பெண் நிருபரால் தாக்கப்பட்ட சிரிய அகதி ஸ்பெயினில் கால்பந்து பயிற்சியாளர் ஆனார்!

 

கடந்த சில நாட்களுக்கு முன் சிரியாவில் இருந்து ஹங்கேரிக்கு சென்ற அகதிகளை கணக்கெடுக்கும் பணி நடைபெற்றுக் கொண்டிருந்தது. அப்போது பெண் வீடியோகிராபரான பெட்ரோ லஸ்லா என்பவரால் ஒசமாக அகமது என்ற அகதி  காலை இடறி  கீழே விழ வைக்கப்பட்டார்.

இந்த சம்பவம் அப்படியே தொலைகாட்சிகளில் ஒளிபரப்பாகியது. இந்த சம்பவத்தை தொலைகாட்சிகளில் பார்த்த மக்கள், அந்த  பெண் நிருபரின் செயலுக்கு கடும் கண்டனத்தை தெரிவித்தனர். இதனைத் தொடர்ந்து நிருபர் பெட்ரோ லஸ்லாவை அவர் வேலை பார்த்து வந்த நிறுவனமும்  பணியை விட்டு நீக்கியது.

பெண் நிருபரால் தாக்கப்பட்ட சிரிய அகதி  ஒசமா அப்துல் சிரிய நாட்டை சேர்ந்த புகழ்பெற்ற கால்பந்து அணிகளுக்கு பயிற்சியாளராக இருந்தவர் என்றும் தெரிய வந்தது. இவருக்கு இரு மகன்கள் இருக்கின்றனர். இதில் 18 வயது மூத்த மகன் முகமது ஏற்கனவே ஜெர்மனி நாட்டில் குடியேறி விட்டார்.

இதையடுத்து ஸ்பெயின் தலைநகர் மாட்ரிட் நகரில் உள்ள கெனாஃபே கால்பந்து அகாடமி அவருக்கு கால்பந்து பயிற்சியாளர் பணியளிக்க முன் வந்தது.  இதனைத் தொடர்ந்து ஒசமா அப்துல் கடந்த புதன்கிழமை இரவு ரயிலில் ஜெர்மனி வழியாக மாட்ரிட் நகர் வந்தடைந்தார். மாட்ரிட்டின் புறநகர் பகுதியான கெடாஃபேவில் அவருக்கு அடுக்கு மாடி குடியிருப்பு ஒன்றும் வழங்கப்பட்டது.

நிருபரால் தாக்கப்பட்ட சம்பவம் குறித்து ஒசமா அப்துல் கூறுகையில்,''  அந்த சம்பவம் மிக மோசமானது. அந்த பெண் இடறியதும் எனது கையில் இருந்த 7 வயது மகன் சையதுடன் கீழே விழுந்தேன். எனது மகனை அந்த சம்பவம் மிகவும் பாதித்தது. 2 மணி நேரத்திற்கு மேலாக அவன் அழுது கொண்டேயிருந்தான். சிரியாவில் இருந்து ஐரோப்பாவுக்கு இடம் பெயர்ந்தது மறுஜென்மம் எடுத்தது போல உணர்ந்துள்ளேன் '' என்றார்.

http://www.vikatan.com/news/article.php?aid=52566

 

பெண் கேமரா மேனால் தள்ளிவிடப்பட்ட சிரிய அகதிக்கு மாட்ரிட்டில் உள்ள ஒரு கால்பந்து பயிற்சி பள்ளியில் பயிற்சியாளர் பணி கிடைத்துள்ளது.

 

மத்திய கிழக்கு நாடுகளில் நடைபெறும் உள்நாட்டு யுத்தம் காரணமாக சிரியா உள்ளிட்ட பல்வேறு நாடுகளில் இருந்து ஏராளமானோர் அகதிகளாக வெளியேறி வருகின்றனர். அந்த வகையில் ஒசாமா அப்துல் என்பவர்   சிரியாவை விட்டு வெளியேற திட்டமிட்டார். தனது மகனை தோளில் சுமந்து  கொண்டு ஹங்கேரி - செர்பியா எல்லையை அவர் தாண்டிச் செல்ல முயன்றார்.

 

 

அப்போது ஒரு காவல்துறை அதிகாரி அவரை துரத்திக் கொண்டிருந்தார். இக்காட்சிகளை அங்கு சூழ்ந்திருந்த  புகைப்படக்கலைஞர்கள் மற்றும் காட்சி ஊடக ஒளிப்பதிவாளர்கள் தங்களது கேமராக்களில் அதனை படம்பிடித்துக் கொண்டிருந்தனர்.

 

அப்போது போலீசாரிடம் இருந்து தப்பிச் செல்ல முயன்ற ஒசாமா அப்துலை ஹங்கேரி நாட்டைச் சேர்ந்த பெண் கேமரா மேன் தனது காலால் உதைத்து விழவைத்தார். இதில் நிலைதடுமாறிய ஒசாமா தனது மகனுடன் சேர்ந்து தரையில் விழுந்தார்.

 

 

 

மத்திய தரைக்கடலில் படகு மூழ்கி சிறுவன் ஒருவன் உயிரிழந்த புகைப்படம் உலக நாடுகளை உலுக்கியது போல இந்தப் புகைப்படத்தையும்  உலகில் உள்ள அனைத்து ஊடகங்களும் செய்தியாக வெளியிட்டன.

 

 

 

அந்தச் செய்தியில் பெண் கேமராமேனால் தள்ளிவிடப்பட்ட ஒசாமா சிரியாவின் முதல் தர கால்பந்து அணியின் பயிற்சியாளர் என்ற தகவலும் குறிப்பிடப்பட்டிருந்தது.

இந்நிலையில்  மாட்ரிட்டில் உள்ள ஒரு கால்பந்து பயிற்சிப் பள்ளி  ஒசாமாவின் நிலை அறிந்து அவருக்கு பயிற்சியாளர் பணி வழங்க விரும்பியது.  இது குறித்த தகவலும்  ஒசாமாவுக்கு தெரிவிக்கப்பட்டது. இதனை அறிந்து மகிழ்ச்சியடைந்த ஒசாமா தனது மகனுடன் நேற்றிரவு ஸ்பெயின் சென்றடைந்தார். விமான நிலையம் வந்தடைந்த அவருக்கு அந்த பயிற்சி பள்ளியின் நிர்வாகிகள் சிறப்பான வரவேற்பு அளித்தனர்.

 

 

 

 

http://tamil.webdunia.com/article/world-news-in-tamil/tripped-up-syrian-refugee-starts-a-new-spanish-football-life-115091800034_1.html

 

எங்கட ஆட்கள் அகதியாகப் போனால் வருடக்கணக்கில் இழுபடுகிறது வழக்கு முடிய.. இவர் என்னடா என்றால் அகதி வழக்கை தொடங்க முன்னமே வேலையும் எடுத்துவிட்டார்.

எங்கட ஆட்கள் அகதியாகப் போனால் வருடக்கணக்கில் இழுபடுகிறது வழக்கு முடிய.. இவர் என்னடா என்றால் அகதி வழக்கை தொடங்க முன்னமே வேலையும் எடுத்துவிட்டார்.

உங்களிடம் என்ன இருக்கு??

அவரிடம் எண்ணெய் இருக்கு....

எங்கட ஆட்கள் அகதியாகப் போனால் வருடக்கணக்கில் இழுபடுகிறது வழக்கு முடிய.. இவர் என்னடா என்றால் அகதி வழக்கை தொடங்க முன்னமே வேலையும் எடுத்துவிட்டார்.

குட்டு வாங்கினாலும் 
மோதிரக்கையால் வாங்க வேண்டும்.