு இந்த அழைப்பு வந்துள்ளது. செவ்வாய்க்கிழமை நடத்தப்பட்ட தாக்குதல் அண்மைய ஆண்டுகளில் காஷ்மீரில் சுற்றுலாப் பயணிகள் மீது நடத்தப்பட்ட மிகக் கொடூரமான பயங்கரவாத தாக்குதல்களில் ஒன்றாகும். https://athavannews.com/2025/1429240

வியாபாரிகள்... அரசியலில் வெளிப்படையாக இறங்கினால், நட்டத்தை சந்திக்க வேண்டித்தான் வரும். மஸ்க் அமெரிக்க அரசியலில் மட்டும் அல்ல... மற்றைய நாட்டு அரசியலிலும் கருத்து சொல்ல வெளிக்கிட்டால், மற்றைய நாட்டவருக்கு கோவம் வரும்தானே. இவர் ஜேர்மன் தேர்தலில்... இன்னாருக்கு வாக்களிக்கச் சொன்னதை 80 வீதமான மக்கள் ரசிக்கவில்லை. மாறாக பெரும் விவாதப் பொருளாகியது. இந்தியாவில்... அம்பானி, அதானி போன்ற தொழிலதிபர்கள் எல்லோரும், பெரும் தொகை பணம் வாரி இறைத்து அரசியல்வாதிகளுடன் தொடர்பில் இருப்பது... வெளியே தெரியாமல் இருந்து தமது காரியத்தை வெற்றிகரமாக சாதித்துக் கொண்டு இருக்கின்றார்கள். மஸ்க்... ஆசிய தொழிலதிபர்களிடம், ரியூசன் எடுக்க வேண்டும். 😂

உக்ரேனில் பேருந்து மீது ரஷ்யா ட்ரோன் தாக்குதல்! உக்‍ரேனில் தொழிலாளர்களை ஏற்றிச் சென்ற பேருந்தின் மீது ரஷ்ய ஆளில்லா விமானம் நடத்திய தாக்குதலில் குறைந்தது ஒன்பது பேர் உயிரிழந்துள்ளதாக தெரிவிக்கப்படுகிறது. தெற்கு மத்திய நகரமான மர்ஹானெட்ஸில் புதன்கிழமை (23) காலை இந்தத் தாக்குதல் நடத்தப்பட்டுள்ளதாக உக்ரேனிய அதிகாரிகள் குறிப்பிடுகின்றனர். அதேநேரம், இந்த தாக்குதலில் சுமார் 30 பேர் காயமடைந்துள்ளதாகவும், பாதிக்கப்பட்டவர்களின் எண்ணிக்கை தொடர்ந்து அதிகரித்து வருவதாகவும் Dnipropetrovsk பிராந்தியத்தின் தலைவர் செர்ஹி லைசாக் உறுதிபடுத்தியுள்ளார். போர் நிறுத்தத்தை உறுதி செய்யும் நோக்கில் இங்கிலாந்து, பிரான்ஸ், ஜெர்மனி, அமெரிக்கா மற்றும் உக்ரேன் ஆகிய நாடுகளைச் சேர்ந்த இராஜதந்திரிகள் லண்டனில் பேச்சுவார்த்தை நடத்தத் தயாராகி வரும் நிலையில் இந்தத் தாக்குதல் நடந்துள்ளது. https://athavannews.com/2025/1429256

பஹல்காம் தாக்குதல்: மனதை உலுக்கும் புகைப்படம். காஷ்மீரின், பஹல்காம் பகுதியில் சுற்றுலா பயணிகள் மீது பயங்கரவாதிகள் துப்பாக்கிச்சூடு நடத்தியதில் 28 பேர் உயிரிழந்தனர். இத் தாக்குதலில் அரியானாவை சேர்ந்த 26 வயதான கடற்படை அதிகாரி வினய் என்பவரும் உயிரிழந்தார். 7 நாட்களுக்கு முன்பு இவருக்கு திருமணமான நிலையில், தேனிலவு கொண்டாட ஜம்மு காஷ்மீர் வந்தபோது மனைவி கண்முன்னே அவர் பரிதாபமாக உயிரிழந்துள்ளார். இந்நிலையில், பயங்கரவாதிகள் நடத்திய துப்பாக்கிச்சூட்டில், கணவனை இழந்த மனைவி அவர் அருகே செய்வதறியாது அமர்ந்திருக்கும் புகைப்படம் இணையத்தில் வெளியாகி அனைவரது மனங்களையும் உலுக்கியுள்ளது. https://athavannews.com/2025/1429225

நாரதர் கலகம் நன்மையில் முடியும். 😂 கலியுக நாரதர்… ட்றம்பு. 🤣

ட்ரம்பின் கடும் வரிகள்; உலகளாவிய பொருளாதார உற்பத்தி தொடர்பில் IMF எச்சரிக்கை! அமெரிக்க ஜனாதிபதி டொனால்ட் ட்ரம்பின் அனைத்து வர்த்தக பங்காளிகள் மீதும் விதிக்கப்பட்ட கடுமையான வரிகளால், வரவிருக்கும் மாதங்களில் உலகளாவிய பொருளாதார உற்பத்தி மெதுவாக இருக்கும் என்று சர்வதேச நாணய நிதியம் (IMF)செவ்வாயன்று (22) கூறியது. உலகளாவிய நிதித் தலைவர்கள் ட்ரம்பின் குழுவுடன் வரிகளைக் குறைக்க ஒப்பந்தங்களைக் கோரி செவ்வாயன்று வொஷிங்டனை முற்றுகையிட்டனர். உண்மையில், பேச்சுவார்த்தைகளின் வேகம் விறுவிறுப்பாக இருந்தது என்று வெள்ளை மாளிகையின் பத்திரிகை செயலாளர் கரோலின் லீவிட் கூறினார். இதுவரை 18 வெவ்வேறு நாடுகள் திட்டங்களை வழங்கியுள்ளன. மேலும் ட்ரம்பின் வர்த்தக பேச்சுவார்த்தைக் குழு இந்த வாரம் 34 நாடுகளைச் சந்தித்து வரிகளைப் பற்றி விவாதிக்க உள்ளது. சீனாவுடனான வர்த்தக ஒப்பந்தம் “கணிசமாக” கட்டணங்களைக் குறைத்து, சந்தைகளை உயர்த்தும் என்று ட்ரம்ப் நம்பிக்கை வெளியிட்டுள்ளார். இந்த மாத தொடக்கத்தில் பல நாடுகளுக்கு 10% அடிப்படை இறக்குமதி வரியை நிர்ணயித்த பின்னர், ட்ரம்ப் திடீரென கடுமையான வரிகளை 90 நாட்களுக்கு நிறுத்தி வைத்தார். இதேவேளை, உலகின் நம்பர் 1 பொருளாதார நாட்டில் பொருட்கள் மீதான வரிகள் ஒரு நூற்றாண்டில் மிக உயர்ந்த நிலையில் இருப்பதால், 2025 ஆம் ஆண்டில் உலகளாவிய வளர்ச்சி 2.8% ஆகக் குறையும் என்று IMF கணித்துள்ளது. இது ஏனைய நாடுகளுக்கு ஏற்படும் ஒரு வேதனை மட்டுமல்ல: அமெரிக்காவின் மொத்த உள்நாட்டு உற்பத்தி வளர்ச்சி கடந்த ஆண்டு 2.8% ஆக இருந்த நிலையில், 2025 ஆம் ஆண்டில் முழு சதவீதப் புள்ளி குறைந்து வெறும் 1.8% ஆகக் குறையும் என்றும் IMF கணித்துள்ளது. இறக்குமதிகளின் விலை அதிகரிக்கும் போது பணவீக்கத்தில் “குறிப்பிடத்தக்க” மேல்நோக்கிய திருத்தங்கள் ஏற்படும். அமெரிக்காவின் பொருட்களுக்கு சீனா 125% வரிகளை விதித்து பதிலடி கொடுத்துள்ளது. இதன் விளைவாக இரண்டு பெரிய பொருளாதார நாடுகளுக்கு இடையே வர்த்தகத் தடை ஏற்பட்டுள்ளளதாகவும் IMF கூறியுள்ளது. https://athavannews.com/2025/1429221

அமெரிக்க மாட்டிறைச்சி இறக்குமதிக்கு சீன அரசு தடை! அமெரிக்கா- சீனா இடையேயான வர்த்தகப் போர் தீவிரமடைந்து வரும் நிலையில், அமெரிக்காவில் இருந்து இறக்குமதி செய்யப்படும் மாட்டிறைச்சிக்கு சீன அரசு தடைவிதித்துள்ளதாக சர்வதேச ஊடகங்கள் செய்தி வெளியிட்டுள்ளன. சீனாவின் உணவகங்களில் மிக பிரபல உணவாக இருந்த அமெரிக்க மாட்டிறைச்சி இனி வாடிக்கையாளர்களுக்கு வழங்கப்படாது என்று அறிவிப்புகள் வெளியாகியுள்ளன. அத்துடன் இதற்குப் பதிலாக அவுஸ்திரேலியாவில் இருந்து மாட்டிறைச்சியை இறக்குமதி செய்யவுள்ளதாக சீன இறக்குமதியாளர்கள் தெரிவித்துள்ளமை குறிப்பிடத்தக்கது. முன்னதாக அமெரிக்காவுடன் வர்த்தக ஒப்பந்தம் செய்யும் நாடுகளுக்கு, மிகக் கடுமையான நெருக்கடி கொடுக்கப் போவதாக சீனா எச்சரிக்கை விடுத்திருந்தது என்பதும் குறிப்பிடத்தக்கது. https://athavannews.com/2025/1429214

சரத் வீரசேகர.

துப்பாக்கி பிரயோகத்தில் டான் பிரியசாத் மரணம்! வெல்லம்பிட்டி பொலிஸ் பிரிவுக்குட்பட்ட பகுதியில் மேற்கொள்ளப்பட்ட துப்பாக்கிப் பிரயோகத்தில் சமூக ஆர்வலரும், ஸ்ரீலங்கா பொதுஜன பெரமுன கட்சியின் உறுப்பினருமான டான் பிரியசாத் (Dan Priyasad) உயிரிழந்துள்ளார். வெல்லம்பிட்டி, சாலமுல்ல பகுதியில் அமைந்துள்ள லக்சந்த செவன அடுக்குமாடி குடியிருப்பு வளாகத்தின் மேல் தளத்தில் நேற்று (22) இரவு 9:10 மணியளவில் துப்பாக்கிச் சூடு நடந்ததாக பொலிஸ் ஊடகப் பேச்சாளர் தெரிவித்தார். மோட்டார் சைக்கிளில் வந்த இருவர் துப்பாக்கிச் சூடு நடத்திவிட்டு தப்பிச் சென்றுள்ளனர். துப்பாக்கிச் சூடு பிஸ்டல் ரக துப்பாக்கியைப் பயன்படுத்தி நடத்தப்பட்டதாக முதற்கட்ட விசாரணைகளில் தெரியவந்துள்ளது. துப்பாக்கிச் சூட்டில் காயமடைந்த 39 வயதான டான் பிரியசாத், கொழும்பு தேசிய வைத்தியசாலையில் அனுமதிக்கப்பட்ட பின்னர், சிகிச்சை பலனின்றி உயிரிந்துள்ளார். அவரது தோள்பட்டையில் இரண்டு துப்பாக்கிச் சூட்டுகளும், மார்பில் இரண்டு துப்பாக்கிச் சூட்டுகளும் பாய்ந்ததாக வைத்தியசாலை வட்டாரங்கள் தெரிவிக்கின்றன. இந்த சம்பவத்தில் மற்றொருவர் லேசான காயங்களுடன் வைத்தியசாலையில் அனுமதிக்கப்பட்டுள்ளார். உயிரிழந்தவரின் சடலம் கொழும்பு, தேசிய வைத்தியசாலையில் பிரேத அறையில் வைக்கப்பட்டுள்ளது. சம்பவம் தொடர்பான மேலதிக விசாரணைகளை வெல்லம்பிட்டி பொலிஸார் மேற்கொண்டு வருகின்றனர். https://athavannews.com/2025/1429188

அடுத்த 4 மாதங்களுக்கு போதுமான இன்சுலின் இருப்பு உள்ளது! அடுத்த நான்கு மாதங்களுக்கு தேவையான இன்சுலின் இருப்பு ஏற்கனவே விநியோகிக்கப்பட்டுள்ளதாகவும், இது தொடர்பாக பொதுமக்கள் அச்சமடையத் தேவையில்லை எனவும், அமைச்சர் நலிந்த ஜயதிஸ்ஸ தெரிவித்தார். அரசாங்க தகவல் திணைக்களத்தில் நேற்று (22) நடைபெற்ற அமைச்சரவை தீர்மானங்களை அறிவிக்கும் ஊடக சந்திப்பில் கலந்து கொண்டு கருத்துத் தெரிவித்த போதே அமைச்சர் இவ்வாறு கூறினார். இதன்போது இந்த ஆண்டு செப்டம்பர் மாதம் வரை நாட்டில் தேவையான அளவு இன்சுலின் இருப்பு உள்ளதாகத் தெரிவித்த அமைச்சர், மருந்து தட்டுப்பாடு ஏற்படாமல் இருக்க, நான்கு முதல் ஆறு மாதங்களுக்கு தேவையான மருந்து இருப்பை பராமரிக்க அரசு நடவடிக்கை எடுத்து வருவதாகவும் தெரிவித்தார். மேலும் கடந்த இரண்டு ஆண்டுகளில் பல்வேறு காரணங்களால் சில மருந்துகளுக்கு அவ்வப்போது தட்டுப்பாடு ஏற்பட்டதாகவும், விநியோகஸ்தர்களின் பலவீனங்கள் இதற்கு ஒரு காரணமாக இருந்ததாகவும் அமைச்சர் கூறினார். இதை தவிர்க்க, பல நாடுகளுடன் பேச்சுவார்த்தைகள் நடத்தப்பட்டு வருவதாகவும் அவர் மேலும் தெரிவித்துள்ளமை குறிப்பிடத்தக்கது. https://athavannews.com/2025/1429173

ஜம்மு காஷ்மீரில் கொடூரமான பயங்கரவாத தாக்குதல்; 26 பேர் மரணம்! ஜம்மு காஷ்மீரில் அண்மையில் நடந்த மிக மோசமான பயங்கரவாத தாக்குதலாக பஹல்காமில் செவ்வாய்க்கிழமை (22) தீவிரவாதிகளால் சுற்றுலாப் பயணிகள் மீது துப்பாக்கிப் பிரயோகம் மேற்கொள்ளப்பட்டுள்ளது. இந்த துப்பாக்கிப் பிரயோகத்தில் மொத்தம் 26 பேர் கொல்லப்பட்டனர் மற்றும் பலர் காயமடைந்தனர். இந்த தாக்குதலில் இந்திய கடற்படையைச் சேர்ந்த ஒரு அதிகாரியும், உளவுத்துறைப் பணியகத்தைச் சேர்ந்த ஒரு அதிகாரியும் உயிரிழந்துள்ளனர். தாக்குதலில் காயமடைந்தவர்களை வெளியேற்றுவதற்காக இராணுவ ஹெலிகொப்டர்கள் சேவையில் ஈடுபடுத்தப்பட்டன. ஏனெனில் அந்தப் பகுதிக்கு கால்நடையாகவோ அல்லது குதிரையில் சென்றோ மட்டுமே செல்ல முடியும். தாக்குதலின் பின்னர் மத்திய உள்துறை அமைச்சர் அமித் ஷா நேற்று மாலை ஸ்ரீநகருக்கு விஜயம் மேற்கொண்டார். அங்கு ஜம்மு-காஷ்மீர் காவல்துறை பணிப்பாளர் ஜெனரல் நளின் பிரபாத் அவருக்கு விளக்கம் அளித்தார். முன்னதாக, பிரதமர் நரேந்திர மோடி – தனது இரண்டு நாள் சவுதி அரேபியா பயணத்தை முடித்துக்கொண்டு செவ்வாய்க்கிழமை இரவு இந்தியாவுக்கு திரும்பினார். அவருடன் பேசி தாக்குதல் நடந்த இடத்தைப் பார்வையிடுமாறு கேட்டுக் கொண்டார். பஹல்காமின் பைசரன் பள்ளத்தாக்கில், ஒரு மலையின் உச்சியில் உள்ள புல்வெளியில் துப்பாக்கிச் சூடு சத்தங்கள் கேட்டன. தீவிரவாதிகள் காடுகளிலிருந்து வெளியேறி கண்மூடித்தனமாக சுடத் தொடங்கியதாக சாட்சியங்கள் தெரிவித்தன. துப்பாக்கிப் பிரயோகம் தொடர்பில் வெளியான காட்சிகளில் பலர் அசையாமல் தரையில் கிடப்பதையும், பல பெண்கள் உதவிக்காக மன்றாடுவதையும் வெளிக்காட்டியுள்ளது. பிரதமர் மோடி சவுதி அரேபியாவிற்கு விஜயம் செய்து கொண்டிருந்த நேரத்திலும், அமெரிக்க துணை ஜனாதிபதி ஜே.டி. வான்ஸ் இந்தியாவிற்கு வருகை தந்திருந்த நேரத்திலும் இந்தத் தாக்குதல் நடந்துள்ளது. இன்று அதிகாலை டெல்லி திரும்பிய பிரதமர், சவுதி அரேபியா நடத்திய அதிகாரப்பூர்வ இரவு விருந்தில் கலந்து கொள்ளவில்லை. அவர் முதலில் புதன்கிழமை (23) இரவு இந்தியாவுக்குப் புறப்படுவதாகத் திட்டமிடப்பட்டிருந்தார், ஆனால் தாக்குதலுக்குப் பின்னர் தனது பயணத்தை முடித்துக்கொண்டார். இந்தத் தாக்குதலைக் கடுமையாகக் கண்டித்த அவர், “பயங்கரவாதத்தை எதிர்த்துப் போராடுவதற்கான அரசாங்கத்தின் உறுதி அசைக்க முடியாதது, அது இன்னும் வலுவடையும்” என்றார். “அவர்களின் தீய திட்டம் ஒருபோதும் வெற்றிபெறாது,” என்று அவர் மேலும் கூறினார். “பேரழிவு தரும் பயங்கரவாத தாக்குதலை” திரு. வான்ஸ் கண்டனம் செய்தார். “கடந்த சில நாட்களாக, இந்த நாட்டின் அழகையும் அதன் மக்களையும் நாம் கண்டு வியந்து போயுள்ளோம். “ஆழ்ந்த தொந்தரவான” காஷ்மீர் தாக்குதலுக்குப் பின்னர், அமெரிக்கா இந்தியாவுடன் “வலுவாக நிற்கிறது” என்றும் அவர் கூறினார். இதேவேளை,பஹல்காம் சுற்றுலாப் பயணிகளின் தாக்குதலுக்குப் பின்னணியில் இருந்த பயங்கரவாதியின் பிரத்யேக முதல் படம் வெளியிடப்பட்டுள்ளது. பாகிஸ்தானை தளமாகக் கொண்ட பயங்கரவாதக் குழுவான லஷ்கர்-இ-தொய்பாவின் உள்ளூர் கிளையான ரெசிஸ்டன்ஸ் ஃப்ரண்ட் (The Resistance Front) இந்தத் தாக்குதலுக்குப் பொறுப்பேற்றுள்ளது. தாக்குதல் நடத்தியவர்களைக் கண்டுபிடிக்க பாதுகாப்புப் படையினர் தற்போது முயற்சிகளை தீவிரப்படுத்தி வருகின்றனர். https://athavannews.com/2025/1429191

தங்கத்தை விற்று பணம் பெற உலகின் முதல் ATM. உலகின் முதல் தங்க ATM இயந்திரத்தை சீன நிறுவனமொன்று உருவாக்கி சாதனை படைத்துள்ளது. குறித்த ATM நிறுவனமானது ஷாங்காய் வணிக வளாகத்தில் நிறுவப்பட்டுள்ளது. பழைய தங்க நகை, நாணயத்தை விற்று பணமாக்க பலரும் விரும்புகின்றனர். ஆனால், நஷ்டமின்றி தங்கத்துக்கு ஈடான முழுப்பணமும் எங்கும் கிடைக்காது என்பதால். தங்கத்தை விற்க பலரும் தயக்கம் காட்டி வருகின்றனர். இந்நிலையில் இதனைத் தவிர்க்கும் வகையில் சீனாவின் ஷாங்காய் நகரில், ‘சைனா கோல்ட்’ என்ற நிறுவனம் சார்பில் அமைக்கப்பட்டுள்ள தங்க ATM சீன மக்களிடம் அமோக ஆதரவைப் பெற்றுள்ளது. இந்த இயந்திரத்தில், நகையை வைத்தால், அதை எடை போட்டு, எவ்வளவு என்பதை திரையில் காட்டும். அதை ஏற்று ஒப்புதல் அளித்தால், தங்கம் உருக்கப்பட்டு, அதற்குரிய பணம், வாடிக்கையாளரின் வங்கிக் கணக்கில் வரவு வைக்கப்பட்டு விடும். சீன கிங்ஹுட் குழுமம் பராமரிக்கும் இந்த தங்க ATM தங்கத்தின் தரத்தை பரிசோதித்து, அதற்கு ஈடான பணத்தை வங்கிக் கணக்கில் வரவு வைக்கும். மேலும் தினசரி தங்கத்தின் விலையை ATM, திரையில் அறிவிப்பதாகவும், தங்கத்தை விற்றால் எங்கு கூடுதல் பணம் கிடைக்கும் என்று மக்கள் அலையாமல், அன்றைய விலையில் தங்கத்தை இந்த ATM இமில் வைத்து, தங்கள் வங்கிக் கணக்கில் உடனடியாக பணத்தைப் பெறலாம் என்றும் சைனா கோல்ட் நிறுவனம் தெரிவித்துள்ளமை குறிப்பிடத்தக்கது. இந்நிலையில் குறித்த ATM இல் தங்கள் தங்கத்தை விற்று பணம்பெற நீண்ட வரிசையில் மக்கள் காத்திருக்கின்றனர் என்பதும் குறிப்பிடத்தக்கது. https://athavannews.com/2025/1429168

அவர்களில் நொட்டினால்…. நாட்டில் குழப்பம் ஏற்பட்டு, அரசாங்கம் கவிழும் என்று அனுரவிற்கு தெரியும். அதனால்… ஐந்து வருடங்களுக்கு பூச்சாண்டி காட்டிக் கொண்டே இருப்பார்கள். வழக்கம் போல் மக்கள் தான் ஏமாளிகள்.