துருக்கி கிரேக்க எல்லையில் பொலிஸ்- புலம்பெயர்ந்தோருக்கிடையில் மோதல்!

துருக்கி- கிரேக்க எல்லையில் நிர்கதியாகத் தவித்து வரும் புலம்பெயர்ந்த மக்களும், கிரேக்க பொலிஸாருக்கும் இடையில் மோதல் வெடித்துள்ளது.

இருதரப்புக்கும் இடையே இன்று (சனிக்கிழமை) இடம்பெற்ற மோதலில், சிலர் காயமடைந்திருக்கலாம் என அதிகாரிகள் தெரிவிக்கின்றனர்.

வடக்கு சிரியாவில் 33 துருக்கிய துருப்புக்கள் இறந்ததைத் தொடர்ந்து அகதிகள் ஐரோப்பாவிற்குள் செல்வதைத் தடுக்க மாட்டோம் என்று துருக்கிக் கூறியதையடுத்து கிரேக்கம் தன் எல்லையை அகதிகளுக்கு மூடியது. இந்த நிலையிலேயே இந்த மோதல் வெடித்துள்ளது.

மேற்கு துருக்கி மாகாணமாக எடிர்னெ அருகே கிரேக்கம் எல்லையில் நிர்கதியாகத் தவித்து வரும் புலம்பெயர்ந்த மக்கள், எல்லை ஊடாக நுழைவதற்கு முற்பட்டபோது, புலம்பெயர் மக்களுக்கும் பொலிஸாருக்கும் இடையில் இந்த மோதல் வெடித்ததாக அதிகாரிகள் கூறுகின்றனர்.

இதில் புலம்பெயர்ந்தோரில் சிலர் பொலிஸ் அதிகாரிகள் மீது கல்லெறி தாக்குதல் நடத்தினர். இதனையடுத்து கிரேக்க பொலிஸார், மக்கள் மீது கண்ணீர் புகைக்குண்டு வீதி தாக்குதல் நடத்தினர். இதனால் அங்கு பதற்ற நிலை நிலவுகின்றது.

துருக்கிய தலைவர் நேற்று முதல் 18,000 புலம்பெயர்ந்தோர் ஐரோப்பாவுடனான துருக்கிய எல்லைகளில் குவிந்துள்ளனர் என்றும், இந்த எண்ணிக்கை இன்று 30,000 வரை எட்டக்கூடும் என்றும் கூறியுள்ளார் என்பது குறிப்பிடத்தக்கது.

http://athavannews.com/துருக்கி-கிரேக்க-எல்லையி/

இப்ப வாற அகதிகள் எல்லாம் சண்டித்தனத்தோடைதான் வாறாங்கள்.
நாங்கள் எல்லாம் வரேக்கை நனைஞ்ச கோழிமாதிரி நடுங்கி பதுங்கியெல்லே வந்தனாங்கள்.

25 minutes ago, குமாரசாமி said:

இப்ப வாற அகதிகள் எல்லாம் சண்டித்தனத்தோடைதான் வாறாங்கள்.
நாங்கள் எல்லாம் வரேக்கை நனைஞ்ச கோழிமாதிரி நடுங்கி பதுங்கியெல்லே வந்தனாங்கள்.

ஜெர்மனியில் உள்ள (பல மில்லியன்கள் )  துருக்கியர்கள் இது பற்றி பொதுவாக என்ன சொல்லுகிறார்கள் ?

துருக்கி- கிரேக்க எல்லையில் மீண்டும் கிரேக்க படையினர் மீது அகதிகள் தாக்குதல்!

துருக்கி- கிரேக்க எல்லையில் நிர்கதியாகத் தவித்து வரும் புலம்பெயர்ந்த மக்களும், கிரேக்க படையினருக்கும் இடையில் மீண்டும் மோதல் வெடித்துள்ளது.

ஐரோப்பாவுக்குள் எப்படியாவது நுழைந்துவிடவேண்டும் என்ற நோக்கத்தோடு எல்லையை முற்றுகையிட்டுள்ள அகதிகளை, கிரேக்க எல்லைக்குள் நுழைய கிரேக்க படையினர் மறுத்ததால், ஆத்திரமடைந்த அகதிகள் அவர்கள் மீது தாக்குதல் நடத்தியுள்ளனர்.

இந்த மோதலின் போது பாதுகாப்பு படையினர் மீது அகதிகள் கற்களையும், போத்தல்களையும் வீசி தாக்குதலில் ஈடுபட்டனர்.

இந்தத் தாக்குதலுக்கு கிரீஸ் பாதுகாப்பு படையினரும் பதிலடி தாக்குதல் நடத்தினர். கடல் வழியாகவும் ஐரோப்பாவுக்குள் அகதிகள் நுழைய முயற்சி செய்துவருவதால் கிரேக்க கடல் எல்லையிலும் பாதுகாப்பு பலப்படுத்தப்பட்டுள்ளது.

சட்டவிரோதமாக ஐரோப்பாவுக்குள் நுழைய முயற்சி செய்யும் அகதிகளுக்கும், பாதுகாப்பு படையிருக்கும் இடையே மோதல் நடைபெற்றுவருவதால் துருக்கி- கிரேக்க எல்லையில் பரபரப்பான சூழல் நிலவிவருகிறது.

வடக்கு சிரியாவில் 33 துருக்கியத் துருப்புக்கள் இறந்ததைத் தொடர்ந்து அகதிகள் ஐரோப்பாவிற்குள் செல்வதைத் தடுக்க மாட்டோம் என்று துருக்கிக் கூறியதையடுத்து கிரேக்கம் தன் எல்லையை அகதிகளுக்கு மூடியது.

மேற்கு துருக்கி மாகாணமாக எடிர்னெ அருகே கிரேக்க எல்லையில் ஆயிரக்கணக்கான அகதிகள் நிர்கதியாகத் தவித்து வருகின்றனர்.

துருக்கியில் ஏற்கனவே சுமார் 35 லட்சம் பேர் அகதிகளாக உள்ளனர். தற்போது நிலவிவரும் போர் பதற்றத்தால் சிரியாவில் இருந்து வரும் அகதிகளின் எண்ணிக்கை மேலும் அதிகரித்துள்ளது. தற்போது சிரிய அகதிகள் மட்டுமல்லாமல் துருக்கியைச் சேர்ந்த ஆயிரக்காணக்கானவர்களும் கிரேக்க எல்லை நோக்கிப் பயணம் செய்துவருகின்றனர்.

http://athavannews.com/துருக்கி-கிரேக்க-எல்லைய/

On 3/3/2020 at 1:19 AM, ampanai said:

ஜெர்மனியில் உள்ள (பல மில்லியன்கள் )  துருக்கியர்கள் இது பற்றி பொதுவாக என்ன சொல்லுகிறார்கள் ?

இங்கு வாழும் துருக்கிமக்கள் தங்கள் நாட்டை விட்டுக்கொடுக்கமாட்டார்கள்.நீதி நியாயம் தெரியாதவர்கள்.ஜேர்மனியில் வாழ்ந்து கொண்டே ஜேர்மனியை எதிரி நாடாக பார்ப்பவர்கள்.
Recep Tayyip Erdoğan இவர்களுக்கு தெய்வம் மாதிரி...