அமெரிக்கா- 29-வயதுடைய பெண் ஒருவர் நவம்பர் மாதம் 1-ந்திகதிக்கு முன்னர் இறந்துவிட எதிர்பார்க்கின்றார். இப்பெண்ணை வருத்திக்கொண்டிருக்கும் மூளை புற்று நோய் ஒக்டோபர் மாதத்தில் அவரை கொல்லாது விட்டால் தனது வாழ்க்கையை தானே முடித்துக் கொள்ள திட்டமிட்டுள்ளார்.

 

தனது கணவனின் 30-வது பிறந்த நாள் முடிந்து சில நாட்களில் நவம்பர் மாதம் 1-ந்திகதி உயிரை விட தீர்மானித்துள்ளார்.

கலிபோர்னியாவை சேர்ந்த Brittany Maynard  இவரும் இவரது கணவர்  Dan Diaz-ம் கலிபோர்னியாவை விட்டு Oregon சென்றுள்ளனர். ஏனெனில் அங்கு முடிவு கட்டத்தில் இருக்கும் நோயாளிகள் வைத்தியர் ஒருவரால் பரிந்துரைக்கப்படும் உயிர் நீக்கும் மருந்துகள் மூலம் தங்களது உயிரை போக்கி கொள்ள அனுமதிக்கப்படும் என கூறப்பட்டுள்ளது.

1997-ல் யு.எஸ்சில் Oregon மாநிலம் வைத்தியர் ஒருவர் இறுதிக்கட்ட நோயாளி ஒருவர் வேண்டும் பட்சத்தில் உயிர் போக்கும் மருந்தை பரிந்துரைக்கலாம் என அனுமதி வழங்கிய முதலாவது மாநிலமாக வந்துள்ளது.

இந்த மருந்தை வைத்தியர் ஒருவர் நிர்வகிப்பது சட்ட விரோதம். நோயாளியே உதவி எதுவும் இன்றி விழுங்க வேண்டும்.

Maynard தானும் தனது கணவரும் திருமணம் செய்து வாழ்க்கை ஆரம்பித்த சமயம் புது வருட தினத்தன்று தனக்கு மூளை புற்று நோய் கண்டிருப்பதை அறிந்ததாக கூறியுள்ளார். கடந்த இலை துளிர் காலத்தில் 6-மாதங்கள் தான் உயிர்வாழ முடியும் என்ற காலக்கெடு கொடுக்கப்பட்டது.

நவம்பர் மாதம் 1-ந்திகதி படத்தில் காட்டப்பட்டிருக்கும் அவரது கலியாண படுக்கையில் குடும்பத்தினர், நெருங்கிய சினேகிதர்கள் சூழ்ந்து நிற்க குளிசையை எடுத்து தனது வேதனையை முடிவுக்கு கொண்டுவர உள்ளார்.

   

 

 

canadamirror.com

வாழ்க்கை என்பது 'அனுபவங்களின்' தொகுப்பு!

 

அந்த அனுபவங்கள் துன்பங்கள் நிறைந்ததாகவும்....இன்பங்கள் சூழ்ந்ததாகவும் அமைவதுவே இயல்பு!

 

சமாந்திரமான நிலம் போல அல்லாது... மலைகளும்.. பள்ளத்தாக்குகளும் அமைந்த ஒரு நிலமாக அமைகையில் அழகு கொழிக்கின்றது!

 

இந்தப் பெண்ணின் வாழ்வு... தனியே வலி சுமந்ததாகவே... இப்போதும்.. இனி எப்போதும் இருக்கப்போகின்றது!

 

இருந்தும் ஏனோ எனக்கு ' வலிந்து' உயிரைப்போக்கிக் கொள்வதில் உடன்பாடில்லை!

நல்ல முடிவு. வரவேற்கப்பட வேண்டும்.

கருணைக்கொலைகள் ஏற்கப்பட வேண்டும்.

அந்தப் பெண்மணி எடுக்கும் முடிவு சரியா,பிழையா என்பதற்கும் அப்பால்,ஒவ்வொரு வலிகளையும் அனுபவிப்பவர்களுக்கு மட்டுமே அதன் தாக்கங்கள் புரியும்.ஆகவே அவர் தொடர்ந்து கஸ்ரப்படாமல் தன் வலியை ஒரு முடிவுக்கு கொண்டு வரனும் என்று யோசித்து இந்த முடிவை எடுக்கிறார் போலும்.

 

வாழ்க்கை என்பது 'அனுபவங்களின்' தொகுப்பு!

 

அந்த அனுபவங்கள் துன்பங்கள் நிறைந்ததாகவும்....இன்பங்கள் சூழ்ந்ததாகவும் அமைவதுவே இயல்பு!

 

சமாந்திரமான நிலம் போல அல்லாது... மலைகளும்.. பள்ளத்தாக்குகளும் அமைந்த ஒரு நிலமாக அமைகையில் அழகு கொழிக்கின்றது!

 

இந்தப் பெண்ணின் வாழ்வு... தனியே வலி சுமந்ததாகவே... இப்போதும்.. இனி எப்போதும் இருக்கப்போகின்றது!

 

இருந்தும் ஏனோ எனக்கு ' வலிந்து' உயிரைப்போக்கிக் கொள்வதில் உடன்பாடில்லை!

புங்கையூரன் மூளை புற்றுநோய் கட்டி உள்ளவர்களின் கடைசி நேர அவஸ்தை வார்த்தைகளில் சொல்லமுடியாது ..........................

எதுவும் எழுத முடியவில்லை

கண்ணீர் மட்டுமே ததும்பி நிற்கிறது

எவருக்குமே வரக்கூடாத நிலை இது...