புலத்திலிருந்து நிலத்தை நோக்கிச் செய்யக்கூடிய செயற்திட்டங்கள் (ஆலோசனைகள், அனுபவப் பகிர்வுகள், உதவிகள்....)

நாம் வாழும் புலம்பெயர் தேசங்களில் பல்வேறுவகையான தொண்டு நிறுவனங்கள் இருக்கின்றன , அவர்கள் பலவெற்றிகரமான செயற்திட்டங்களை தமது நாட்டுக்கு வெளியேயும் ஏன் தமது நாடுகளிலும் செய்கிறார்கள், இவை தொடர்பான பல விளம்பரங்களை நாம் பார்த்திருப்போம் ,  பார்க்கும் போது இப்படியான திட்டங்களை  எமது நாட்டில் நாமும் செய்யலாம் எனத் தோன்றியிருக்கும், எனக்கும் பல தடவைகள் அப்படித் தோன்றியிருக்கிறது ..... அவற்றை பகிர்வதன் மூலம்  நாம் செய்து கொண்டிருக்கும் திட்டங்களுக்கு மேலும் வலுச்சேர்க்கலாம் என நினைக்கின்றேன்.

இங்கு நாம் வாழும் நாடுகளில் கூட பல நடைமுறைகளை அவதானித்து இருப்போம் , அவை எமது தாயகத்துக்கும் மிகவும் பொருத்தமானதாக இருக்கும் , இவற்றை பகிர்வதன் மூலம்  தாயகத்திலுள்ளவர்களுக்கும் சில ஐடியாக்களை வழங்கலாம்.

நாம் தாயகத்தில் செய்த சில செயற்திட்டங்கள் மூலம் பல நல்ல அனுபவங்களைப் பெற்றிருப்போம் அவற்றின் மூலம் செய்யவேண்டியவை , செய்யக் கூடாதவை என சிலவற்றைக் கண்டறிந்திருப்போம் அவற்றையும் பகிர்வதன் மூலம் மற்றவர்களுக்கும் நாம் உதவியாக இருக்கலாம்.

கள உறவுகளே உங்களுக்குக் கிடைக்கும் நேரத்திற்கு ஏற்ப , உங்கள் அனுபவங்ளை தயவு செய்து பகிருங்கள் ... இதன் மூலம் பல முன்னேற்றங்களைப் பெறலாம் என்பது என் நம்பிக்கை

கரம் கோர்ப்போம் .....

 

Edited September 17, 20178 yr by Athavan CH

மிக மக்கியமாக உல்லாசப்பயணத்துக்கு வடக்கை தயார்படுத்தி வேலை வாய்ப்பை அதிகரிக்க வேண்டும்.

ஊர்காவல்துறை கடற்கோட்டை, யாழ் கோட்டை போன்றவை பெரும் வருமானம் தரும் பொக்கிசங்கள்.

இவை இலங்கை உல்லாசத்துறை சஞ்சிகைகளில் இப்போது இல்லை.

1 hour ago, Nathamuni said:

மிக மக்கியமாக உல்லாசப்பயணத்துக்கு வடக்கை தயார்படுத்தி வேலை வாய்ப்பை அதிகரிக்க வேண்டும்.

ஊர்காவல்துறை கடற்கோட்டை, யாழ் கோட்டை போன்றவை பெரும் வருமானம் தரும் பொக்கிசங்கள்.

இவை இலங்கை உல்லாசத்துறை சஞ்சிகைகளில் இப்போது இல்லை.

ம் இருந்தாலும் நல்ல  திட்டங்களை வரவேர்க்கலாம் தற்போது மக்களும் சரி உல்லாச பிரயாணிகளும் சரி எல்லா இடங்களையும் சுற்றிப்பார்க்க வெளியூர்களுக்கு வருகிறார்கள் போகிறார்கள் வடக்கு கிழக்கில்  பொழுது போக்க இடங்கள் இருக்கின்றன அந்த இடங்களில் நல்ல விடுதிகள்  அமைத்தும் அதை சுத்தமாக வைத்திருந்தால் நல்ல  வருமானம் பார்க்கலாம் அண்மையில் வெள்ளைக்காரனில் வசதி குறைந்தவன்  போல் தன்க்கு ஒரு ரூம் வேண்டும் ஆனால்  ஏசி தேவையில்லை ஆனால் சுத்தமாக இருந்தால் போதும் என்று கேட்டான் நானும் நல்ல ஒரு விடுதியை காட்டினேன்  தற்போது ஓலைகுடிசை ரீ சோட்டுக்கள் பிரபலமாகின்றன ஆனால் நன்றாக இருக்க வேண்டும்  உள் சூழலும் ஈர்பவையாக இருக்க வேண்டும் சுற்றுலா துறை சார்பாக  உணவு விடுதிகளை பற்றி சொல்ல முடியாது    

என்னுடன் வேலைசெய்யும் பெண் இருவாரம் அங்கு வந்து இன்று திரும்பினார். அனுராதபுரம் வரை சென்றாராம்.

வடக்கே போகுமாறு நான் சொல்லியிருந்தேன். அங்கே எதுவுமே இல்லை என்று சொல்லப்பட்டிருக்கிறது.

மாகாணசபை தமக்குள் அடிபடாமல் உல்லாசப்பயணத் துறையில் தகுதி வாய்ந்த ஒருவரை, சிங்களவராயினும், பதவியில் அமர்த்த வேண்டும்.

முனிவர், வருமானம் பெற ஒரு ஆலோசனை... வேண்டுமாயின் தனிமடலில் பார்க்கவும்.

Edited September 25, 20178 yr by Nathamuni

கடந்த வருடம் அங்கு இருமுறை சென்ற போது நின்ற சிறிய விடுதிகளில் தமிழர் அல்லாத ஐரோப்பியர் பலர் கூட்டாக வந்து தங்கி இருந்தார்கள். அவர்கள் கோட்டை, நல்லூர் போன்ற பகுதிகளுக்கு சென்று வந்தார்கள். இந்த விடுதிகள் உல்லாச பயணங்களை ஊக்குவிக்கும் நிறுவனங்களுடன் ஒப்பந்தம் செய்து இந்த பயணிகளை அழைத்து வருகிறார்கள்.

உல்லாச பயணங்களை ஊக்குவிக்கும் வணிக நிறுவனங்களை பல  நாடுகளிலும்   அமைத்து விளம்பரம் செய்து இவ்வாறாக விடுதிகளுடன் ஏற்பாடுகளை செய்து உல்லாச பயணத்தை ஊக்குவிக்கலாம்.   அமெரிக்கர்கள் பெருமளவில் உல்லாச பயணம் போவார்கள். குளிர் காலத்தில் கரிபியன் தீவுகளுக்கும் சூடான அமெரிக்க மாநிலங்களுக்கும் போவார்கள். கடந்த புயல் சூறாவளியால் இந்த பிரதேசங்கள் பாதிக்கப்பட்டு  உள்ளன. ஐரோப்பாவில் பயங்கரவாத தாக்குதல்களால் உல்லாச பயணம் ஆபத்தானதாக உள்ளது. இலங்கையின் உல்லாச பயணம் இன்று பாதுகாப்பானதாக கருதப்படுகிறது. இந்த சூழ்நிலை உல்லாச பயணங்களை ஊக்குவிக்கும் வணிக நிறுவனங்களை ஆரம்பிக்க நல்ல சூழ்நிலையாகும். இவ்வாறாக அமைக்கப்படும் நிறுவனம் நல்ல பெயரை பெறுவது முக்கியமானதாகும். சிறு குறைபாடுகளுக்கும் பெரும் நிவாரனகளை வழங்கி நல்ல பெயரை பெற்று விட்டால் நிறுவனம் நிலைக்கும்.