புற்றுநோய் வைத்தியசாலை அமைப்பதற்காக பருத்தித்துறையிலிருந்து ஆரம்பித்த 670 கி.மீ. Trail 2016 பாதயாத்திரை தேவேந்திரமுனையில் இன்று நிறைவடைகிறது

 

காலி, கரா­பிட்­டி­யவில்  புதிய புற்­றுநோய் வைத்­தி­ய­சா­லை­யொன்றை அமைப்­பற்­காக நிதி சேக­ரிக்கும்  Trail 201 பாத­யாத்­தி­ரையின் இறு­திநாள் இன்­றாகும்.

 

 

750 மில்­லியன் ரூபா நிதி சேக­ரிக்கும் இலக்­குடன் யாழ். பருத்­தித்­து­றை­யி­லி­ருந்து மாத்­தறை தேவேந்­தி­ர­முனை வரை 670 கிலோ­மீற்றர் தூரம்  Trail  பாத­யாத்­திரை மேற்­கொள்­ளப்­ப­டு­கி­றது.

 

 

கடந்த 6 ஆம் திகதி பருத்­தித்­து­றையில் ஆரம்­பித்த பாத யாத்­தி­ரையில் இலங்கை கிரிக்கெட் அணியின் முன்னாள் தலை­வர்­க­ளான மஹேல ஜய­வர்­தன, குமார் சங்­கக்­கார மற்றும் கிரிக்கெட் நட்­சத்­தி­ரங்கள், கலை­ஞர்கள், வர்த்­தக, அர­சியல் பிர­மு­கர்கள் பலரும் பங்­கு­பற்­று­கின்­றனர்.

 

 

இப்­புற்­றுநோய் வைத்­தி­ய­சா­லைக்­காக காலி கரா­பிட்­டி­யவில் நேற்று அடிக்கல் நாட்­டப்­பட்­டமை குறிப்­பி­டத்­தக்­கது.

 

 

இப்­பா­தயாத்­தி­ரையின் 28 ஆவது நாளான இன்று இறு­திக்­கட்டப் பயணம் நடை­பெ­ற­வுள்­ளது.  

 

மாத்­த­றை­யி­லி­ருந்து வேவேந்­தி­ர­மு­னை­வரை இன்று இறு­திக்­கட்டப் பயணம் மேற்­கொள்­ளப்­ப­ட­வுள்­ளது.  

 

பொது­மக்கள் இப்­பா­த­யாத்­தி­ரையில் பங்­கு­பற்­று­வ­துடன் நிதி உத­வி­களை வழங்­கலாம்.  

 

மெட்ரோ நியூஸ், வீர­கே­சரி, சிய­தெச, டெய்லி எக்ஸ்­பிரஸ் ஆகிய பத்­தி­ரிகைள் இந்­நி­கழ்வுக்கு ஊடக அனு­ச­ரணை வழங்குகின்றமை குறிப்பிடத்தக்கது.  

 

வழங்கவதற்கான வழிகள் மற்றும் விபரங்களை www.trailsl.com எனும் இணையத்தளத்தில் அறிந்துகொள்ளலாம். 

 

http://www.metronews.lk/article.php?category=news&news=20352

 

இரண்டாம் மருத்துவமனைக்கு 700 மில்லியன் திரட்டிய மஹேல

 

இலங்கை கிரிக்கெட் அணியின் முன்னாள் தலைவர் மஹேல ஜயவர்தனவின் முயற்சியால், தென்பகுதி நகரான காலியிலுள்ள கராப்பிட்டிய மருத்துமனையில் புற்று நோய்ப்பிரிவு அமைப்பதற்கான அடிக்கல் நாட்டப்பட்டுள்ளது.

இந்த மருத்துவமனைக்கு நிதி சேகரிப்பதற்காக வடக்கே பருத்தித்துறையிலிருந்து, தெற்கு தேவேந்திரமுனை வரை அவர் நடைபயணம் மேற்கொண்டார்.

அந்த பயணத்தின்போது அவரிடம் இலங்கை ரூபாய் 700 மில்லியனுக்கும் அதிகமாக மக்கள் நிதியளித்திருக்கின்றனர். இந்த மருத்துவமனைக்கு மொத்தம் 750 மில்லியன் இலங்கை ரூபாய் நிதி திரட்டப்போவதாக மஹெல ஏற்கனவே அறிவித்திருக்கிறார். அவரது நிதி சேகரிப்பு தொடர்ந்து நீடிக்கிறது.

27 நாட்கள் நடந்து, சுமார் 700 கிலோ மீட்டர் தூரத்தை நிறைவு செய்த மஹேல ஜயவர்தனவின் தலைமையில், புற்றுநோய் பிரிவுக்கான அடிக்கல் நாட்டு விழா கராப்பிட்டிய வைத்தியசாலையில் நடைபெற்றது.

இந்த விழாவில் கண்ணீர் மல்க உரையாற்றிய மஹேல ஜயவர்தன, இருபது ஆண்டுகளுக்கு முன் தனது சகோரர் புற்று நோயால் உயிரிழந்ததை நினைவுக்கூர்ந்ததோடு ஜாதி, மத, இன பேதமின்றி அனைத்து இனத்தவரும் வழங்கிய நன்கொடையாலேயே இந்த புற்றுநோய்ப்பிரிவு கட்டப்படவிருப்பதாக கூறினார்.

இனங்களையும், மதங்களையும் கடந்து செயற்பட்டால் இதைவிட நிறைய நன்மைகளை சாதிக்கலாம் எனவும் அவர் வலியுறுத்தினார்.

ஏற்கனவே மஹேல தலைமையிலான குழுவினர் இதேபோன்றதொரு நடைபயணத்தின் மூலம் இலங்கையின் வடக்கே தெள்ளிப்பளையிலும் புதிய புற்றுநோய் மருத்துவமனை ஒன்றை கட்டுவதற்குத் தேவையான நிதியைத் திரட்டிக்கொடுத்து உதவியிருக்கின்றனர்.

http://www.bbc.com/tamil/sri-lanka-37852136

மிக்க நன்றிகளும்,மனம் கனிந்த பாராட்டுக்களும்...தொடரட்டும் உங்கள் சேவை

ஒரு கோவில் கட்டுவதற்காக வடக்கிலிருந்து ..தெற்கு நோக்கி யாராவது நடந்திருந்தால்..வீதியெங்கும் தோரணங்களாகியிருக்கும்!

ஆனால்.. புற்று நோய்க்கான நடை பவனி என்பதால்..எவரும் அது தங்கள் வீட்டுக்கதவைத் தட்டும் வரை அலட்டிக்கொள்ளப்போவதில்லை!

பங்கு பற்றிய அனைவருக்கும் வாழ்த்துக்களும், பாராட்டுக்களும்!

 

13 hours ago, நவீனன் said:

ஏற்கனவே மஹேல தலைமையிலான குழுவினர் இதேபோன்றதொரு நடைபயணத்தின் மூலம் இலங்கையின் வடக்கே தெள்ளிப்பளையிலும் புதிய புற்றுநோய் மருத்துவமனை ஒன்றை கட்டுவதற்குத் தேவையான நிதியைத் திரட்டிக்கொடுத்து உதவியிருக்கின்றனர்.

அனைவருக்கும் வாழ்த்துக்களும், பாராட்டுக்களும்!

ஒரு முன்மாதிரியான செயற்பாடு. தொடர்ந்து இப்படியான நிதி சேகரிப்புகள் மூலம் புற்று நோய் ஆராட்சி நிலையம் ஒன்றும் திறக்கப்பட வேண்டும்.