மனதுக்குள் எதோ ஒரு வலி தூக்கம் கலைந்து விளித்து எழுந்தேன்.அட நெஞ்சில் விழுந்த இரு துளி கண்ணீர்.ஏன்கேள்வி பிறக்கும் போதுதானே வேள்வி நடக்கும். றிஷானா கொடும் தவறு செய்த பெண்ணே உனக்கு மரணதண்டனை.மிகவும் சரியான தண்டனை.பலவருடங்களாய் உன்னைப்பற்றிய வாதங்கள் விவாதங்கள் அனைத்துக்கும் முடிவு .செத்து ஒளிந்தாய்.நீ ஒரு இஸ்லாமிய பெண் உனக்கான தண்டனை சரி.ஆனால் ஏனோ தெரியவில்லை .இன்னும் என் கண்கள் உகுத்த துளிகள் உயிரில் சுடுகிறது.உன் முதல் தவறு ஏழை பெற்றோருக்கு மகளானது.அதுவும் முதல் மகளானது.உன் வயதுக்கு இறக்கை முளைத்து சிறகடித்து பறக்கும் வயதில் பணம் கொத்திவர பாலைவனம் பறந்தாய் அது உன் மறுதப்பு.
சிலவேளைகளில் நினைத்திருப்பாய் ஒழுகும் உன் குடிசைக்கு ஒழுங்கான கூரையிடுவெனென.அதுவும் உன் தப்பு.பல வருடங்கள் உன் கழுத்தை குறிபார்த்த கத்தி சிலநிமிடங்களில் உன் உயிர் குடித்ததாம்.என் உணர்வுகளை குத்தி வாழும் காலம் வரை வலி தரும் நிகழ்வுகளில் உன் மரணமும் ஒன்று.போய்வா தங்கையே.எங்கேனும் உயிர்கள் பேசிக்கொள்ளும் சந்தர்ப்பம் கிடைத்தால் எம் வலி களை மறந்து மகிழ்வை மட்டும் பகிர்ந்து கொள்வோம்.

 

Edited January 11, 201312 yr by anni lingam

றிகானா அநியாயமாய் அழிக்கப்பட்டு அவளது ஏழைப்பெற்றோரை நிரந்தர ஏழைகளாக்கிவிட்டது அரேபிய சட்டம் ரிகானாவின் அமைதிக்காக பிரார்த்திப்போம். anni lingam உங்களது எண்ணப்பகிர்வை ஒரு கவிதையின் நடையில் எழுதியிருக்கிறீர்கள்.சில திருத்தங்களுடன் கீழே போட்டுள்ளேன். இந்த உங்கள் உணர்வுகளை கவிதைப்பகுதியில் இணைக்கலாம்.

 

றிகானா

 

மனதுக்குள் எதோ ஒரு வலி

தூக்கம் கலைந்து விளித்து எழுந்தேன்.

நெஞ்சில் விழுந்த இரு துளி கண்ணீர்

கேள்வி பிறக்கும் போதுதானே வேள்வி நடக்கும் ?

 

றிஷானா !

கொடும் தவறு செய்த பெண்ணே

உனக்கு மரணதண்டனை

மிகவும் சரியான தண்டனை

பலவருடங்களாய்

உன்னைப்பற்றிய வாதங்கள் விவாதங்கள்

அனைத்துக்கும் முடிவு .

 

செத்து ஒளிந்தாய்

நீ ஒரு இஸ்லாமிய பெண்

உனக்கான தண்டனை சரி.

ஆனால் இன்னும் என் கண்கள்

உகுத்த துளிகள் உயிரில் சுடுகிறது.

 

உன் முதல் தவறு

ஏழை பெற்றோருக்கு மகளானது

அதுவும் முதல் மகளானது

உன் வயதுக்கு இறக்கை முளைத்து

சிறகடித்து பறக்கும் வயதில்

பணம் கொத்திவர

பாலைவனம் பறந்தாய்

அது உன் மறுதப்பு.

சிலவேளைகளில் நினைத்திருப்பாய்

ஒழுகும் உன் குடிசைக்கு

ஒழுங்கான கூரையிடுவேனென

அதுவும் உன் தப்பு.

 

பல வருடங்கள்

உன் கழுத்தை குறிபார்த்த கத்தி

சிலநிமிடங்களில்

உன் உயிர் குடித்ததாம்

என் உணர்வுகளைக் குற்றி

வாழும் காலம் வரை

வலி தரும் நிகழ்வுகளில்

உன் மரணமும் ஒன்று.

 

போய்வா தங்கையே

எங்கேனும்

உயிர்கள் பேசிக்கொள்ளும்

சந்தர்ப்பம் கிடைத்தால்

எம் வலி களை மறந்து

மகிழ்வை மட்டும் பகிர்ந்து கொள்வோம்.

 

Edited January 12, 201312 yr by shanthy

நன்றி சாந்தி .இணைத்த இடம் பிழைதான்.இணைத்த பிறகுதான் தெரிந்தது.மற்றும் இங்கே அந்தப்பெண்ணுக்கு பலதடவைகள் மரணதண்டனையை எம் கள உறவுகள் வழங்கி இருந்தார்கள்.அவள் ஒரு இசுலாமிய பெண் என்பதால் மட்டும்.ஆனால் இந்த ஏழு வருடங்களாக மரண நாட்களை எண்ணி எண்ணி அவள் பட்ட மரண வேதனையை விளங்கிக் கொள்ள தவறினார்கள்.அவள் செய்த மிகப்பெரும் தவறு ஒரு ஏழை பெற்றோரின் மகளானதுதான்.
அதைவிட கிளிநொச்சியில் இன்னொரு தங்கை தன் பிள்ளையை அணைத்த வண்ணம் கிணற்றில் குதித்து உயிர் விட்டார்.நாளுக்கு ஒரு சுவிஸ் பிராங்கினை வழங்கி இருந்தால் கூட அவர்களை காப்பாற்றி இருக்கலாம்.குற்ற உணர்வு .ஒரு புறம் இரையெடுத்த மலைப்பாம்பாய் புலம் பெயர் தமிழ் சமூகம் மறுபுறம் பாலை வனத்தில் நீர் தேடி அலையும் விலங்குகளாய் எம் தாயகத்தின் ஏழை மக்கள்.
என்ன செய்யப்போகிறோம்.

மனதுக்குள் எதோ ஒரு வலி தூக்கம் கலைந்து விளித்து எழுந்தேன்.அட நெஞ்சில் விழுந்த இரு துளி கண்ணீர்.ஏன்கேள்வி பிறக்கும் போதுதானே வேள்வி நடக்கும். றிஷானா கொடும் தவறு செய்த பெண்ணே உனக்கு மரணதண்டனை.மிகவும் சரியான தண்டனை.பலவருடங்களாய் உன்னைப்பற்றிய வாதங்கள் விவாதங்கள் அனைத்துக்கும் முடிவு .செத்து ஒளிந்தாய்.நீ ஒரு இஸ்லாமிய பெண் உனக்கான தண்டனை சரி.ஆனால் ஏனோ தெரியவில்லை .இன்னும் என் கண்கள் உகுத்த துளிகள் உயிரில் சுடுகிறது.உன் முதல் தவறு ஏழை பெற்றோருக்கு மகளானது.அதுவும் முதல் மகளானது.உன் வயதுக்கு இறக்கை முளைத்து சிறகடித்து பறக்கும் வயதில் பணம் கொத்திவர பாலைவனம் பறந்தாய் அது உன் மறுதப்பு.

சிலவேளைகளில் நினைத்திருப்பாய் ஒழுகும் உன் குடிசைக்கு ஒழுங்கான கூரையிடுவெனென.அதுவும் உன் தப்பு.பல வருடங்கள் உன் கழுத்தை குறிபார்த்த கத்தி சிலநிமிடங்களில் உன் உயிர் குடித்ததாம்.என் உணர்வுகளை குத்தி வாழும் காலம் வரை வலி தரும் நிகழ்வுகளில் உன் மரணமும் ஒன்று.போய்வா தங்கையே.எங்கேனும் உயிர்கள் பேசிக்கொள்ளும் சந்தர்ப்பம் கிடைத்தால் எம் வலி களை மறந்து மகிழ்வை மட்டும் பகிர்ந்து கொள்வோம்.

 

சமூகத்தைக் காதலிப்பவன்தான் மனிதனுக்குரிய லட்சணங்களுடன் இருக்கமுடியும் . உங்களிடம் இருந்து மேலும் பல கவிதைகளை எதிர்பார்க்கின்றேன் . வாழ்த்துக்கள் அன்னிலிங்கம் . இனியும் றிகானாக்கள் உருவாகக்கூடாது என்று பிரார்த்திக்கின்றேன் .

அவள் செய்த மிகப்பெரும் தவறு ஒரு ஏழை பெற்றோரின் மகளானதுதான்.