ஐரோப்பிய ஒன்றியத்திலிருந்து பிரிட்டன் வெளியேறும் நடவடிக்கை: நீதிமன்றத் தீர்ப்பால் தாமதமாகுமா?

 

 

ஐரோப்பிய ஒன்றியத்தில் இருந்து வெளியேறுவதற்கான நடவடிக்கைகளைத் துவக்குதவற்கு, அதற்கான விதிமுறைகளின் பிரிவைப் பயன்படுத்துவதற்கு முன்னதாக, நாடாளுமன்றத்தின் ஒப்புதலைப் பெற வேண்டும் என்று லண்டன் உயர்நீதிமன்றம் தீர்ப்பளித்துள்ள நிலையில், ஐரோப்பிய ஒன்றியத்தில் இருந்து வெளியேறும் பிரிட்டன் அரசாங்கத்தின் திட்டத்தில் பின்னடைவு ஏற்பட்டுள்ளது.

அரச சிறப்பு அதிகாரம் என்ற பெயரில், நாடாளுமன்றத்தைத் தவிர்த்துவிட்டு அரசாங்கம் செயல்பட முடியாது என்று, பிரசாரகர்கள் தரப்பில் முன்வைக்கப்பட்ட வாதத்தை நீதிமன்றம் ஏற்றுக்கொண்டது.

இந்தத் தீர்ப்பை எதிர்த்து மேல்முறையீடு செய்யப் போவதாக அரசாங்கம் தெரிவித்துள்ளது. அடுத்த ஆண்டு மார்ச் மாதம், ஐரோப்பிய ஒன்றியத்தில் இருந்து வெளியேறும் நடைமுறைகளைத் துவக்குவதை, இந்தத் தீர்ப்பு எந்த வகையிலும் தாமதப்படுத்த அனுமதிக்கும் திட்டம் இல்லை எனத் தெரிவித்துள்ளது.

ஐக்கிய ராஜ்ஜிய அரசாங்கத்தில் நிலவும் உச்சபட்ச குழப்பத்தை இந்தத் தீர்ப்பு வெளிப்படுத்துவதாக ஸ்காட்லாந்தின் முதல் அமைச்சர் நிகோலா ஸ்டர்ஜன் தெரிவித்துள்ளார்.

ஐரோப்பிய ஒன்றியம் கருத்து

நீதிமன்றத் தீர்ப்புக் குறித்துக் கருத்துத் தெரிவித்துள்ள, பிரிட்டன் வெளியேற்றம் தொடர்பாக பேச்சு நடத்தும் ஐரோப்பிய நாடாளுமன்றத்தின் பிரதிநிதி கய் வெரோஃப்ஸ்டட், லண்டனில் உள்ள நாடாளுமன்றத்தைஇதில் ஈடுபடுத்துவது அவசியம் என்று தெரிவித்துள்ளார். இருபுறமும், நாடாளுமன்ற ஆய்வுக்கு உட்படுத்துவது, பொருத்தமான, இறுதி ஒப்பந்தத்தை எட்டுவதற்கு உதவும் என்று அவர் தெரிவித்துள்ளார்.

பிரிட்டனிடமிருந்து ஐரோப்பிய ஒன்றியம் இதுகுறித்து மேலும் தெளிவாக்க வேண்டும் என்று ஜெர்மன் அதிபர் ஏங்கெலா மெர்கல் கட்சியின் மூத்த பிரதிநிதி ஒருவர் கருத்து வெளியிட்டுள்ளார்.

http://www.bbc.com/tamil/global-37865950

 

ஐரோப்பிய யூனியனிலிருந்து பிரிட்டன் வெளியேறுவதில் தாமதம்...

பிரிட்டன் அரசியலமைப்பு சட்டப்படி நாடாளுமன்ற உறுப்பினர்களின் ஒப்புதல் பெறாமல் மக்களின் ஓட்டெடுப்பு முடிவு மற்றும் அரசாங்கத்தின் நிலைப்பாட்டை மட்டுமே கணக்கில் கொண்டு ஐரோப்பிய யூனியனிலிருந்து பிரிட்டன் வெளியேறுவதற்கு சட்டத்தில் இடமில்லை என்று அந்நாட்டு உயர்நீதிமன்றம் அதிரடி உத்தரவு பிறப்பித்துள்ளது.

பிரிட்டன் ஐரோப்பிய யூனியனின் உறுப்பு நாடாக இருப்பதால் மற்ற உறுப்பு நாடுகளின் மக்கள் மற்றும் தொழில் நிறுவனங்கள் இங்கிலாந்தை நோக்கி பல்வேறு காரணங்களுக்காக படையெடுத்ததால் அந்நாட்டு மக்களுக்கு வேலையிழப்பும் முன்னுரிமையும் குறைந்து வருவதாக பல்வேறு குற்றச்சாட்டுகள் எழுந்தன. இதன் காரணமாக கடந்த ஜூன் மாதம் 23ம் தேதி  ஐரோப்பிய யூனியனிலிருந்து வெளியேறுவதா, வேண்டாமா என்பது குறித்த ஓட்டெடுப்பை அந்நாட்டு அரசாங்கம் நடத்தியது. அதில் 51.9% மக்கள் பிரிட்டன் ஐரோப்பிய யூனியனிலிருந்து வெளியேறுவதற்கு ஆதரவாக வாக்களித்தனர்.

இந்த வாக்கெடுப்பு முடிவின் காரணமாக அப்போது பிரிட்டன் பிரதமராக இருந்த டேவிட் கேமரூன் பதவி விலகினார். மேலும் பிரிட்டனின் கரன்சியானபவுண்டின் மதிப்பும் சர்வதேச அளவில் வீழ்ச்சி அடைய தொடங்கியது. இந்நிலையில் பல்வேறு அரசியல் மாற்றத்திற்கு பிறகு நாட்டின் புதிய பிரதமராக பதவியேற்ற தெரசா மே, 2017ம் ஆண்டு மார்ச் 31ம் தேதிக்குள் ஐரோப்பிய யூனியனிலிருந்து பிரிட்டன் வெளியேறுவதற்கான அனைத்து நடவடிக்கைகளும் எடுக்கப்படும் என்று அறிவித்திருந்தார். அந்நாட்டின் அரசியலமைப்பு சட்டப்படி பிரிட்டன் அங்கமாக இருக்கும் சர்வதேச அமைப்புகளிருந்து அதன் அரசாங்கம் தனது சிறப்பு அதிகாரத்தை பயன்படுத்தி வெளியேறலாம் என்ற விதியின் கீழ் அதற்கான நடவடிக்கைகள் எடுக்கப்பட்டு வந்தது.

உறுப்பு நாடொன்று அமைப்பிலிருந்து வெளியேறுவதற்கான ஐரோப்பிய யூனியனின் விதியை மீறி செயல்படுவதற்கு பிரிட்டன் அரசாங்கம் முயற்சிப்பதாக பல்வேறு குற்றச்சாட்டுகள் வைக்கப்பட்டன. இந்நிலையில் இது குறித்த வழக்கு பிரிட்டன் உயர்நீதிமன்றத்தில் மூன்று நீதிபதிகள் கொண்ட அமர்வின் இறுதிக்கட்ட தீர்ப்புக்கு இன்று வந்தது. அப்போது பேசிய நீதிபதிகள் “அரசாங்கம் தனது சிறப்பு அதிகாரத்தை பயன்படுத்தி ஐரோப்பிய யூனியனிலிருந்து வெளியேற முடியாது என்றும் அதற்கு நாட்டின் அரசியலமைப்பு சட்டத்தில் குறிப்பிடப்பட்டுள்ளவாறு நாடாளுமன்றத்தின் ஒப்புதலை பெறவேண்டியது அவசியம் என்றும்” தீர்ப்பளித்தனர்.

பிரிட்டன் அரசாங்கத்திற்கு சாட்டை அடியாக கருதப்படும் இந்த தீர்ப்பு, பிரிட்டன் ஐரோப்பிய யூனியனிலிருந்து வெளியேறுவதை மேலும் தாமதப்படுத்தும். இதுகுறித்து கருத்து தெரிவித்துள்ள பிரிட்டன் அரசாங்கத்தின் செய்தித்தொடர்பாளர் “விரைவில் உயர்நீதிமன்றத்தின் தீர்ப்பை எதிர்த்து அமைச்சர்களின் சார்பாக உச்சநீதிமன்றில் வழக்கு தொடுக்கப்படும்” என்றார்.

http://www.vikatan.com/news/world/71304-britains-exit-from-eu-gets-delayed.art

பிரச்சனை என்னெண்டா....

அரசு சுப்பீரீம் கோட்டுக்கு போகுமாம்.

தோக்குற பகுதி..... ஜரோப்பிய நீதிமன்றுக்கு போகலாம் எண்டது சட்டம். 

அங்கதான் குழப்பம். 

ஏதோ ஒரு ஜில்மா விளையாட்டு நடக்குது....... ஐ திங் விழுந்தும் மீசையிலை மண் படேல்லை எண்ட மாதிரி.......கப்சிப்பாய் அதிரடி நடவடிக்கைகள் வரலாம்.
இங்கிலாந்து ஐரோப்பிய யூனியனிலிருந்து முற்று முழுதாக விலகுவதற்கு முன்னரே  இழந்தது அதிகம் என்கிறார்கள்.
 

On 4.11.2016 at 0:15 AM, குமாரசாமி said:

ஏதோ ஒரு ஜில்மா விளையாட்டு நடக்குது....... ஐ திங் விழுந்தும் மீசையிலை மண் படேல்லை எண்ட மாதிரி.......கப்சிப்பாய் அதிரடி நடவடிக்கைகள் வரலாம்.

 

வெளியிலை மீசையை முறுக்கினாலும், பொருளாதார ரீதியான விவைுகளில் எந்த அரசாயினும் சமரசம் சாதக பாதகமென்று பார்க்காது செல்லமுடியாது. அது பிரித்தானியாவுக்கும் பொருந்தும். 

Edited November 5, 20169 yr by nochchi