சிறிலங்காவில் 2 வருடங்களில் 10,000-க்கும் மேற்பட்ட இராணுவத்தினர் தப்பியோட்டம்

[ஞாயிற்றுக்கிழமை, 24 யூன் 2007, 06:23 ஈழம்] [க.திருக்குமார்]

கடந்த 2005 ஆண்டு ஐனவரி 1 ஆம் நாளில் இருந்து 2007 ஆம் ஆண்டு ஏப்பிரல் 20 ஆம் நாள் வரையிலான காலப்பகுதியில் சிறிலங்கா இராணுவத்தில் இருந்து 93 அதிகாரிகளும் 10,060 இராணுவத்தினரும் தப்பியோடியுள்ளதாக கொழும்பு ஊடகம் ஒன்று தெரிவித்துள்ளது.

அந்த ஊடகத்தில் மேலும் தெரிவிக்கப்பட்டள்ளதாவது:

படையினர் தமது படைவலுவினை 50,000 பேரினால் அதிகரிக்கும் முயற்சியில் ஈடுபட்டுள்ளனர். இதில் இராணுவத்திற்கு 25,000 பேரும், கடற்படைக்கு 15,000 பேரும், வான்படைக்கு 10,000 பேரும் சேர்த்துக்கொள்ளப்பட உள்ளனர்.

ஒவ்வொரு பிரிவும் தமது படைக்கு ஆட்களை திரட்டும் நடவடிக்கைகளை தமது சொந்த இணைப்புக் குழுவினூடாக மேற்பார்வை செய்ய உள்ளது.

இராணுவத்தின் தரவுகளின் படி 100,000-க்கும் மேற்பட்டோர் உள்ளனர். இந்த பலம் காகிதத்தில் இருந்தாலும் பிரித்தானியாவின் இராணுவத்தின் தொகையை விட அதிகம். இருந்த போதும் கடந்த 2005 ஆம் ஆண்டு ஜனவரி 1 ஆம் நாளில் இருந்து 2007 ஆம் ஆண்டு ஏப்பிரல் 20 ஆம் நாள் வரையிலான காலப்பகுதியில் இராணுவத்தில் இருந்து 93 அதிகாரிகளும் 10,060 இராணுவத்தினரும் தப்பியோடியுள்ளதாக இராணுவத்தினரின் பதிவேடுகள் கூறுகின்றன.

சிலர் தொடர்ச்சியான பொது மன்னிப்புக்களின் மூலம் மீண்டும் இணைந்துள்ளனர். கடந்த ஜனவரி 20 ஆம் நாள் முதல் பெப்ரவரி 12 ஆம் நாள் வரை இறுதியான பொது மன்னிப்பு வழங்கப்பட்டிருந்தது. இதன் போது 3,979 பேர் மீண்டும் சேவைக்கு திரும்பியிருந்தனர்.

இதனுடன் சமர்களில் கொல்லப்பட்ட மற்றும் காயமடைந்த படையினரின் வெற்றிடங்களும் உள்ளன. படையினரின் பலத்தை அதிகரிப்பதில் அதிகாரிகள் மத்தியில் வேறுபட்ட கருத்துக்கள் தோன்றியுள்ளன.

சாதாரணமாக ஒரு பற்றாலியன் 855 பேரைக்கொண்டதாக இருத்தல் வேண்டும். ஆனால் சிறிலங்காப் படையில் உள்ள சில பற்றாலியன்கள் 400 - 500 துருப்புக்களை கொண்டாகவே உள்ளது. எனவே நலிவடைந்த பற்றாலியன்களை இணைத்து உரிய எண்ணிக்கை கொண்ட பற்றாலியன்களை உருவாக்கினால் தான் முழுமையான பலனை அடைய முடியும் என சிலர் கருதுகின்றனர்.

எனினும் மற்றவர்களின் கருத்து வேறாக உள்ளது. அதவது நலிவடைந்த பற்றாலியன்களை அவ்வாறே பேணவேண்டும் அப்போது தான் அவர்கள் சரியாக இயங்க முடியும். முக்கியமாக படையினரின் எண்ணிக்கை அதிகரிப்பு விரைவான பதவி உயர்வுகளுக்கான வாசலை திறந்துவிடும்.

தற்போது நடைபெறும் படைச்சேர்ப்பு முடிந்ததும் இராணுவத் தளபதியின் பதவி நிலை லெப். ஜெனரல் தரத்தில் இருந்து நான்கு நட்சத்திர ஜெனரல் தரத்திற்கு உயர்ந்து விடும். இதே போன்ற பதவி உயர்வுகள் கடற்படை மற்றும் வான்படையிலும் ஏற்படலாம் என அதில் தெரிவிக்கப்பட்டுள்ளது

நன்றி புதினம்

தலை தப்பியது தம்பி ரன் செய்த புண்ணியம்.

இதுக்குள்ள மகிந்த 50000 பேரைச் சேர்க்கப்போறாராம்,நல்ல தமாஸ்தான் பாருங்கோ

புலிகளைத் தோற்கடிக்கின்றோம் என்ற சிங்கள அரசின் செய்தி ஏழைச் சிங்கள இளைஞர்களுக்குப் பரப்புரை செய்யப்பட்டால் 50000 பேரைச் சேர்க்கலாம்.. எனினும் கள முனையில் நேரடி அனுபவத்தைப் பெறுவோர் மீண்டும் ஓடி ஒளித்துவிடுவர். சிங்கள அரசு அழிவுப்பாதையில் சிங்கள மக்களை இட்டுச் செல்லுவதற்கு இப்படியான விடயங்கள் தேவைதான்!

அண்மைக்காலமாக பத்திரிகை தொலைக்காட்சி என்பவற்றில் மீண்டும் கவர்ச்சிகரமான விளம்பரங்கள் வரத்தொடங்கியுள்ளன. அவை ஆட்சேர்ப்பு என்ற ரீதியில் இல்லாமல், சாதனைகள், சந்தோசமாக வாழும் தமிழ்மக்கள், மக்களுக்கு உணவு மற்றும் மருத்துவ சிகிச்சை வழங்கும் படையினர்,படையினருடன் கிரிக்கட் விளையாடும் உள்ளூர் இளைஞர்கள், பெண் ராணுவவீரர்கள் ஆடிப் பாடுவது என மிகவும் கவர்ச்சிகரமாக இடம் பெறுகின்றது.

அரச ஊடகங்கள் மட்டுமின்றி தனியார் ஊடகங்களும் தங்கள் பங்கிற்கு ராணும் சார்பான செய்தி ஆய்வு, புலிகளை கிண்டலடித்தல் எனப்பல நிகழ்சிகளை நடத்துகின்றன. இதில் ரவிராஜ் இறுதியாக பேட்டி கொடுத்த தொலைக்காட்சியும் அடக்கம்.

பொய்யை ஊட்டி பாதாளத்தை நோக்கி வழிநடத்துகிறார்கள் மக்களை, பொய்யின் போதையில் மக்களும் வலியை பொறுத்துக்கொள்கின்றனர். இறுதி வெற்றி செய்திக்காக அனைவரும் காத்திருக்கின்றனர்!

ஈற்றில் உண்மை இடியாய் இறங்கும் பாதிக்கப்படப் போவதும் மக்களே!

Edited June 24, 200718 yr by சாணக்கியன்

தப்பி ஓடியவர்கள், காணாமல் போகும் இராணுவத்தினர் எல்லாருமே உயிருடன்தான் இருக்கின்றார்களா? இப்படியொரு சந்தேகம். ஏனென்றால் இராணுவத்தரப்பு இழப்பக்கள் சரியான முறையில் வெளிவருவதில்லை. இவ்வளவு பெருந்தொகை சிறு காலவட்டத்திற்குள் காணாமற் போவதென்றால் சந்தேகத்திற்குரிய செயற்பாடுதான். காணவில்லை என்று அறிவித்துவிட்டால் கூலிப்பணமும் இல்லை நட்ட ஈடும் கொடுக்கத் தேவையில்லை. புத்திசாலிகள் போல் நடிக்கின்றார்கள். பாவம் அந்த பாமரச் சிங்களர்.

அண்மைக்காலமாக பத்திரிகை தொலைக்காட்சி என்பவற்றில் மீண்டும் கவர்ச்சிகரமான விளம்பரங்கள் வரத்தொடங்கியுள்ளன. அவை ஆட்சேர்ப்பு என்ற ரீதியில் இல்லாமல், சாதனைகள், சந்தோசமாக வாழும் தமிழ்மக்கள், மக்களுக்கு உணவு மற்றும் மருத்துவ சிகிச்சை வழங்கும் படையினர்,படையினருடன் கிரிக்கட் விளையாடும் உள்ளூர் இளைஞர்கள், பெண் ராணுவவீரர்கள் ஆடிப் பாடுவது என மிகவும் கவர்ச்சிகரமாக இடம் பெறுகின்றது.

முன்பு சந்திரிக்கா அரசு காலத்தில் இராணுவ ஆட்சேர்ப்பு விளம்பரங்கள் கேலிக்குரியதாக அமைந்திருக்கும். சிறிலங்காப் படையினர் ஏதும் கால்பந்து, கரப்பந்து விளையாடுவார்கள். அப்போது அப்பகுதியால் 3 பெண்கள் வெக்கத்தோடு இராணுவத்தைப் பார்த்தபடி போவார்கள்( பார்வை ஒரு மாதிரியாகத் தான் இருக்கும்). உடனே அதை இராணுவத்தினரும் பார்த்துச் சிரிக்க, "சிங்கள யுத கமுதாவா" என்று ஒரு விளம்பரம் வரும்.

அதில் என்ன நோக்கம் என்றால் இராணுவத்தில் சேர்ந்து வாழ்வதில் ஒரு வித கஸ்டமும் இல்லை. சந்தோசமாகப் பொழுதைப் போக்கலாம் என்பதே அதன் அர்த்தம். ஆனால் அதை நம்பி இராணுவத்தில் சேர்ந்து,அப்படி வாழ்வு கிடைக்காமல் ஏமாந்து போகின்றவர்களில் பலர் தப்பி ஓடவோ, தற்கொலை செய்யவோ தூண்டப்படுவதுண்டு.

Edited June 25, 200718 yr by தூயவன்

இதுக்குள்ள மகிந்த 50000 பேரைச் சேர்க்கப்போறாராம்,நல்ல தமாஸ்தான் பாருங்கோ

அவர் தெளிவாகத்தான் இருகிறார் கலை நேசன் எதிர்வரும் காலத்தில இன்னும் 20,000 பேர் ஓடப்போகீனம் இதுவரை நடந்த சண்டையில் கடைசி 5000 பேர் களத்தை விட்டு ஒதுக்கபட்டுடீனம் கொல்லப்பட்டவர்கள் அங்கமிழந்தவர்கள் என இனி மகிந்தவுக்கும் அவரது குடும்பத்துக்கும் பாத்காப்புகென ஒரு 5000 தேவை ராணுவ வலிமையை சமன் படுத்த நினைகிறார்களே அன்றி அதிகரிக்க முயலவில்லை :P

சிறிலங்காவில் 2 வருடங்களில் 10,000-க்கும் மேற்பட்ட இராணுவத்தினர் தப்பியோட்டம்..

தப்பி ஓடியவர்கள் எல்லாரும் சேர்ந்து புதிய அரசியல் கட்சி ஒன்றை ஆரம்பிக்கப்போவதாய் கேள்வி...

சண்டை என்று வந்தால் மகிந்தவே ஓடிவிடுவார், இவர்கள் ஓடுவது பெரிய விசயமா!

Edited June 25, 200718 yr by முனிவர்

சரி ஆமியை சேர்க்கிற்றது இருக்கட்டும் சேர்க்கிறவைக்கு வருட சம்பளம் என்ன எண்டு சொல்லீட்டினமோ...?????

சாகிறவை, காயப்படுகிறவை, எல்லாருக்கும் குடுக்கிற சன்மான மொத்த தொகை என்ன..??? இல்லை வழமை போல காணாமல் போனோர் பட்டியலிலை சாகிற்றவையை போட்டு விட்டு குடும்பத்துக்கு சம்பளம் மட்டும் அனுப்பி வைப்பினமோ..???

இராணுவத்திலிருந்து தப்பியோடுவது குற்றமாகும்.

இரண்டு வருடத்தில் 10 000 பேர் தப்பியோடியுள்ளார்கள் என்றால் அது மிகப் பெரிய எண்ணிக்கை.

இவர்கள் எல்லோரும் வெளிநாட்டுக்கும் தப்பிப் போயிருக்க வாய்ப்பில்லை. அப்படியானால் அரசாங்கத்திற்கு இவர்களைத் தேடிப்பிடிப்பதில் என்ன சிக்கல் ? அப்படி ஒரு முயற்சியை அவர்கள் மேற்கொண்டதாகவும் தெரியவில்லை.

இறைவன் கூறியதுபோல இவர்களில் பலர் இறந்திருப்பதால் காணாமற்போன இராணுவத்தைத் தேடுவதாலோ அல்லது இவர்கள் பற்றிய விசாரணைகளை மேற்கொள்வதாலோ பல உண்மைகள் வெளிவர வாய்ப்புண்டு.