அங்கு லட்சுமி அம்மாள், கோச்சானியன் இருவரும் வயதான காலத்தில் ஒருவரை ஒருவர் அன்பாகக் கவனித்துக்கொண்டனர். இவர்களின் காதல் கதையைப் பற்றி அறிந்த அந்த முதியோர் இல்லத்தின் கண்காணிப்பாளரான வி.ஜி.ஜெயகுமார் அவர்களுக்குத் திருமணம் செய்து வைத்து கணவன்-மனைவி என்ற அங்கீகாரம் தர வேண்டும் என்று முடிவு செய்தார். இதற்காகத் தன் மேலதிகாரிகளுடன் பேசி சம்மதம் பெற்ற ஜெயகுமார், ``இந்தத் திருமணமானது மறக்கமுடியாத விழாவாக இருக்கும்" என்று கூறியுள்ளார்

சட்டப்படி இது போன்ற திருமணங்களுக்கு அனுமதி கிடையாது. ஆனால், மாநிலத்தின் அனைத்து முதியோர் இல்லங்களின் கண்காணிப்பாளர்கள் முன்னிலையில் நடைபெற்ற ஒரு கூட்டத்தில் ஜெயகுமார் இந்தத் திருமணம் பற்றிய பேச்சைக் கொண்டுவந்தபோது இதுபோன்ற திருமணங்களை ஊக்கப்படுத்த முடிவு எடுக்கப்பட்டது.

இதன்படி வரும் டிசம்பர் 30-ம் தேதி நடைபெறவுள்ள இந்தத் திருமணமானது முதல் முறையாக ஓர் அரசாங்க முதியோர் இல்லத்தால் ஏற்பாடு செய்யப்பட உள்ளது.

இது பற்றி கோச்சானியன் கூறும்போது ``எங்கள் விருப்பத்தை நனவாக்க எல்லோரும் எங்களுடன் இணைந்திருப்பதில் நாங்கள் மகிழ்ச்சியடைகிறோம்" என்றார்.

மனதோடு காதல் வந்தால் மனிதா தடையேது!

https://www.vikatan.com/lifestyle/relationship/couple-who-met-at-an-old-age-home-decide-to-get-married-proving-love-has-no-age?fbclid=IwAR0_8YVWBUUhMiFyOhZK5Q8his3DrcpenWocOIvg1rZ8OLZMalxFUeLXz0U

உடல், பொருள் என்று எந்த எதிர்பார்ப்பும் இல்லை. திருமண பந்தம் தரும் பாதுகாப்பு உணர்வு என்ற எதிர்பார்ப்பு கூட இல்லை. திருமணம் புனிதமென்றால், அதனினும் புனிதம் இந்த உறவு. காதலை மட்டுமே எதிர்பார்க்கும் காதல். வாழ்த்த நமக்கு  வயதில்லை  என்பதை விட வாழ்த்த வயது தேவையில்லை எனச் சொல்லி வாழ்த்துவோமே -

'பல்லாண்டு பல்லாண்டு பல்லாயிரத்தாண்டு

பலகோடி நூறாயிரம்' -

                  பெரியாழ்வார்.

8 hours ago, சுப.சோமசுந்தரம் said:

உடல், பொருள் என்று எந்த எதிர்பார்ப்பும் இல்லை. திருமண பந்தம் தரும் பாதுகாப்பு உணர்வு என்ற எதிர்பார்ப்பு கூட இல்லை. திருமணம் புனிதமென்றால், அதனினும் புனிதம் இந்த உறவு. காதலை மட்டுமே எதிர்பார்க்கும் காதல். வாழ்த்த நமக்கு  வயதில்லை  என்பதை விட வாழ்த்த வயது தேவையில்லை எனச் சொல்லி வாழ்த்துவோமே -

'பல்லாண்டு பல்லாண்டு பல்லாயிரத்தாண்டு

பலகோடி நூறாயிரம்' -

                  பெரியாழ்வார்.

சுப.சோமரை முன்மொழிந்து அடியேனின் வாழ்த்துக்களும் உரித்தாகட்டும் அந்த மணமக்களுக்கு.......!  💐

ஐமபத்திலும் ஆசை வரும் .....  ஆசையுடன் பாசமும் வரும். 

 

ஒரு புதிய ஆரம்பம்.

துணையின்றி தனிமையில் முதியோர் இல்லங்களில் வாழும் முதியோருக்கு, முதியோர் இல்ல அறைகள் கல்லறைக்காக காத்திருக்க வைக்கும் அறைகளாக தோன்றும். அவை பொழிவிழந்து காட்சியளிக்கும்.

ஆனால் இந்த முதியோருக்கு அவர்களின் மனதை ஒத்த துணை அமைந்துவிட்டால், மரணத்திற்குத் தயார்படுத்தும் இரண்டாவது வாழ்க்கை கட்டம் அருமையான, அற்புதமான அனுபவமாக முதுமையை மாற்றிவிடும். 

புதிய ஆரம்பம் நன்றாக அமையட்டும்

Edited December 20, 20196 yr by பிரபா சிதம்பரநாதன்

 

 

•  
• Last Updated: December 29, 2019, 2:49 PM IST

கேரளாவில் முதியோர் இல்லத்தில் காதலித்த 67 வயதான கோச்சானியன் என்பவரும், 65 வயதான லட்சுமி அம்மாள் என்பவரும் திருமணம் செய்து கொண்டனர்.

திருச்சூர் மாவட்டம் ராமாவர்மபுரத்தில் உள்ள முதியோர் இல்லத்தில் நடந்த இந்த திருமணத்தில் வேளாண்துறை அமைச்சர் சுனில் குமார் கலந்து கொண்டு மணமக்களை வாழ்த்தினார்.

லட்சுமி அம்மாளின் கணவரிடம் கோச்சானியான் உதவியாளராக இருந்துள்ளார். 21 வருடங்களுக்கு முன்பு கணவர் இறந்த பின்பு லட்சுமி அம்மாள் உறவினர்களுடன் சென்றுவிட்டார். கடந்த இரு ஆண்டுகளுக்கு முன்பு ராமாவர்மபுரத்தில் உள்ள முதியோர் இல்லத்தில் லட்சுமி அம்மாள் சேர்ந்த நிலையில், இரு மாதங்களுக்கு முன்பு அங்கு கோச்சானியானும் சேர்க்கப்பட்டுள்ளார்.

 

 

கொஞ்சம் மனங்களைப்பற்றி பேசலாமே..........