நீதிமன்ற உத்தரவை மீறி கொழும்பில் ஆர்ப்பாட்டத்தில் ஈடுபட்ட அனைத்து பல்கலைக்கழக மாணவர்கள் மீது கோட்டை லோட்டஸ் சந்தியில் வைத்து பொலிஸார் கண்ணீர்புகைப் பிரயோகம் மற்றும் தண்ணீர்தாரைப் பிரயோகம் மேற்கொண்டதில், பாதிக்கப்பட்ட நால்வர் வைத்தியசாலையில் அனுமதிக்கப்பட்டனர். மேலும் மூன்று மாணவிகள் கைது செய்யப்பட்டனர்.

களனி பல்கலைக்கழகத்தில் பகிடிவதையில் ஈடுபட்டார்கள் என்ற குற்றச்சாட்டின் பேரில் கைது செய்யப்பட்ட 7 மாணவர்களை விடுதலை செய்யுமாறு கோரி அனைத்துப் பல்கலைக்கழக மாணவர்கள் இன்று பிற்பகல் கொழும்பில் ஆர்ப்பாட்டத்தில் ஈடுபட்டனர். ஆர்ப்பாட்டத்திற்கு நீதிமன்றம் தடைவிதித்த போதும் கொழும்பு கோட்டையை நோக்கி பேரணி மேற்கொண்ட மாணவர்கள் மீது கோட்டை லோட்டஸ் சந்தியில் வைத்து பொலிஸார் கண்ணீர்புகைப் பிரயோகம் மற்றும் தண்ணீர்தாரைப் பிரயோகம் மேற்கொண்டு பேரணியை கலைத்தனர். இந்நிலையிலேயே ஆர்ப்பாட்டத்தில் ஈடுபட்ட மாணவிகள் மூவர் கைது செய்யப்பட்டுள்ளனர். இன்று கைது செய்யப்பட்ட மாணவிகள் விடுதலை செய்யப்படும் வரை தமது போராட்டம் தொடரும் என ஆர்ப்பாட்டக்கார்கள் தெரிவித்துள்ளனர்.

http://www.seithy.com/breifNews.php?newsID=159642&category=TamilNews&language=tamil

கொடூரமான பகிடிவதையில் ஈடுபட்ட மாணவ மிருகங்களை விடுதலை செய்யச் சொல்லும் இந்த மாணவர்கள் அனைவரையும் 2 கிழமை இடைநீக்கம் செய்தால் தான் திருந்துவார்கள்.

13 hours ago, போல் said:

கொடூரமான பகிடிவதையில் ஈடுபட்ட மாணவ மிருகங்களை விடுதலை செய்யச் சொல்லும் இந்த மாணவர்கள் அனைவரையும் 2 கிழமை இடைநீக்கம் செய்தால் தான் திருந்துவார்கள்.

இதில்  வரும்காலத்தில் வர இருக்கும்  சிறிலங்காவின் அதிஉத்தம ஜனாதிபதிகள்,கெளரவ அமைச்சர்கள்,பிரதம‌ மந்திரிகள் எல்லாம் இருப்பினம் 

கைது செய்யப்பட்ட பல்கலைக்கழக மாணவர்கள் விளக்கமறியலில்.

அனைத்துப் பல்கலைக்கழக மாணவர் ஒன்றியத்தின் எதிர்ப்பு ஆர்ப்பாட்டத்தின் போது கைது செய்யப்பட்ட மாணவர்கள் மூவரும் இன்று வரை விளக்கமறியலில் வைக்கப்பட்டுள்ளனர்.

கொழும்பு கோட்டை பதில் நீதவான் ஜயந்த டயஸ் நாணயக்கார முன்னிலையில் இந்த மாணவர்களை நேற்று மாலை ஆஜர்படுத்தியதை அடுத்து இந்த உத்தரவு பிறப்பிக்கப்பட்டுள்ளது.

இரு மாணவர்களும் ஒரு மாணவியுமே விளக்கமறியலில் வைக்கப்பட்டுள்ளனர்.

களனிப் பல்கலைக்கழகத்தில் இடம்பெறும் மாணவர்களுக்கெதிரான அடக்குமுறைகளை நிறுத்துமாறும் கைது செய்யப்பட்ட மாணவர்களை விடுதலை செய்யுமாறும் கோரி நேற்று மாலை ஆர்ப்பாட்டம் முன்னெடுக்கப்பட்டது.

மருதானை தொழில்நுட்பக் கல்லூரிக்கருகில் ஆரம்பிக்கப்பட்ட இந்த ஆர்ப்பட்டம் நீதிமன்ற உத்தரவைப் பொருட்படுத்தாது ஜனாதிபதி செயலகத்தை நோக்கி செல்ல முற்பட்ட போது,கொழும்பு செரமிக் சந்தியில், ஆர்ப்பாட்டக்காரர்கள் மீது பொலிஸார் கண்ணீர்ப்புகை மற்றும் நீர்த்தாரைப் பிரயோகம் என்பன மேற்கொண்டனர்.

இதன் போது மூன்று மாணவர்கள் கைது செய்யப்பட்டமை குறிப்பிடத்தக்கது.

http://www.tamilwin.com/crime/01/107837