நபர் ஒருவர் ஐபோன் ஒன்றை வாங்கி விட்டு கதறி அழுத சம்பவம் ஒன்று சிங்கப்பூரில் இடம்பெற்றுள்ளது.

சம்பவம் தொடர்பில் தெரியவருவதாவது,

வியட்நாம் நாட்டை சேர்ந்த பாம் வான் தொய் என்பவர் சிங்கப்பூருக்கு சுற்றுலா சென்றுள்ளார். அங்கு அவர் தன்னுடைய காதலிக்கு ஐபோன் 6 ஒன்றை வாங்க விரும்பி ஆப்பிள் காட்சிறைக்கு சென்றுள்ளார்.

அங்கு ஐபோன் 6 ஒன்றி விலை 950 டொலர்கள் என காட்சிப்படுத்தப்பட்டிருந்ததையடுத்து ஐபோன்6 ஒன்றினை வாங்கினார். ஆனால் அவருடைய ஐபோனுக்கு மேலதிக உத்தரவாக கட்டணத்தை சேர்த்து 1500 டொலர்கள் என அவருக்கு பற்றுச்சீட்டு கொடுக்கப்பட்டுள்ளது.

அவர் குறித்த பற்றுச்சீட்டில் குறிப்பிடப்பட்டிருந்த தொகையை கவனிக்காமல் தன்னுடைய டெபிட் கார்டை கொடுத்து பணத்தை கட்டிவிட்டார்.

பின்னர் தொகையை பார்த்து அதிர்ச்சி அடைந்த குறித்த நபர், தான் மாதம் 200 டொலர்கள் மாத்திரமே சம்பாதிப்பதாகவும், எனவே தன்னுடைய பணத்தை திருப்பி கொடுத்துவிடும்படியும் கெஞ்சினார். ஆனால் கடைக்காரர் கொடுக்க மறுத்ததால் அவர் அந்த இடத்திலேயே முழங்கால் இட்டு மண்டியிட்டு அழுது புலம்பினார்.

இந்த பரிதாப காட்சியை ஒருவர் வீடியோ எடுத்து சிங்கப்பூரில் உள்ள indiegog.com என்ற இணையதளத்திற்கு அந்த வீடியோவை அனுப்பினார். அந்த இணையதளம் வீடியோவை தங்கள் இணையதளத்தில் பதிவு செய்து பரிதாபமான அந்த வியட்நாம் வாலிபருக்கு உதவி செய்ய விரும்புவர்கள் பணம் அனுப்பலாம் என கோரிக்ககை விடுத்தது.

என்ன ஆச்சர்யம். இந்த வீடியோ பதிவு செய்யப்பட்ட சில நிமிடங்களில்  11,713 டொலர்கள் பணம் சேர்ந்துவிட்டது. அதற்குள் இந்த விடயத்தில் பொலிஸார் தலையிட்டு அவருக்கு  450 டொலர்கள் பணத்தை மட்டும் வாங்கித்தந்தனர்.

தனக்கு  1050 டொலர்கள் நஷ்டம் என அவர் நினைத்துக்கொண்டிருக்கும் நிலையில்  indiegog.com  நிர்வாகத்தினர் அவருக்கு பொதுமக்கள் அனுப்பிய    11,713 பணத்தை பணத்தை அவருடைய கையில் கொடுத்து நடந்த விடயத்தையும் கூறினர். இதனால்பாம் வான் இன்ப அதிர்ச்சியடைந்து தனக்கு பணம் அனுப்பிய சிங்கப்பூரைச் சேர்ந்த அனைவருக்கும் நன்றி தெரிவித்தார்.

http://youtu.be/MP7gYe0vk0c

http://ilakkiyainfo.com/2014/11/09/வெளிநாட்டு-செய்திகள்/ஐபோன்-6-ஒன்றை-வாங்கிவிட்ட/

முடிவு நன்றாக இருந்தாலும்,
மாதம் 200 டொலர் சம்பாதிப்பவர் தனது காதலிக்காக, 950 டொலர் ஐபோனுக்கு ஆசைப்பட்டது, அதிகம்.

முடிவு நன்றாக இருந்தாலும்,

மாதம் 200 டொலர் சம்பாதிப்பவர் தனது காதலிக்காக, 950 டொலர் ஐபோனுக்கு ஆசைப்பட்டது, அதிகம்.

 

காதல் என்றால் அப்படிதான் இருக்கணும் சிறி.