மலேசியாவில் முஸ்லிம் பயணிகளுக்காக விமான சேவை தொடங்கிய தமிழர்!

 

மலேசியாவின் முஸ்லிம் பயணிகளுக்காகவே தனியாக தமிழர் ஒருவர் விமான நிறுவனத்தை தொடங்கியுள்ளார். ரயானி ஏர்  விமான சேவை, ஹிஜாப் அணிந்த பணிப் பெண்களுடன் இன்று கோலாம்பூரில் இருந்து முதல் பயணத்தை தொடங்கியது.

மலேசியாவை சேர்ந்த ரவி அழகேந்திரன்,அவரது மனைவி கார்த்தியானி கோவிந்தன் ஆகியோர் இந்த விமான நிறுவனத்தை தோற்றுவித்துள்ளனர். இந்த நிறுவனத்தின் முதல் விமான சேவை இன்று தொடங்கப்பட்டது. கோலாலம்பூரில் இருந்து இன்று காலை 10 மணியளவில் 150 பயணிகளுடன் லங்காவி நகருக் முதல் விமானம் புறப்பட்டது.

இந்த விமானத்தில் பணிப் பெண்கள் ஹிஜாப் அணிந்து  பணியாற்றுவார்கள். முக்கியமாக ஹலால் வகை உணவுதான் பரிமாறப்படும். மதுவுக்குத் தடை விதிக்கப்பட்டுள்ளது. தற்போது  லங்காவி நகருக்கு மட்டும் சேவை தொடங்கப்பட்டுள்ள நிலையில், விரைவில் மலைசியாவின் மற்ற நகரங்களுக்கும் ரயானி ஏர் விமான சேவையை அளிக்கவுள்ளது.

இந்த நிறுவனத்தை தோற்றுவித்த ரவி அழகேந்திரன் கூறுகையில், '' முஸ்லிம் பயணிகளை கவரும் வகையில்தான் இந்த சேவை தொடங்கப்பட்டுள்ளது. இதனால் விமானத்தில் அவர்கள் விரும்பும் வகையில் ஹிஜாப், ஹலால் உணவு, மது நீக்கம் போன்ற சூழலை ஏற்படுத்தியுள்ளோம். பன்றிகறி பரிமாறப்பட மாட்டாது. விமானம் புறப்படுவதற்கு முன், இஸ்லாமிய முறையிலான பிரார்த்தனைகள் மேற்கொள்ளப்படும்.

இதனை பாகுபாடான விஷயம் என்று எடுத்துக் கொள்ளவேண்டிய அவசியமில்லை. மற்ற விமான நிறுவனங்களின் சேவையில், முஸ்லிம் பயணிகள்  சில சவுரிய குறைபாடுகள் ஏற்படலாம்.
அதனை ரயானி ஏர் நிவர்த்தி செய்யும். தற்போது 350 ஊழியர்கள் எங்கள் நிறுவனத்தில் பணியாற்றுகின்றனர்.  இதில் 8 பேர் பைலட்டுகள். 50 பணிப் பெண்களும் உள்ளனர்.

இதில் இஸ்லாமிய பெண்களாக இருந்தால், அவர்கள் கண்டிப்பாக ஹிஜாப் அணிந்து பணி புரிவார்கள். மற்றவர்கள் நேர்த்தியான ஆடை அணிந்து பணியில் ஈடுபட உத்தரவிட்டுள்ளோம். அடுத்து கோட்டா கின்னப்புலு, குட்சிங் நகரங்களுக்கு சேவை  தொடங்குகிறோர். விரைவில் இந்தோனேஷியா, பிலிப்பைன்ஸ் நாடுகளுக்கும் ரயானி ஏர் விமான சேவை அளிக்கவுள்ளது'' என்றார். 

முஸ்லிம் நாடானா மலேசியாவில் இந்த வகையிலான விமான சேவையை தொடங்கியுள்ள முதல் விமான நிறுவனம் ரயானி ஏர்தான். எனவே  மிகப் பெரிய வெற்றி பெற வாய்ப்பிருப்பதாக சொல்லப்படுகிறது.

http://www.vikatan.com/news/world/56607-malaysias-first-syariah-compliant-airline.art

அண்மைக்காலமாக இஸ்லாமியர்களுக்கும் மற்றைய மக்களுக்குமிடையே வளர்ந்துவரும் விரிசலை தனக்குச் சாதகமாக்க முயன்றிருக்கிறார் ஒரு தமிழர். மலேசியாவைச் சேர்ந்த தமிழ்த் தம்பதிகளான ரவி அழகேந்திரன் மற்றும் அவரது மனைவி கார்த்தியானி கோவிந்தன் ஆகியோரே இந்த சூட்சுமமான வியாபாரத்தைத் தொடங்கியிருப்பவர்கள்.

 

மலேசியாவில் உள்நாட்டு விமானச் சேவைக்கு தமது இருவரினதும் பெயர்களின் பகுதிகளை சேர்த்து ரயானி எனும் முழுக்க முழுக்க இஸ்லாமிய பயணிகளைக் கவரும் நோக்கில் இந்தச் சேவையை அவர்கள் ஆரம்பித்துள்ளார்கள்.

 

விமானம் பறக்கும் முன்னர் இஸ்லாமிய முறைப்படி தொழுகையை மேற்கொள்ளுதல், முற்று முழுதான ஹலால் முறைப்படி சமைக்கப்பட்ட் உணவுகளைப் பரிமாறுதல், ,ஹிஜாப் அணிந்த முஸ்லீம் விமானப் பெண்சிப்பந்திகளை சேவைக்கு அமர்த்துதல், பன்றி இறைச்சியை முற்றாகத் தவிர்த்தல், மதுபானங்களை முற்றாகத் தவிர்த்தல் ஆகிய நடைமுறைகளை அமுலாக்கியுள்ள ரவி அவர்கள், தனது விமானச் சேவை குறித்து எழுப்பப்பட்ட கேள்வி ஒன்றிற்குப் பதிலளிக்கும்போது, " நான் முஸ்லீம்களை வேறுபடுத்திப் பார்ப்பதற்காக இதனை ஆரம்பிக்கவில்லை. மாறாக அதிகரித்துவரும் முஸ்லீம் பயணிகளைக் கவரும் விதமாகவே இதனை ஆரம்பித்தேன். முஸ்லீம் அல்லாத மதுபானம் அருந்தாத வேறு எவரும் கூட இதில் பயணிக்கலாமே?" என்று சப்பைக் கட்டுக் கட்டியிருக்கிறார்.

 

மதுபானம் அருந்தாத, பன்றி இறைச்சி சாப்பிடாத அனைவருக்குமான விமான சேவை என்றால், எதற்காக விமானத்தில் தொழுகையும், ஹலால் உணவும், ஹிஜாப் அணிந்த சிப்பந்திகளும் அவரது விமானத்தில் இருக்கிறார்கள் என்கிற கேள்விக்கு அவரிடம் பதில் இல்லை.

 

முழுக்க முழுக்க இஸ்லாமிய அடிப்படைவாதிகளின் பணத்தினைக் குறியாகக் கொண்டு  ஆரம்பிக்கப்பட்டுள்ள இந்த ஷரியா விமானச் சேவைக்கு என்ன நடக்கப்போகிறதென்பதை பொறுத்திருந்துதான் பார்க்க வேண்டும்.

 

நன்றி : பி.பி.ஸி

 

http://www.bbc.com/news/world-asia-35173710

 

 

இதில் முஸ்லீம் அல்லாதவர்களும் பயணம் செய்யலாமா? 

எனக்கும் ஓர் ஆசை இருக்கின்றது ஆனால் அதைச் எழுதத் தயக்கமாக இருக்கின்றது!