சென்னை: செவ்வாய்கிரகத்திற்கு அனுப்பபட்ட மங்கள்யான் விண்கலத்தில் ஏற்பட்ட கோளாறு சீரமைக்கப்பட்டது.

செவ்வாய்க்கிரகத்தை ஆராய்வதற்காக மங்கள்யான் என்ற விண்கலம் பி.எஸ்.எல்.வி. சி-25 ராக்கெட் மூலம் கடந்த 5ஆம் தேதி ஏவப்பட்டது. அந்த ராக்கெட்டில் இருந்து பிரிந்து சென்ற மங்கள்யான் விண்கலம் சரியான முறையில் பூமியின் சுற்று வட்டப் பாதையின் முதல் சுற்றில் சுற்றிக் கொண்டிருக்கிறது. விண்கலத்தை பூமியின் சுற்று வட்டப் பாதையில் இருந்து 5 முறை அதிகரிக்கப்பட வேண்டும்.

முதல் கட்டமாக பூமியின் சுற்று வட்டப்பாதையினை அதிகரிப்பதற்கான பணிகள் கடந்த 7ஆம் தேதி அதிகாலை 1 மணி 17 நிமிடத்திற்கு நடந்தது. 2வது கட்டமாக, கடந்த 8 ஆம் தேதி அதிகாலை 2.18 மணிக்கு அதிகரிக்கும் பணி நடந்தது. அப்போது அந்த விண்கலம் 40 ஆயிரம் கிலோமீட்டர் தூரத்திற்கு உயர்த்தப்பட்டது.

 

3வது கட்டமாக கடந்த 9ஆம் தேதி விண்கலம் பூமியின் வட்டப்பாதையில் 71 ஆயிரத்து 623 கிலோ மீட்டர் உயரத்திற்கு அதிகரிக்கப்பட்டது. பின்னர் நேற்று அதிகாலை 4வது கட்டமாக 1 லட்சம் கிலோ மீட்டர் தூரத்திற்கு உயர்த்தும் பணியில் விஞ்ஞானிகள் ஈடுபட்டனர். அப்போது, மங்கள்யான் விண்கலத்தில் ஏற்பட்ட கோளாறு காரணமாக, 78 ஆயிரத்து 276 கிலோ மீட்டர் தூரத்திற்கு உயர்த்தப்பட்டது. இதையடுத்து, ஏற்கனவே திட்டமிட்ட பணி தோல்வியடைந்தது.

இதையடுத்து, இந்த சிக்கலை தீர்க்கும் பணியில் இஸ்ரோ விஞ்ஞானிகள் ஈடுபட்டனர். தீவிர முயற்சியில் ஈடுபட்ட அவர்கள் இன்று காலை 5.10 மணியளவில் விண்கலத்தின் புவி வட்டப்பாதையை 1 லட்சத்து 18 ஆயிரத்து 642 கி.மீட்டர் தூரம் உயர்த்தி வெற்றி பெற்றனர். அதன் மூலம் மங்கள்யானில் ஏற்பட்ட சிக்கல் தீர்ந்தது.

ஏற்கனவே திட்டமிட்டபடி 16 ஆம் தேதி மேலும் உயர்த்தப்படும். பின்னர் மங்கள்யான் விண்கலம் டிசம்பர் 1 ஆம் தேதி பகல் 12 மணி 42 நிமிடத்திற்கு செவ்வாய்கிரகத்தை நோக்கி பயணிக்க தொடங்கி, 9 மாதங்கள் கழித்து 2014 ஆம் ஆண்டு செப்டம்பர் மாதம் 24 ஆம் தேதி செவ்வாய்க்கிரக வட்டப்பாதையை சென்றயும் என எதிர்பார்க்கப்படுகிறது.

 

http://news.vikatan.com/article.php?module=news&aid=21265

திராவிட மூளை வலுத்திறனை பாவிப்பது இந்திய இஸ்ரா. அதன் விஞ்ஞானம் தோல்வியுற்றால் நமக்குத்தான் இழிவு. சீனாவுக்கு முன்னர் செவ்வாயை அடைவார்களா என இருந்து பார்ப்போம்.

 

வாழ்த்துக்கள்.

Edited November 13, 201312 yr by மல்லையூரான்

இனி மங்களம் விழப்போற விசயம் ஒரு குருவிக்கும் தெரியாது........அப்பிடி தெரிஞ்சாலும் வேறை பெயரிலைதான் விழும்....

திராவிட மூளை வலுத்திறனை பாவிப்பது இந்திய இஸ்ரா. அதன் விஞ்ஞானம் தோல்வியுற்றால் நமக்குத்தான் இழிவு.  சீனாவுக்கு முன்னர் செய்வாயை அடைவார்களா என இருந்து பாரிப்போம்.

 

வாழ்த்துக்கள்.

 

 

உண்மை தான். இவ்விடயத்தில் இந்தியனுடன் போட்டியிட மாட்டேன்.

இதில் நாம் காங்கிரசின் தேர்தல் வெற்றிக்கு அல்ல வாழ்த்து சொல்வது. கிந்தி ஆக்கிரமிப்புக்கல்ல வாழ்த்து சொல்வது.  இந்திய நோபல் பரிசு மானிலமான தமிழ் நாட்டுக்கு இன்னும் சில நோபல் பரிசுகள் கிடைக்க வேண்டும் என்பதே.

தமிழர்களை பாவிப்பதில் இந்தியரில் இருந்து அமெரிக்கர் வரை கண்ணும் கருத்துமாக உள்ளார்கள். கிறடிட்டை தாங்கள் மட்டும் பெற்றுக்கொள்கிறார்கள்.