மறு கல்வி மையங்கள் எனும் பெயரில் சீனாவில் முகாம்களில் தங்கவைக்கப்பட்டுள்ள நூற்றுக் கணக்கான இஸ்லாமியர்களை கைகளையும், கண்களையும் கட்டி அழைத்துச் செல்வது போன்ற காட்சிகள் வெளியான நிலையில், அமெரிக்கா கண்டனம் தெரிவித்துள்ளது.

சீனாவின்ஸின்ஜியாங் ( Xinjiang) நிங்க்ஸியா (Ningxia), கின்காய் (Qinghai), கன்சு (Gansu) ஆகிய மேற்கத்திய மாகாணங்களில் இஸ்லாமியர்கள் குறிப்பிடத்தக்க அளவில் வசிக்கின்றனர். ஹன் சமூகத்தினர் அதிகம் வசிக்கும் ஸின்ஜியாங்கில், உய்குர் இன இஸ்லாமியர்களால் அமைதிக்கு பங்கம் ஏற்படுவதாக அந்த மாகாண நிர்வாகம் கருதுவதாகக் கூறப்படுகிறது.

சுமார் 10 லட்சம் இஸ்லாமியர்களைப் பிடித்து மறு கல்வி மையம் எனும் பேரில் முகாம்களில் அடைத்து வைத்திருப்பதாகவும், அவர்களின் குழந்தைகளை பெற்றோரிடமிருந்து பிரித்து ஆதரவற்றோர் இல்லங்களில் வைத்திருப்பதாகவும் குற்றம்சாட்டப்படுகிறது.

 இத்தகைய குற்றச்சாட்டுக்களை சீனா மறுத்து வந்த நிலையில், ஸின்ஜியாங் மாகாணத்தில் சுமார் 600 இஸ்லாமியர்களை கைகளுக்கு விலங்கு பூட்டி, கண்களைக் கட்டி வேறு மையத்துக்கு அழைத்துச் செல்வதாகக் கூறி ட்ரோன் காட்சிகள் சமீபத்தில் வெளியாகின.

இதுகுறித்து வாடிகனில் மதச்சுதந்திரம் குறித்த கருத்தரங்கில் பேசியபோது கண்டனம் தெரிவித்த அமெரிக்க அமைச்சர் மைக் போம்பியோ, இஸ்லாமியர்களை முகாம்களில் முடக்கி, கிறிஸ்தவப் பாதிரியார்களைக் கைது செய்வதாகவும், மக்கள் கடவுளை வணங்காமல், அரசை வணங்க வேண்டும் என சீனா கருதுவதாகவும் விமர்சித்தார்.

இதையடுத்து,  மதத்தின் பெயரில் நடக்கும் தீவிரவாத செயல்களை ஒடுக்கி, மறு கல்வி வழங்குவது தங்கள் நடைமுறை என்றும், சட்டப்படி ஒரு முகாமில் இருந்து மற்றொரு முகாமுக்கு மாற்றுவது வழக்கம்தான் என்றும் ஸின்ஜியாங் மாகாண அரசு செய்தித் தொடர்பாளர்கள் விளக்கமளித்துள்ளனர். 3-ம் நாடு இதில் தலையிடுவதில் உள்நோக்கம் இருப்பதாகவும் அவர் பதிலளித்துள்ளார்.

https://www.polimernews.com/dnews/83754/மறு-கல்வி-மையங்கள்-எனும்பெயரில்-இஸ்லாமியர்களுக்குகொடுமை---அமெரிக்கா-கண்டனம்

1 hour ago, ampanai said:

மறு கல்வி மையங்கள் எனும் பெயரில் சீனாவில் முகாம்களில் தங்கவைக்கப்பட்டுள்ள நூற்றுக் கணக்கான இஸ்லாமியர்களை கைகளையும், கண்களையும் கட்டி அழைத்துச் செல்வது போன்ற காட்சிகள் வெளியான நிலையில், அமெரிக்கா கண்டனம் தெரிவித்துள்ளது.

உலகத்திலே... 40 மேற்பட்ட முஸ்லீம் நாடுகள், சும்மா...   இருக்க,  அமேரிக்கா இதை ஏன் கண்டிக்குது?
சிலோன் முஸ்லிம்களே.... இதை கண்டிக்காமல்,  ஏன்...   பம்மிக் கொண்டு இருக்கிறார்கள்.
சீனாவுக்கு... பயம் போலை கிடக்கு. 😎

இஸ்லாமியர்களுக்கு எதிரான தாக்குதல்: சீன நிறுவனங்களை தடை செய்த அமெரிக்கா

சீனாவில் வீகர் இன மக்களுக்கு எதிரான வன்முறைகள் அதிகளவில் நடப்பதாகத் தொடர்ந்து குற்றஞ்சாட்டப்படுவதை அடுத்து அமெரிக்கா 28 சீன அமைப்புகளைத் தடுப்பு பட்டியலில் சேர்த்துள்ளது.

படத்தின் காப்புரிமைCHINA PHOTOS/GETTY IMAGES

இந்த நிறுவனங்களால் அமெரிக்க நிறுவனங்களிடமிருந்து எந்தப் பொருட்களையும் கொள்முதல் செய்ய முடியாது. இந்த நிறுவனங்கள் மனித உரிமை மீறல் செயல்களில் ஈடுபட்டதாக அமெரிக்கா வணிக துறையின் தரவு ஒன்று கூறுகிறது. மேற்கு சீனாவில் ஜின்ஜியாங் பகுதியில், விசாரணையின்றி லட்சக்கணக்கான முஸ்லிம்களை அடைத்து வைத்திருப்பதாகத் தொடர்ந்து குற்றம் சாட்டப்படுகிறது. இந்தத் தடை குறித்து சீனா இதுவரை கருத்து தெரிவிக்கவில்லை.

https://www.bbc.com/tamil/global-49968547