நல்லாட்சியில் திருப்தியளிக்கும் வேகம் இல்லை : ஐரோப்பிய ஒன்றியம்

 

 

 

 

பயங்கரவாத தடைச் சட்டம் நீக்கப்படாமை, வடக்கு கிழக்கில் மக்களின் காணிகளை விடுவிப்பதில் காணப்படும் தாமதங்கள் போன்றவை உள்ளிட்ட மனித உரிமை விவகாரங்களில் இலங்கை அரசாங்கத்தின் செயல்பாடுகள் மகிழ்ச்சியளிக்கும் வகையில் இல்லை என ஐரோப்பிய ஒன்றிய நாடாளுமன்றக் குழு தெரிவித்துள்ளது.

தற்போதைய நிலவரங்கள் தொடர்பில் அறிந்துகொள்வதற்காக இலங்கைக்கான விஜயத்தை மேற்கொண்டுள்ள ஐரோப்பிய ஒன்றிய நாடாளுமன்ற உறுப்பினரும், தெற்காசிய பிராந்திய விவகாரங்களுக்கான ஐரோப்பிய ஒன்றியக் குழுவின் தலைவருமான ஜீன் லம்பேட் அமையார் தலைமையில், இலங்கைக்கான பயணத்தை மேற்கொண்டிருந்த குழுவினர் இன்று (2) நடத்திய ஊடக சந்திப்பில் இந்த விடயங்கள் தெரிவிக்கப்பட்டன.

அங்கு உரையாற்றிய ஜீன் லம்பேட் அம்மையார்,
''நாங்கள் ஒரு வருடத்திற்கு முன்னர் இங்கு விஜயத்தை மேற்கொண்டிருந்தோம். அதன்போது பிரதமர் உட்பட பல உயர்மட்ட தலைவர்களினால் பயங்கரவாத தடைச் ச்டடம் சர்வதேச ரீதியில் ஏற்றுக்கொள்ளும் வகையில் மாற்றப்படும் என்ற உறுதிமொழி வழங்கப்பட்டிருந்தது.

ஆனால் அது தொடர்பில் இன்னமும் ஆக்கபூர்வமான நடவடிக்கைகள் மேற்கொள்ளப்படாமல் இருப்பது கவலையளிக்கிறது. இந்தச் சட்டத்தின் அடிப்படையில் இன்னும் பலர் தடுத்துவைக்கப்பட்டுள்ளனர். இதனை ஏற்றுக்கொள்ள முடியாது. அதேபோன்று மக்களின் காணிகளை விடுவிப்பதிலும், திருப்தியளிக்கும் வகையில் வேகம் காட்டப்படாமலிருப்பது வேதனையளிக்கிறது. புதிய அரசியலமைப்பு உருவாக்கும் முயற்சிகளை உற்சாகமாக மேற்கொண்டு அதன் ஊடாக ஜனநாயகத்தையும், நல்லிணக்கத்தையும், மனித உரிமைகளையும் பாதுகாப்பதற்கான முயற்சிகளை இலங்கை அரசாங்கம் உற்சாகமாக மேற்கொள்ள வேண்டும்'' எனத் தெரிவித்துள்ளார்.

ஐரோப்பிய ஒன்றிய நாடுகளினால் இலங்கைக்கு வழங்கப்படுகின்றன ஜி.எஸ்.பி.வரிச் சலுகை தொடர்பான மேலதிக நடவடிக்கைகளுக்காகவும், தற்போது ஐரோப்பிய ஒன்றிய நாடுகளுக்கான மீன்பிடி ஏற்றுமதி தடையை நீக்குவது தொடர்பான தீர்மானத்தை மேற்கொள்வதற்காகவும் இலங்கை நிலவரங்களை அறிந்துகொள்ளும் நோக்கில் குறித்த குழுவினர் இலங்கைக்கான விஜயத்தை மேற்கொண்டுள்ளமை குறிப்பிடத்தக்கது.

http://tamil.lankanewsweb.net/news/item/4908-eu-member

சிங்களம் எதையுமே செய்யாது அதனால்தான் தமிழர்கள் தமது இறைமையை நிறுவிக்கொள்ளும் முயற்சியில் ஈடுபட்டனர். ஆனால் நீங்களும் சேர்ந்தே தேன்கூட்டைக் கலைப்பதுபோல் கலைத்தீர்கள். ஆனால் என்ன கண்டீர்கள். எதுவும்  இல்லை எமக்கு.  முதலில் சிங்கள அரசு செய்வதிருக்கட்டும்.  புலிகள்மீதான தடையை நீக்கி ஒரு சனனாய வழியைத் திறவுங்கள். சிங்களத்தை அதன்பின் பாருங்கள். உங்களது நீதிமன்றம் கூறியபின்னரும் ஏன் தடை.

ஏன் இவர்கள் சம்மையும் .சும்மையும் சந்திக்கவில்லையோ....

http://epaper.virakesari.lk

On 11/3/2017 at 5:36 AM, நவீனன் said:

பயங்கரவாத தடைச் ச்டடம் சர்வதேச ரீதியில் ஏற்றுக்கொள்ளும் வகையில் மாற்றப்படும் என்ற உறுதிமொழி வழங்கப்பட்டிருந்தது.

 வெறும் உறுதி மொழிகளை நம்பி சோரம் போகிறவர்களுக்காக உப்பிடி எத்தினை உறுதி மொழிகளை உருவாக்குகிறார்கள். எல்லோரும் சேர்ந்தே ஏமாந்து எங்களை இன்னும் அடிமையாக்குகிறீர்கள். இதற்கு ஒரு குழு, பதவி, கூட்டம் என்று  கூடி மறுபடி ஏமாறுவதற்கு பணமும், பாராட்டும், கால அவகாசமும் கொடுக்கிறீர்கள். வெறும் கண்துடைப்புக்காக அப்பப்ப வாங்கோ, அறிக்கை விடுங்கோ.அது போதும் உங்களின் பதவி துடிப்புடன் இயங்குகிறது என்று காட்ட. எட்டு வருடம் கடந்து என்னத்தை சாதித்தீர்கள்? கால அவகாசம் இதற்கு மேலும் தேவையா?