கடத்தல் சம்பவங்கள்: வான் படை அதிகாரி கைது

சிறிலங்காவில் நடைபெறும் கடத்தல் சம்பவங்களில் தொடர்பிருப்பதாகக் கூறி சிறிலங்கா வான்படையின் முன்னாள் அதிகாரி நிசாந்த கஜநாயக்க கைது செய்யப்பட்டுள்ளார்.

"கடத்தல்கள், கப்பம் அறவிடுதல், படுகொலைகள் ஆகியவற்றுக்கு மூளையாக இருந்து செயற்பட்டதாக கஜநாயக்கவை கைது செய்திருக்கிறோம்" என்று குற்றப் புலனாய்வு திணைக்கள அதிகாரிகள் தெரிவித்துள்ளனர். கஜநாயக்கவுக்கு இச்சம்பவத்தில் தொடர்புள்ளமைக்கான போதுமான ஆதாரங்களைத் திரட்டிய பின்னரே அவரைக் கைது செய்ததாகவும் குற்றப் புலனாய்வு அதிகாரிகள் தெரிவித்தனர்.

கொழும்பில் செஞ்சிலுவைச் சங்கப் பணியாளர்கள் கடத்தப்பட்ட சம்பவத்தில் நேரடி சாட்சிகள் தெரிவித்த தகவலைத் தொடர்ந்து கடந்த 9 ஆம் நாள் கஜநாயக்கவிடம் விசாரணை நடத்திய குற்றப் புலனாய்வு திணைக்களத்தினர் வாக்குமூலத்தைப் பதிவு செய்தனர்.

கடந்த புதன்கிழமை முஸ்லிம் வர்த்தகர் கடத்தப்பட்ட சம்பவம் தொடர்பில் மற்றொரு சந்தேக நபர் தடுத்து வைக்கப்பட்டுள்ளார்.

-புதினம்

கடத்தல் சம்பவங்கள்: வான் படை அதிகாரி கைது

சிறிலங்காவில் நடைபெறும் கடத்தல் சம்பவங்களில் தொடர்பிருப்பதாகக் கூறி சிறிலங்கா வான்படையின் முன்னாள் அதிகாரி நிசாந்த கஜநாயக்க கைது செய்யப்பட்டுள்ளார்...

இவர் கடத்தியது ஆட்களையா அல்லது போதைப் பொருட்களையா?

கறக்கப்பட்ட பணம் மகிந்தவின் வீட்டுக் கோடிக்குள் புதைக்கப்பட்டிருக்கும்.. எனவே பணம் வராது.. பிணங்களைப் புதைக்க வெலிக்கந்தையில் உள்ள கருணாவின் சுடலை மாடன்கள் உதவியிருப்பார்கள்.. எனவே பிணமும் வராது!

சர்வதேசத்தின் கண்களில் மண்ணை தூவ ஒரு பலிக்கடாவை ஏற்பாடு செய்து இருக்கிறார் மகிந்த. கொழும்பிலேயே தங்கி இருந்த இந்த அதிகாரியை பிடிக்க ஏன் இத்தனை மாதங்கள்?! இவருடனான மகிந்த அன் கோ வின் கொடுக்கல் வாங்கல்கள் இப்போது தான் முடிவுக்கு வந்திருக்கிறது போலிருக்கிறது. அல்லது இவரும் மங்கள சமரவீரவிற்கு வேண்டப்பட்டவரா?

கடத்தல்களும், கப்பம் பெறுவதும், தராதவர்களைக் கொல்லுவதும் மகிந்த & சகோதரர்கள் நிறுவனத்தால் செய்யப்படுகின்றது.. இது அவர்களின் சாம்ராஜ்ஜத்தை உருவாக்கும் வேலைத்திட்டங்களில் ஒன்று.. எனவே இவை தொடரும்..