முல்லைத்தீவு- கிளிநொச்சியைக் கைப்பற்றும் யுத்தத்துக்கு ஆதரவளிப்போம்: ஐ.தே.க

முல்லைத்தீவு மற்றும் கிளிநொச்சியைக் கைப்பற்ற மகிந்த ராஜபக்ச அரசாங்கம் யுத்தம் நடத்தினால் ஆதரவளிப்போம் என்று ஐக்கிய தேசியக் கட்சி அறிவித்துள்ளது.

கொழும்பில் இன்று திங்கட்கிழமை ஊடகவியலாளர்களிடம் பேசிய ஐக்கிய தேசியக் கட்சியின் லக்ஸ்மன் கிரியெல்ல கூறியதாவது:

சிறார்களின் வாழ்க்கையை ஏலத்திலே விட்டுவிட்டு கேளிக்கைக்காக குடும்பிமலை (தொப்பிக்கல) யுத்தத்தை மகிந்த அரசாங்கம் நடத்துகிறது.

குடும்பிமலை யுத்தத்தை ஊடக கேளிக்கைகளுக்காக அரசாங்கம் முக்கியத்துவப்படுத்துகிறது. இதே பகுதியை 1992 ஆம் ஆண்டு ஏப்ரல் 28 ஆம் நாள் அரசாங்கம் ஆக்கிரமித்திருந்தது.

கிழக்கு மாகாணம் என்பது தமிழ், முஸ்லிம், சிங்கள மக்கள் சமமாக வாழும் பகுதி. விடுதலைப் புலிகளால் அங்கு அதிகாரத்தைக் கைப்பற்ற முடியாது. எந்த நேரத்திலும் கிழக்கின் அதிகாரத்தை இராணுவம் கைப்பற்றலாம். அதே நேரத்தில் இரணுவம் அங்கு நிற்க முடியாது. ஆனால் முல்லைத்தீவு, கிளிநொச்சியைக் கைப்பற்றலாம். அதற்காக முழு ஒத்துழைப்பையும் ஐக்கிய தேசியக் கட்சி அளிக்கும். யாழ்ப்பாணத்தை கைப்பற்றியபோது ஐக்கிய தேசியக் கட்சி பாராட்டியது.

1992-1994அம் ஆண்டுகாலப் பகுதியில் ஐக்கிய தேசியக் கட்சியின் ஆட்சிக்காலத்தில் கிழக்கில் பாரிய மனித உரிமை மீறல்கள் இருந்தது இல்லை. 3 இலட்சம் மக்களும் இடம்பெயர்ந்ததும் இல்லை.

யுத்தத்தை நிறுத்த வேண்டும் என்றோ பயங்கரவாதத்துக்கு எதிராகவோ அனைத்துலக சமூகம் ஒருபோதும் கருத்து தெரிவிக்க வில்லை. மாறாக மனித உரிமைகள் பற்றியே பேசுகிறது என்றார் அவர்.

-Puthinam-

வன்னி நிலப்பரப்பைக் விரைவில் கைப்பற்ற வேண்டும்: ஜக்கிய தேசியக் கட்சி.

ஸ்ரீலங்கா இராணுவம் வன்னி பெரு நிலப்பரப்பையும் கைப்பற்ற வேண்டும் என ஐக்கிய தேசிய கட்சி வாழ்த்து தெரிவித்துள்ளது.

கொழும்பில் இன்று நடைபெற்ற செய்தியாளர் சந்திப்பில் கருத்து வெளியிட்ட ஐக்கிய தேசிய கட்சியின் நாடாளுமன்ற உறுப்பினர் லக்ஸ்மன் கிரியல்ல இந்த கருத்தை வெளியிட்டுள்ளார்.

கிழக்கை மட்டுமன்றி கிளிநொச்சி முல்லைத் தீவு ஆகிய வற்றையும் படையினர் விரைவில் கைப்பற்ற வேண்டும் என்பதே தமது எதிர்பார்ப்பு என்றும் அவர் குறிப்பிட்டுள்ளார்.

விடுதலைப் புலிகளுக்கு எதிராக அரசாங்கம் மேற்கொள்ளும் படை நடவடிக்கைகளை கைவிடுமாறு அனைத்துலகம் ஒருபோதும் கோரிக்கை விடுக்கவில்லை என்றும் எனினும் மனித உரிமை மீறல்களில் ஈடுபட வேண்டாம் என்றே அனைத்துலக சமூகம் அரசாங்கத்தை வலியுறுத்துவதாகவும் ஐக்கிய தேசிய கட்சியின் ஊடகப் பேச்சாளர் ல்கஸ்மன் கிரியல்ல மேலும் தெரிவித்துள்ளார்.

குடும்பி மலையை கைப்பற்றும் படை நடவடிக்கை குறித்து அரசாங்கம் அதிக அக்கறை கொண்டுள்ளதாகவும் ஆனால் ஏற்கனவே 1992ம் ஆண்டு ஏப்பிரல் மாதம் 28ம் திகதி ஸ்ரீலங்கா இராணுவம் அந்த பகுதியை கைப்பற்றியதற்கான ஆதாரம் தன்னிடம் இருப்பதாகவும் அவர் குறிப்பிட்டுள்ளார்.

குடும்பிமலையை கைப்பற்றி அதனை மிகப்பெரும் இராணுவ வெற்றியாக கொண்டாட அரசாங்கம் நடவடிக்கை எடுத்து வருவதாகவும் எனினும் அந்த பகுதி ஏற்கனவே படையினரின் கட்டுப்பாட்டில் இருந்தமைக்கான ஆதாரங்களை தான் வெளிப்படுத்துவதாக தெரிவித்த லக்ஸ்மன் கிரியல் படை அதிகாரிகளின் ஒப்பங்களுடன் கூடிய ஆவணம் ஒன்றையும் ஊடகவியலாளர்களிடம் காண்பித்துள்ளார்.

அந்த ஆவணத்தில் ஸ்ரீலங்கா இராணுவத்தின் சிங்க படைப்பிரிவின் கட்டுப்பாட்டில் இருந்த குடும்பி மலை பிரதேசத்தின் கட்டப்பாட்டை ஆறாவது இலகு காலாட் படைப்பிரிவிற்கு வழங்குவதாக சிங்க படைப்பிரிவின் கட்டளை தபதியாக இருந்த லெப்ரினற் கேணல் கந்தரகம் என்பவர் கையொபப்பம் இட்டுள்ளார்.

ஏற்கனவே படையினரின் கட்டுப்பாட்டில் இருந்து பகுதியை மீளவும் கைப்பற்றும் நடவடிக்கைக்கு ஸ்ரீலங்கா அரசாங்கம் ஏன் இத்தனை முக்கியத்துவம் கொடுக்க வேண்டும் என்றும் அவர் கேள்வி எழுப்பியுள்ளார்.

-Pathivu-

வன்னிப்பெருநிலப்பரப்பைக் கைப்பற்றுவதென்பது போரின் முற்றுப் புள்ளியா?

மகிந்தருடைய இராணுவம் அடி வாங்குவதில் ஐதேக க்கு அப்படி ஒரு விருப்பம். :P

முல்லைத்தீவு, கிளிநொச்சியைக் கைப்பற்றும் யுத்தத்துக்கு ஆதரவு என்கிறது - ஜ.தே.க, பிறகு கைப்பற்றப் போய் நல்லாய் புலிகளிடம் இராணுவம் அடிவாங்கும் போது வேறு விதமாக ஜ.தே.க கதைக்கும்.

ஆட்சியில் இருந்த போது அள்ளி சுறுட்டிய காசுகளை எல்லாம் கிளிநொச்சியை பிடிக்கும் நடவடிக்கைக்கு ஐதேக குடுக்கும் எண்டு நம்பலாமா..???