மூன்று வருடங்களுக்கு முந்தைய நினைவு..

பல வருட கனவான சென்னையில் சொந்தமாக நிலம் வாங்கி தனிவீடு கட்ட வேண்டுமென விருப்பம்..

கடும் வெயிலில் உழைத்து சேகரித்த செல்வத்தைக் கொண்டு சிறிய மனை ஒன்று வாங்கிப்போட்டு, பின்னர் ஓய்வு பெற்ற பின் அங்கே வீடு கட்டிகொள்ளலாமென முடிவெடுத்தேன்.

மனையை தேடினேன்..தேடினேன்..!

சென்னை நகரத்திற்குள் குறிப்பிட்ட பணத்திற்குள், காலி மனை வாங்குவது கடினம்தான்.. பெருகி வரும் புறநகர் பகுதிகளில் தேடும்போது பம்பல், திருநீர்மலை பகுதிகளுக்கும் சென்று வந்தேன்..

டீசன்டான ஒரு பகுதியில் தேடும்போது ஒரு மனை பிடித்துப்போனது.. விலையும் கொஞ்சம் மலிவாக இருந்தது.

கூட்டிச்சென்ற நிறுவன ஆட்களிடம் பேசிக்கொண்டிருந்தேன்..!

திடீரென தலைக்கு மேலே காதைக் கிழிக்கும் சத்தம்..!!

நானும், வீட்டம்மாவும் பயந்தே போனோம்..

'என்னடா..'வென அன்னாந்து பார்த்தால், மிக தாழ்வாக பறந்து செல்லும் விமானம்..! சில நிமிடங்களில் அடுத்தடுத்து விமானங்கள் வந்தன.

விசாரித்ததில், சென்னை மீனம்பாக்கம் விமான ஓடுதளத்தை அண்மித்து விமானங்கள் தரை இறங்கும் வழிப்பாதையில் அந்த காலி மனை அமைந்திருந்தது..!

ஓய்வு பெற்று அந்த மனையில் புதிதாக கட்டும் வீட்டில் நிம்மதியாக தூங்க முடியுமா..??? 

அங்கு பிடித்த ஓட்டம், அதன்பிறகு அப்பகுதிக்கு போகவே இல்லை..!

 

ஆனால் மேலே இணைத்துள்ள காணொளியில் பாருங்கள்.. !

லண்டன் ஹீத்துரூ விமான நிலையத்தின் ஓடுபாதைக்கு அண்மித்த பகுதியில் விமானங்கள் தரையிறங்கும் வழிப்பாதையில் வீடுகள் கட்டி வாழ்கிறார்கள்..

எப்படி இவர்களால் தூங்க முடிகிறது..? 

ஆச்சரியமே..!

 

Edited November 8, 20205 yr by ராசவன்னியன்

1 hour ago, ராசவன்னியன் said:

லண்டன் ஹீத்துரூ விமான நிலையத்தின் ஓடுபாதைக்கு அண்மித்த பகுதியில் விமானங்கள் தரையிறங்கும் வழிப்பாதையில் வீடுகள் கட்டி வாழ்கிறார்கள்..

 

அந்த சத்தம் இல்லாவிட்டால் இவர்களால் தூங்க முடியாது.

21 hours ago, ராசவன்னியன் said:

லண்டன் ஹீத்துரூ விமான நிலையத்தின் ஓடுபாதைக்கு அண்மித்த பகுதியில் விமானங்கள் தரையிறங்கும் வழிப்பாதையில் வீடுகள் கட்டி வாழ்கிறார்கள்..

எப்படி இவர்களால் தூங்க முடிகிறது..? 

இரவு 11 ல் இருந்து விடிகாலை  5 மணிவரை எந்த பயணிகள் கார்கோ விமானம்கள் இறங்குவது தடை . குறிப்பிட்ட டிரக்ஸன் அநேகமாக பாவிப்பார்கள் விடிகாலை ஐந்து மணியானதும் வரிசையில் விமானம்கள் ஒன்றன் பின் ஒன்றாய் வந்து இறங்குவது பார்த்துக்கொண்டே இருக்கலாம் .

அப்படி தாழ்வாக இறங்கும் நேரம்களில் விமானத்தில் ஒட்டியுள்ள ஐஸ் விழுந்து அங்குள்ள வீடுகளின் கூரைகள் உடைவது உண்டு இன்சூரன்ஸ் கூட அந்த பகுதி வீடுகளுக்கு கூடுதலாக அங்கிருப்போர் விமான நிலையத்தில் வேலை  செய்பவர்களாக இருப்பினம் வாரமுடிவில் தங்கள் பண்ணை வீடுகளை நோக்கி ஓடிவிடும்கள் .

தற்போது தொழில் நுட்பம் மூலம் அந்த ஐஸ் படிவை  தடுக்கிறார்கள் மருதங்கேணியிடம் மேலதிக விளக்கம் இருக்கலாம் .

இந்த விமான சத்தம் பெரிது என்பவர்கள் கொன்கோர்ட் பிளைட்  சத்தம் எப்படி என்று தெரிந்து கொள்ளணும்  தற்போது பறப்பதில்லை  பாரிஸில் நடந்த விபத்துடன்  அத்தனை  விமானத்தையும் ஏறக்கட்டி விட்டார்கள் .

8 minutes ago, பெருமாள் said:

இந்த விமான சத்தம் பெரிது என்பவர்கள் கொன்கோர்ட் பிளைட்  சத்தம் எப்படி என்று தெரிந்து கொள்ளணும்  தற்போது பறப்பதில்லை  பாரிஸில் நடந்த விபத்துடன்  அத்தனை  விமானத்தையும் ஏறக்கட்டி விட்டார்கள் .

ஒலியின் வேகத்தை விட அதிக வேகத்தில் பறக்கும் கன்கார்ட் சூப்பர் சோனிக் இங்கிலாந்து-பிரான்ஸ் கூட்டு முயற்சியான தொழிற்நுட்பம் வியக்கத் தக்கது..

நான் பலமுறை இந்த விமானம் பற்றிய குறிப்புகளை படித்துள்ளேன்.

கன்கார்ட் மூலம் லண்டன் to நியுயார்க் விமான பயண நேரம் 3 1/3 மணி நேரம் மட்டுமே..

'கன்கார்ட்' தரையிறங்கும்போதும் மேலெழும்பும்போதும் அருகிலுள்ள கட்டிடங்களின் கண்ணாடி சட்டங்கள் ஒலி அதிர்வுகளால் உடைந்துவிடுவதுண்டு என் கேள்விப்பட்டுள்ளேன்.

 

 

 

சாரை பாம்பு அல்லது பருந்து போல வானை ஆக்கிரமித்து மேக் 2.04 அதாவது மணிக்கு 2,180 கி.மீ வேகத்தில் செல்லும் கன்கார்ட் கம்பீரம் மீண்டும் வருமா..?

கன்கார்ட் விமானத்திலிருந்து பார்த்தால் பூமியின் வளைவு தெரியும் என்கிறார்கள்..மேலே பறக்கும் உயரம் தரையிலிருந்து 18,300 மீட்டர்களுக்கு (60 ஆயிரம் அடி) மேல்.

கன்கார்ட் விமானத்தை விட அதிக வேகத்தில் பறக்கும் விமானங்களின் வடிப்பை பொறியாளர்கள் ஆராய்ந்துகொண்டிப்பதாக தகவல்கள்..

14 minutes ago, ராசவன்னியன் said:

கன்கார்ட் விமானத்திலிருந்து பார்த்தால் பூமியின் வளைவு தெரியும் என்கிறார்கள்..மேலே பறக்கும் உயரம் தரையிலிருந்து 18,300 மீட்டர்களுக்கு (60 ஆயிரம் அடி) மேல்.

அந்த உயரம்தான் அதன் முடிவுக்கு முக்கிய காரணம் அங்கு காணப்படும் கதிர்வீச்சு பயணிகளிடம் தோல் புற்று நோயை உருவாக்கும் வேகம் கூட அதிக கதிர் வீச்சு  உள்ள இடங்களில் உயரம் 12 ஆயிரம் அடி  குறைத்து பறத்தலை மேற்கொண்டனர் .