கொழும்பில் இடம்பெற்ற பாகிஸ்தானின் 52 ஆவது  பாதுகாப்பு தினம் 

 

 

 

கடந்த 1965 ஆம் ஆண்டு இடம்பெற்ற போரின்போது  உயிர்த்தியாகம் செய்த இராணுவ வீரர்களை நினைவுக் கூருமுகமாக கொழும்பில் அமைந்துள்ள பாகிஸ்தானிய உயர்ஸ்தானிகர் காரியாலயம் பாகிஸ்தானின் 52 ஆவது பாதுகாப்புத்தின நிகழ்வினை ஏற்பாடு செய்திருந்தது.

 

பாகிஸ்தானிற்கான பாதுகாப்பு ஆலோசகர் கலோனல். சஜ்ஜாத் அலி தனது ஆரம்ப உரையில், பாகிஸ்தானிய ஆயுதப்படைகள் தங்களது மண்ணில் தீவிரவாத்தினை இல்லாதொழிப்பதற்கு தியாகங்களை மேற்கொண்டுவருவதாகவும், நாட்டிலே சமாதானம் மற்றும் ஸ்த்திரத்தன்மையினை ஏற்படுத்துவதற்கு அளப்பரிய முயற்சிகளை நடைமுறைப்படுத்தி வருகின்றனர் எனக் குறிப்பிட்டார்.

இந்நிகழ்விற்கு இலங்கையின் பாதுகாப்பு இராஜாங்க அமைச்சர்  ருவான் விஜேவர்தன் பிரதம அதிதியாக கலந்துக்கொண்டமை சிறப்பம்சமாகும்.

பாகிஸ்தானின் பதில் உயர் ஸ்தானிகர் வைத்தியர் சர்ப்ராஸ் அஹமட் கான் சிப்ரா, இந்நிகழ்வில் பாகிஸ்தானிய ஜனாதிபதியின் வாழ்த்துச் செய்தியினை வாசித்தார். 

தீவிரவாதம் மற்றும் பயங்கரவாதத்தின் சவால்களை எதிர்கொள்ளும் இத்தருணத்திலே செப்டெம்பர் 6 ஆம் திகதியினை உயிர்மூச்சாக  நினைவுகூருமாறும், பாகிஸ்தான் ஏனைய தேசங்களை விடவும் தீவிரவாதத்திற்கு எதிரான போரில் விலைமதிப்பில்லா உயிர்களையும், உடைமைகளையும் இழந்துள்ளதென பாகிஸ்தானிய ஜனாதிபதி மஹ்நூன் ஹிசைனின் வாழ்த்துச் செய்தியில் குறிப்பிடப்பட்டுள்ளது. 

மேலும் பாகிஸ்தானிய அரசு அனைத்து அரசியல் ஸ்தாபனங்கள் மற்றும் மக்களின் ஆதரவுடன் தீவிரவாதத்தினை இல்லாதொழிக்கும் தேசிய நடவடிக்கையினை ஆரம்பித்துள்ளது. 

தீவிரவாதத்தினை அழித்தொழிக்கு “ருத்துல் பஸ்ஸத்” திட்டமானது கடைசி தீவிரவாதி இல்லாதொழிக்கப்படும் வரை தொடரும் . இத்தினத்தின் ஒற்றுமையினை புது சவால்களை எதிர் கொள்ளவும், பாகிஸ்தானை உலகில் தலைச்சிறந்த தேசமாக உருவாக்குவதற்கும் உறுதிபூணுமாறு பாகிஸ்தானிய ஜனாதிபதியின் வாழ்த்துச் செய்தியில் மேலும் குறிப்பிடபட்டிருந்தது.

பாதுகாப்பு இராஜாங்க அமைச்சர் ருவான் விஜேவர்தன இந்நிகழ்விலே உரையாற்றுகையில்,

இருநாடுகளுக்கிடையிலான உறவுகள் அனைத்து துறைகளிலும் வலிமைபெற்றிருக்கின்றது எனவும் இருதரப்பின் உறவின் வரலாறு மற்றும் நட்பானது இரு நாடுகளினதும் தொடக்கத்திலிருந்து நிலவுகின்றது என குறிப்பிட்டார். 

அத்துடன் யுத்த காலத்தில் பாகிஸ்தான் இலங்கைக்கு வழங்கிய ஆதரவினை இலங்கை ஒருபொழுதும் மறந்துவிடாது.

பாகிஸ்தான் ஒன்றரை தசாப்த காலமாக அதன் மண்ணிலிருந்து தீவிரவாதத்தினை இல்லாதொழிப்பதற்கு மிக கடுமையாக போராடிவருகின்றது. அத்துடன் இலங்கை அரசு எப்பொழுதும் தனது சகோதர நாடான பாகிஸ்தானிற்கு ஆதரவளிக்கும் என பாதுகாப்பு இராஜாங்க அமைச்சர் தனது உரையில் குறிப்பிட்டார்.

பின்னர், பிரதம விருந்தினர். பாகிஸ்தானிய பதில் உயர் ஸ்தானிகர் மற்றும் இலங்கை இராணுவ தளபதிகளுடன் இணைந்து பாதுகாப்புத் தினத்தின் கேக்கினை வெட்டியமை குறிப்பிடத்தக்கது.

 

இலங்கை அமைச்சர்கள், இலங்கை இராணுவத்தின் தளபதிகள், உயர் ஸ்தானிகர்கள், தூதுவர்கள், முப்படைகளின் சிரேஷ்ட அதிகாரிகள், அரசாங்க அதிகாரிகள் மற்றும் பாகிஸ்தானிய பிரஜைகள் இந்நிகழ்விலே கலந்துக் கொண்டனர். 

http://www.virakesari.lk/article/24117

நல்லவனுங்க ஒன்னு கூடிட்டானுங்க 

அப்பறம் என்ன, "தமிழர்கள், நலிந்தவர்கள், உலகத்துக்கு சுபீக்ஷம் தான்... 

நல்ல வேளை இந்தியாவின் இறையாண்மைக்கு எந்த பாதிப்பும் இல்ல... எத வேணா பண்ணுங்க, இறையாண்மைக்கு மட்டும் எந்த பாதிப்பும் வரக்கூடாது...

அப்பறம் இத்தாலியும், மோசடியும் சும்மா இருக்காது...