நவீனத் தமிழ் இலக்கிய நட்சத்திரமாக ஆவதற்கு பத்து டிப்ஸ்கள்

(ஆண் எழுத்தாளர்களுக்கானது)

1. நான் பிறக்கும்போதே பேனாவுடன் பிறந்தவன்; எனது மூதாதைகள் லத்தீன் அமெரிக்கா/ ஜப்பான் நாட்டைச் சேர்ந்த நவீன எழுத்தாளர்கள்.

2. தமிழில் எனக்கு முன்னோடிகள் கிடையாது; நான் தமிழ் இலக்கியங்களை வாசித்ததுமில்லை, வாசிப்பதுமில்லை; என்னைத் தவிர தமிழ் இலக்கியத்தில் கொம்பன்கள் எவனும் கிடையாது.

3. தமிழில் எனக்கு முன்பு கவிதையோ சிறுகதையோ இல்லை; நகுலன் மட்டுமே அதற்கான முயற்சிகளைச் செய்து பார்த்துத் தோற்றுப் போயிருந்தார். -இவை நீங்கள் விட வேண்டிய அதிரடி அறிக்கைகள்.

இனி, உங்களுக்கான தகுதிகள்:

4. தமிழ்ச் சொற்களையும் வாக்கியங்களையும் இலக்கணப் பிழையோடு எழுதத் தெரிந்திருக்க வேண்டும். உப்புப் பெறாத விஷயங்களையும் சொல் ஜாலங்கள் காட்டி, அவை மகா தத்துவங்கள் என்பது போன்ற மயக்கத்தை வணிக வாசகர்கள் மத்தியில் ஏற்படுத்த வேண்டும். இது படைப்பிலக்கியங்கள், கட்டுரைத் தொடர், பத்தி எழுத்து, ப்ளாக், முகநூல், மளிகை சாமான் பட்டியல் யாவற்றிலும் கடைபிடிக்கப்பட வேண்டிய அடிப்படைத் தகுதியாகும்.

5. உங்களுக்கு அரைகுரையாகத் தெரிந்த உள்ளூர் மற்றும் உலக இலக்கியம் மட்டுமின்றி, உலக சினிமா, உலக இசை, உலக கலை - கலாச்சாரம் மற்றும் பண்பாடுகள், தமிழக- இந்திய - உலக அரசியல்கள், சமூகப் பிரச்சனைகள் அனைத்திலும் மூக்கை நுழைத்து மலைப் ப்ரசங்கங்கள் நிகழ்த்தத் தெரிந்திருக்க வேண்டும்.

இனி, நீங்கள் மேற்கொள்ள வேண்டிய நடவடிக்கைகள்:

6. முதலில் சிற்றிதழ்களில் மட்டுமே எழுதி, வணிக இதழ் தரப்பைத் திட்ட வேண்டும். பிறகு சிற்றிதழ்காரர்கள் உங்களுக்கு ஆப்பு வைத்ததும், அவர்கள்மீது சாபமிட்டுவிட்டு, கமண்டலமும் கையுமாக வணிகப் பத்திரிகைகளுக்குக் கட்சி மாறிவிட வேண்டும்.

7. உங்களின் கட்சி மாற்றத்தைப் பொருட்படுத்தாமல் உங்களுக்குத் தகுந்த ‘இலக்கியப் பேரிதழ்’ ஒன்றைப் பிடித்துக்கொண்டு அங்கும் பதியமிடுவது உங்களின் இலக்கியப் பீடத்தைத் தக்க வைக்கும். இதன்வழி உங்கள் இரட்டை வேடமும் சாத்தியமாகும்.

8. டி.வி. டாக் ஷோவில் அடிக்கடி பங்கேற்க வேண்டும். அதைக் குறுஞ்செய்தி/முகநூல் வழி உலகம் முழுதும் விளம்பரப்படுத்த வேண்டும்.

9. உங்கள் திருவாயிலிருந்தும், திரு கையிலிருந்தும் வருகிற சொற்கள் ஒவ்வொன்றும் வரலாற்றில் ப்ளாட்டின எழுத்துக்களால் பொறிக்கப்பட வேண்டியவை. எனவே உங்களின் தலையணை நாவல்கள், சிறுகதை மற்றும் கவிதைத் தொகுப்புகள், கட்டுரைத் தொடர்கள், பத்தி எழுத்துக்கள், மளிகைக் கடை மற்றும் லாண்டரிப் பட்டியல்கள் உள்ளிட்ட அனைத்தும் நூல்களாக்கப் படவேண்டும். சாதாப் பதிப்பு, செம்பதிப்பு, மலிவுப் பதிப்பு என மூன்று வகையிலும் இவற்றை வெளியிடலாம். இதன் மூலம் நீங்கள் அகில இந்தியாவின் தலை சிறந்த எழுத்தாளர் என்ற அல்டிமேட் அந்தஸ்தை அடைய முடியும்.

10. உலக சினிமாக்கள் எதையும் பார்க்காமல், இணையத்தில் அனாமதேயமாக எவரோ எழுதிய ஆங்கிலக் குறிப்புகளைத் தப்பும் தவறுமாகப் புரிந்துகொண்டு, அதைத் தமிழில் ‘முழிபெயர்த்து’, உங்கள் சொந்தக் கட்டுரையாக வெளியிடுவது மிக முக்கியப் பணியாகும். இதைக் கோட்டர் பாட்டில் ‘கோஸ்ட் ரைட்டர்ஸ்’களைக் கொண்டும் செய்யலாம். பிறகு இவற்றைத் தொகுத்து ‘உலக சினிமா’ என்று ஒரு தலையணையை வெளியிட வேண்டும். அதன் மூலம் உலக சினிமாவைக் கண்டுபிடித்தது நீங்கள்தான் என்ற உலக சரித்திரப் பெருமை உங்களுக்கு வரும். உங்கள் கனவான தமிழ் சினிமா வசன வாய்ப்புகளையும் பெறலாம்.

 

நன்றி: அ. யேசுராசா, முகநூல் பக்கம்

 

http://www.kalachuvadu.com/issue-162/page80.asp

இதைவிட  முக்கியமானது ஒன்று தான் தற்பொழுது அதிரடியாக பிரபலியப்படுத்தக்கூடியது.

 

அது

ஒரு பெண்ணுடன் உங்களை தொடர்பு படுத்தவேண்டும்

அவருடன் சாதாரண நட்பு இருந்தால் போதுமானது

அந்த பெண்ணின் பெயர் முகவரியையும் தெரிவிக்கவேண்டும்...........

அவருக்கும் உங்களுக்கும் படுக்கைவரை தொடர்பிருந்ததாக நம்ப வைக்கவேண்டும்.

ஆனால்;அதை நீங்கள் சொல்லாமல் மற்றவர்கள் சொல்கிறார்கள் என்பது போல் எழுதத்தெரிந்திருக்கணும்

 

ஓகோ என்று போகலாம்

இப்பொழுது இது தான் யெயிக்கும் மந்திரம்..........

.

இதன் மூலம் நீங்கள் அகில இந்தியாவின் தலை சிறந்த எழுத்தாளர் என்ற அல்டிமேட் அந்தஸ்தை அடைய முடியும்.

ஈழத்தமிழரிடையே பிரபலமாகவேண்டுமென்றால் புலியை திட்டவேண்டும்,முள்ளிவாய்க்காலில் இறுதிவரை நின்றேன் என புலம்ப வேண்டும்.....

ஹீ ஹீ